رابطة امهات اغسطس

صباح الخير يالبطووووووووووووووووط

كل وحده ميوده كرشتها وراقده وانا الوحيده الي مداومه

شو هالكسل ليش محد يدخل ولا يصبح ،،، طمنونا شو اخباركم شو تطوراتكم فالحمل

انا بصراحة ماسرت العيادة لان بطني الحد لله خف واستويت ابخير وان شاء الله مايكون له آثار جانبية


fashion girl والله احتمال اكون شايفتنج :cool2:


انزين يا بنات انا وزني مب طايع يزييييييييييييييد بالعكس انا اشوفة ينزل مايزيد


ام احمد 25 سلامات ماتشوفين شر اختي وقد ماتقدرين ريحي عمرج


يالله يا بنات عن الكسل اترياكم

مرحبا بنات

همبايه الصراحه الله يعينج...ما اتخيل اداوم وانا حامل

الحمدلله بعد ما استقلت بشهر حملت ..كان الله كان رايد :)

هلا والله بالحوامل ....
همباية شحالج اختي ... والحمدلله على سلامتج ... الله يعينج والله حمل وتعب ودوام .....
اخر اخباري ... اليوم كان عندي موعد التراساوند ... الحمدلله البيبي بخير فدييييييييييييييت روحه شفته يمص صبعه ... وااااااااااااااااااااااااااااااااااااااااي
بس للاسف ما قدرت الدكتورة تعرف الجنس .... مع انها مسكينة تمت ساعة كاملة والله وهي تحاول ... بس شكله عنيد ما يبا يراوينا ... اقولها يمكن بنت ومستحية .. بس للاسف قالت مافي شي يثبت انه ولد ولا بنت ...
يالله الحمدلله انه الجنين بخير .. ولد ولا بنت حلوين.... اهم شي الصحة والعافية
اسمحولي عاد طولت عليكم ... بس انا وايد مستانسة ....:shy::smile:

الف مبروك sallami

شعور رائع ما ينوصف :) انا عطوني صورته و هو يمص صبعه :)

الله يتمم لنا الشهور اليايه على خير

قوليلي انتي ساكنه في امريكا؟؟

الله يبارك فيج اختي ... هيه والله شعور ما ينوصف... حتى انا عطوني صورته ... مع ان الشكل يخوف خخخخخخخخ بس هيكل بس وناسة ...
هيه الغالية انا في امريكا .... وان شاءالله عقب ما اربي برد البلاد ... الله يسهل

صباح الخير
شخباركم بنات
انا بعد يا همباية اداوم ويا كره الدوام وانتي حامل
الحين حتى ايام الاجازات اقعد مبجر

سلامي انا بعد كان قالب روحه وكان اوضح شي فيه العمود الفقري

السلام عليكم يا بنات ....
ام احمد 25 .. أنا نفسج بالضبط اوضح شي كان العمود الفقري ..... كان في خاطري اعرف الجنس ... بس الظاهر من احينه طالع عنيد .. الله يعين ههههههههههه

وين باقي البنات .... مالكن حس .... نبا نعرف اخر التطورات ...

سلام بنات
ماعرف شو سالفتي هاليومين..

يوم اتريق الصبح على طول ارجع..مع انه هالشي ما كان يصيبني ايام الوحام!!!!؟؟

انجل ايز ... الله يعينج اختي ... انا اول ما دخلت الخامس تقريبا 10 ايام كنت جيه ... بس مش بس الصبح كنت ارجع اي وقت .... بس الحمدلله احينه راحت عني هاي الحالة ... الظاهر البيبي ما عيبه الريوق ... هههههههه

صباح الخير عالحلوين الي نايمين فالعسل والي مثلي رايحين للعمل

شخباااااااااااااااااااااااااااااااااركم كلكم



sallami

بصراحة عشت الاجواء وتخيلت ولدي الي يمص صبعة يا سلام

انا اتريا دكتورتي ترد من المؤتمر وبسير إلها للمرة الثالثة في هالشهر الرابع وان شاء الله ان شاااااء الله يبين اذا بنت ولا ولد هالمره لاني صدق طفرت كل مرة اسير وكلي حماس واطلع من عندها اكسر الخاطر والله


angel eyes

هاي ضريبة الامومة يا حلوه ،، انا ربيعتي لين قبل لا تربي خلاص وبعدها ترجع



انزين بسالكم شو الفيتامينات الي تاكلونها فالرابع والخامس؟؟؟

وبعدكم مستمرين عالفولك اسد ولا خلاص ودرتوووه؟؟؟

لان انا آكل بس حبه وحده الي هي ملتي فيتامين وبس

وبعدين احس جسمي ماتغير نفس ما انا بس شوية كرشة يعني مامتنت موووول بالعكس الي نزلته ايام الوحام لين احين ما قدرت اعوضة ،، فهل هذا طبيعي ،، مع ان اكلي عادي

السلام عليكم ورحمه الله وبركاته

شخباركم عساكم بخير

اسمحولي من فتره ما شاركت وياكم تعرفون الحمل وتعبه ومن غير العيال وطلباتهم الي ما توقف

هاااااااااااااا في احد شاف جنس البيبي

وتحرك البيبي في بطنكم ولا بعده انا يالس يدغدغني شكله بيطلع كسووووووووووووووووول

همبايه

انا بعدني اخذ حبوب الفولك اسيد مع كالسيوم مع حديد لان دميييييييييييييييييييي نازل وايد واخذه ثلاث مرات باليوم

هلا والله بالبنات ...
صباحج ورد همباية .... حليلهن والله العاملات ..خخخخخخخ
اقول مش تو الناس على انج اتعرفين جنس البيبي .... اصبري لين الاسبوع ال18 وا ن شاءالله بتشوفين الجنس هذا اذا ما عاند البيبي مثل ما استوابي....
عن الفيتامينات ... أنا اخذ معاها حبوب كالسيوم وحديد.... وبسسسسسسسس
ولا تحاتين الوزن ... انا لين احينه ما زدت شي على وزني مع ان الوحام ضعفني من الخاطر .... استوى وزني 38 واحينه زدت 2 باوند بسسسسس... بس يقولون من الخامس وفوق بيزيد وزنج ... لاحقة على المتن :dd:

هلا فيج اختي ميرة صغيرة ... مسموحة الغالية بس عاد لا تبطين علينا مرة ثانية .... والله يعينج على العيال وطلباتهم

هلا حواااااااااااااااااااااااااامل اغسطس

والله ااناا كرشتي كبرت ... و احس ساعات بالم في المبيض الايمن و يوم سرت اجيك قالت لي الدكتوره لان ريل البيبي في الصوب الايمن.. و حضرته طايح فيني ترفيييييس

و الله لا يراويكم الكوابيس الي اتيني .. والله اصييييح و اكتئب..

و الي محلي الموضوع ..!!! طلع لي ضرس العقل !!! و ملتهب بعد .. يااااااااااااااااسلاااااااااااااااااام

صباح الخير يا امهات

والله يكون في عونكم كلكم


انا بس حبيت اصبح عليكم ،، واتطمن على اخباركم ،، واشوف منو واعي ومنو الي رااااااااقد

هلا بنات

شو محد موجود؟؟

انا هاليومين اتني حاله اكتئاب شديده...ومن امس احس بضيجه في صدري و مب رايمه اتنفس عدل..:(

امس سويت مساج لظهري و كتفي وذراعيي و ريولي وراسي
كان مساج روووووووووعه

انصحكم تسوون مساجات ترا وايد تريح...لكن خبري اللي بتسويلج انج حامل عشان تراعي...و ما تدق الاعصاب اللي ممكن تأثر عالبيبي

كيفكم جميعا ان شالله بخير

اخيرا شفت البيبي باللاترساوند والحمدلله اخذت صورة لوجهه وكل شوي اطالع فيه وابوسه
على طاري المساج angel eyes انا كل يومين ثلاثه او لما احس الم بظهري زوجي ماشالله عليه مايقصر يسويلي على طول مساج عنده خبره عشانه رياضي ويحتاجله كثير طبعا بزيت زيتون وانام بدون مكيف اصحى والا فيني الا العافيه هذا اذ كان الم جامد لو خفيف بعد المساج على طول ارتاح ما احس باي الم

ياله هاذي اخباري وعطوني باقي اخباركم

مرحبا حبيباتي

انا الحمد الله واخيرا عرفت جنس البيبي و الحمد الله انها طلعت بنوته
و يوم السبت الي طاف طبعا كان عندي موعد فالمستشفى و الدكتوره
تمت تحاول انها تشوف حركة البيبي ( شكلها بتطلع عنيده ) لانها ما طاعت
تتحرك و بس من طلعت من المستشفى بدت تتحرك فدييييييييييتها

و هذه اخباري لين اليوم و ان شاء الله اي تتطور اكيد بتكونون اول ناس تعرفون بكل يديد

هلا بنات..صبح الخير

بس حبيت اصبح عليكم
مادري متى بيخف عني الغثيان؟؟ والله تعبت...

مب بس جيه...



حاسه اني كارهه ريلي .......زمادري ليش...اي شي يسويه يضايجني على طول...وعلى طول دموعي تنزل...حتى لو كان شي عادي

[color=#CC6699][color=#CC6699][color=#CC9999]
شحالكم يا امهات

اقووول angel eyes انا الحالة الي تقولين عنها يتني اول ثلاث اشهر ولين بداية الرابع بدت اتخف ،، انت يمكن غير الوحام بادي عندج على اقساط ،، فا الله يكون في عونج ،، وسالفة الريل هاي مالها علاج غير انه يكون متفهم ويقدر حالتج

انا صدق عانيت من هالموضوع وكانت حياتي كلها دموع في دموع

والحمد لله عدت


انزين يا بنات ،، انا بين فتره وفتره احس بشي في بطني بس ما اعرف هل هو البيبي ولا غازات لان الحركة خفيفه نفس رفة العين وبس يسكت ،، منو استوالها مثلي؟؟؟؟؟؟[/color][/color][/color]

هلا همباية الحركه هاذي اتوقع للبيبي لاني احس قبل لا يرفس بقوة احس بحركه بسيطه كانه مويه تتحرك ببطني وبعدها على طول احس برفساته