رابطة امهات اغسطس

السلام عليكم خواتي

شحالكم كلكم ،، بصراحة اتولهت عليكم وايد وايد


وحبيبتي فاشون جير شو ياج ،، ماتشوفين شر الغالية لا انت ولا البيبي وان شاء الله بترديلنا بالسلامة مع اخبار حلوة ،، بس قوي قلبج واستمري فالدعاء وانا وكل خواتج فالمنتدى بندعيلج بظهر الغيب عسى الله يردج سالمة ويقر عينج بشوفة ولدج سالم معافى آمين يا رب

مرحبا بنات

وينكم

ليش هالكسل

تعالو وخبرونا شو تشريتو وشو جهزتو للبيبي

ومن وين

والسرير من وين ناوين تاخذونة


انا بصراحة استغليت فترة التنزيلات في بيبي شوب ومذر كير وتشريت

بس بصراحة احترت ناس قالولي ملابس مذر كير مب شي ومن اول غسلة تتوسع

وناس قالولي ملابس بيبي شوب هي الي مب شي

وبصراحة انا خذت من الاثنين وخذت من دبنهامز وكل مكان اسير له آخذ


وانتو عاد شو سويتو ومن وين خذيتو ولا ناوين تاخذون

يالله اترياكم

مرحبا يا امهات المستقبل

sallami شحالج حبيبتي وشو الكرشة ،، انت شكلج متعقدة مادري اتخيلج استويتي فيلة

الي يسمع يقول انا الي رشيقة والله احس عمري يوم امشي مثل البطريق يمين ويسار وانا ضعيفة والكرة ناقزة جدامي تقولين كنغر ،،، والله مستوي شكلي يضحك

وبعدين بغيت اسالكم شو نوع قمصان النوم الي تنلبس فالمستشفى ومن وين؟؟؟

انا وحده ماسويت شي حق عمري نهائياً ،، وما اعرف من وين ابدا يعني مثلا شو البس فالمستشفى وفي البيت ويوم حد بيزورني

وشو بعد ممكن اسوي حركات للتوزيع فالمستشفى والبيت

متفيجة انا صح

بس اليوم سمعت البنات يرمسون فالدوام وحسيت اني مامسوية شي موووول

وبعدين بالنسبة للقماطات ولبس البيبي شي حريم يسون فالبيت ،، منو جربت وحده يكون شغلها راقي وحلو

انا بصراحة مافكرة في هالموضوع وخذت كل شي جاهز ،،قلت هاي سوالف مال اول ومحد يسويها الحين ، بس الظاهر انهم طوروها

فالي تعرف حد مجرب تخبرنا


:shy:

بنات طمنوني

من فترة وانا احس بالم وثجل فالمثانة وانا مطنشه الموضوع لين زاد علي فسرت عند الدكتورة وقالت لي ان المشيمة نازلة ،، انا توني داخلة السابع ،، وعطتني اجازة وقالت لي مول لا تتحركين وان شاء الله بترد مكانها ،،، وانا مشيت على كلامها بس ما احس باي تغير بالعكس اليوم مثلا ابدا ما تحركت واحس بثجل فضيع وحراره كان شي بيطلع ،، نفس الم الدوره

والله خايفه ومب عارفة شو اسوي

طمنوني منو مرت بنفس حالتي وشو سوت بما انكم مجدميني بشهر

والله يسهل علينا كلنا يا رب