رابطة امهات اغسطس

صباح الخير يا حوامل...

الله يسهل سلامي...

ميمو..الله يشفيلكم الوالد امين

السلام عليكم

شحالكم بطات شخبار الحمل انشالله كلكم بخير

هلا اختي انجل ايز ولا ما يندرا اسمج صح جي ولا لا المهم علومج ومشكوره حبيبتي على الرد
بالنسبه للطلق انا مجربه مرتين وبقولج كيف بس حتى لو شرحت لج حطي في بالج اهم شي
انه مع التجربه غير لان على حسب طبيعه كل وحده واحتمالها للعوار
المهم ومو شرط على كول بطنج يعورج لالا ممكن ينزل عليج ماي ولا دم شوي وبعدين عوار

بس طريقه العوار اول شي اتحسين بعور خفيف فبطنج وظهرج ويبداء يزيد بالتدرج
والوقت بين كل طلقه والطلقه الثانيه لو تحسبينها تكون منتظمه يعني كل ما قل الوقت
بين كل طلقه وطلقه زاد العوار

مثال يعني يج عوار ثواني وبعدين يروح ولا كان في شي لمده عشر دقايق وبعدين يرجع
لين ما يخف الوقت ل 9 دقايق وبعدين ثمان وبعدين 5 و3 ودقيقتين اهني يكون العوار قوي
والله يعينج وتقريبا خلاص الرحم واصل ل6 او سبعه انج لما تقل المده انا عن نفسي كنت انسى العالم الي حولي ما ادري كيف اصف لج بس يكون متمركز باسفل الظر كان البيبي بيطلع من ورا
بس تمر بسرعه لا تحاتين كل شي يهون من ما يطلع البيبي ولا كان في شي ولا كان بطنج يعورج وكله حلم ويقولون لج حمدالله على السلام مبروك ولد او بنت
وكلوووووووووولوووووووووووش هههههههههههههههه وبس وبعدها من التعب ترقدييييييين
كانج مو نايمه 1000 سنه ههههههههه بس يوم بيجوفج ريلج تدلعي على كيف كيفج
الله حلاته هاللحظات انا ريلي كان يصيح لما كنت اتويع بس بس خلاص ما بحرق عليج
الفلم الهندي الي بتسوينه بالمستشفى هههههههههههههه خبرينا عاد شو بيصير معاج
شعور غريب بس والله انه جميل على كثر التعب


هاي سلامي كيفك منيحه هههههههه عساج على القوه حبيبتي


هلا وغلا رووووومي شحلج الغاليه ادعيلي لربي طبيعي يارب

ام احمد هلا شحالج احس ما يخصه لان انا الاسبوع الي طاف جاسني مغص واسهال
بعد ونا بعدني بالاسبوع الثالث بالثامن الله يسهل عليج


هلا ميمو العسووووووووووله هي والله صدقج بس انا ما عندي مشاكل بالرحم
اييني الطلق والعوار ويفتح عندي الرحم الحمدالله المشكله بالجنين وقلبه وضعفه بس
ياااااااااااارب ينزل طبيعي هالمره ادعلي وما عليج من الباجي

ام عزيز هلا شحالج الصراحه انا بكتب لج الاشيا الضروريه والي اكيد بتكونين بحاجه لهم بلمستشفى ( اولا نبدا باغراضج ***
#يبالج 2 او 3 جلابيات لبعد الولاده ويعتمد اذا قيصري اكثر لان بطولين شوي
والصراحه انا كنت احب البس كل يوم جلابيه كنت اكشخ هههههههه _ شيل مالت البيت انا كنت اخذ
بلون لجلابيات لان خوان ريلي كانو يزوروني وحتى العيايز ما كانو يخلوني بشعري
يقولون لا تخلين راسج مصلع هههههه مو زين مع انه فيني شعر وعلشان ادفا وم اخذ برد

#فرشات ومعجون ومشط وشامبو وصابون لانج اكيد بتسبحين ولا تنسين لفوطه وخذيها الحجم
العادي الصخير مو فوطه عووووووووووده

#ملابس داخليه من 5 الى 6 هافات وكمن ستيان لانج بتبدلين كل شوي ما ادري انت وطبيعتج
بس حليب الصدر يخيس الملابس وبالنسبه للدوره بعد وفوط صحيه لا تنسينهم اذا ما تحبين مالت
المستشفى


بالنسبه للبيبي
# 4او 5 ملابس داخليه قطنيه
# 4 او 5 بدل ولا بيجامات على حسب انت شو ماخذتله وقماط وانا عن نفسي كنت اخذ
للمستشفى طقم وخاصه لول يومين يعني اللبس والقماط والقحفيه نفس الشي او نفس اللون

#برنوص صغير
# حفظات اذا ما تحبيت مالت المستشفى
#بالنسبى للشامبو وصابون الاطفال ما احتجت لهم لان هم بالمستشفى يبدلون ملابسه ويسبحونه كانو ما ادري شو نظام المستشفى عندكم

وبس اما اذا انت حابه اظيفين شي لج ولا للبيبي من عندج
يعني انا كنت احط ماسكرا وجحال وقلوس يعني جي كنت اتعدل قبل موعد الزياره بشوي

وبي اسامي بنات كشخه لا تبخلوووووووووون علي


ام عبدالله

مشكوره يا ام عبدالله وما قصرتي على وصفج الدقيق..:)

الله يسهل عليج...

بالنسبه للاسامي...انا بروحي محتاره..لين الحين ما حصلنا اسامي بنات حلوه...ان شالله البنات يساعدونج :)

هلا والله بالبنات .....
ميمو العسولة ..... الصراحة متحمسة من الخااااااااااااطر ... اريد اربي بسرعة ... اريد اشوف البيبي .... ربي يسهل ان شاءالله علينا كلنا ....
alhelwa6_6
ما شاء الله عليج كفيتي ووفيتي ... ما خليتي شي .... الام الولادة و اغراض الام والبيبي .... عيني عليج باردة ... الصراحة روعتيني ... لهالدرجة الالم فضيع ؟؟؟؟؟؟؟ الله يعين .... وربي يقومج بالسلامة وتربين طبيعي ان شاءالله .... وعن اسامي البنات ... انا عن نفسي احب اسم روضة وهند .. وان شاءالله بسمي بناتي ...
انجلز ايز ....اخبارج اختي ... اشوفج مالج بارظ ... الظاهر الموعد قرب ..يالله كثري المشي ... خخخخخخخخخخخخخخخ

السلام عليكم
شخباركم يا حلوات
ما شاءالله عليج اختيalhelwa6_6
كفيتي ووفيتي والحمدلله طلع الي فيني مب ولادة بس تعذيب نفسي

ام احمد 25
سلامتج اختي من التعذيب النفسي .. وان شاء الله ... ربي العالمين يسهل عليج وعلينا ... لا تحاتين .... بيطلع بيطلع البيبي... وين بيسير يعني؟؟؟؟؟؟؟ خخخخخخخخخخخ

اي والله بيطلع بيطلع
هو الظاهر البارحة خاف من المستشفى والممرضة وقال مب طالع هههههههههههه

تصدقين وانا داشة المستشفى اقول حق روحي هذا شكل وحدة بتولد الظاهر انا بعد من الخوف راح الطلق وقمت امشي عادي

ها ياحبايبي
اهوة فعلا من الزهق مو عارفين وين نكتب هنا وهناك النتيجة وحدة بس واللة انا عارفة هلحالة نبي انضيع الوقت
انا الايام اللي فاتت ماكتبت اي تعليق كنت متضايقة بس واللة كل شوي ادخل اشوفكم اشكاتبين كل ماطوف ساعة ساعتين ادخل وعلي هلحالة ماوراي شي
بس ياللة تجهزوا مابقي شي شدوا حيلكم واللة يعينة علي العوار
عندي سؤال
اتصدقون ان ام العيال اتحس بمعني ان يكون عندها بيبي اكثر من البكرية ايكون فيها شعور الحنان تلقائي موجود صح اما اللي اول بيبي يبيلها وقت لحد ماتحس فية اتحس نفسها اتوهقت ابتلشت كيف ان هلبيبي اهي الي مسؤلة عنة مادري انتوا اشرايكم