رابطة امهات اغسطس

بنات.انا بعد تيني كحه غريبه في الليل بس...يعني تقومني من النوم..كأنه شي لاصق في بلاعيمي...

عندي موعد يوم الاحد عشان يسوونلي الترا ساوند اشوف البيبي كيف..يعني اذا اعضاءه سليمه و مكتمله

همبايه

فيه وايد اماكن تبيع ثياب للحوامل...لاني مثلج اكره الجلاليب...ومستحيل افصل

فيه في مركز برجمان و الشاطئ ومول الامارات محل جيني روز...اشتريت منهم بنطلون جينز...حجيته حج من كثر ما هو مريح :)
و فيه بعد وول وورثس اللي في الستي..عندهم لبس حوامل و اسعاره ارخص عن جني روز..خذت منهم بديات و قمصان
فيه محل في وافي بس ما اعرف اسمه
في مذركير خذت كمن بنطلون في التنزيلات..قبل كان الواحد على 225 و في السيل خذتهم على 50 :)
فيه بعد محل في صحارى

بس بصراحه بين هالمحلات ما لقيت شي كاشخ حق عزيمه مثلا..فاشتريت بونجوات حلوه..(اللي تييج شيفون) تنفع للعزايم

السلام عليكم

انا كنت عند الدكتور امبارح و عملت سونار ثلثي الابعاد

ياااااااااااااه شعور ل يوصف

:cry:



شفت كل تقاطيع وجهها و الصوابع و ال كل شيئ

و كانت بتتحرك كتير جدا

يارب اتمم علينا و عليها نعمتك و تكبر و تكون في اتم صحه...انا و جميع الحوامل

قولو أمييييين

ان شاء ألله المره الجايه هحاول انزل الصور و الفشيديو

لازم لازم تعملوا السونار ده...مره في الشهر الخامس و مره في الثامن...

الله

ربنا يتمم لك على خير حبيبتي sugarcoockie

انا موعدي الاحد القادم...

ما تتخيلون لاي درجه متشوقه :)

هلا فيكم يا حلوات
اي والله يا سلامي ولادتنا مع بعض الله يسهل علينا
انا ما قدرت هالمرة اعرف جنس الجنين كان معطني ظهره ولا راضي يتعدل يعني اصبر لمتى ؟؟
امي ما ترضى اسوي التراساوند كثير تقول مب زين بس انا ما اقدر انطر للشهر الثامن علشان اعرف شنو فيني

انجل آيز هذي الكحة شكلها من البلغم يلوع جبدي

sugarcoockie
عليج بالعافية الله يتمم لك على خير انا جنيني بعد كان يتحرك وايد بس توه الحين يرفس عاد يقول لي انا موجود
لكن ابغيه يتحرك وايد يرفسني شلون شنو آكل؟؟؟

السلام عليكم يا حوامل ... شحالكن؟
sugarcoockie
تستاهلين اختي ... وعسى ربي يتمم عليج وعلينا ان شاءالله انا موعدي الاربعاء الياي وماااااااااااااااااااااااااا عندي صبر بالمرة .... خاطري اعرف شو جنس البيبي..
اختي ام احمد ...
ان شاءالله المرة الياية تشوفين جنسه .. واهم شي طبعا الصحة والعافية ... ربي يتمم عليج يا رب .... وينولج اللي في خاطرج .. وترى الالتراساوند ان شاءالله ماله ضرر ... والله اعلم

هلا والله

يا بنات في حد من الامارات ( الشارقة) و يعرف مستشفى يسووون فيه الاشعه الرباعيه (4 دي)

انا اتعالج في الزهراء و ماظني عندهم ... انا بسال دكتورتي عقب...

المهم الي يعرف منكم مكان معروف يخبرني بلييييييييييز... خاطري اجوف البيبي كيف شكله

مرحبا بنات

وينكم..كلكم مختفيات...

اليوم رحت موعدي و شفت البيبي :)

حبييييبي...شفت ويهه و بوزه و خشمه ...وكان يمص صبعه..ماشاء الله

بس للاسف ما عرفت الجنس لان زوجي حلفني ما اعرف..

الف مبروك اختي .. وعقبالي ان شاءالله ... انا عطوني موعد يوم الاربعاء حق الالتراساوند ... ابا الا يام تركض عسب اشوفه واعرف شو جنسه....
ربي يتمم علينا ويرزقنا عيال صالحين وصاحيين ياااااااااااااااااااا رب

angel eyes مبروووووك
sallami اي والله الله يعدي الايام هوا انا كمان موعدي الاربعاء

لحقوني يا بنات

انا تسممت ،، بعيد الشر عنكم

وتعبت وتبهدلت وايد بس ماسرت المستشفى لان ريلي سار وعطوه ابره وادوية وايد تسهل فانا خفت يعطوني انا المسهل ويطلع الي في بطني كله ،، بصراحة خفت عالبيبي ،، وعالجة عمري بروحي في البيت بس بعده الالم في بطني ماخاز قولولي شو اسوي


يحليلي مالحقت افرح بثياب الحمل الي شريتهم ،،، ومشكورين البنات الي ردو علي ،، وانا خذيت من مذر كير وول ورث بس تغصصت يوم عرفة ان البنطلون كان بـ50 فالتنزيلات لاني خذيته بميتين وشي ما اذكر كم بس حراااااااااااااااااااااام


اختي دوده81 و sallami انتو ما شاء الله فالشهر الخامس ولين احين ماعرفتو جنس البيبي؟؟؟؟؟ ليش؟؟؟؟؟ مب انتو قلتو انه يبين في نهاية الرابع؟؟؟؟ يعني انا لازم اتريا لين ادخل الخامس :eek2:

الغالية همباية


احسن شي تشوفين دكتورة



ما تهملين عمرج

fashion girl انا بعد ملفي فالزهرا وان شاء الله بربي عندهم

انزين انت عند اي دكتورة تراجعين :cool2: فديت لقافتي ،، انا اراجع عند د.اميرة


وبعدين يا بنات شو سالفة هالتصوير الرباعي؟؟؟؟؟ يعني ماله اضرار عالبيبي نهائيا؟؟؟؟ ومتى يسوونه؟؟؟ واذا اوكية ومافيه ضرر انا بعد بسوية بس وين؟؟؟ ابا مكان مضمون ويستحسن فالشارجة

اختي ريم81

انا يوم بسير البيت ان شاء الله بتغدا عيش وروب واذا بعد تم يعورني بفكر اسير

لان والله اخاف انا حتى البندول الي هي اامن حبه آكلها بالموت يوم اوصل حدي خلاص فبعدني بستحمل

والله كريم

ومشكورة على نصيحتج

هلا همبااااايه

انا اتعالج عن دكتوره شما نواااااز .... يمكن نحن جايفين بعض في المستشفى هههههههههههههههه

انا امس سرت عند دكتوره اوراس عشان اتاكد اكثر من جنس البيبي و فديته طلع بخير مافيه شي و خبرتني جنس الجنين

يا حوامل نصيحه سيروا عندها .. تخبرج شو جنس الجنين و يطلع صح ... كل حد يمدحهااااا

اهلا امهات اغسطس ..:)

قولوللي كم زاد وزنكم لين الحين؟؟؟ بصراحه انا وايد احاتي هالسالفه ...المفروض الوحده تزيد من 10ل 15 كيلو طول فتره الحمل...
بس انا شكلي بزيد اكثر...:(
لين الحين زدت 7 كيلو...الدكتوره تقول طبيعي جدا...بس انا خايفه ازيد وايد مع اني مب شرهه في الاكل و شهيتي عاديه...

الف سلامات همبايه..بس سيري الدكتوره احسنلج لاني توني قاريه في كتاب للحمل شريته من كمن يوم (ماذا تتوقعين حين تكونين حاملا) ان التسمم خطر عالحامل...ولازم تراجع الطبيبه لانج ما تردرين نوع الفايرس او البكتيريا اللي صابتج...يمكن لا سمح الله تكون مب زينه للبيبي...وحتى الاسهال خطر على الحامل...ومبروك على ملابس الحمل


وعلى فكره يا بنات..ترا هالكتاب واااااااااااايد مفيد...عندي 2 غيره واحد بالعربي وواحد انجليزي...بس هالكتاب بالفعل يرد على كل استفساراتج...كانهم يقرون اللي في بالي :)


محد يا بنات يراجع في الامريكي؟؟؟؟؟؟؟

[grade="FF1493 800080 FF1493"]

هلا اختي همباية عرفت جنس البيبي من الاسبوع الـ14 وكم يوم والحمدلله طلع ولد اقلها اضمن ماراح يقولي زوجي احملي ثاني على طول لانه مايبي غير طفلين بس سواءولد او بنت بس اقلها بعد ثلاث سنين ابدا افكر احمل ثاني يكون ارتحت ولدي اخذ حقه من الدلع وجسمي اكون حافظت عليه<<<<<<<< طولتها وهي قصيرة
ابغى اسوي الالتراساوند عشان اشوف ملامحه واطمئن على صحته تعرفين فيني لهفه لشوفته خصوصا اول طفل

angel eyes وزني زاد لين دحين 6ك وتقولي الدكتورة اتغذي زين واعطتني فيتامينات بس ما اخذتها اعوض بالفواكه[/grade]

هلا خواتي شحالكن ...
اختي همباية ما تشوفين شر اختي .. بس عسب تتطمنين اكثر سيري المستشفى ... وان شاء الله ما عليج شر
وبالنسبة اللاتراساوند . أن شاءالله بسير يوم الاربعاء .... واذا وضعية البيبي كانت اوكي ان شاءالله بيقولون لي جنسه ... وتقدرين اتعرفين الجنس قبل ما تدخلين الخامس يعني اواخر الرابع ... بس يقولج اوضح شي من الاسبوع ال18 لين 22 ...
وطمنينا عليج الغالية

سلام شخباركم حبيباتي
تدرون انا من يومين نزل علي نقط دم اسود قليل وظهري كان يألمني ألم الدورة لاني اجهدت نفسي في الشغل
لكن ما رحت المستشفى ورحت امس بس علشان الاجازة
خفت يسوون فيني شي

سلامات ام احمد...ما عليج شر ان شاالله

شوقالولج في المستشفى؟؟ اكيد محتاجه راحه حبيبتي....

الله يسلمج حبيبتي
انا ما خبرتها عن الدم بس قلت لها ظهري يألمني وعطتني راحة يومين وبندول