حوامـــل التاسع .. حياكم نواسي بعض لين الولاده

محد رد علي
كيف اسوي كف مريم؟؟

مرحباااااااا
أخباركم علومكم , قريت كل الردود ، بس مب متذكره الأسماء عشان أرد على كل وحده فيكم .. مالي خلق فيني ألم , وإن شاءالله تكون ولاده ..
حب الامارات ، شكلي بسوي تمرينج ..:up:
شربت كف مريم للحين ماحس بشي :sad:، وتنقعت في ماي دافي .. كلت تمر وشربت ماي زمزم ، بس الألم مازاد ..
مادري هي ولاده وله كالعاده طلق كاذب :down:

الله يعينا ، انا استويت من الحساسيه خلاااااااااااااااااص مليت ..:cry:

مراااااااااااااااحب يا حواااااااااااااامل


اشلونكم عساكم بخير


الله يعيني ويعينكم ويقومنا بالسلامه


انا دكتورتي عطتني موعد 7 / 2/ 2006 اخر موعد لي :smile:


وخاااااايفه حيل ما ادري شنو اللي بيصير كل ما تحرك البيبي قلت يالله سترك


ومن دخلت التاسع جسمي يحكني من هالحساسيه وقبل يومين عوار بفخوذي


وظهري جنه عوار الدوره .. اليوم يوم سالت الدكتوره قالت عادي مو بس فخوذج جسمج كله راح يعورج


<<<<<<<<<<<<<<<< صار فيها احباط :down:


انا خابره الدكتوره تواسي هذي زادت الطين بله



بس عن الحكه عطتني دهان وان شالله اليوم بشتريه واجربه


بسألكم انتوا تصيروووون سمر في حمالتكم



الله لا يوريكم صايره سمره وكلش ولا رقبتي :cry:



انا سمعت اذا بتنامين لا تقلبين في نومتج قومي اقعدي بعدين غيري نومتج


علشان الحبل السري ما يلتف على البيبي


اليوم يوم سألتها قالت من قالج لا عادي تقلبي شهالعباله



والله ما عرفت شسوي بعمري كل ما اسمع شي قالوا لا يقصون عليج سوي العكس



وانا مع الخيل يا شقرا ماادري وين الله قاطني (r)



ادري صدعتوا من هذرتي بس ما عليه استحملوني لين ما اولد :shy:

أنا تعبااااااااااااانه
متى بربي

الله يسهل علييكم كلكم انشالله وشدوا حيلكم ما بقاا شي :up:
بس شجعوا بعظ احسن مو كل وحده تحطم الثانيه
بس الله يستر حدكم خوفتونيي :cry: يعني كل وحده بالتاسسع لازم تتعب :down:
الله يسهل انشالله

مرحبا حواااااااامل

ام خلود بيني وبينج يوم يالله منو اللي بتولد قبل

معاي عور صار لة ثلاثة ايام بس لا يزيد لا يقل

ماادري شسوي :cry::cry::cry:

wardyah11
يله الله يسهل علينا انشاءالله
أنا ييني عوار بي عوار بطني و ظهري ما يجتمعون
مره بطني و مره ظهري
شكلي مطوله

عشق القوافي : ياهلا ومرحبا اختي .. صادتج نفس حالتي ( الحكه ) الله يهدها :qaq:، انا زهقت من عمري ، ماخليت شي إلا وجربته ، بس إن شاءالله تكون حكتج أخف وترتاحين بالكريمات .. وهذي على قولتهم حساسية حمل وبتروح بعد الولاده ..
بالنسبه للون الجلد ، حدث ولاحرج ، اسمرار الرقبه خليه على جنب .. تره عادي كله بيروح عقب .. تحملي شكلج في الحمل :bigsmile:
والنوم صح كلامهم لازم تقومين شوي ، ماعليج من الدكتوره ، مب لازم تقومين وتقعدين بس رفعي جسمج شوي ..
والله يتمم لج على خير ..


مس نوار : قبل كانوا يقولون لي ان الشهر التاسع عن كل شهور الحمل ، ماكنت أصدق ، بس فعلا صار معاي جذي خصوصا مع الحساسيه .. والحين مالوم الي كانت تذبح عمرها وتشرب اشياء بس عشان تفتك لاني قمت أسوي جذي من الزهق ..
الله يعينا بس .. كله بأجره

ورديه11 : انا مثلج معاي الم من ثلاث ايام لايقل ولا يزيد ، حتى شربت ماي ورد وزعفران ، وكف مريم ، ومشيت اليوم ساعه تقريبا في هالبرد بس مافي فايده :sad:

مون مون : هلا حبيبتي ، الله كلنا تعبنا ونبي الولاده اليوم قبل بكره ، :cry:
مالنا إلا الصبر ، يقولون العوار الي فينا البدايه ، وإن شاءالله قريب الولاده ..

شلونكم حوامل انا صارلي اسبوع كل يوم بليل يجيني عوار في اسفل الحوض وحيل يعورني بس يجيني بليل والصبح ما في اي شئ ما ادري شنو هذا ؟

هلا
حنين قطر 2006
شحالج
صدقج الله يعينا
بس عواري كله ييني مع حركة البيبي
مادري اذا كان ها الشي طبيعي ولا لا

بنات خلاص نفسيتي تعبت ابي اولد كل يوم يجيني العوار بلبل ويروح الصبح خلاص ودي ابكي ما فيني صبر وامي تقول لا تسوينها وتولدين ان شاء الله تولدين عقب ما اخلص وكل ما اسمع شذيه نفسيتي تتحطم زياده

هنومه

والله نفس الحال
تعبت و أنا أشرب القرفه و اليانسون و البابونج
و حتى مره شربت كف مريم و كلت عسل
بس ماااااااااااااااااااااااافي فايده
لازق ف بطني
و ما يبي يطلع
اخوي الصغير قام يتصل بس يشوفني برد ولا لا
و لما أرد يقولي ما ربيتي
أقوله لا
يقولي خلاص باي
نفسيتي bad
الله يعينا كلنا

وينكم بطوطات التاسع شكلكم حده حايشكم احباط الحال من بعضه اليوم رحت الدكتور وقالي ان البيبي صغيرون وعالعموم حتي بنتي كانت مولوده صغيره وكان كل الي يشوفني يحسبني حامل بتوام ولما ولدت طلعت نتفه وهالمره بطني بالاصل صغير عيل شلون بيطلع البيبي يلي الله يعين
مون مون امس دخلت علي منتدي عالم حواء وكانت وحده كانت وصفه تقول انها تحمي الطلق وغير شذيه تخفف الم الولاده واهي كوب حليب + ملعقه كبيره دارسين + ملعقه كبيره مسمار + زيت سمسم تغلينهم وتشربينهم بعد ما تدشيت الشهر التاسع ب10 ايام وتشربينها كل اربع ايام وان شاء الله بجربها والله كريم

شوفي المقادير مره ثانيه
كوب حليب سائل- 5ملعقه اعواد قرفه كبيره- 5 اعواد قرنفل (مسمار)- ملعقتينعسل للتحليه -نصف فنجان شاي زيت السمسم تخلط وتغلي لمده دقائق ثم تترك قليلا وتشرب دافئه

هنومه
مشكووووره حبيبتي
الحين بروح أسويلي

هلا والله بكل الحوامل..
أنا موعدي عقب اسبوعين تقريبا واتمنى اربي قبل لأني وايد تعبانه ..
الله يسهل ع الجميع..
دخييييييييييلكم لا تنسوني من دعواتكم.

مرحبا حوامل الشهر التاسع
هذا أول طفل لي إنشالله ربي يسهل علينا أجمعين أنا بديت أمشي اليوم ، وإن شاءالله كل يوم لين ما أولد عطوني موعد في 22/02/2006

هلا حبايبي سوري ادري اني ملقوفه بس كان خاطري اعرف حالتكم قبل الولاده والله تكسرون الخاطر انشاء الله تربووووووووون بسهوله ولاتنسون دعاء الله بفرجها

:cry::cry::cry:
مافي فايده شربت كل شي و بعده البيبي ما يبي يطلع
حتى قلتله بعطيك حلاوه بس اطلع
مب راضي
شو أسوي
أنا تعبت
وااايد تعبانه
ما أقدر أتحرك
آآآآآآآآآآآآآآآآآآآآآآآآآآآآآآآآآآآآه

مرحبا حوامل ، أخباركم ..:shy:
ماشاءالله الصمود واصل حده ، معليش هونوها وتهون ، مالنا إلا الصبر .. مهما سوينا ماراح نولد إلا في اليوم الي مكتوب لنا نولد فيه ..
قررت أنسى وأنتظر ، ولما يزيد الألم لدرجة إني ما أتحمل ، أشيل عمري وأطير على المستشفى ..
تدرون أول أمس جاني ألم استمر 12ساعه ، كل ساعه يجيني وبانتظام ، انا قلت بس خلاص هذا هو ، وماقدرت انام ، وزوجي كل دقيقه يقوم يقولي هااااا !!! أوديج ....؟؟ آقوله لا اصبر لما يصير كل ثلث ساعه <----- متفائله وايد ..:bigsmile:
ماخلصت ال12ساعه إلا !!!!!!!!!!!!!!!!!!!!!!!!!!!!!!!!!!!!!!!!!

( كأن شئ لم يكن ) :sad:رااااااااح الألم بله رجعه ، واليوم كأني حصان قاعده مافيني شي كللللللللللش ..:cry:
والي قالت ان الألم يجيها في الليل ويروح في النهار نفس حالتي ، هاي مب طلق ، يعني يبيلنا 4 ، 5 ايام على الحال لين الولاده ..:think:

مون مون : حبيبتي والله مانتبهت إنج تبين طريقة كف مريم ، بس شكلج سويته وشربتيه هههههه:clap:
انا قالولي حطيه في ماي مغلي نص ساعه وشربيه ، بس انا فوحته ، وانفتحت الورده ، عقب صفيته وحطيت معاه سكر وشربته ..

مثلج يوم شفت شكله انقرفت ..:no: الحين باقي الحبه الثانيه خاشتها حق وقت الطلق الصج ( مب الكاذب) :mad2: