حوامـــل التاسع .. حياكم نواسي بعض لين الولاده

هلا هلا هلا
حنين قطر 2006
شحالج
والله الواحد افتر راسه ما يعرف شو يسوي
يله
بترياه يطلع على راحته
بس أنا سمعت ان في حريم مادري كيف بس يحطون ايدهم على بطن الحامل و ينزلون البيبي في الحوض
هذا صدق؟؟؟؟؟
والله احترت
الله يسهل علي و عليكن انشاءالله

مرحبااا حوامل :shy: أخباركم ..

صباحى : هلا فيج ، ليش مستعجله للحين باقيلج على الولاده ، لتخفاين ، أول شي امشي تراه زين ، امشي اكثر شوي ، وبعدين الحكمه في المشي انج تتعبين ، يعني مب شرط تمشين ساعه او ساعتين ، أهم شي تتعبين ...هذا كلام الدكتور لي ..
وبعدين شربي ماي زمزم واكلي تمر ..
ووقت الطلق طبعا عندج خيارات وايد ، ممكن تشربين كف مريم ، أو ماي ورد وزعفران .. أو خروع ، المهم شي يحمي الطلق ..
وتنقعي في ماي دافي تراه يرخي المنطقه ويسهل الولاده ..

وبالنسبه لوقت الولاده : هذي تمارين لااااااااازم تسوينها وتتعلمينها لأنها تسهل الولاده واااااايد ..


طرق التنفس أثناء الولادة-

الطريقة الأولى: التنفس البطني
عند الاستلقاء على سرير الولادة عليك بالتركيز وفور مجيء الطلقة في المرحلة الأولى من الولادة (مرحلة تمدد عنق الرحم) استخدمي التنفس البطني، أي يرتفع البطن فقط عند الشهيق: ضعي اليدين على وسط أسفل البطن وخذي ببطء نفسًا عميقًا من الأنف وملء البطن -أي يشترك البطن فقط عند التنفس- مع تدليك البطن بالكفين بحركة خفيفة وناعمة من وسط أسفل البطن إلى الجانبين، ثم ازفري الهواء خارجًا من الفم ببطء، مع العودة باليدين إلى المكان الأول، وتكرار هذه الحركة مع التنفس حوالي 10 مرات أثناء الطلقة الواحدة.


الطريقة الثانية: التنفس الصدري

كذلك يمكن استخدام التنفس الصدري في هذه المرحلة أي قبل مرحلة دفع الجنين، على النحو التالي: ضعي اليدين على القفص الصدري تحت الثديين مباشرة وخذي ببطء نفسًا عميقًا وملء الصدر -أي يشترك الصدر فقط عند التنفس- ثم ازفري الهواء خارجًا من الفم ببطء، وتكرار التنفس حوالي 10 مرات أثناء الطلقة الواحدة. ويمكن استعمال هذه الطريقة أيضًا إذا شعرت الحامل بمضايقة في البطن عند استعمال الطريقة الأولى. وبهذا الشكل تتخلصين من الألم.


حبس النفس والدفع
أما في المرحلة الثانية من الولادة (مرحلة الوضع أو الاندفاع) فإن أول خدمة تقدمها الحامل لجنينها ولنفسها أيضًا هي أن تساعده في الخروج والولادة باستخدام تمرين حبس النفس والدفع. ففي مرحلة دفع الجنين وعند مجيء الطلقة: ارفعي الرأس والرجلين وخذي نفسًا عميقًا واحبسيه واضغطي به إلى أسفل تمامًا كما يفعل الشخص المصاب بالإمساك عند التغوط، على أن يكون الضغط إلى أسفل بشكل تدريجي وتصاعدي، وبالإمكان تكرار ذلك مرتين أو ثلاث مرات أثناء الطلقة الواحدة وعليك بالاسترخاء تمامًا إذا ذهبت الطلقة استعدادًا للطلقة التالية، ولكن إياك أن تضغطي هكذا في أي وقت كان قبل مرحلة دفع الجنين.


التنفس السريع والسطحي
عند أول ظهور لرأس الجنين يجب عليك أن تتوقفي فورًا عن الضغط إلى أسفل وعليك باستخدام التنفس السريع والسطحي (اللهاث) بدلاً من ذلك من أجل تفادي التمزق في الفتحة المهبلية خاصة عند البكر: افتحي الفم وارخي الفك وضعي طرف اللسان على الأسنان الأمامية السفلية، ثم نفذي الشهيق والزفير من الفم بصوت مسموع وسطحي (كما يلهث الرياضي بعد الركض الطويل)، حركي أعلى الصدر أثناء هذه العملية مع ترك الأكتاف مسترخية. يمكنك زيادة سرعة التنفس بحيث يصل إلى شهيق أو زفير واحد بالثانية ثم إبطاؤه ثانية. ويمكنك أيضًا استخدام هذه الطريقة للتنفس إذا شعرتِ برغبة في الدفع ولم يكن قد حان وقته بعد

(منقول)
أتمنى تستفيدون منها ..

مون مون : أخبارج وحشتيني ... صج انج طفرانه من قلب هههههههههههه
توج كاتبه بترياه ليما يطلع على راحته
شوي:rolleyes: وله تسألين عن الطريقه الي ينزلون البيبي في الحوض ؟؟!!!

تحملي حبيبتي ، خلج من هالسوالف ، على الأقل انتي الحمدلله الثقل الي مضايقج ، عيل انا شسوي ، النوم ، والثقل والراحه والحكه هم الي مخليني أتمنى الولاده اليوم قبل بكره ..:sad:
صار عندي كابوس اسمه ( طلق ) كل مااحس بالم بسيط ، آقول هانت .. شوي وله يطلع امنان ، وله مغص أو غازات :cry:
ومن أمس أحس بمغص خفيف ، اليوم طلع فيني ( الله يعزكم ) اسهال .. :mad2:والله تعقدت ، انا قلت خلاص بكره بنتي في حضني .. :sad:

الغاليه حنين قطر 2006
والله مزاجي قام يتقلب
أنا نفسي ما أعرف شو أبي و لا شو ؟أسوي
ريلي كل يوم يقولي متى بتربين
و كل ما حد اتصل فيني يقولي ربيتي ولا بعدج
يابولي احباط
و الجو بااااااااااااااااارد
و مافي مجال اني أمشي
كل ما أطلع عشان أمشي أحس الهوى بيطيرني
و ريولي و عضلات الحوض قاموا يعوروني وااااايد
هذا طبعا غير عوار سبع البرمبه
الي كله يرافس
لا
و بعد من ساعه يقولي ريلي
يله ربي عشان نييب الثاني
جان أصرخ
و أقوله حراام انت ما تحس
أنا تعبانه:cry:

حبيبتي مون مون : لاتسمعين حق حد ، شوفي أنا اليوم اربعه قالولي ، انتي للحين شايلته في بطنج وتدورين فيه ؟؟
أصلا باقي على موعدي 13 يوم ، يعني ليش يبونا بسرعه نولد ..
لاحظي إن إحنا الي جايبين حق عمرنا هالشي ، حاطين في بالنا نبي نولد بسرعه .. بس الي فينا شي طبيعي ..
ادري ان الثقل تعب ولوعه ، وبالنسبه لي فوقهم الحكه والحساسيه ، احس استويت ، وغير شكلي ، كل وحده تشوفني تقولي شكلج اليوم بكره ، وآقول ياليت ..
زوجي مايقول شي ، بس أنا آحن ، آقوله بنتك لعوزتني مب راضيه تطلع :)
بس اليوم يقوولي ياليت تولدين بكره لأن يوم زواجنا ..
الله يعينا بس ، يالله هانت ..
واذا عندج ماي زمزم ، ادعي قبل لتشربينه ، عقبها سمي وشربيه ، وادعي في سجودج ، انا كل صلاه ادعي ، وغير لما أكون قاعده ، بس الله مب رايد اني اولد الحين ..
يمكن أخير لي ، ( الخيره فيما اختاره الله ) ..
يالله احنا اهني نواسي بعض ونسلي بعض .. بعد زين في حد تفضفضين له ، بدل ماسندر زوجي بالحنه ههههههههه

سلام يا حلوات يا حوامل...

كيف الثقل والتعب الله يعين؟؟

مشكوره حنين على النصائح بس على الله نتذكرها ..

كل يوم ادعي ان السستر اللي تكون معي وقت الولاده تكون كويسه على الاقل تذكرني وتعلمني وش اسوي..

لاني اعرف نفسي نسايه وخوافه ..

هلا هلا هلا
حنين قطر 2006
مشكووووووره حبيبتي
والله رفعتيلي روحي المعنويه
الله يسهل عليج و يجازيج يا رب

هلا بنات شخباركم
احسن شي بنات تريحون نفسكم في حوض حار اكثر من الدافي شوي مع رياضة التنفس بعد ما تخلصين تبدأين بجلسة القرفصاء

انا من البارحه بديت فيها فهمتو كيف الحركه يعني تكونيين يالسه كأنج اتخمين الارض اوكي
هذي االحركه تنزل البيبي بسرعه في الحوض حاولي تسوين هالحركه عشر مرات

لا تعبين نفسج وتمشين
يوم كنت حامل في بنتي مشيت لين طلعت روحي واخر شي تميت يومين في المستشفى بويعي حتى الدكتوره نازعتني وقالت انتو مجانين ليش تمشون المفروض اتريحون ما تعبون نفسكم

اما البيبي الثاني ما مشيت كنت اسوي هالرياضه مع التنفس وما طولت 5 ساعات وربيت وشربت زعتر وقت الطلق

الله يسهل عليكم يارب

حب الامارات انا وانت معطينا نفس الموعد يلا نشوف منو تولد قبل الله يسهلنا

وانا بصراحه ودي اولد بموعدي بس لما احد يسالني ولدتي ولا بعد او يشوفني ويقولي شكله مبكر علي ولادتك اتضايق واحي ودي ابكي ما ادري ليش واموت لاحد قالي فلانه ولدت يجيني احباط:sad:

هلا هلا هلا
الغاليه حب الإمارات
مشكوووووووووووووووووووووووره ع النصيحه
لأني والله كل يوم أصيح لأني ما أمشي
الجو بارد و مافي مجال للمشي
جزاج الله الف خير
و الله يسهل عليج

هلا هنومه شخبارج انشوف منو اللي بتولد قبل احس انج انتي اللي بتولدين قبلي ما ادري ليش أو يمكن نفس اليوم الله اعلم

على فكره الدكتوره قالت لي لما بتحسين بفراغ تحت منطقة الصدر يعني البيبي نزل وقريب تولدين لكن الفراغ يكون كبير لين فوق السر بشوي .

طنشي كل اللي يحبطونج وقوليلهم متى ما الله رايد بيطلع .

هلا ام خالد شخبارج ما بقى شي وبتولدين ان شاء الله ايام والبيبي في حضنج قولي امين

لا تنسين تدعيلنا

الله يسهل عليج وعللينا يا رب

حبيبتي
حب الامارات
آآآآآآآآآآآآآآآآآمين
الله يسمع منج
و بدعي ان الله يسهل على كل حامل انشاءالله

الله يسع منك حب الامارات بس انا بطني حيل صاعده فوق وما في فراغ مثل ما تقولين بس حاسه ان البيبي يضغط حيل علي الحوض ويعورني وايد الله يسهل علينا يارب ونولد بسرعه لاني مليت خلاص من التعب

اختي حنين قطر 2006 الف الف الف شكر على النصيحة الي عطيتيني

وانا بعد صار عندي عقدة ودي اولد اليوم قبل بكرة!! كل من شافني قال ويييييه بعدك ماولدتي؟؟؟

بس فعلا حاسة البيبي نزل كثير وقبل يومين كان عندي الم فضييييييع في ظهري وبطني انا حسبت انه طلق واستمر معاي طول الليل وثاني يوم ولا كان في شي طبيعي جدا والبيبي ماشاء الله تبارك الله يرفس عادي جدا!!

بس بنات انا سامعة ان التمر ياكلونة بعد الولادة وانتم تقولون قبل الولاده لييييييش؟ اذا كان قبل الولاده قولولي اليوم علشن اروح اجيب علبة تمر واجلس اكل منة كل يوم.....

الله يعيننا جميعا

هلا هنومه عادي حبيبتي الضغط اللي اتحسين فيه شي طبيعي لدرجة اني من شربت الماي على طول اكرمكم الله على الحمام ما في مجال

انا سمعت من حد ثاني ان الوحده لما تقرب ولادتها البطن يرتفع يمكن انتي من النوع اللي يرتفع فيه البيبي ومره وحده ينزل وقت الولاده




هلا صباحي

حبيبتي التمر تاكلينه قبل الولاده لأنه فيه مواد سبحان الله اتسهل الولاده وتاكلينه يوم الطلق توه بادي لأنه بعد ما يي الطلق الحار ما تقدرين تاكلين اي شي والله يسهل عليج حبيبتي

ام خالد شدي حيلج نصيحه مني وقت الويع او نزول اي شي من الماي او الدم على طول اشربي يا زعتر او كف مريم وتمر وتمي سوي الرياضه اللي قلتلكم عنها مع التنفس والله لا تزاعجين وقت الولاده اذكري الله وادعي واتنفسي من خاطرج وبسرعه بتربين لأن لا الزعيج بينفعج ولا شي

الله يسهل علينا يارب

السلام علييكم

الله يسهلل وو يهوون عليييييكم كلكم
ادري اني دااشه عرض لانه توني بالرابع بس تشوقت قلت خنشووف شيصيير بالتاسع وشنو الاعراااض
عاااااااااد بطني حده متعلق ولازق لازق لازق بصدري :bigsmile:
وو صباااحي حبيبتي اناا سامعه انه التمر زيين واايد حق الحاامل لانه مفييد والتمر اصلاا
مفييد للحامل و لغير الحاامل بس اهوو ماله شغل بالولاده يعني ما يسرع او شي
بس اشتريي تمر واكلييي لانه مفيييييييييييييييييييييييييييييد وايد و اناا سامعه انه
الحاامل تقدر تعيش على تمر و لبن و رووب اذا كانت خايفه تمتن بس ويين الارااده :down:
اي صج حب الامارات او اي احد يقدر يجااوبنيي انتي قلتي انه حركت القرفصااء تنزل البيبي يعني اذا اناا باخر الرابع مو زين
اسوييهااااا؟؟؟ لاني امس مااسحه الارض و ليي مسحتهاا اسوي حركة القرفصاء و امسح و من خلصت لي اللحيين ظهري ذابحني
حتى من الخوف رحت اتطمن على البيبي وسويت سوناار بس حمدلله كلشيي تماام :up:
حدي قرقت علييكم وايبد بس اي يعنيي موزيين امس الارض بهذي الحركه ؟؟؟
ومشكورييييييييييين انكم قريتواا كل كلامي و انشالله تردوون على سؤالي
والله يسهل على الجمييع و يرزقكم الذريه الصالحه انشالله :shy:

هلا حبيبتي مس نوار
لا تعبين نفسج كل يوم خاصة انج في الشهور الاولى وبعدين عادي امسحي الارض لكن مو كل يوم مب زين لكن على فترات متباعده ولا تطولين وانتي يالسه لكن يوم بدشين التاسع كل يوم امسحي الارض وخمي علشان ابسرعه اتربين مشكلتي اني ما اقدر ايلس هذي اليلسه فتره طويله ولا جان ربيت ابسرعه حدي عشر مرات وخلاص ريلي تتيبس علي

الله يسهل علينا يا رب ونقوم بالسلامه يا رب

الله يسهل علييج انشالله حبيبتيي و حااولي انشالله تقدريين و جربي شربي الاشيااء الي تسرع الولاده اناا مااعرفهاا بس
سالي عنهااا اذا ما تعرفينهااا و سهالاااات انشالله و شديي حييلج :up::up:

حب الامارات
مشكووووووره حبيبتي على النصايح
أنا من يومين شريت كف مريم
بي هذا كيف يسوونه؟؟؟
على فكره من شفته زغت
قلت بل شو هذا

هاااااااااا بطوطات التاسع ولا وحده سوتها فيكم وولدت شوفو عندي خوش تمارين لكم لتسهيل الولاده

التمريم الاول:

التمرين الثاني:

التمرين الثالث:

ومن التمرين الاخير ما يبيله علطول علي المستشفي وان شاء الله يشرف البيبي بالسلامه

هنومه ياويلك

وش التمرين الاخير صراحه شيء

شكلك ناويه بنيه فينا ...