حوامـــل التاسع .. حياكم نواسي بعض لين الولاده

بنات انا حاسه بعوار صوب معدتي ومو قادره اسمت ظهري عدل يعورني ما ادري ماخذه برد ولا شئ ثاني بنتظر لليل واشوف ادعولي يكون الطلق

الله يسهل علكن يا خواتي


واقووووووووووووووووووووووووول جيه اريح


اسألن مجرب !!!!!!!!!!!!!!!!!!!!!!!!!!!!!!!!!!!!!

الله يسهل عليكم يارب و تولدوون كلكم بالسلاامه احلى بيبياات صغااار :)

وينكم بنات لا يكون سبقتوني وولدتو يالله الله يسهل للجميع طبعا طلع العوار الي فيني مو طلق لا تسالون عن الاحباط الي ياني :cry: وادعولي اولد هالاسبوع وانا بدعيلكم

للحين مافيه خبر احد ولد ؟؟؟

لا مو اعراض ولاده ياهنومه انا يصير لي كذاوفرحت مثلك اول مره على بالي ابولد لكن للاسف


انا حاليا اشرب كف مريم وكمون وامشي عسى هالطلق يجي مللللللللللللللللللللليت وما أبي افتح ملف العااااااااشر

مع انه شكلنا بنفتحه......

المشي يا حلواااات والله مفيد لاتتركونه مع اني انا ما اداوم عليه بس انا مو بكيفي ظروف

بس ودي أسأل فيه احد هنا قد جرب الولاده الحين اذا جاء وقت الولاده وغيروا ملابسي وين اوديها

هم ياخذونها او انا اللي ادبر نفسي؟؟؟؟؟؟

من كثر الملل صرت افكر في كل شي صغيره وكبيره......

:cry::cry::cry:
شكلي أنا الي بفتحلكم ملف العاشر
على طووووول ييني عوار و يتم فتره و عقبهه و لا كأن شيء كان:down:
شو أسوي؟؟؟
مافي حل غير اني أطلع و أنزل ع السلالم
الله يعينا يا رب على هذا التعب


الغاليه
**ديما**
بالنسبه للملابس بيكون ساعتها زوجج معاج و بتعطينه الملابس و بيعطونج جيس..


آآآآآآآآآآآآآآآآآآآآآآآآآآآآآآآآآآآآآآآآآآآآه
قلبي يعورني
راسي يعورني
جسمي يعورني
جاسني احباط
أحس اني بتم جي طووووووووول عمري
:cry:

عندي سؤال مهم جدا

الوحدة مننا لما تولد هل المستشفى يغسلون البيبي ولا لاء؟؟ طيب وهل عادي لو نغسلة في نفس اليوم؟؟
بصراحة عندنا في صنعاء الجو بااااااارد جدا وقالو لي بالمستشفى انهم مايغسلون البيبي يلفلفوه ويعطوني اياه وانا كنت افكر اشلون يعني اخلية بدون غسل؟؟

جاوبوني الله يحفظكم

اخت ديما مثل ما قالتلك مون مون ملابسك بيحطونها بكيس ويعطونها لزوجك

صباحي انا ما ادري عن مستشفياتكم بس احنا عندنا اول ما ينولد ينظفونه وثاني يوم يسبحونه عادي

مون مون وهنومه الله يعطيكم العافيه طمنتوني الله يطمنكم........

ياصامدات محد ولد منكم وانا افتح الموضوع اقول عسى وحده ولدت او شي

الله يعيييييييين ويهونها يااااااااارب

هلا هلا هلا

**ديما**

روحج قلتي صاااااامدااااات
يعني بعدنا

الله يعين الجميع و يصبرنا

والله صادني قلق واكتئاب فضيع من كثر سؤال الناس عني وامتى باولد
صدقوني كل ماروح المكتب الصباح الموظفين يقولون: اوووووه بعدك ماولدتي!!! ادخل وانا مستحية من نفسي

بس انا موعدي في 8/2/2006م ولاكن مادري ليش الناس حاميين علي؟؟ يمكن لان بطني بارزة مرة وشكلي تعبان بالمرة
وناوية على اجازة الوضع من 1/2/2006م لمدة شهرين + شهر الإجازة السنوية (بارتااااااااح من هم الشغل) على الأقل باقعد مع البيبي لمدة 3 شهور وبعدها مادري شنو بأعمل (الله يستر)

صباحي
الله يعينج

وحليلي أنا شو أسوي
فات موعد ولادتي و أنا بعدني ما ولدت
و خالي و يدتي بيسافرون و يتريوني لين ما أربي و عقب يروحون
و أنا معطلتنهم
و كل واحد يقولي انتي شو ناقه بعدج ما ولدتي
و تلفوني غلقته عشان محد يتصلبي و يسألني
فقاموا يتصلون على تلفون ريلي و يأذونه
والله حاله
بلييييييييييييييييييييييز ادعوا اني أولد اليوم

مون مون الله يعجل ولادتك وتولدين بالسلامه يارب تري كلنا نفس حالتك ودي اولد اليوم قبل باكر بس من قمت احس بعوار اقول ان شاء الله ما يكون الطلق ما ادري اشفيني متخرعه:eek:

حنين قطر مالها حس شكلها ولدت الله يسهلها يارب قولو آآآآآآآآآمين

السلام عليكم

انا هذي حمل الثاني الاول كان ولد والحين انا حامل ببنت بس تعبانه وايد وموعد ولادتي 25/2/2006 والحين انا ابالاسبوع 36 بس تخطيط البيبي مو زين وانشاء الله اولد قبل

لاتنسونا بالدعاء

مرحبا بنات انا ربيت ويبت سلطان

عقبالكم بنات والله يسهل على الجميع

حب الإمارت/ الــــــــــــــــــف مبــــــــــــــــــــــروك.. اشلون كانت الولادة؟؟

ياخواتي افكر اشرب زيت الخروع لان بصراحة فيني امساك واخاف وقت الولادة انزل بلاوي (فهمتو؟؟) هل تشجعوني اشربة من الحين؟؟ وخصوصا ان باقي لي ايام على موعد ولادتي ان شاء الله..

طبعا انا شريت زيت الخروع الي بالنعناع (صنع باكستان) لون العلبة اخضر هل في احد جربة؟؟ مترددة كثير بس لازم انظف بطني قبل موعدي علشان لاأتفشل.. يالله مين يعملها معاي؟؟؟؟

صباحي شلونك توقعت كلكم ولدتو وما ظل غيري انا امس حطيت كوب حليب مع خمس اعواد دارسين وخمس عواد قرنفل وملعقتين عسل بس بصراحه ما شفت شئ غير ان صار فيني انتفاخ وبعدين اسهال تكرمون والحين جسمي كله يعورني حيل مو قادره امشي ما ادري اشسويت بنفسي

الله يبارك فيج صباحي

الصراحه الولاده كانت صعبه وايد ما توقعت اتكون جذي

بقولكم القصه بعدين

عقبالج والله يسهل على الجميع

مون مون ليلن الحين صااااااااااااامدة

شكلنا بنولد مع بعض:dd::dd::dd:

الله يهون عليج وعلي وعلى الكل يارب ويسهل ولادتنا

انا كل يومين يسوولي تخطيط لقلب الياهل وعطاني اخر موعد بكرة اذا ماولدت

راح يدخلوني الولادة:cry::cry:

بس بصراحة انا موحابة ادخل لان الطلق الصناعي متعب وتطول الولادة مجربتة مرتين :sad: