حوامـــل التاسع .. حياكم نواسي بعض لين الولاده

ههههههههههههه ضحكتيني مهايات حسدي نفسج المهم يبا يلله خل يينا العوار ونفتك من هالثقل والتعب ونكحل عينا بعيالنا
انا كل ما احس بالتقلصات اقول شكلها ولاده حدي راهيه علبالي جذي العوار امي تقولي هذا تساليب ولا شي العوار اصلا ما يخليج تسولفين بالموبايل هههههههههههههه يحليلي داقه اضحك على ريلي اقوله ياني طلق :) واهو مسكين صدق يقولي ها اطلع من دوامي والله حاله اصلا شكلها السالفه مطوله
اختي haiawy موعدج حلو وماكو فرق بيني وبينج الا 4 ايام وانا اصلا خايفه اكثر منج من الولاده بس ناسيه وانتي ذكرتيني :eek2:

وينكم يا حوامل الوقت الضائع ؟؟

ترى انا حدي زهقت وودي اولد بأسرع وقت

بالرغم من اني ميته خوف

تعالوا فضفضوا معاي :(

انا اخواتي معاكم في اول التاسع موعدي 30/3/2006بس يمكن اولد قبل لانهم يقولون بس تدخل الوحده التاسع متدري متى ولادتها
الله يسهل على وعليكم
اختى وحده كويتيه انا مثلك احس بتقلصات وبطني يتصلب بين فتره والثانيه وبدا ينزل علي افرازات هل هذا دليل قرب الولاده
الله يسهل علينا انشالله

هلا والله ببطوطات التاسع كلنا خايفين بس شنسوي الله يسهل علينا انشالله ونشوف العنون :)
دام قاعده تنزل افرازات هذي تساليف يعني شي زين قرب الموعد انشالله
اختي ام عيسى نزول هالافرازات اهيا مثل سداده للرحم وكل ما نزلت راس الياهل اهو اللي قاعد ينزل ونزول راس الياهل علامه قرب موعد الولاده انشالله

انا التقلصات زادت علي والصراحه قاعده امشي طيحوله بالمشي ترى وايد يسهل الولاده :)

الله يسهل عليج هنوووووووومه

انا حامل لأول مرة
وعطوني موعد في 21/3/2006 بس ابي أولد قبل علشان أرتاح من الثقل
مرات يصير بطني يابس مع حركة الجنين .. أمي تقوللي بطني نزل وهذا يدل على قرب الولادة
ماادري أخذ شهري كله وإلا بولد قبل موعدي
اصعب شي وقت النوم أحس كأني بختنق
الله يعينا وكله أجر إن شاء الله
بس دعواتكم لنا يالغاليات

الله يعينكوا جميعا يا حوامل انا لست حامل لكنى دخلت اخذ الفال منكن وعقبالى
نفسى اكون معكن كدة وانا بشارككن متاعب الحمل وتجهيزات الولادة
ربنا ييسر عليكن جميعا

الأمور كويسة ماشاء الله.. والف مبروك للحوامل والأمهات الجدد

تصدقون للحين ماولدت ؟؟!!

طاف على موعدي يومين وللحين حضرتي صامده

التوقيع يقول انا وصلت وهو لا وصل ولا شي :(

تعبت والله والحين قاعد ينزل علي سائل بني ...قالوا لي هذا دليل قرب الولاده

شجون ولدتي والا بعدج؟؟

ترى موعدج نفس موعدي

انا دخلت الشهر العاشر ياناس

البعارين يحملون لمده 10 شهور خخخخخخخخخخخخخخ تصدقون ؟؟

الله يسهل عليكم وييسر ولادتكم بنات عليكم بالاستغفار من تحسين بالطلق وقراءه سوره مريم والزلزله والبقره والكرسي ويس تري وايد يسهلون الولاده وعليكم بالمشي كل يوم بس لا تهلكين نفسك بالمشي وايد عشان لا ياك الطلق يكون فيك شويه طاقه

اختي العيون الجارحه انا ولدت صارلي شهر ونص

هلا بناات انا بعد ضموني ويااكم انا موعدي 31 /3
بصرااحه سواالفكم واايد حلووه وعقباال مانربي مثل ماربوا ربعناا والله يسهل عليناا انا تنزل مني افرازات غريبه هالاياام مثل المااي شويه على افرازات مثل المخااط انشالله اربي وافتك:cry:
بنات اللي ربوا خبرووناا عن ولاادتكم...
والاخت مون موون بغيت اسالج انتي ربيتي في مستشفى دبي؟

مرحبا خواتي اخباركم ..
والله زمااااااااااااان ... صار لي مده مادخلت على الملف . بس فرحت لما لقيت ان فيه تفاعل .. الله يهون عليكم جميعا ، ويرزق ( ريري ) وكل محرومه يااااارب ..
انصحكم نصيحه ، صج التاسع ثقيل وغصب تنامين ، بس نامواااااااااااااااااااااا كثر ماتقدرون ، لأن عقب الولاده مافي نوم :cry:
خاطري انام لو 6 ساعات على بعض بدون ما بنتي تصيح ... بس مافي أمل خخخخ

الحين نايمه جنبي فديتها ، كملت الشهرين اليوم .. وعقبال عيالكم ..

بقولكم بعض تجاربي ..
لما دخلت التاسع جاتني حساسيه نتفت جسمي وللحين الأثر موجود :( كنت أبي اولد اليوم قبل بكره ، وماخليت شي ماخذته وكنت امشي ، بس سبحان الله ، متى ما الله راد الوحده تولد ، وترقدت في المستشفى يومين ، ورحمي مارضى يفتح اكثر من 2 وفيني ألم فضيع ، عطوني طلق صناعي ، وزاد الألم والرحم مانفتح عندي ، :( تعذبت والله وايد ، آخر شي قالولي لو ماولدتي خلال ساعتين بنوديج قيصري .. قلتلهم اي شي بس فكوني ، حتى لو بنج كامل ، ضاقت بي الدنيا .. وقعدت اصيح قالولي لازم ابره ظهر ، وانا اخاف منها ، لأن فيني ألم في ظهري اخاف يزيد ، استخرت ربي وشاورت زوجي ، واخيرا وافقت وانا ميته خوف ، اول مره ضربني ماصار ، زاد خوفي قلتله بس مابي ، قال بحاول اخر مره اذا ماصار خلاص .. قعدت ادعي ربي والله كنت افكر يمكن انشل وله يصيدني شي ..
والحمدلله ضربني اياها ثاني مره ارتحت ، ماصار ساعتين كشفوا علي إلا انا 9 سم .. وبعدها بنص ساعه جبت ( حنين )
عنيده ماكانت تبي تطلع ، مسكنيه سحبوها بملقط حتى مكانه صار احمر بس عقب راح ..
الحمدلله رب العالمين اول ماتشوفين البيبي يحطونه على صدرج تنسين كل شي من فرحتج .. وعادي ترجعين تفكرين متى تجيبين له اخ او اخت :)
الله يهون عليكم جميعا ..
طبعا من الاشياء الي تعلمتها وماقدرت اسويها قبل الولاده مباشره لاني ترقدت في المستشفى يومين ..
1- المشي من بداية التاسع ، وهذا كلام اغلب الدكاتره .. لان يسهل عمليه الولاده ونزول الراس في الحوض ..( يسهل مايسرع ) بعضهم يقولون ليش اتعبون نفسكم لان مايعجل الولاده ، مافي شي يعجلها إلا إرادة ربنا ..

2- التمر ، يساعد كثير وهذا مذكور في القرآن ..
3-ماي زمزم مقري عليه ..
4-آيات تسهيل الولاده والادعيه ، بتلقونها في الصفحات الي قدام .. انا قريت على ماي وشربت منه ..
5-مكن تشربين دارسين مع زنجبيل او اي شي حار عشان يحمي الطلق ، وسمعت عن كف مريم جربته بس مانفع معاي .. لان ماجربته في الوقت المناسب ..
اول ماتحسين بالطلق الحقيقي شربيه ..

الله يهون عليكم ..

ياااي الموضوع رائع
وبما أني في الشهر التاسع راح أكون معاكم على الخط لين أولد

هلا بالبطوطات

اتريوني الاسبوع الجاي راح ادخل التاسع باذن الله.:cool2:

تسلمين اختي حنين قطر2006 على المعلومات جزاج الله خيـــــــر:smile:
ربيتي وافتكيتي انا ويااكم على الخط كنت يووم تكتبوون معاناه التااسع سيري الصفحات الاولى واسترجعي الذكرياات وخااصه الحكه يالله الحمدلله اياام وعدت وعقباااااااااااااالناا انشالله :bigsmile:

مشكورة حبيبتي حنين قطر على معلوماتك....

قولوا لنا بعد بعض النصائح اللي نحتاجها في التاسع..

و مشكوووووووورين

وينكم حواامل التااسع ليش جذه انتو راقدين على عمااركم نبغي حركه؟؟؟؟؟؟؟؟؟؟!!!!!!!!!!!!!!!