حوامـــل التاسع .. حياكم نواسي بعض لين الولاده

حب الامارات

الف الف مبروووك الولادة

والحمد الله على السلامة

السلام عليكم ورحمة الله وبركاته

كيفكم الله يسهلها عليكم اجمعين وانا وياكم

موعد ولادتي 17/1

حب الامارات الف الف مبروك والحمد لله على السلاامه وانتظر قصة الولاده

صباحي وش سويتي شربتي خروع انا باقي على موعد ولادتي اربع ايام وافكر اخذ خروع

وكنت متردده خفت يضرني بس تشجعت يوم قلتي بشربه اذا كنتي شربتيه قولي وش صار لك

واذا لا انا معك بشربه بس متى تبين؟؟؟؟

الله يهونها علينا يارب.....

اهلا ديما

انا باشرب الخروع الليلة ان شاء الله .. خلينا نتشجع ونشرب مع بعض ويييييييييه لوتدرين اشلون انا خايفة!!

ياحريم وينكم منو ولدت فينا؟؟ انا الحين قاعدة اكتب لكم وحاسة مثل الام الدورة الله يستر اخاف اعملها اليوم!! وقت الجد اخاف...

شلونكم بنات انا طاف موعد ولادتي وسوولي تحويل المستشفي من امس وما رحت بروح اليوم وخايفه اروح يسوولي طلق صناعي شنو تنصحوني فيه اروح ولا لا طبعا بروح امشي بالاول وبعدين اروح المستشفي
وبالنسبه للخروع انا شربته في ولادتي الاولي وسوالي تكرمون اسهال ومغص وحرمت اخر مره اشربه بس انا احين سويت دارسين وقاعده اشرب منه وادعولي

الله يبارك فيكم بنات عقبالكم

الله يسهل عليكم

صباحي أنا بشربه اليوم الفجر ان شاء الله الله يسهلها علينا يارب اما الالام انا اعاني منها وتقومني من النوم ولا شفت ولاده

والخوف لا تقولين عنه رحت لموعدي قالت الدكتوره اذا تبين نعطيك طلق يالله تفضلي والله خفت

وقلت لا بعدين نشوف على الموعد الجاي

هنومه كثري دارسين مع زنجبيل وامشي المشي رهييييييب

و يوم شربتي الخروع في ولدتك الاولى جاك طلق وانفتح الرحم والا لا ؟؟

حب الامارات الله يجزاك خير

الله يقومناااا جميعا بخير......

ديما والله اني شربت دارسين وعقبها امشي بس التساهيل من رب العالمين
اما الخروع فما سوالي شئ غير ان جاني مغص حسبته ولاده وجاني اسهال تكرمين وطول اليوم بطني ماشيه وكنت وقتها منومه في المستشفي لان موعدي طاف والكل كان متوقه اولد ولما يا الدكتور قال ان الرحم مفتوح 2 سم بس يعني مو ولاده وقتها تحبطت وقعدت ابكي وكان هذا يوم الجمعه ويلا يوم الاثنين ولدت بس ما ادري اذا الرحم اهو الي فتح الرحم ولا لا بس انا قريت في اكثر من منتدي ان الخروع مو زين تشربينه اذا ما فيك طلق

هلا هنووووووووووووووومه


انا فات موعدي

قاعده اتريأأأأأأأأأأأأأأأأأأأأأأأ الطلق ما ياني


بس والله فيني ويع مش طبيعي عند شااااااااااا قول

هلا هنووووووووووووووومه


انا فات موعدي

قاعده اتريأأأأأأأأأأأأأأأأأأأأأأأ الطلق ما ياني


بس والله فيني ويع مش طبيعي عند شااااااااااا قول


شفتي اسفل البطن احسها بتنشق


قلت بروح العيادة ابا اتاكد من وضع البيبي لاني حاسه ان وضعه مش طبييعي

هلا والله نبضه قلب توقعت ولدتي الله يسهلك ويسهلي الولاده هم انا طفت موعدي ومبين انا وانت فعلا فتحنا ملف العاشر ان شاء الله بس ما نطول ونولد اليوم آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآمييييين
والعوار الي فيك يجيك علطول ولا احيانا لاني انا هم ييني عوار فيييييييييييي المهم ورحت المستشفي ما رضو يفحصوني بس قالولي تسووين تخطيط يوم وترك وسويت سونار اليوم وكل شئ الحمد الله تمام بس ابيهم يفحصوني يمكن يمكن مفتوح الرحم بس ما رضت الدكتوره:mad2:

الله يعطيكم العافيه حوامل والله يسهل علينا ويعجل بولاداتنا يااااااااارب......

انا شربت الخروع اليوم بعد صلاة الفجر والحين بعد المغرب وماصار لي اي شي
انا ما ادري و الخروع مو زين او انا ماضبط معي مع ان الدكتوره هي اللي قالت لي اشربيه يوم رحت موعدي امس

واخذت ثلاث ملاعق اكل على كاسين عصير كوكتيل وماصار اي شي الا مغص خفيف مايستاهل اذكره

وحبيتأسأل عن الخروع اللي عندي اذا هو زين او لا هو كرتون ابيض مكتوب زيت خروع بالنعناع وفيه صورة ورق

نعناع ولاهو كبير مره صغيرة القارورة.. ياليت اللي تعرف تقولي؟؟؟؟


وانا قايله من الاول بنفتح ملف العاشر مافيها كلام....

مو شرط اخت ديما يسوي شئ انا شربت وما صارلي شئ

ديما شلون تسوين الدارسين اشكثر تغلينه علي النار وبعد ما يخلص اخلي الدارسين بالماره ولا اشيله واخذ مايه بس اخاف انا طريقتي غلط

هلا هنومه اذا الدارسين مو مطحون خذي ببضة يدك وغسليه وحطيه في ابريق وحطي عليه ماء

وخليه على النار 5 دقايق وخلاص اشربيه مثل الشاي في بياله عادي هذي طريقتي واذا مطحون حطي ملعقتين

اكل على حسب الابريق بعد وبس....

صباحي مابينت شكلها ولدت اما انا بشرب اليوم بعد خروع بس نوع ثاني مو بالنعناع والله ييسرها علينا يارب.......

هنومه بسألك انتي يوم شربتي الخروع كم جلستي من ساعه وجاب معك مفعول اقصد جاب لك سهال وانتي بكرامه

وكيف اخذتيه لحاله او مع عصير........ معليش اذيتك بكثر الاسئله......

هلا ديما مبين محد ظل الا انا وانت حسافه بغيت ولادتي شهر واحد بس قدر الله المهم الخروع انا شربته وعالطول ياني تكرمين اسهال عقبها بساعه ساعتين لاع جبدي وانا كل شوي اروح الحمام وشربت الخروع مع حليب
حطيت نصف كوب حليب مع نص كوب زيت خروع والله لا يوريك الطعم لو تقولي الدكتوره انها اضمن طريقه عشان تولدين والله ما آخذ الطلق الصناعي اهون

ديما شكلك ولدتي الله يسهلها عليك مبين فعلا الخروع اهو الي يعجل الطلق

هلاااااااااااااااااا الغاليات


واخيييييييييييييييييييييييرا ولدت في 31\1 على راس السنة الهجرية


وفتكيييييييييييييييييييييييييت وكانت ولادتي بالحمدالله واشكره

سهله بدا معاااااااااااااااايه من 10 المساء حتى 4 الفجر ولدت البنووووووووووووته الحلوه

~العـــــــــــــــــــــــــــــــــــــــــــــــــــــنود~

مرحبا حوامل ، اخباركم وحشتوني مووووووووووووووووووووووت ...

ولدت تاريخ 25-1-2006 وجبت ( حنين ) الله يحفظها ...

وقصة ولادتي بكتبها لكم قريب ان شاءالله .. صراحه تعبت وعانيت وايد ، يومين مرقده عندهم ..