حوامـــل التاسع .. حياكم نواسي بعض لين الولاده

مرحبا حوامل

خليكم صامدين ماشاء الله

شكل اللي في بطنا بيطلع بأظافيره !

الله يسهل على الجميع يارب

في وحده جارتنا تقولي تبخري بقشور بصل وتدفي من تحت ونامي زين لانه يفتح الرحم وتقول مجربينه

ان شاء الله بجربه وبشوووف

اذا ماشفتوني بكره يعني ولدت:shy: متفااااائله مررره

دمعة بحر

اقول اختي دمعة بحر لا تستعجلين

بلاش البخور على بصل والخرابيط هذي

اقول اهم شيء الصحه وان الجنين يكون طيب

لاني جد اخاف من هذي الاشياء لان لها اضرار

ياريح الفل لاني زهقت من عمري

ابي اي حل يفكني

هلا هلا هلا
شحالهن الحوامل؟
أخبركن
أنا أول وحده فيكن مستعيله
بس يوم أفكر بعقل
أقول خلني آخذلي يومين أرقد فيهم لأني عقب مابروم أرقد
خلكن معاي و اسمعوا نصيحتي و توكلوا على الله
و اتريوا الفرج ولا تسوون شي
بس ريحوا عماركن و ارقدوا(r)
والله يسهل علي و عليكن انشاءالله

مرحبااااااااا ، شخباركم .. :salam:

مون مون : هلا اختي ، شخبارج .. إحنا قلنا بنعيد ، بس عيالنا مصخوها ، مادري اش يبون بعد ..
شكل بنتي ناطره جدتها ترجع من الحج :dd:
تدرين ، أنا لو مافيني حكه :cry:، والله مافكرت في الولاده وايد ، بس المشكله مافي شي ماجربته ، زهقت ، عيل انا عكسج ، ابي اولد عشان انام وارتاح من الحكه ..
رحت الطواري عشان اخذ ابره كتبها لي الدكتور ، استلموني ، سوولي تلفزيون ، وتخطيط للبيبي ، والحمدلله كل شي تمام ، بس الي مب تمام ، وانا رايحه حق التخطيط ودتني السستر مكان غريب ، كله مكتوب فيه ممنوع الدخول ، وبالأحمر ، ومايدخلون إلا بالانتركم .. وغرف توليد ، وخرابيط ، والله قلبي قام يطق ، ( وكنت بروحي ) ، حسيت برهبه وخوف من المكان ، بس قلت في قلبي يااااااااااارب أجيكم في أقرب وقت ..

دمعة بحر : خلطات ووصفات من ورانا :angry:
لتجربين وله شي ، صدقني إذا البيبي يبي يطلع بيطلع ، لتزعجينه بريحة البصل والدخنه .. إنتي أصلا تبين تولدين قبلي ، بس مافييييييييييي :no:
ههههههههههه يااارب تولدين هاليومين وبدون بصل .. :bigsmile:


ريح النفل : شخبارج حبيبتي ..:flower: وحشتيني من الصوبين :cool2: هههههه انتي فاهمتني ..
اكثر شي اتواجد الفجر ، لأني مانام من هالحكه ، والاوقات الثانيه بيت هلي أو برع .. عشان جذي ماصرت أهذر وايد في المنتدى .. الله يعين[/grade][/size]

هلا حوامل شلونكم انا بعد صامدة وماولدت نطرت اخلص امتحاناتي والعيد

وناطره امتحانات ولدي الحين ان شاء الله من يخلص اولد بس بصراحة العصبية والنرفزه متعبتني

وايد مااقدر حتى ادرسة اخاف يتعقد من صراخي ونرفزتي

الله يعنا ويصبرنا ان شاء الله ويهون علينا

اهلين حوامل شلونكم ؟
اهليين البطه المشتطه انا بخير واموري كلها اوكي مع الحمل بس الثقل الي ذابحني ما اقدر انام من الثقل خاصتا اني كنت نايمه في البر وذبحتني النومه ادري بتقولين ينيت بس شسوي قلت الحق استانس بالاجازه قبل الولاده وحبسه الاربعين:sad:

ورديه الله يسهل عليك ولادتك وين ناويه تولدين باي مستشفي

وش الكلام اللي اقراه يا هنومه ...نوم في البر على هذا البرد والثقل ..

ما شاء الله عليك ..

حنين قطر تشتاقلك العافيه عيوني.. تعرفين من كثر ما تتكلمين عن الحكه انا سرت احك كثير مع اني احك من اول بس مو كثير زيك ما اقول غير الله بسهل علينا ..

مساء الخيرحوامل اشلونكم مع الحمل وشخباركم مع الثقل
بالنسبة لي آنا خلصت الثقل ذبحني وايد وما ولدت لسه

أدعولي أن الله سبحانه يسهل ولادتي وولادتكم ويقومنا بالسلامة احنا والبيبي يارب
والله يا بنات ان صار لي يومين حيل تعبانه وايد انفلونزا والكحة ذابحتني ما تخليني أنام بالليل :cry:

ام رغده اكيد حساباتك كانت غلط في الحمل انت على حسابك داخله العاشر من اسبوع

الله يسهل عليك يارب ويقومك بسلامه...

بعد شسوي يا ريح النفل كل البيت طالع البر وانا اقعد بروحي شسوي وانا وحده اموت بالبر والكشتات لا وبعد ناويه اطلع هالاسبوع بس الله يستر اولد عليهم

شلونك ام رغده عاش من شافك في المنتدي الله يهون عليك وعلينا آآآآآآآآآآآآآىمين

هنومة نوم بالبر ؟؟؟؟؟؟؟؟؟؟؟؟؟

برررررررررررررد شلون قادره تتحملين؟؟؟ موزين هذا كلة يأثر عليج بعدين

انا مثلج اموووت بالبر بس ما أنام وكلة بالخيمة دفيانه

حطي بالج على نفسج

بأي مكان مخيمين؟؟؟؟؟؟

وبالنسبة للولادة ماأدري يمكن بدار الشفا وانتي وين بتولدين ؟؟؟؟؟

هلا ورديه احنا مسويين حمام داخل الخيمه ودافي الحمام بس شقصدك ياثر من اي ناحيه؟ علميني عشان ما اخربها علي آخر شئ

وان شاء الله بولد بالعدان بصراحه انا ارتحت حيل فيها بولادتي الاولي خصوصا ان عندي واسطه والدكاتره اتوصو فيني عدل والحكومه بالولاده الاولي والثانيه يسوون عمليه تجميل فماله داعي خاص الا علي الولاده الثالثه ان شاء الله طبعا بعد التخرج ان شاء الله مو الحين:no:

يله هنومه انبسطي الحين قبل البيبي وازعاجه

بس انتبهي تسوينها وتولدين في البر

هلا هلا هلا
هااااااااااااااااااااااااااااا
بشروا
محد ولد؟؟؟؟؟
شكلهه أم رغده سوتها
يله
الله يسهل على الجميع

وينكم بطوطات التاسع لا يكون سوويتوها وولدتو

لا بعدنا نترياج تولدين بالسلامه

بنات اشربو كف مريم وايد اوكي علشان الولاده تكون سهله

هلا هلا هلا
أنا بروح الصبح آخذلي كف مريم
بس خلاص ما ينفع أتم جي
الترفيس قام يعور و يضايج
بس خلاص بس تعبت:cry:

مرحبا حوامل شخباركم.. وحشتوووووني
انا صايره كسوله وماكتب ، والحكه ذابحتني .. والحمدلله على كل حال ..

مون مون ، شخبارج ؟؟ لتشربين كف مريم إلا إذا ياج الطلق ، تره مايسوي شي إذا مافيج طلق ، لأن هو يحمي الطلق ، مايجيبه

السلام عليكم,,

باقي لي كم يوم واولد ان شاء الله , بس من داخلي ميتة خوووف

هل في شي ممكن يساعد في الولادة؟؟ يعني اكلة معينة او اي شي؟؟ ترى انا أكبرخوافة بالدنيا (الله يستر)

وصرت امشي حوالي ربع ساعة باليوم واحس انونو خلاااااص نزل بالمرة . موعدي على 8/2/2006م ولاكن انا حاسة باولد قبل مادري ليش!!! والله اعلم...
دعواتي للجميع..