اللي موعد ولادتها شهر يوليو ..تدخل وخلنا نكون رابطة امهات يوليو

حبيبتي دفء الجليد بربك أني نوي تطولين أكثر من تسع شهور في حمل ...

يله خلاااااص ما باقي وقت كملي أغراض البيبي وأغراضك وجمعيهم في شنطة خلاااااص ...

وعن الحليب أنصحك ما تغيرين عنه لأنك استعملتي حليب 26 وشفتي أنه ما ضار وبنتك فأفضل أنك تجربيه مه الثاني ... وهذا الي رايح أعمله مع الثاني ... انا بعد كنت استخدم حليب 26 لولدي وما ناويه أغيره ... لأن أحس أنه رايح البيبي يرتاح عليه مثل أخوه ....

سلامي وتحياتي لك يا الغالية .....

السلام عليكم ياحريم .. وشلونكم وحشتوني .
ماشاء وش السواليف الحلوة احس اننا قربنا نخلص بس مدري بعد الولاده بتبشرونا ونستمر في التواصل ..............؟؟

بنات اليومين اللي فاتوا انشغلت اشوي رحت السوق ادور اللي لبس وجلابيات للبيت بعد الولاده والحمدلله اخذت لي وخلصت بعد ما فريت السوق كله وتعبت واخذت البخور بعد والعودللبيت بس اللي باقي لي الشنطه اللي بروح فيها المستشفى


حلوووة البحرينيه مشكورة عزيزتي على سؤالك بصراحه مالقيت شئ حلو وتعرفين الجاهز ما يعجبني بس دورت الأقمشه تهبل وقلت لين ادخل التاسع بعد اسبوعين وبروح افصله وانشاء بس الحق احضر الفرح ..

دفء الجليد عليك افكار شئ الحين اولدي وبعدين لاحقه تشترين الحليب وعلى حسب صحه البيبي بس الأغلب الدكاترة يكتبون s26 بس صدرك اهم لا تتهربين من الحين ترى اعرف حركات الحريم ..
وبالنسبه للمشي خذي راحتك انا العام مشيت لين خلاص هلكت نفسي وحتى الصندل وانتوا بكرامه خايف مني ولا نزلت الحلوة الا بعد التاسع باربع ايام ونزلت نايمه ما ساعدتني وقت الطلق .. هههههههه شفتي كيف ؟؟

ام طيف ورهف : بسم عليك ماني ناويه عليك الا بالزين والوناسه جيبي اثنين مرة واحده وبعد الأربعين واحد ثالث وبكذا تخلصين .. ويالله هذا دلع قومي جهزي نفسك والنونو واجلسي عدي الساعات لين تولدين ..

ام شوق .. اللي في البطن احسه طفشان ويبي يخرج هذا احساسي من تصرفاته وحركاته .. الله يخليهم لنا يارب وانتي وش اخبارك


flower_world طمنينا وش لون اختبارك ..؟

حبيبه ريلها .. وكتكوته نايمه ما شاء الله قربتوا تخلصون .. عقبالنا يارب


بنـــــــــــــــــــــات عندي استفســــــــــــــــار ؟؟

اكيد تعرفون فوط النفاس وش احسن نوعيه انا في المستشفى عطوني بعد ولادتي علبه وكانت قطنيه الملمس وطويله وعرضها تقربيا زي اولويز العاديه وبدون اجنحه بس روووعه بالمره ما تحسين انك لابسه شئ وانك بمنهى النظافه ولا حسيت بها على الخياطه لكن ما عرفت اسمها .. لكن اذكر كيسها شفاف ومكتوب عليه بالأزرق ..؟
ابي اعرف ايش تستخدمون وافضل نوعيه ...

هلا وغلا ليل المجاريح ...

عن التفصيل الملابس يبي له وقت مو الأفضل تودينه من الحين أحسن لك يمكن يغلط في على أخير قت وتتوهقين ....

وعن الفوط الصحية ....أنا عن نفسي رايح استخدم فوط اولويز بأجنحة بس قطنية الملمس للبشرة الحساسة ...

وأن شاء الله تريحني ....

هلاااااا يابطات شلوووونكم اللي سال عني فانا بخير والحمد لله

والله حتى انا يليل مجاريح ولدي طفشان يبا يظهر

حبيت اسالكم بعد الولاده يكون دم وايد وله عادي لانه منكوون تعبانين مانقدر كل دقيقه انغيره انا مااعرف شي لانه هذا البجر علموووووني وطول اربعين يوم بنزل مني دم !!!!!!!!!!!

سلام حوامل شلونكم ؟؟

ليل المجاريح : شلونج يا نور الليالي ..واخبار البيبي ...والله اخاف عقب الولادة ماعاد نجتمع مع بعض مرة ثانية والله ايام مرت علينا خبز وملح على قولتهم شهور ...ماشاء الله علينا الله لا يفرقنا الا على خير ان شاء الله ..وبالنسبة للحليب ...والله افكر اختار نان مادري انا وحده احب اجرب كل شيء ...بس يمكن ماغير مادري لين الحين ...

حلوة بحرينية ...بجهز شنطتي وشنطة البيبي ..وان شاء الله بكون جاهزة وقت الولادة ماقول غير الله يولدنا بالسلامة ان شاء الله يارب
ام شووق : بالنسبة للنفاس ترى ينزف وايد اول اسبوع وعتقب يستوي عادي ...هاذا اللي لاحظته مايندرى هل كل الحريم نفس الشيء ..بس لازم تاخذين فوط صحية كبيرة ومريحة..مثل فام ...ممتاز وزعن تجربة انا كنت وايد
ارتاح له ..

راضية بقدرها : فام هو الافضل وهو اريح اول الايام من اولويز لان مثل ما قلتي اولويز مب زين للجرح يسبب له التهاب ..وترى يختلف من وحده لوحده ..


والباقي وينكم ووين اخباركم ؟؟... ان شاء الله المانع خير ...

عن نفسي بشتري من الفوط الصحيه فام ..كبيرة ومريحة ...وناوية اكلم الدكتور اذا يعطيني مرهم مخدر للخياطة ...وبساله اذا مضر ولا لا ...

انتظر ردودكم يالغاليات ...

مساء الخير
راضيه بقدرها ،،ام شوووق،،ام طيف ورهف،،دفء الجليد،،ليل المجاريح،،حلوووه البحرينيه
وكل البنات اللي ماذكرت اساميهم




دف الجليد:
والله زين سويتي شريتي وقت العرض ((عرض حلو))
بالنسبه حق الشنطه انا من 3 اسابيع تقريبا رحت دبي وشريت شنطة البيبي من محل اسمه تك تك
عنده اشياء تجنن حق غرفة البيبي
الاليزيه حلو وعندج لينوتر عندهم سندويشات صغيره حلوه حق التقديم ويقولون فيه محل جنب جاك ديسانج او قريب منه عنده فطايره وسندويشات وموالح حلوه حق التقديم...شغلهم راقي يبيض الويه..
تصدقين المناسبات كوافيهم ارخص من باتشي زوجي مستخف على كوافيهم شكلي بسوي هناك..
الكيلو بـ120 في المناسبات اما باتشي بـ150 الكيلو
طبعا تودين لهم الصينيه من عندج..


ليل المجاريح :
ايه اتصدقين قربنا نخلص بعد بكره بدخل التاسع انشالله
ماباقي شي
وازيدج من الشعر بيت اليوم جاني طلق على خفيف يجي ويروح ما يندره هاي صدق ولا كذب

بالنسبه حق الفوط الصحيه انا اشوف فام الكبير جدا احسن نوعد حق الوالده حتى في مستشفى الولاده يستعملون لنا هالنوع...
فيه هافات مالت شيكو تجي مثل الشبك ادور عليهم دواره مادري في اي صيدليه احصلهم هاي اكثر هافات مريحه حق الوالده وهاالنوعيه تستعملينهم مره وتقطينهم وهذيله بعد يستعملونهم لنا في المستشفى...



حلوووه البحرينيه:
ماقلتيلي شحسيتي بعد ماخذتي الاعشاب
يعني اوكيه...؟؟؟

نسيت اقولكم شي

شرايكم كل وحده تقول اشبتسمي ولدها او بنتها
وعلى مين بتسمونه ومين اللي اختار هالاسم


انا بسمي بنتي مريم
ماسميتها على حد بالعكس اخترت اسم محايد علشان محد يزعل
وانا اللي اخترت هالاسم مع ان زوجي مب مقتنع فيه بس اشوفه هالايام ساكت وعاجبه الاسم


فيه شي ثاني
انا احاتي وايد الولاده لأن الولاده الاولى طلق صناعي
بس الثانيه انشالله طبيعي
طالبه ابرة الظهر عند دكتور مونغا هاي احسن دكتور تخدير عندنا
اشرايكم في ابرة الظهر ؟؟؟اغلب اللي ربوا من هلي خذوا هالابره ناس يمدحونها وناس يقولون ان الم الظهر يستمر معاج فتره طويله..بس انا مافيه مجال اني اغير رايي مقتنعه فيها 100%
تدرون الدكتور يضحك على اللي يقولونله الحريم انها تسوي شلل يقول هذا كله خرابيط وكلام حريم..
انتوا شرايكم فيها؟؟

هلا والله :

حلووة ادري الوقت متأخر بس اخاف افصل بدري ولا اتهنى في الزواج .. وانشاء بلاقي خياطين ويسعفوني في اسبوعين ..

اولويز مدري احسها صعبه وانتي توك والده حارة وبعدين تسبب التهاب ..

دفء الجليد .. هلا عيوني ماشاء الله علينا الله لا يفرقنا الا على خير ان شاء الله على قولك

المهم الفوط حقت فام للنفاس ولا العاديه .. اذا حلوة وكبيره تدس فضايحنا باخذ منها

راضيه بقدرها .. هلا والله بالقاطعه وينك شكلك عايشه رومانسيه مع ابو الشباب الفترة الماضيه ماعاد تسألين ولا تشاركين يالله اعترفي بسرعه وفرحانه بعد جايه تقولين راس النونو نازل وهذا يأكد شكوكي فيك .. ( الله يسعدك ويقومك بالسلامه )
طيب نفس السؤال فام العاديه ولا بس بعد الولاده ..؟؟

كتكوته .. هانت اربع اسابيع وانتي مخلصه ويمكن قبل يارب تهونها عليك .. ومبروك عليك الإسم وانا لسه ماقررت وش بسمي ولدي للحين بس امي حلمت انها تناديه محمد وهو يمشي قبلها وزجي يقول لا ما بسميه محمد .. وانا نفسي في يزن ..

ام شوق : الله يعين هذا الجيل صعب وعنيد واضح من اولها .. ودم النفاس على الأغلب يكون اول الأيام كثير يومين ثلاث وبعدين يخف زي الدوره لين يصير فاتح او على بني وبعدين بيصير افرازات عاديه في نهايه الأربعين وفيه ناس تخلص الدم وتنظف في اسبوع كل وحده على حسب جسمها ولا تخافين ماهو طول الأربعين يعني من اسبوع الى 25 يوم بالكثير ..

مراحب ياكروشات اشحالكم
وحشتوني كثير كثير
كتكوتة نايمة
حبيبتي مشكورة علي السؤال وانا الحمداللة بخير بس هلحمال مكسرنا موقادرين انسوي شي امشي كني جدتي اللة يرحمها رجل يمين ورجل شمال وبالنسبة للأسم شكلي رسيت علي اسم بس مادري مترددة (( اليازي)) قولولي حلو واللة علية كلام واذا في بالكم اسامي قولولي

ليل المجاريح
شخبارك وشمساوية عساك بخير واي جالسة اتحاتين الولادة اللة ايكون بعونك بس الفرق بيني وبينكم كلكم مستعجلين علي الولادة الا انا تدرون ليش؟
اولا
ماخلصت اغراض البيبي زوجي موفاضيلي

ثانيا
الخدامة صارلها 4 شهور ولا حس ولا خبر لمن تجي واضمن ان اهية في بيتي وقتها باستعجل نفسي وانا في بلد ثاني غير ديرة اهلي فمابي اتوهق مع اعيالي اللة يسرها انشاء اللة وتجي بسرعة مع اني ماضن بس ادعوا لي .

راضية بقدرها
حبيبتي انا مثلك اول ولادة كنت قيصرية صحيح انها اتوجع فترة طويلة حول الشهرين بس عندي استحمل اني ماقوم ولا اقعد ولا اجلس اضوق المر والألم يوم واحد في ولادتي الثانية عطوني طلق صناعي بس ياويلي لو يخيروني اختار القيصرية مع ان تدرين الوحدة اللي تولد طبيعي اول مايطلع الراس ولا كأ، فيني شي وتستانسين في البيبي وتشيلين وتحطين فية ومافيكي ألالعافية .,

ام شووق
حبيبتي شخبارك وشخبار الي في بطنك

حلووة بحرينية
شخبار حسوني عارف ان بيجيلة اخو فاهم السالفة والا لا ياللة كلكم مابقي لكم شي وتدخلون شهركم بس ها لحد يقطع منكم وان قطعتوا عرفنا ان ولدتوا اللة ايهون عليكم

السلام يا حوامل ..

شرايكم فيني كل شوي طالعه لكم ...

خخخخ يا اما موجودة دوم ولا ولا يوم ...ههههههههههههههه

المهم نجي لحديثنا

ليل المجاريح : فام للنفاس يجيج كبير وعريضةمب بس يدس فضايحنا الا يدس ظهورنا وبطونا بعد ...وايد مريح بسبب حجمة ....


كتكوتة نايمة ..مشكورة على الرد يالغاليه وانا بشوف وبابيدتي اجهز خلاص ...وبشد الرحال استعدادا لرحلة الولادة ..ماقول غير الله يهونها علينا ان شاء الله

ام طيف ورهف : هو اسم اليازي ...وعجيب بس انا عندي شور ...طيف على وزن رهف ...ليش ما تكملينها باسم يجي على وزنهم ...

والباقي وينكم ؟؟؟

يا بنات ما تعانون من الحموضة ....؟؟؟ امي تقول كل الحوامل وانا اشوف كني الوحيده اللي بتنفجر منها ...انتوا شرايكم ..


عموما انتظر ردودكم

تشااااااااااااااوووووو

دفء الجليد والله انتي شئ وناسه بصراحه .. ياموجوده يامختفيه .. عزيزتي احلى طله يوم تكونين معانا بس اخاف هذا الحماس المنقطع النظير .. اليومين هاذي حق ما قبل الولاده ماشاء نت وسوق وسواليف بكرة ما يندرى وين ؟؟

وبالنسبه للفوط تم بعتمد فام ولو عرفت اللي بالمستشفى بكتب لكم اسمها ..

والحموضه احيانا تمر علي بس اذااخذت مثلا القهوة ومعدتي فاضيه .. اموت منها بس انتي حاولي تخففين الدهون والفلافل الفترة هاذي علشان ما تتعبين منها في التاسع ..

هلا وغلا
شخباركم حوامل
ما باقي شي وكروش مشدودة على الأخر ........ صح .....

والله أنا اليوم تعبانه وااااايد وما لي خلك لاحد .... وابي الدوام يخلص بسرعة اليوم ....... بس أقول لكم أنا من أمس لحظة أن عندي أفرازات مايله للون الأصفر الغامق بدون ريحة ... ويشبه علي بأقرازات ما قبل الولادة ... ما ادري يمكن لأني مستعجلة الولادة .. وهذي نتيجة .... ما عارفة .......

هلا دفء الجليد .... حدث ولا حرج بصراحة الحموضة إذا ما جاتني يومياً أستغرب ... يوم الي ما تجي فيني الحموضة ..... أنا عن نفسي أكل مع كل وجبة يا خيار أو أكل زبادي خصوصاً بعد وجبة الغذاء ... لأاني ما استحمل تجيني الحموضة وتضرب التوب عندي .....

حبيبتي ليل المجاريح ... شخبارك وشخبار ولدك وبنتك أن شاء الله بخيررر ...بخصوص الفوط أنا رايح استخدم اولويز القطنية لون العلبة وردي فاتح إذا ما نفعت مع من أول يوم رايح أغيرها على طول ... بصراحة أنا ما فيني شده على الالتهابات ....

كتكوتة النايمة حبيبتي بخصوص سؤالك عن الاعشاب هي واايد مفيدة وتنظف الرحم من ازين ... أنا كان فترة نفاسي بس سبعة أيام وبعدها أنقطع عني الدم ... ما شفت الدم أي بعد الأربعين واعتبرتها الدورة وصار تجيني كل شهر في نفس الوقت ..... يعني بصراحة لها فوائد كثيره ..... بس ما عارفة إذا كانت مثل لي أنت رايح تستخدمينها أو تختلف ... أنت من قطر وأنا من البحرين ويمكن الأعشاب تختلف عن بعضها ....

والباقي شخباركم أن شاء الله بخيررر ... وأعذروني أني ما رديت على الكل ....

سلامي وتحياتي للجميع .........

هلا والله ياحلووة
عيالي بخير وابشرك طلعت لي قرون منهم والله يعين لا صاروا ثلاثه ..

وعلى قولك البطن مشدود على الآخر خلاص احس بضيقه ونومي خف بشكل كبير

والفوط وشرايك نجرب فام البنات يمدحونها

على فكرة بنات استأذنكم هذا الأسبوع الوالده شوي تعبانه بروح عندها زياره وابارك لاخواني بمناسبه تخرجهم واذا قدرت دخلت ولو ماحصلت لا تنسوني ..

امانه يابنات اللي بتولد ولاشئ تعلمنا من اول ما يصير ؟؟
وسلامي للغابيات عنا وبالذات الجميله ..

صباح الخير يا حوامل

شخباركم اليوم أن شاء الله بخيرررررررر

أنا الحمد لله بخير وعافية اليوم بس مثل ما قلت لكم تعبانه من الحمل والحر ...

حبيبتي ليل المجارح عندي وعندك خير من الله بس الله يخليهم هذول الأولاد وسلمهم من كل شر والله يساعدك على الثالث ويساعدني على الثاني ..... وما تشوف شر الوالدة ... وألف مبروووووك نجاح الأخوان ..... سلامي للأهل ....

حبيبيتي جميلة هلا وغلا يا الغالية ما صدقت لما شفت مشاركتك ظنيت بعد طول غيابك أنك ولادتي ... الله يسهل علينا أجمعين ... والله يتمم لأخوك عرسة على خيرررر ..... وفرحين فيه يا رب العالمين ........

وسلام وتحياتي للجميع .......

وينكم

يوم تصيرون فيه واايد نشيطات ويوم ثاني تكسلون

ما أشوف أحد اليوم

[grade="00008B FF6347 FF7F50 4B0082"]هلا اخباركم:
مشكورة الحلوة على الرد...شسوي والله اقولج عرس اخوي شاغلنا كلنا في البيت والله يتمم لنا ع خير
ليل المجاريح: سلامت امج ما تشوف شر
حبيبة ريلها: انا بعد افكر بها الشئ,انشاء الله قبل ما ادش التاسع باسبوعين بروح احف ويهي واتعدل، مع اني الحمد لله على نظافة على طول ...
دفء الجليييييييييييد اخبارج يا حلوة!!!!!!!!!!!!![/grade]

سلام ...

كيف الحال ؟

جميلة : الحمدلله يا غاليه ..انا بخير والله يدوم عليج الافراح يارب ...والله يعينج على ولدج انا بنتي مطلعه عيني والله ساعات احس اني بستخف من شطانتها ...

ليل المجاريح : بتوحشيني يالغاليه وطمنينا على الوالدة مت ما قدرتي ....وان شاء الله الاخبار الجاية تكون ولادتج ..

حلوة بحرينية : اخبارج واخبار ولدج ..شكله مثلات بنتي ...والله ماقول غير الله يحفظهم هاليهال ويخليهم ..والله ساعات اضحك من شطانه بنتي وساعات احس اني بنفجر من الغيظ من حركاتها ..

حبيبة ريلها : بخصوص الحفاف ..الله يخليلي الموس لني ماني قادرة على الحلاوة ...عوار والم رغم اني قرريت في قسم التسوق كريم تخدير للمناطق الحساسة شكلي بشترية وبستخدمه علشان احف وافتك من حكة الموس وجروحة ,,

عن نفسي : اخباري مثل ماهي احس الايام تمر ببطأ شديد ...ومالي بارض في اي شيء وكله ابي اطلع واتمشى ومابي اقعد في البيت خير شر اتملل ....مادري شاقولكم والله نفسيتي غريبة هالايام ...واليوم ليش اني ما طلعت معصبة ومتضايقة ودي اطلع ...الحين راح اليوم وبكرة يوم ثاني ...

بنات شخبار الجماع وياكم..انا حارمة زوجي منه الصراحة الم فظيع يجيني ...المشكلة ان رفيقتي تقولي انه عادي وياها ..مادري هل انا طبيعيه ولا لا