اللي موعد ولادتها شهر يوليو ..تدخل وخلنا نكون رابطة امهات يوليو

مســـــــــــاء الخير عليكم جميـــــــعا


حلوووة البحرينيه:
شوفي حبيبتي انا بتوكل على الله وببتدي استخدم نظام الاعشاب ابتداءا من اول يوم في النفاس
وانا احمدلله جهزت كل الاعشاب المطلوبه..وانشالله تسوي مفعولها.



ليل المجاريح:
ماتشوف شر الوالده والله يقومها بالسلامه انشالله..وألف مبروك على تخرج اخوانج



حبيبة ريلها:
انتي مثلي انا بعد امس دخلت التاسع يلا الله يسهل علينا انشالله..
انا هالايام صايره اركب الدري وانزل عشر مرات كل يوم وبعد فتره بزيد المرات.. احس جونا مايساعد عالمشي في هالرطوبه وبالذات احنا الحوامل اشقدرنا عالحر والرطوبه..
على حظي من دخلت شهري جاتنا هالرطوبه العدله..
ماقلتيلي شنهي مسهلات الولاده مااعرفها ؟؟؟
بالنسبه حق الحف انا حاطة فبالي اول مااحس بعلامات الطلق بحف المنطقه الحساسه وبعدها على طول بتصل حق الحفافه تجيني تحفلي باقي جسمي واذا ماحصلتها بروح الصالون..ونو وي احف بموس ماستحمله على يدي او ريولي شلون هناك بمووووت..



دفء الجليد:
انا مثلج كارهه شي اسمه جماع بس انا مايجيني الم الا بعد الجماع كأن البيبي بيطلع
يقولون كثرة الجماع تسهل الولاده او تسرع الولاده..(كلام الدكتوره)

مراحب ياحوامل ..............
الضاهر كان مخرف معاي النت الفترة الماضية فما كنت اشوف اي مشاركات اجديدة ,,,,,,,,,,,,,
الظاهر خلاص ابتدينا في العد التنازلي ومابقي شي انا اختفيت عنكم اليومين الي فاتوا بعد قاعدة احوس بهلسوقة وشرايكم ليما الحين ماشريت للبيبي زوجي واعدني علي الأسبوع الجاي يوم الثلاثاء المهم خلصت بعض المتطلبات المهمة جدا جدا شريت كل اواني الضيافة من اول وجديد كأنة ماعندنا مواعين من كاسات وفناجين واستكانات وصواني وملاعق ماخليت شي الحمداللة اطمنت من هلناحية وابغي اشتري شراشف جديدة للبيت كلة وللضيوف لأن بيتنا بيجون ينامون عندي مثل مانتوا عارفين انا في بلد ثاني وكمان شريت اغراض لتغليف الشوكولاتات ومالي خلق اسويهم بس بحاول ............ واغراض البيبي اللي جاهز الملابس وملابسي كمان جاهزة بس صراحة البيت معفوس يبيلي ابتدي اضبط من الحين وانا كنت انتظر المدام تيجي تساعدني شكلها ماراح تيجي
المهم شخباركم انا بعد اسبوعين ادخل شهري واللة المعين احس روحي في حوسة
عن موضوع الحفاف انا جالي الطلق وراحت اراكض ادورلي صالون فاتح ماحصلت واللة وكيلكم بالموس الحين بس هناك من بعد ماعملت قيصرية حاسة ان واجد صعبة والم فضيع مع الحلاوة وغير كذا وكذا حتي لوشلتي بحلاوة اول ماتروحيلهم يحلقون لك بالموس حتي لومافي شي بس للتأكيد
انا حاطة في بالي من الحين احف جسمي لأن اي وقت الوحدة تولد حتي لوفي الثامن الواحد مايدري وثانيا انا احلق بماكينة سيلك ابيل براون فحتي لوطلع لواتمشين عليها المنطقة كل يومين مش اشكال وهناك دقيقة وحدة قبل ماتروحين المستشفي
وسلامتكم وايد بربريت فوق راسكم

[grade="8B0000 FF6347 008000 4B0082"]مرحبا:
والله اني اكتب وانا جسمي يعورني وحالتي حالة!!!!
انا خلاص ما عدت اتحمل الم الحمل وكله اتخيل الولادة، والله اني حالتي النفسية زفتة بالمرة, جسمي كله خليته فكس وما في فايدة..ابي اولد خلاص ابي اكمل الثامن واوال يوم بالتاسع اول مو قادرة اتحمل والله صايرة عصبية
يا رب يا رب يا رب تسهل ولادتي وآلامي يا رب عن جد انا تعبانة وضايقة ومو قادرة اتحمل زوجي وولدي..آلام الدورة ذابحتني وااااااااااااااااايد
الحمد لله على كل حال يا رب اللهم لا اعتراض[/grade]

[grade="00008B 4B0082 008000 4B0082"]يا امهات منو تتألم مثلــــــــــــــي ابي حد يحس فيني!!!!!!!!!!!!!!!![/grade]


:cry: :cry: :cry:

الجميلة
حبيبتي واللة قطعتي قلبي احسك تكتبين وانتي تبجين من اللي فيك ماني عارفة ايش اللي فيك بس طبعا الفترة هذي احسن بتعب شديد بالذات مع الوقفة وحايشني مغص بس اليوم الم في الظهر بس التعب الطبيعي تبع الحمل بس اللي اتقولين عنة موطبيعي يمكن اجهدتي نفسك يبيلك اتروحين الدكتور بس اعتقد ان انتي طفرتي من الحمل تعبتي من الأنتظار انا عندي احساس اني باولد بدري احس البيبي ثقيل بس اعتقد هذا شعور طبيعي في اواخر الحمل اللة ايعينك ويصبرك .

ياحوامل ياحلوين غيرت الأسم اشرايكم في اسم ريناد يمشي مع اسامي بناتي طيف ورهف وريناد قولولي رايكم ياللة حبايبي باي باي

[grade="0000FF FF6347 008000 4B0082"]هلا يالحوامل:
اي والله يا ام طيف ورهف/ انا الحين قايمة من ساعة من النوم وجسمي متكسر تعبانة حدي مو قادرة والله شغالتي هلكت من تسوي لي مساج، ما اعرف ليش جسمي يعورني بها الطريقة ومو راضية آخذ بندول, الحين قلت بتريق وباخذ لي حبتين,الله يبعد عن كل حامل الشر يا رب.
بالنسبة للأسم ريناد صراحة حلو اشجعج تسمين هالاسم والله يوفقج يالغالية
سلامي للباقيات[/grade]

اللة ايكون بالعون الجميلة
حبيبتي تري الراحة الوايدة هم موبزينة خلاص بطاريتك علي طول منتهية حتي لوماكان فيكي شدة اتغصبي علي روحك مثل نانا اسوي بس انا واللة قصبا علي لو تحصلي الراحة مابصدق اللة ايكون في العون ويطوف الفترة علي خير بغيت اخذ رايكم ممكن اصبغ شعري قبل الولادة احسة جدا ضروري لأن عندي شيب اكثير وفاضحني فضيحة لا تفتكرون اني اكبيرة توني في عزشبابي 28 بس العطور والصبغات وماتسوي عطوني رايكم سلام

اللة ايكون بالعون الجميلة
حبيبتي تري الراحة الوايدة هم موبزينة خلاص بطاريتك علي طول منتهية حتي لوماكان فيكي شدة اتغصبي علي روحك مثل نانا اسوي بس انا واللة قصبا علي لو تحصلي الراحة مابصدق اللة ايكون في العون ويطوف الفترة علي خير بغيت اخذ رايكم ممكن اصبغ شعري قبل الولادة احسة جدا ضروري لأن عندي شيب اكثير وفاضحني فضيحة لا تفتكرون اني اكبيرة توني في عزشبابي 28 بس العطور والصبغات وماتسوي عطوني رايكم سلام

[grade="00008B 0000FF 008000 4B0082"]حبيبتي ام طيف ورهف: صدقج مهما ارتحت اظل تعبانة بس الوحدة تقول الحمد لله على كل حال, بالنسبة لصبغ الشعر انتظري ما باقي شئ خلي الشيب يولي بعد الاربعين سوي اللي تبينه علشان تتعدلين مرة وحدة لا تخربين كشختج من الحين..
انا بعد الاربعين الله يقومني بالسلامة بسوي كل شئ( صبغ وحف وميش وكل شئ وشاريت لي اشياء وايد فخمة صراحة بتعدل باذن الله بطلع عروس ههههههههههههههه[/grade]

مرحبا ياحوامل وش أخباركم حبيت أخبركم أني ولدت بالسلامه وانا في الشهر الثامن بدايته
أول أسبوع تقريباً ولدت تاريخ 6/6 طبعاً الولد كان جداً تعبان وتوفى بعد يوم تقريباً
بالنسبه لي الحمد الله كانت الولاده سهلة وكنت رايحه المستشفى والرحم مفتوح 10 وماخذت ساعه
إلا أنا خالصه أصعب شي في الموضوع كان لما طلع الولد كان راسه لسه فوق وطلع من الرجل
أول وطلع جسمه كله والراس ظل يمكن 10 دقايق وبعدين طلع بس الحمد الله أدعوا لي أن شاء الله
أحمل بعد 6 شهور مسكين لما طلع كان لونه بنفسجي حيل وظل في العنايه المركزه والله كان يقطع قلبي لما كنت اروح اشوفه والحين انا أعاني من ألم في صدري الم حار جداً وصار صدري متحجر ولا عارفه كيف اخفف الألم الأخصائية قالت لي لاتستخدمي حبوب تنشف الحليب لأنها تسبب أمراض سرطانيه قالت خذي ثلج وحطيه على صدرك أن شاء الله راح أجرب وان شاء الله يخف
ان شاءالله كلكم تولدون بالسلامه وتقر عينكم بشوفت ظناكم بصحه وسلامه

وان شاء ادخل اتطمن عليكم واقرأ قصص ولادتكم وأنا الحين راح أقول مع السلامه لكل
الأمهات اللي في الرابطه (f)

هلا حبايبي شلوووونكم عساكم بخير وعافيه انا اليوم سرت العياده وقالت لي دكتوره لا تاكلين حلويات لانه وزني زايد حرام بس انا مدمنه الحلويات:(

بسمات وضحكات الله يكون فعونج وانشاء الله تحملين بعد 6 شهور ولله فيج الخير تسالين عنا
حوامل اللويز للبشره الحساسه مش اوكي؟؟؟؟؟؟؟؟؟؟؟؟؟!!!!!!!!!!!!!!!!!!

انا مسويه توزيع حق اللي بزورني بس ناقصني الكلام عطوني كلام اكتبه ........عن البيبي

[grade="00008B FF6347 008000 4B0082"]لا اله الا الله...
الله يعوضج يا رب الله يعوضج، لا تحزني الله معاج انشاء الله والله قطعتي قلبي, باذن الله الواحد الاحد تحملين وبتييبين ولد يملى حياتج واتوكلي على الله ...
سلامتج يالغالية ما تشوفين شر[/grade]

يا بعد عمري ضحكات وبسمات
اول شي اقول لك اللة يرحمة ويرحمكم برحمتة انشاء اللة وثانيا حمداللة علي سلامتك ياعمري واللة ايعوضك بالبنين والبنات انشاء اللة هذا قدرك ياعمري وهذا طير لك في الجنة يغفرلك ياعمري اللة ايهون عليك بس اهتمي بنفسك تراك بفترت انفاس ولا تزعلين ترا الزعل ايأثر في الحمل الجاي وديري بالك واذا حاطة في بالك تحملين انشاء اللة لاتقطعين الفيتامينات من قبل مايصير حمل اللة ايكون في العون

ياللة يا حوامل

تراكم ثقلتوا وصرتوا مافيكم فايدة خلاص مالكم خلق حتي اتشاركونا افا عليكم بس
ام شووق
تعالوا ...تعالوا شوفوني شيلوا القمر وحطوني وعن الحسد عوذوني
انا باستخدم العبارة هذي انشاء اللة تعجبك
ياحوامل مافي الي الجميلة اللي جالسة تشاركنا وينكم ماقلتولي اشرايكم برناد
واصبغ شعري والا لا

مرحباااااا
مشسكوره ام طيف والله عبارتج حلوه

لا تصبغين الحين يوم بتربين بسلامه اصبغي

صباح الخير يا رابطة شهر يوليو

1- بنت الكويت 84 في 9 يونيو 2006

2- ماروكووو في 1 يوليو 2006

3- مس نوار في 1 يوليو 2006

4- نور ينور قمر في 3 يوليو 2006 - ولد ( بشرتنا بخليفة 19/3 ولادة مبكرة )

5- سوااااري في 4 يوليو 2006

6- أم العصافير في 5 يوليو 2006

7- كتكوتة نايمة في 7 يوليو 2006 - بنت

8- حبيبة ريلها في 7 يوليو 2006

9- شوق العين في 8 يوليو 2006 - ولد

10- أم الحلوووة 11 يوليو 2006 - ولد

11- حلوووة البحرينية 11 يوليو 2006 - ولد

12- عيون الافعى في 12 يوليو 2006 - بنت

13- أم رغووودة في 12 يوليو 2006

14- flower_world في 12 يوليو 2006 - ولد

15- أم شوووق في 12 يوليو 2006 - ولد

16- أم أسيد في 12 يوليو 2006 - بنت

17- طفلة غلا في 13 يوليو 2006

18- asmaa_kh في 14 يوليو 2006

19- سوسكا في 15 يوليو 2006

20- FLoOoOoOoNA في 15 يوليو 2006

21- jafa في 17 يوليو 2006

22- أم سيف 2006 في 18 يوليو 2006 - بنت

23- راضية بقدرها في 19 يوليو 2006 - بنت

24- دفء الجليد في 20 يوليو 2006 - ولد

25- توتة في المريخ في 20 يوليو 2006 - ولد

26- أم أحمد 25 بدش التاسع ان شاء الله تاريخ 20يوليو 2006

27- بسمات و ضحكات في 22 يوليو 2006 - ولد - وولادة في 6/6 بس توفاة البيبي الله يعوضها خيررررر أن شاء الله ....

28- شذى في 23 يوليو 2006

29- ليل المجاريح في 23 يوليو 2006 - ولد

30- الجميلة 78 في 24 يوليو 2006 - ولد

31- الأمل الجديد في 24 يوليو 2006

32- الحالمة بالحب في 24 يوليو 2006

33- دمعة شتاء في 25 يوليو 2006

34- قطر في 26 يوليو 2006

35- عبق الريحان في 28 يوليو 2006

36- ام حسام في 29 يوليو 2006

37- أم طيف ورهف في 29 يوليو 2006 - بنت

38- ayyat في آخر شهر يوليو

والله يتمم علينا بخير ...

هلا وغلا

صباح الخير حوامل شهر يوليو ما باقي علينا شي أسابيع معدودة

أنا من يومين دخلت الشهر التاسع وأحسب كل يوم بيوم وأتمنى أني أولد في أقرب فرصة ... أمي وأختي الكبيرة رايحين يسافرو بتاريخ 22 /6 وما بيرجعون إلا على تاريخ 31/6 وأنا خايف أولد وهم مو موجودين ... لهذا السبب اتمنى أني أولد هذا الأسبوع أو الي بعده ... لأني خلااااااااااااااص تعبت من الحمل بعد وجسمي كل يألمني وحركات البيبي وااااايد ثقيلة ويتحرك بعنف أكثر من قبل .......

حبيبتي أم طيف ورهف لا تستعجلين على ضبغ الشعر خليه بعد الولادة أحسن وأفضل لك حتى يكون التغير مرررة وحدة ... وبخصوص الاسم واااايد حلووووو اسم ريناد فتوكلي على الله وسجلي الاسم في فورمت الولادة ........

الجميلة يا الغالية الله يكون في عونك لأان التعب كل ما له رايح يزيد وفعلاً الكل تحسينه أن تملل من الحمل ويبي يولد بسلامة .... الله يتمم لنا على خيررررررر ... ونربى بسلامة .... أدعي لي معاك في كل صلاة أن تربى قريب ........

حبيبيتي الغالية بسمات وضحكات الله يكون في عونك يا الغالية وما عليك شر وأن شاء الله ما تمر عليك ست شهور إلا وأنت حامل ويعوض عليك بذرية الصالحة ومعافة ... ولا تقطعينا ... وخلينا نسمع أخبارك .....

أم شووق يا الغالية شخبارك أن شاء الله بخيرررر ... وخفي من حلويات هذي الأيام لان خلااااص قرب موعد الولادة ... وعن وزنك رايح ينزل تدريجين بعد الولادة ... وعن عبارات هذي وحده
* انا نونو شيلوني .. سمو عليه .. وخلوني ...
* انا نونو شيلوني بحنيه ... ترى أمي تعبت عليه .....

وسلامي وتحياتي للجميع ...

وين الباقي نبي نسمع آخر أخباركم قبل الولادة ........

مرحبا

بقولكم شصار معاي امس
طرى على بالي اروح اسوي سونار واطمن على وضعية البيبي فيوم رحت سألت الدكتوره اني وايد اوسوس من الحبل السري اخاف يلتف حولين البيبي خصوصا ان وحده من هلي توها والده واكتشفوا ان الحبل ملتف على البيبي وكانت حالته صعبه شوي بس الحمدلله الله حفظه ..المهم قالت الدكتوره بشيك على مكان الحبل فطلع ان الحبل صوب رقبة البيبي فخوفتني وقالتلي بكتب لج تروحين الطوارئ عشان يسوون لي تخطيط...وقالت بعد ان حجم البيبي صغير شوي 2569جرام
يعني اصغر من عمره باسبوع ولازم مااتحرك وامشي وايد لازم ارتاح عشان يكبر البيبي
وانا الشيخه حاطه فبالي امشي وصايره اركب الدري وانزل عشر مرات فاليوم..فشكلي بوقف كل شي وبرتاح..
المهم طلعت من عندها وعلى طول عالطوارئ نقعت هناك من 7 لين 10 ولا دخلت على الدكتوره زحمة زحمة تمللت وطلعت بدون مايسوون لي شي..!!!ناطره عالفاضي


بسمات وضحكات:الله يعوضج انشالله بغيره وهذي ارادة رب العالمين وانشالله يجلعه ربي في ميزان حسناتج..



ام طيف ورهف:انا حاسه فيج الوحده في هالفتره لايعه جبدها من شكلها تبي تغير اي شي فيها
واتصدقين انا هالشعور فيني من وانا في السادس صبغت شعري 3 مرات تخيلي.والحين انا مقتنعه بلون شعري ..اذا تبين تصبغين شعرج اصبغيه مااعتقد بيأثر وانتي في التاسع بس بعد انا مع البنات انج تنتظرين لين ماتربين مره وحده غيري اللوك صبغي وقصي وسوي اللي في خاطرج..
حلو اسم ريناد بس مب نور احلى؟؟



تدرون وديت صحون التقديم المحلات اللي بترسهم موالح وكيك علشان يوم اللي اربي انشالله نتصل لهم يبرزون كل شي اما التوزيعات سووا لي سامبل حطوا كافي وملبس طلعوا يجننون صج روعه بس ماافكر اكتب عليهم كلام بس بقدمهم جذيه
باقي اودي الفازات محل الورد واخليهم عنده نفس حركة الموالح اتصل لهم يوم الولاده

واكون جذي برزت اغلب اشيائي تقريبا للولاده

الله يسهل علينا جميعا

مشكوووووره حلوه البحرينيه على عبارتين

وانتو شحالكم ياحوامل صح بغيت اسالكم عندكم افرازات وله انا عندي لونها صفراء عادي وله

ااااااااااااااااااخ جااان انه معااااكم واكوون حامل مثلكم وجريب بااااولد ,,,, ماشااء الله شكثر بيولدووون وشكثر في تجمع المصابات بتكيس ومتااخر عليهم الحمل وطبعاا انه من ضمنهم ,,,



انه صج داااخله بلغلط بس ابي منكم طلب وان شااء الله تسونه لي ياربي

بغيتكم تدعونلي بالاسم يوم ولادتكم يقولون دعوت الواد مستجابه باذن الله ,,,