اللي موعد ولادتها شهر يوليو ..تدخل وخلنا نكون رابطة امهات يوليو

من تعرف الاثار الجانبيه للحلبه حق الحامل في اخر شهورها
انا سمعت انها تسهل الولاده او توسع الرحم شي جذيه
ولا مره شربت حلبه
بس هاليومين صرت اشرب خلطة
حلبه+يانسون+بابونج+الحبه السوده
بكميات متساويه انقع الخلطه بماي حار واشرب الريق وقبل لا انام
واشرب بعد فنجان ماي ورد وزعفران كل يوم
مادري اللي انا اسويه صح ولا غلط !!!
مستعيله عالولاده تمللت

سلام يا حوامل شخباركم واخبار كروشكم ؟

بسمات وضحكات : الله يصبر قلبج يالغاليه ويوهون عليج بلواج ويارب العالمين يرزقج بذرية صالحة من بنين وبنات .

حلوة بحرينية : شلونج يالغلا كله وشخبار حمالج ...بالنسبة للالم تراه بلشة ومادري ليش الكل صاير يشتكي من هالالم ..تدرين انا بروحي قمت احس ان هالسنة الحوامل بيولدون قبل مواعيدهم

ليل المجاريح : شلونج يا قمر وشخبار ولدج العسل ...؟؟ اي غنايم الله يهداج بس...هاذي غنيمة ...؟؟!! هاذي هم ..والله اني دوم ادعي ان الله يثبت لي حملي لين ما يجي يومه يارب ...

عيون الافعى : والله ابتلشنا بهالدكاترة ..انتي قايلين لج الراس فوق وانا الراس تحت ومن صوبج يولولووون ومن صوبي ينوحون ....مادرلاي هم شيبون من الجنين بالضبط باي وضعيه يكون ...

انا عن نفسي ...مارحت ليما الحين للدكاترة ومادري شسالفه ...هل الراس مازلال تحت ولا لا ...بس ساعات احس الجؤكات تحت وساعات فوق ..مادري هالجنين وينه بالضبط ...والمشكلة اني رحت لدكتورين مرة ورجال واثنينهم قايلين لي نفس اللكلام ..ان البيبي نازل واي وداش مجرى الولادة ولازم احاسب على نفسي ولا بتجيني ولادة مبكرة طبعا عطوني اجازات بس اضطريت بالنهاية اني اخذ اجازة من غير راتب ...واخت زوجي قايلين لهانفس الشيء ان البيبي عندها نازل ..

يا حلوات الاقي عندكم حل ...بغيت كيس نوم للبيبي في بيبي شوب يلوعون الجبد ومالقيت اي شيء يعجبني ...قولي لي انتوا من وين شاريين وقولوا اسعاركم واذا تقدرون تحطون صور ...يمكن افكر اسوي مثلكم ....

انتظر ردودكم

اقوول ...؟؟؟ وينها جميلة 78

دف الجليد انتي من وين؟؟
لأنج لو من قطر
روحي الصالون الأزرق عندهم اكياس للبيبي لونهم ابيض
وايد حلويين
خذت حق هالبيبي من هناك وقبل حق بنتي كنت ماخذه من هناك
هذيله ارقى شي
واسعارهم تتراوح بين 250 و300 تقريبا

صباح الخير:
شخباركم اتمنى الجميع بخير, انا ادش اقرا يومياتكم بس متعايزة ارد احيانا اكون تعبانة, وانا مشغولة بعرس اخوي وبالفستان. والصالون .ووووووووووو
والله الحمل متعب وحالتي حالة...

هلا وغلا وصباح الخير

شخباركم يا رابطة شهر يوليو

شخباركم حوامل وشخبار البيبي

أنا الحمد لله بخير بس الزكام ذابحني ما خف علي بمرررررررررة ...

حبيت اشوف اخباركم واسمع سوالفكم

والله يتمم لنا على خير ويوم الله بيأذن للبيبي يطلع بيطلع لا قبل بساعة ولا عقب بساعة ... في وقته ... بس الوحده منا من التعب والثقل تقول متى نخلص .....

سلامي وتحياتي ....

صباح الخير ياكروشات ..
دفء الجليد وينك كل هذا من البيبي .. الحمدلله انك طمنتينا وبعدين لا تخافين مره علشان ما تتوهمين انه خلاص بينزل .. تصيرين تخافين من اي حركه علشانه حاولي تراجعين الحين كل اسبوعين ومادام الرحم مقفول وما فيه افرازات زياده لا تخافين حتى لو راسه تحت ودكتورتي قالت هذا الكلام وبعدين البيبي ما يثبت الا في التاسع ..........

حلووووووووووة الله يعينك من جد هم طيب الدكتورة وش قالت لك على الزكام معقوله ما تعطيك دواء .. احسها صعبه دائما مزكمه تكفي الكرش لحالها ؟؟

كتكوته ... ليش مستعجله انتي بكريه ؟؟ ترى نصيحه خليه يجي بوقته ولا تعبين نفسك او تضرين البيبي بأفكارك .. والله بتقولين لو نزل يوم كان في بطني اريح .. اسألي مجربه

( بنات الجنين ما يكتمل نمو الحواس والجهاز العصبي والتنفس بشكل صحيح وكامل الا في التاسع واول ما بيكون قادر على انه يعيش بمفرده ربي بيأذن بخروجه فلا تحاولون تولدون قبل حرام بتضرون النونو .. )

الجميله : ياحرمه انتي حيه ولا ميته بعيد الشر عنك وينك بس اهم شئ لقيتي فستان حلو انا بصراحه رحت البارح دورت وع كلها بايخه احس اني لو افصل احسن بس ما لقيت قصه حلوة للصدر ولا من تحت عادي بيكون شيفونات واسع
مناسباتك وانتي بالتاسع ؟

مرحبا

ليل المجاريح انا مب بكريه هاي الحمل الثاني لي
تدرين انا مابي اكمل التاسع وادخل في العاشر عشان جذيه تشوفيني مشتطه اشرب اعشاب وابي امشي هالايام
انا بس اتمنى اول مادخل اتاسع اخذ اسبوع او 10 ايام واربي
عالعموم اللي الله كاتبه بيصير:gum:

هلا والله حبايبي سامحوني صار لي فترة ما ارد وياكم بس لأني مشغولة بتجهيز الغرفة اللي راح اقضي فيها فترة النفاس ان شاء الله والله الشغل فيها كثير وباقي علي اشياء كثيرة ماقضيتها بس الحمدلله اهم شي اني شريت كل اغراض البيبي واغراضي وباقي بس غسالة لملابس الطفل والله يسهل ان شاء الله امور الغرفة وتجهز ان شاء الله قبل الولادة يارب...


الآلام لحينها مستمرة معي والبيبي آخر مرة الدكتورة قالت لي ان راسه تحت واحس يتعب وملل وكل يوم اقول متى اولد بس التعب يهون علي لين افكر ان هذا في مصلحة الطفل وكلما ظل ابطني طلما اكتمل نموه وصار اقوه واحسن له بأذن الله والله يصبرني ويصبركم يارب ويولدنه بالموعد اللي الله كاتبه لنه مو قبل او عقب بأذن الله الكريم


ان شاء الله موعدي يوم السبت وراح اقول للطبيبة عن الآلام اللي احس فيها وراح اسئلها عن وضع الطفل ويارب اطمني ان كل شي زين وطبيعي ...الله كريم ان اء الله


لجميلة78 وليل المجاريح الله يوفقكم وتحصلون الموديلات اللي تلوق لكم لمناسباتكم وتستانسوا فيهم يارب :)


حلوووة البحرينية الله يكون بعونك ويسهل عليك ويشافيكي ربي ان شاء الله طلبي من دكتورتك تعطيكي ادية وفيتامينات تقويك وتساعدك واشربي حليب دافي مع ملعقة كبيرة من العسل وارتاحي كثر ماتقدري ونامي اذا حسيتي بالتعب والله يسهل عليكي وعلينه يارب(f)



كتكوته نايمه ربي يحفظك ويحفظ مولودك ان شاء الله(f) والله ماعندي فكرة بس انا ناوية وقت مايجيني الطلق اشرب دارسين عشان يحمي الطلق ومن ادخل التاسع بأذن الله راح ابتدي آكل تمر و رطب واكر من شرب المويه لأن الرطب يساعد على تيسير الولادة ويمد الجسم بالطاقة اللي يحتاجها للدفع عند الولادة ويعوض الجسم عن اللي يفقده اثناء الولادة وكذلك المويه مهمة بالولادة عشان الوحدة مايصيده جفاف وكمان الرطب يوسع الرحم بالمواد اللي فيه ومش مؤذي للمعدة لو اكلتيه على الريج في يوم الولادة.



ربي يحفظكم سالمين ويهون عليكم يارب(f)

هلا وغلا

صباح الخير حوامل

أنا اليوم احس نفسي أحسن بوايد ... خف علي شوي الزكام ... لان الدكتورة عطتني قطور للأنف وهذا القطور خفف علي البارحة وخلاني أنام ... بس قبل ما أنام على الساعة 10 ونص تقريباً جاني ألم من تحت وارياح ما قدرت حتى أقف منها ... ظليت على سرير مثل الوحد الي ساجد على المصلى ... وماسكة في بطني من الألم ... نصبرت شوي وقمت عملت لي بخورة ... من تبخرة ببخورة كأني وحدة كنت اكذب ما كان فيني شي ..... يا سبحان الله ... في الأول ظنيت أنه بداية طلق ... بس من عملت البخورة ما كان شي .....

سلامي وتحياتي للجميع ....

هلا يا خواتي الطيبات.. شو اخباركم واخبار الحمل ويااااكم... والله واايد اشتقتلكم يا الغاليات..

انا الحين في الشهر الثامن.. وكل شي تمام والحمدلله.. وقالوا اني حامل ببنت... بس لين الحين ماعرف شو اسميها.. لاني مره ما اتوقعت انه عندي بنت.. كله كان في بالي ولد.. يالله الحمدلله .. بالعكس انا فرحانه بالبنت لانه اول بنت بتكون عندي.. والحمدلله راسها تحت... موعدي بيكون بعد اسبوع ان شا الله...

سجلوا في القائمة...

أم سيف 2006 - [grade="DC143C FF1493 FF1493 FF1493 DC143C"]بنت[/grade]

احلى سلام لاحلى حوامل ...

شلونكم يا حلوات وشخباركم ؟؟؟

حلوة بحرينية : اشربي عصير برتقال كثر ما تقدرين طيعيني ...عن تجربة زكمت وبغيت اموت نفس ما كنت اقدر اتنفس وكنت كله مصدعه ...ولا دواء خذت للزكام غير مشروبات حارة وعصير برتقال ...والحملله الزكام خف علي بسرعه ..

ليل المجاريح ...شلونج يالغلا وشخبارج ...وبالنسبة للافرازات تراها زايده عندي هالفترة بس اختي وامي يقولون لي طبيعي ...خليها على الله انا قمت احاتي الولادة من الحين ..تدرين شنو اكثر شيء اكرهه الخياطة ...

ام سيف مبروك البنوتة القمر ...عسى الله يفرحج بشوفتها ...وترى البنات تربيتهم حلوة وايد ...وحتى تجهيزهم حلو ...تصدقين البنت لا افكار اكثر من الولد في التجهيز

جميلة ...وينج ما تبينين ..اختفيتي ....عسى المانع خير يارب

كتكوتة نايمة : مشكورة يالغلا على النصيحة ...بس بسالج هل في اكياس نوم للولد عندهم وتناسب الاولاد ولا لا ..لان اخت زوجي شرت من عندهم كيس نوم لبنتها ب 400 ريال بس ماحسيت شكله ما يسوى وتقولي مالقت لولدي نفسه ؟؟وانا ابي كيس يكون شكله حلو ويناسب الاولاد وسعره يكون ميتين خمسين اذا كثر

انا عن نفسي ...امس بالليل ماقدرت انام كله ارجع انفجرت من الحموضة والله كنها سكين يقطع فيني واليوم اشوف نفس الشيء ... كله ارجع ..الظاهر معدتي متوعكة شوي...واحس اني متحمسة لشوفة البيبي بس متخوفه من الخياطة ...

مساء الخير جميعا وحشتوني ..

بسم الله علينا من هذا اللي طل بنورة وراح هاه دفء راعيه الموضوع ودائما مختفيه يابنت الحلال لا تخافين الخياطه عندي تهون ولا الم الطلق وخروج الراس .. ويمكن هاذي المرة تعدي بسهاله وتطيحين في يد وحده بنت حلال ويدها خفيفه

حبيبيه ريلها الله يسمع منك والآقي شئ زين عاد مسويه نفسي حرمه ادور في المجمعات ولا شئ اعجبني تدرون اول مره تجيني مناسبه زواج وانا حامل .. يالله من حقي اتدلع بس اخاف اجهز واولد قبلها هنا بموت قهر ...........

حلووووة الله يهون عليك معاناه انتي وهذا الزكام .. بس البيبي لا ينحف ؟؟

ام سيف مبروك البنوته بس الله يعينك على الدلع وتجميع اغراضها من كل سوق شئ وهذا حالي مع بنتي بس الحمدلله الحين بعد مرور سنه عرفت ان بنتي ما تحب حركات الدلع لا ربطات ولا طواقي يالله تخلي لبسها عليها كنها ولد حتى الذهب اذا لبستها سلاسل بس تنتبه لها تقطعها مدري ايش الدلع هذا ..؟

كتكوته يالله عاد استحملي كلنا تعبنا وخلاص لو علينا ولدنا من زمان بس وش نسوي ؟؟

والله اليوم فقت من النوم على كابوس الله لا يوريكم مت من الخوف وظليت ابكي مادري ليه تتكرر معي الكوابيس هالأيام :( والبيبي احسه يحوس مايدري وين يروح لين تعتفس حالتي من هالكوابيس :( الله يعدي هالفترة الين الولادة على خير يارب ويعدي شر هالكوابيس علي وعلى البيبي بالخير والصالح ان شاء الله...

ابي غرفتي تجهز ومدري كيف راح اولد وزوجي مو معي مسافر في دورة دراسة :( الله يسر ويسهل علي وعليكم يارب :( الله كريم .

بنات باركولي جهزت للبيبي امس كل شئ اخذته وبعد اشتريت لولدي وبنتي ملابس علشان اذا دخلت التاسع اكون مرتاحه يعني جهزت للصيفيه والزيارات وبعد ولادتي بس باقي انا ما لقيت شئ حلو ابي جلابيات بيت خفيفه ونعومه استقبل فيها ضيوفي وأخذت كم شغله لي لبعد الأربعين حلوة
ياربي الآقي هذا الأسبوع واخلص ..؟

هلا يا بنااااااات
شخباركم سمحولي لاني من فتره ما دخلت لان عندي امتحانات وانشاء الله بخلص يوم الاثنين الياي
المهم اتا اخذت كل اغراض البيبي .....ولنفسي ما خذيييت اي شي
ياليييييييييت لو وحده تعرررررف محلات ف العين لبيع الروبات ..عشان المستشفى اتقووولي


انا الحين باقي لي 9 ايام وادخلت التاسع وخاطري اربي ف اول اسبوووع منه
لاني احس اني وايد ثقيله وماضايقه ..............................................................

عندي فكره حلوه شو رايكم كل وحده تحط صور ملابس البيبي اللي خذتهم ...؟؟؟؟؟؟؟؟؟؟؟؟؟

مراحب حوامل,......................
اشفيكم قليتوا واللة وحشتوني موت موت وانا كل يوم علي هلحالة لين مافتح المنتدي ثاني وأول مافتح حاشتني مشاكل موقادرة اسجل في المنتدي المهم انتوا شخبارك الحين كلنا المفروض في الثامن سؤال من بعد الاسبوع 37 احتمالات الولادة صح يعني بعد اسبوعين من دخول التاسع فكيف في حوامل يولدون من اول يوم في التاسع ,,,,,,,,,,,,
صحيح هذي الولادة الثالثة بس الأولي قيصرية في الأسبوع 35 والثانية طبيعي في 41 اسبوع واللة يعين في الثالثة بس من أول مادريت اني حامل وانا افر في الطلق شي مايتنسي واي مادري اشلون باولد ميتة من الخوف ........ززززز
اللة ايهون علينا وعليكم انا عندي بنتين والثالثة بالدرب انشاء اللة انا ام البنات ياللة مالنا الي انونس بعض ليمن نولد ...............
عندس البروتين مرتفع والأسيتون مرتفع ومنفخة وحالتي حالة وضائف الكلي والضغط ماتم شي .
ايام وتعدي انشاء اللة ...................سلام وكل وحدة تعطينة الأسامي الي راح اتسميها اوكي

مراحب حوامل,......................
اشفيكم قليتوا واللة وحشتوني موت موت وانا كل يوم علي هلحالة لين مافتح المنتدي ثاني وأول مافتح حاشتني مشاكل موقادرة اسجل في المنتدي المهم انتوا شخبارك الحين كلنا المفروض في الثامن سؤال من بعد الاسبوع 37 احتمالات الولادة صح يعني بعد اسبوعين من دخول التاسع فكيف في حوامل يولدون من اول يوم في التاسع ,,,,,,,,,,,,
صحيح هذي الولادة الثالثة بس الأولي قيصرية في الأسبوع 35 والثانية طبيعي في 41 اسبوع واللة يعين في الثالثة بس من أول مادريت اني حامل وانا افر في الطلق شي مايتنسي واي مادري اشلون باولد ميتة من الخوف ........ززززز
اللة ايهون علينا وعليكم انا عندي بنتين والثالثة بالدرب انشاء اللة انا ام البنات ياللة مالنا الي انونس بعض ليمن نولد ...............
عندس البروتين مرتفع والأسيتون مرتفع ومنفخة وحالتي حالة وضائف الكلي والضغط ماتم شي .
ايام وتعدي انشاء اللة ...................سلام وكل وحدة تعطينة الأسامي الي راح اتسميها اوكي:sad:

سلام بنات شلونكم وشلون كروشكم وياكم

ليل المجاريح ..الموضوع منور بوجودج ..وبالنسبة لاختفائي فترات ..صدقيني من الكمبيوتر مطلع عيني ...كمبيوتري الديسك توب باط جبدي مرة ما يكتب عربي ومرة حايشة فايروس ومرة مهكرينة ومرة يشير ومرة مليان واخر حاله صادته هي انه يتسكر بروحة ...والحين انا شغلي كله على اللاب توب ...وبالنسبة لملابسج ...حاولي تجهزين نفسج بسرعه لان اذا دشيتي التاسع ترى بتحسين بثقل وما بتحبين تطلعين اي مكان ...ويمكن تولدين بسرعه قبل ما تكملين التاسع

حبيبة ريلها : شلونج ياقمر ؟واخبار حملج وياج ...بالنسبة للكوابيس ترى هالشيء عادي في فترة الحمل وخصوصا الشهور الاخيرة ...وهاي كله بسبب خوفج او تفكيرج بالولادة او بالبيبي ..عادي ترى انا الكوابيس تجيني بعد ..

ام طيف ورهف : شلونج يالغاليه ..واخبار بناتج الحلوات ...ترى البنات حلوات ونعمه من رب العالمين ..وتربيتهم حلوة وخفيفة ...وتقدرين تسيطرين عليهم ...بس الاولاد حسب ما سمعت انهم يكونون بشخصيات مستقله من صغرهم مثل ما تقولين فطرة ,,,وتلاقينهم عنيدين وراسهم يابس

فلور وورلد : شدي حيلج بالامتحانات والله يوفقج وعقب لنا سوالف وياج عن اليهال والملابس

وبالنسبة لعرض صور اغراض البيبي ..انا وحده متنحه بهالسوالف وماعرف شلون انزلهم ...هاذا شيء والشيء الثاني وديتهم بيت اهلي استعدادا للنفاس ...والشيء الثالث هز اني احس نفسيتي منهارة هاليومين حتى زوجي ملاحظ هالشيء ...وكله اهاوش بنتي ..احس اني مافيني صبر عليها ..وهي الله يحفظها صايرة دلوعه يقولون لانها حاسه ان في بيبي جاي في الطريق ...خلوها على الله ...متى اربي وافتك ...