اللي موعد ولادتها شهر يوليو ..تدخل وخلنا نكون رابطة امهات يوليو

هلا وغلا

صباح الخير يا رابطة شهر يوليو

شخباركم أن شاء الله الكل بخير

وحشتوووووووووووووووني موت

أنا عن نفسي ما قدرت أني أشارك في منتدى ثاني غير منتدى العروس

والبيبي الي في بطني ما شاء الله عليه وااااااااايد يرفس ويتحرك بطريقة عنيفة حتى أن البيبي يتحرك في مكانين في نفس الوقت وعني أحساس بأنه مو واحد الي في بطني يمكن يكون أثنين وألم دايم في بطني وخصوصاً وقت ما أنام ما أقدر أنام من ألم وتعب .... بصراحة وااااايد تعب ...

أنا الحين في 33أسبوع وخمس أيام وقبل ثلاثة أسابيع جاني ألم وطلق كاذب رحت المستشفى وعملوا لي تخطيط بس طلع كل مو صدق ..... الحين عندي ألم اعلى البطن من تحت الصدر ما اقدر اقعد منه ولا اوقف منه ... وااااايد متعبني هذا الألم ..... كل شي بخير وتمام ........ بس تحارس يومنا الموعود الحين .... أما عن وزني لحد الآن زاد وزني 8 كيلو بس ... ويقولوا أن البيبي صغير ... وعطوني مواعيد متأخرة على 17 يوليو لحد الآن ....... وعن أغراض البيبي كملت وخلصت أغراضه .... وما باقي ألا المفرش للبيبي وعلى نهاية هذا الأسبوع رايح يكون جاهز ... أن شاء الله .... وعن حقيبة المستشفى جهزتها ... وكل ما أذكر شي خليت فيها ... حتى أكون جاهزة على الولادة ..... أنا في ولدي حسين ولدت على 37 أسبوع ... فأنا أجهز نفسي على مثل هذا الموعد .....

سلامي وتحياتي للجميع ......

هذي أخباري وأنا أدري طولت عليكم وااااايد .......

بس حبيت أرد على أختي بسمات وضحكات الله يكون في العون والله يصبرك ... بس أنا اقول تأكدت من الموضوع في مستشفى ثاني يمكن يكونون غلطانين ... يغلب الله على غلبهم ... يمكن العلم وصل هذا المواصيل بس يصير بغلطون .... الله يكون في العون ... ويصبرك .... ويعوضك خير أن شاء الله ....

ليل المجاريح وحلوة بحرينية شكراً على كلامكم اللي ريحني

وأنا دائماً أتذكر وأقول ان شاء الله هذا خير لنا وكل هذا في أجر وثواب

بس غصب عني نفسيتي تعبانه من عرفت الموضوع صار لي شهرين

والله دموعي ماوقفت يوميا أتذكر واقعد أصيح بس الحمد الله

وبالنسبة اذا رحت الى دكتور ثاني او لأ ؟ طبعاً رحت اللي شكت في الموضوع

كانت أخصائية وبعدها رحت الى أخصائية ثانية تسوي لي سونار ونفس الكلام ماصدقت

ورحت الى أستشاري كبير ومعروف وأكد لى الكلام وزاد عليهم انه راح يموت مايقدر يعيش الا

ساعات وبعدها رحت الى أستشاري ثاني ونفس الكلام وأنا الآن أتابع عند أستشاري

هي المواعيد اللي باقية بس علشان يهتموا فيني ويشوفوا الضغط والسكر ويسمعوا نبض البيبي

لأنه يتوقعوا يوقف في اي لحظة وقال لي الأستشاري في وقت الولادة ماراح يراقبوا الجنين

أبداً ولا راح يسمعوا نبضه علشان يتركوني أولد طبيعي ولا يعرضوني الى عملية قيصرية

وآخر موعد رحته قبل أسبوعين قال لي لو البيبي ظل عايش شهر أو شهرين وكان جداً تعبان

ممكن يقرر الطبيب أنه يوقف جهاز التنفس ويخليه يموت والله كلامه قطع قلبي أدعوا لي

الله يصبرني والله اني خايفة لما اولد تتعب نفسيتي اكثر لما اشوفه الحمد الله على كل حال.

اختي بسمات وضحكات

والله أنك عورتين قلبي معاك .... الله يساعدك ويكون في عونك ويهمك الصبر وسلون... والله يجبر بخاطرك يا رب العالمين .... وما أن نشاء إلا أن يشاء الله .... ونعم بالله ... الصبر ..... ثم الصبر ....... ثم الصبر ..... والصبر مفتاح الفرج ..... وأن شاء الله ربي يعوضك خير .....

سلامي وتحياتي .....

هلا بالحلوووة البحرينيه وش اخبارك ماشاء مفحطه يعني انتي الحين انتي تقريبا في نص الثامن وخلصتي اغراضك والله انك حرمه سنعه ماشاء الله عقبالي يارب ..

اختي بسمات وضحكات الله يصبرك ويعوضك خير .. مالك الا الصبر وكل شئ بيد رب العالمين وتابعي علشان صحتك وحاولي انك تتفادين متابعه صور البيبي وهو في السونار لا طالعينه وحتى بعد ولادته لا تشوفينه ترى اريح لك علشان قلبك ما يتعلق فيه .. ادري صعبه بس علشان نفسيتك .. وبعدين وش هذا الدكتور اللي يمكن يقطع جهاز التنفس عنه حبيبتي والله ما يقدر هذا بيقتل نفس قبل ما يقدر ربي مايدري يمكن يعيش ويمكن كلامهم غلط .. لا تفكرين كثير وخليه على ربك ..


بنات ما تدرون وين ( نور ينور قمر وش اخبارها وكيف النونو اللي جابته اشوفها من ولدت ما عاد دخلت ولا خبر عنها .. )

السلام عليكم ورحمه الله وبركاته

من فترة لفترة وانا ادخل المنتديا ت لكنه للاسف مغلق يمكن من شهور

المهم شاخباركم يا حوامل وشو مسوين في الحمل بعدكم صامدين :)


والله لكم وحشه حسيت انني تعودت عليكم مع انني ما اكتب في منتديات لكنم شديتوني بسوالفكم


بالنسبه للاخت دفء الجليد : كيف الحال اختي وسلامات لانني قريت ردج وتقولين انه راس البيبي تحت في الحوض الظاهر خلاص بتولدين بعد اسبوع على الاكثر والله يسهل عليج


ليل المجاريح: شاخبارج الغاليه والله يسهل عليج يارب وعلى جميع الحوامل

بسمات وضحكات: الله يكون بعونج ان شاء الله ويصبرج والله تضايقت من كل قلبي لما قريت ردج يعني حرام ليش ما تابعوا الجنين اول باول او يمكن انتي ما قمتي تهتمين بنفسج والحاله النفسيه يمكن اثرت على الجنين لكن للحين لا تفقدين الامل واتكلي على الله ويمكن يكون له حل باذن الله والله يسهل عليج وينجي جنينج باذن الله


حلوة البحرينيه: شاخبارج الغاليه هااا عيل طلع ولد امممم كنت حاسه من وصفج لحركات البيبي :)
والف سلامه عليج من النزيف والله يسهل علينا وعليج وعلى كل الحوامل



اما بالنسبه لي فانا تنومت قبل اسبوع على اثر تلقصات حادة كانت فيني وافتكرت انني باولد لكن الله ستر وطلعت تقلصات وهميه ومثل ما قالت الاخت ليل المجاريح طلق كاذب والله شفت الويل وكل يوم اصبح على جهاز السي تي جي مال تخطيط الجنين لاعت جبدي منه حتى تنسد نفسي عن الاكل


لكن الحمدلله على كل حال قدرت اتخلص من التقلصات وبهاي الفترة اجهز ملابس لي وللجنين وكل الاغراض بس بعدني ما اشتريت شنطه الولادة

والله روحي تطلع اطلع مشوار ساعتين اتعببببب عل الاخرررررررررررر والهث من التعب كانني راكضه مسافه طويله ماادري شاسوي لازم الحق نفسي لانني بالتاسع ما اظن اقدر اتحرك وايد بس باحاول امشي قد ما اقدر حتى ينزل راس البيبي واولد ولادة طبيعيه ان شاء الله ادعو لي الله يخليكم

لانني في بنتي ولدت بعمليه لانه راسها كان فوق وما نزل واتمنى هاي المرة ينزل راسه حضرته ويطلع بهدوء بدون عمليه



والسموحه عل الاطاله

مرحباااااااااااا شلوونكم بناااات اسمحولي كمبيوتري شوي مخرف
انا الحمد الله بخير وعافيه وزني قبل كان 51 والحين 68 ماشا اللله خايفه والله بس اكل نفس قبل الله يعين كيف بنزله بعدين.........حتى انا البيبي ماشاء الله زادت حركاته والحين اشتري اغراض البيبي بعدني ماخلصت
بسماات الله يصبرج يارب انتي دوم ادعي يمكن الله يستجيب دعائج

بنات لاحظت شئ انه اغلبيتنا حوامل في اولاد والحركه ماشاء الله عنيفه وصار لنا تقلصات والآلم هذا واحنا حوامل طيب اذا شرفوا الأساتذه الكرام وش بيسوون في فترة الأربعين .. من الحين اخطط اني اعطيه شراب منوم علشان عقاب له ..هههه ياربي تسهل علينا

ههههههههههههههه
والله ضحكتيني ياليل المجاريح
انتي ماتدرين انا شاريه ماي غريب من الحين حق بعدين
ادري انها بتسندرني من صياحها نص الليل
فمخططه من الحين...!!


الله يساعدج يابسمات وضحكات
كله اجر وثواب لج لزوجج
وانتي دايما ادعي ان الله يعافيه ويسلمه
ومب بعيده عندااله
يمكن تصير معجزه
وتجيبينه طبيعي ومافيه الا العافيه
انتي ماعليج الا الصلاه والدعاء عند رب العالمين

ههههههههههههههه
والله ضحكتيني ياليل المجاريح
انتي ماتدرين انا شاريه ماي غريب من الحين حق بعدين
ادري انها بتسندرني من صياحها نص الليل
فمخططه من الحين...!!


الله يساعدج يابسمات وضحكات
كله اجر وثواب لج لزوجج
وانتي دايما ادعي ان الله يعافيه ويسلمه
ومب بعيده عند الله
يمكن تصير معجزه
وتجيبينه طبيعي ومافيه الا العافيه
انتي ماعليج الا الصلاه والدعاء عند رب العالمين

الحمدلله على عودتنا سالمين لبعضنا بعد انقطاع دام اكثر من شهر....

اخواتى شو اخباركن ويا الحمل ؟؟

انا الحمدلله طيبة بس اتواجهنى مشكلة هو ان راس البيبي فوق ..
لسة ما نزل .. وكل ما اتصورنى الطبيبة اتقول فوق.. الله كريم وتولدين طبيعى....

خاااااااايفة ما اكذب عليكن بس وش العمل ....

الله قادر على انة ايغير كل شي....

والحمدلله ... زين اطمنت على الحوامل الصغيرات....
الله يعطيكن العافية جميعا...

ادعولى...

الحمدلله على عودتنا سالمين لبعضنا بعد انقطاع دام اكثر من شهر....:clap:

اخواتى شو اخباركن ويا الحمل ؟؟

انا الحمدلله طيبة بس اتواجهنى مشكلة هو ان راس البيبي فوق ..
لسة ما نزل .. وكل ما اتصورنى الطبيبة اتقول فوق.. الله كريم وتولدين طبيعى....

خاااااااايفة ما اكذب عليكن بس وش العمل ....:sad:

الله قادر على انة ايغير كل شي....

والحمدلله ... زين اطمنت على الحوامل الصغيرات....:shy:
الله يعطيكن العافية جميعا...

ادعولى...(f)

مرحبا ياعرايس بطوطات...


سمعونا .وينكم وحشتني أخباركم...



ترا ياحلوات الجنين يدور في البطن ومايثبت إلابالشهر الإخير يعني

كل زيارة ممكن يكون بوضع غير الي قبلها..:yes:


هيك الدكتورة خبرتني ...فلا تخافون وابدو امشو بس بالتاسع ولو عندكم سلم

تطلعون وتنزولون عليه :ok: كمان هيك الدكتورة خبرتني.

مرحبا حوامل

عندي كم سؤال ياليت اللي عندها خبره وتعرف تقوللي

بعد الولاده ابي يرجع جسمي مثل قبل واحسن
شسوي ؟؟؟
صج ان في الاربعين لازم مانشرب ماي لأن يزيد الكرش
اذا جذيه بموت في هالحر بدون ماي

وشنهي الاعشاب الزينه حق بعد الولاده عشان تنظف الرحم ؟؟؟

وشنهي الاعشاب الزينه اللي تذوب الشحوم وتشد الجسم؟؟


في نفس الوقت ماتضر البيبي لأني حاطه فبالي ارضع انشالله

اللي تعرف تقوللي
لأن وايد يهمني اني ارجع جسمي لطبيعته قبل الولاده...

هلا وغلا

صباح الخير يا رابطة شهر يوليو

شخباركم اليوم

بخير أن شاء الله

أنا بخير والحمد لله بس عندي استفسار .......

الحين أنا في نص الثامن ومن اسبوع تقريباً يجيني ألم مثل آلام الدورة في البطن والرجايل ... رغم أن هذا حملي الثاني ... إلا أن هذا الحمل غير تماماً عن الحمل الأول ... ما أدري يمكن يكون من علامات قرب الولادة ... الي يحصل لها مثل ما يحصل لي ... أرجو تقول لي ....

سلامي وتحياتي

حلووة ترى جاوبتك يالله قولي شكرا

كتكوته من جد هم الأربعين في عز الصيف والماي اذا كان فاتر ما يضر بس البارد ولا تكثرين منه واشربي عصير طازج اكثر بس ما يكون بارد .. ياربي كيف بسوي عااد ان ولادلاتي كلها بالصيف مرة شينه بس استحمل وكلي اكل شعبي وابتعدي عن المعجنات والرز وكلي فواكه وخضار غير اللزجه واللحم والمشاوي ترى هذي الأشياء مرة تمام تساعد في فقدان الوزن والمويات وتنظف الرحم بشكل اسرع ومعاك قهوة القشر والأشياء الساخنه ..

صح ترى بتلاحظين انك تعرقين اكثر وهذا دليل على انك ماشيه صح ووزنك بدأ ينقص مثلي تمام انا اطلع الأربعين وانا فاقده 15 كيلو ويبقى معي 5 او 6 تنزل تدرجيا لانها بتكون زياده في الأرداف والخصر .. ولا تخربطين كثير في الأعشاب اعتمدي على نوعيه الأكل و الشرب الساخن منها تتغذين وما يزيد وزنك ..

ليل المجاريج ...
فيه وحده بالمنتدى حاطه موضوع عن تنظيف الرحم ((في الاربعين او ايام الدوره))تمدحه واااايد...تقول انه احسن شي تستعملينه في الاربعين..
مادري هي شكلها فاهمه وايد تقولج اشتشربين من اعشاب +تحاميل انتي تسوينهم في البيت بنفسج..بس انا خاف من هالسوالف متردده وايد ...
هي تبيع الطريقه يعني تطرشين لها فلوس وتطرش لج اوراق فيهم الطريقه +صور الاعشاب
وحده من هلي شرت من عندها الطريقه وسوت الخلطات فالبيت بس لحد الحين ماجربته هي تبي تستعمله فترة الدوره..
مادري اسويه ولا لأ:think:
واللي بعد مب مشجعني وايد اني بستخدمه لمدة اربعين يوم احس فتره طويله مابلتزم...

وهذا هو الموضوع
http://www.3roos.com/forums/showthread.php?t=161968&highlight=%C7%E1%D1%CD%E3+%C7%E1%CE%D1%C8%C7%E4



واللي سمعت عنه او حد من اهلها جربته تقول لنا رايها فيه وهل نفع معاها مثل ما المره امدحته!!!!

نصائح عامَّة (أثناء النفاس والدورة) :
1/ احرصي على ألا تتعرَّض القدمين للماء لفترة طويلة ..
2/ احرصي على ألا تمشي على الرخام / البلاط حافية القدمين دون حذاء ..
3/ لاتكثري من الاستحمام أثناء النفاس أو الدورة ، ويكفيكِ مرة في الأسبوع وعلى السريع وأنتِ واقفة تحت الدش ..
4/ احرصي على ألا يصل الصابون للمناطق الحساسة ، فهو يُخرِّبها ..
5/ دائما استخدمي لشطف المناطق الداخلية الوصفة التالية :
(الأرطا + الملح + الماء) بالطريقة الواردة في نظام العلاج أدناه ..

كتكوته هذا الشئ لازم تطبقينه لان النفاس لاتتعرض للبرد واهم شئ تدفين نفسك بس في الحر عادي البسي لبس البيت وغطي رجولك بدون ما تثقلين على نفسك

والباقي مادري على حسب حالتك لو كنتي محتاجه سوي يعني التحاميل اعرف وحده دائما تسويها بفتره نفاسها وتمدحها مره والأعشاب مدري احسها صعبه تلتزمين فيها فتره الأربعين

لكن نصيحه لو سويتي اللي قلت عليه والله ما بيتغير عليك شئ وبعدين اهتمي في الخياطه وبتخلصين الأربعين وانتي تمام ..

يالله يابنات عطونا رايكم ..؟

هلا وغلا

مساء خيرررررررررر

شخباركم يا رابطة شهر يوليو

وينك اليوم ما شفت أحد دخل المنتدى

أنا واااايد تعبان اليوم وحاسة نفسي ملت من الحمل خلاااص أبي اولد في اقرب وقت ممكن خلااااص ما قاعدة استحمل الوجع والتعب ..... أمس ما قدرت أنام من الزكام كان ذابحني ... والم في بطني يروح ويجي .......

أريد حلاً بنات لزكام ما قاعد يخليني أنام .....

أن شاء الله بكرة عني موعد عند الدكتورة ورايح أخبرها عن كل الآلام الي فيني يمكن تعطيني شي يخفف علي .....

اليوم أنا دخلت 34 أسبوع يعني باقي لي عن موعد الولادة المرتقب 6 اسابيع .....

الله يكملهم على خيررررررر .....

سلامي وتحياتي للجميع ....

حلووة سلامتك والله يكملك على خير وانا باقي 7 اسابيع واحسها طويله ياربي متى اوصل اخر اسبوع من جد تعبت

مدري انتي بديتي تمشين ولا لسه .. وبالنسبه للزكام معروف الحامل مناعتها تضعف شوي وعلشان كذا اذا تعرضت للزكام في اي فترة في الحمل يتكرر معاها

هلا وغلا ليل المجاريح

أنا أمشي من دخلت شهري السابع نصف ساعة في اليوم

وعن الزكام بصراحة من أول ما حملت كان الزكام صاحبي من أول الحمل إلى ما الآن بس البارحة واايد زاد علي حتى أني ما أقدر أتنفس منه .....

وآآآآآآآآه من التعب الكل تعبان ويبي يخلص بسرعة ....... بس أنا عارفة وقت ما رب العالمين يأذن ويكون في وقته .....

الله يسهل علينا ويتمم لنا على خيرررر ..... ويعدي الوقت أن شاء الله بسرعة .......