اللي موعد ولادتها شهر يوليو ..تدخل وخلنا نكون رابطة امهات يوليو

مشكوره اختى ام طيف و رهف على التبريك والتهنئه

وعقبال كل الحوامل يارب مانهنيهم ونبارك لهم

اشوف الملف فى الصفحه الرابعه.

دمتن بخير

أم طيف ورهف بليييييييز طمنيني عليكي والله أفكر فيكِ

أش اللي صار معاكِ

السلام عليكم

شخباركم

الف مبروك للي ربوا...


واللي ماربوا الله يهون عليكم


ام طيف ورهف شخباااااااااارك بشرينا ربيتي ولا لا انا كنت متابعه الموضوع وحاسه


بمعاناتج اللهيهون عليج ياااااااااااااارب

وانا من رابطة اكتوبر

السلام عليكم يا رابطة امهات يوليو مع العلم اني انتقلت لاغسطس
ربيت بتاريخ 3/8/2006 والحمد لله جبت بنوته الله يحماها ويحمى الجميع

اشوفكم على خير باذن الله

استودعكن الله


نور

السلام عليكم ورحمة الله وبركاته (f)

أبشركم حبايبي اللي معاي بالرابطة واللي كانوا محاتيني كثير واشكر لهم

صدق مشاركتهم لي بمحنتي واقولهم ترى انا ولدت ولله الحمد بتاريخ 31/7 يوم الاثنين

الساعة 5:24 مساءً ، بطلق صناعي وكانت ولادتي نوعاً ما متعسرة لكنها تسهلت بفضل من

الله ثم دعواتكم الصادقة لي بظهر الغيب ولي رجعة ان شاء الله لأكتب القصة بالكامل ..

(f) (f) (f)

جماعة مافي اخبار عن ام طيف ورهف ؟؟؟؟؟؟؟؟؟

[grade="00008B FF6347 0000FF 4B0082"]الف مبروك لكل اللي ولدو بالسلامة، عقبال ما نرجع نتجمع ونتكلم عن تربية الطفل
سلامي للجميع[/grade]

حبايبي شخباركم
واللة وحشتوني مووووووووووووووووووووووووووت
واللة اني ماتوقعت ان في حد اساسا يدخل علي الرابط فحتي ماتعنيت ابشركم اول ماولدت
الحمداللة انا ولدت تاريخ 6_8 الساعة 6 المغرب وجبت ريناد
نيموني بالمستشفي قبلها بيومين بحيث اكون تحت المراقبة لأنهم شافوا البيبي حركتة ضعيفة وحاولوا ان ايجيلي الطلق بس ماجالي وبعدين عطوني طلق صناعي الحمداللة انا مومصدقة اني افتكيت الولادة هم كنت احاتية 9 شهور والحمداللة انتهي كابوس

لكل اللي سأل عني صراحة مادري شاقولكم صدمتوني يالغالين
ضحكات وبسمات
حياتي انتي واللة انك اتسامحيني انشغلت من بعد الولادة اول مادخلت البيت عيالي وزوجي صايدتهم نزلة معوية واللة من دخلت وانا اسبح في هذي واعطي ادوية والحالة حالة انا وزوجي وامي والشغالة واللة ان احنا اربع ومانرتاح حوسة عندنا اليوم بس امي مشت من عندنا قدرت اسرق نفسي اشوي واطمنكم علي سامحيني يالغالية وامانة اتبشرينا اذا حملتي وارسليلي علخاص اتفقنا

راضية بقدرها
وينك رحتي وخليتيني لحالي واللة اني ضعت بعد مارحتي واللة ايهديك شفتك بعدها بيوم علي الرابط بس ولا طمنتينا عليك واللة اني احتاريت حتي شكيت انك قلتي لزوجك يطمنا عليكي والظاهر ماعرف الرابط المهم شخبار الربي معاك غربال صح ياللة الحمداللة بس استمتعي فيهم بالعمر هذي اتحسينهم حق اكل قبل مايكبرون وتبتدي سندارتهم وعلي فكرة انتي ولدتي الساعة 24-5 نفسي بالظبط وولدتي بيوم عيدميلادي شفتي الصدف

روعة
مشكورة حبيبتي واللة ايهون عليكي انشاء اللة ياللة بشرينا بولادتك حبيبتي واللة انك فرحتيني باهتمامك

ياشابات كتكوتة نايمة والجميلة وليل المجاريح والربع كلهم شخباركم وشخبار العيال معاكم

واللة كان رابط كثير حلو وانا عن نفسي كثير استمتعت بتواصلي معاكم واللة اني حسيتكم اغلي من خواتي يالغالين واللة اني اقول هلكلام من كل قلبي وقلبي يتقطع ان خلاص ماعادت حاجة تنكتب بعد وحتي لوحاولنا احس ان الكل بيكون مشغول غير قبل الكل كان متشجع ايعرف اخبار اللي معانا بنفس الشهر وعاملن نفس السباق اللي تولد قبل بس واللة ان اهي معرفة كطثير حلوة وتشرفت بمعرفتكم كلكم
الي الملتقي بالحمل الجاي
هههههههههههههههههه
امزح حملوا بروحكم انا مالي شغل بسسسسسسسسسسسسسسسسسسسسسسسسسسسسسس يكفي

[grade="00008B 00008B 008000 4B0082"][/grade]

السلام عليكم ...

وحشتوني يابنات وش اخباركم والف الف مبروك يام طيف ورهف على ريناد الحلوة
بنات الياقين وين وخاصه دفء وحلوووة البحرينيه !!

يالجميله هذا حالنا انا ولدي الحمدلله مو صياح بس يبي طرفي وهذا اللي متعبني يعني ارضعه وينام ولمن احطه يصحى بسرعه ويبي السوالف وانا خلاص النوم ذابحني

بنات وش رايكم نسوي ملف ونحط صور عيالنا فيه !!في ركن الأطفال

مشكورين يالغالين
الجميلة
اللة ايخليلك اياة يارب واللة يحفظة اتعرفين حليب نان خاص للي يرجعون كثير ممتاز استعملية ايخفف ويوقف الترجيع

ليل المجاريح
مبروك ماجاك حبيبتي ويتربي بعزك يارب السندارة مو سندارة الصغير البيبي يبي يرضع ويتحمم وتغير حفاض وينام المشكلة في العيال الكبار اللي يبيلهم مراكض ولا الصغير متي مانام نامي معاة وياكثر ماينامون وانا علي فكرة اعطيها الثنين من صدري وصناعي صراحة ماعندي وقت امجابلها طول الوقت واللة ماعندي وقت

[grade="0000FF FF6347 008000 4B0082"]مراحب/
هلا بليل المجاريح وام طيف ورهف: شخباركم يا حلوات وشخبار عيالكم، كل ام نفس حالتنا، وكلنا اكيد اكيد اكيد نعاني من قلة النوم والصراخ اللي ما له داعي للأطفال، انا عن نفسي تعبا نت قلبي حتى والله امي واخواتي تأذو مني من كثر من اشكي لهم، عن جد تعبانة حتى ريلي يقولي خاطري اساعدج بس انا ما اخليه، ولدي الكبير يحليله اشتغلت عنده الغيره من العدل، ويصرخ صراخ ويبكي حتى الشغالة يحليلها لما تشوفني تعبانة تقولي بشيل الضيع اقوليها شيليه نيميه انا تعبت[/grade]:sad:


[grade="00008B FF6347 008000 4B0082"]اشتريت له اليوم ماي غريب ما اعرف اذا تعرفونه والا لأ!!! يقولون ينوم الطفل نومة ويطرد الغازات في منهم يقولون انه زين وفي منهم ما يشجعونه، فما اعرف شو اسوي وخايفة اعطيه!!!!:qaq:
الله يصبرني انا الاسبوع الجاي بخلص الاربعين وانشاء الله بقولكم مخططاتي اللي بطول هالفترة ..
ننتظر سوالف الباقيين:shy:

انا معاج يا ليل المجاريح خل نسوي لننا صفحة نكتب بعد الولادة [/grade]:ok:

هلا وغلا يالجميله :

الله يعين ومويه غريب كويسه ناس كثير يمدحونها ..

انا نفسي اسوي ملف لقصص ولاداتنا وملف ثاني يكون بركن الأطفال نحط فيه صور النواني واسئلتنا بعد بس وين بنات الرابطه ...

جميله انا باقي لي عشر ايام واخلص نفاسي لكن اليومين هاذي حاستني الخياطه وبكتب موضوع يمكن الآقي حل ..

[grade="4169E1 FF6347 008000 4B0082"]شفت موضوعج يا ليل المجاريح: الله يعينج ما عندي حل لها المشكلة، بس ما اعتقد ان الخياطة لما تفك تصير بالشكل هذا!!!! روحي عند دكتورة ثانية ما بتخسرين شئ
عندي سؤال مهم يا ليل: سمعت ناس يقولون ان الحرمة اول ما تخلص الاربعين مو شرط تنام مع زوجها هذيك النومة يعني))) تنام يعني من فوق لفوق اونه علشان المنطقة تكون ضيقة او بعدها ما التأمت، انا فرحانة اني بخلص بس هالكلام خوفني اي اي حد يقرأ الكلام يرد علي وانتي من تجاربك شو تقولين[/grade]

مراحب شخباركم
بخصوص ماي غريب كثير يريح البيبي ويخلية ينام لأن في مواد اتدوخ البيبي جربوة انا استعملة واستعمل شاي يبيعونة في الصيدلية جاهز للبيبي عبارة عن بابونج ينخلط مع الماي وبغيت اقول لكم في ماي صحة ينباع خصيصا للأطفال لأن اتكون فية بعض الأملاح اللي موموجودة في الماي الصحة الطبيعي والاملاح كثير مفيدة للبيبي

ياحريم قولوا ماشاء اللة


انا الحمداللة الدكتور ماستعجل علي وماقص لي فلحمداللة ماحتاجيت لخياطة وهذا كان احسن خبر سمعتة وقت الولادة كنت جالسة انتظر ان يخيطون وجالسة انتظر واقول للممرضة وين راح الدكتور ماراح ايخيط تري اذا طول راح ايئلمني الا اتقول لا ماقصينا خلاص واي من جد انبسطيت كثير

الجميله ...: انتي مسويه تجميليه .. عادي عزيزتي نامي مع زوجك بشكل طبيعي بعد الأربعين لان الخياطه ماراح تتأثر ولا تتوسع والتأمت خلاص فلا تخافين واذا على الضيق انا بقولك اذا الدكتورة ضيقت لك مزبوط راح تحسين بوخزة خفيف في بدايه (......) وبعدين بيروح اهم شئ نفسيتك لاتخافين ولا تكونين جافه

[grade="00008B FF6347 008000 4B0082"]حبيبتي ام طيف وهف: سمعت انه في حريم يخيطون لهم وفي منهم ما يخيطون، بس ما اعرف وش السبب، انا بالولادتين ما قصو لي والله بس انجرحت من نفسي وعلشان جذه خيطوني,,
ليل المجاريح: مشكورة ع ردج ريحني تعرفين الوحدة منا تسمع كلام وايد وتبي تسأل ذوي الخبرات.
بالنسبة لماي غريب شكلي خلاص بعطي ولدي ملعقة منه علشان يرتاح وينام، تعبت ابي انام..:sad:
نفسي دفء الجليد تدخل والحلوة وام شوق والباقيات يخبرونا سوالفهم مع الاطفال الصغار ومعاناتهم [/grade]

مرحبــــــــــــا
وحشتـــــــــوني
من زمـــــــــــــــان ماقريت سوالفكم حتى اني صرت مادخل المنتدى لأنكم صرتوا ماتدخلون......


انا باقيلي 4 ايام واخلص الاربعين
تدرون انا اشتركت في دايت سنتر علشان انزل وزني وفي نفس الوقت ماينشف حليبي
والله انه عجيب في يومين نزلت كيلويين مع اني اكل خضروات وفواكه وحليب وكل الاكل المفيد حتى حلويات يحطونلي...اليوم صارلي4 ايام من بديت ابي انزل 9 كيلو من وزني ومافي وقت رمضان جاينا وعقب رمضان بسافر امريكا سنه ونص فأبي اشتري ثيابي من هنيه واخاف مااحصل قياسي علشان جذيه ابي انزل وزني بسرعه

وحاطه فبالي قبل الاربعين بيوم اسوي حمام مغربي واحف جسمي واتنظف :shy:


الجميله78 :انا استعملت الماي غريب اول الايام لأنها كانت تصيح شوي كل يوم اعطيها قفشه صغيره مع رقم واحد ماي.احس ان يهديها وينومها.حتى وحده من هلي سئلت دكتور الاطفال عنه ان نعطي عيالنا كل يوم قال عادي مدام يريحهم..

ام طيف ورهف..الفففففف الحمدلله على سلامتج وتتربى فعزكم انشالله...الحمدلله افتكيتي وارتحتي ..كنت احاتيج..

لما تفتحون موضوع سوالفنا بعد الولاده بحط صورتها انشالله وانتوا بعد حطوا وانشالله يكون فيه تفاعل مثل فترة الحمل..

[grade="00008B 8B0000 008000 4B0082"]هلا والله ومبرحبا مليون بالكتكوتة النايمة: شخبارج وكيف كانت قصة ولادتج ما خبرتينا احب هالسوالف علشان نعرف منو عانت منا اكثر!!!
تدرون اني لحد الآن ما صمت ايامي اللي علي برمضان! ومن باجر بصوم انشاء الله ..نسيت بالمرةةةةة


ما في حد غيرنا يكتب بالموضوع هذا/ وحدة فيكم تتبرع وتفتح موضوع بعد الولادة مو بس لرابطتنا بل لجميع الامهات علشان نستفيد من بعض[/grade]

السلام عليكم ورحمه الله وبركاته

شاخباركم يا حلوات :) اشتقت لكم بصراحه
الجميله , ام طيف ورهف, كتكوته وكل البطبوطات شاخباركم حابين نسمع اخباركم ولا ما قمتوا تدخلون انشغلتوا مثلي لانني ماصدق ادخل النت الا واسمعه يصييييييييييييح حضره النونو علاوي
ونبى نسمع اخباركم مع البيبي


بالنسبه لي ولدي مينني مطلع لي قرون كل شوي يصيح بسبب وبدون سبب ما خليت دوا مكا اشتريت له

وناويه على ماي غريب لكنني اسمعهم يقولون فيه كحول ؟؟ ماادري بعد

السلام عليكم ورحمةالله وبركاته

وووووووووووووووووووووووووووحشتووووووووووووووني

شخباركم أن شاء الله بخيرررررررررررر

أنا عارفة أني تأخرت واااااااااااااااااايدعليكم بس عندي قطع في النت

والحين حصلت فرصة أكلمكم وأعرف أخباركم

أنا ولدت بعد 41 أسبوع من الحمل تأخرت أسبوع كامل على الولادة

ولدت بتاريخ 18 يوليو 2006 وجاء محسن على وجه الدنيا بعد مخاض استمر 10 ساعات

أن شاء الله تحصل لي فرصة ثانية وأكلمكم وأقص عليكم قصة ولادتي......

وفي الختام سلام

إلى اللقاء