اللي موعد ولادتها شهر يوليو ..تدخل وخلنا نكون رابطة امهات يوليو

هلا حوامل كيفكم وكيف الحمل معاكم ...

بالنسبة لي الحمد لله مستقرة وكل شئ طبيعي ...

ووحمي زايد على زوجي قلت اجي عند امي لأن لو قعدت شوي معاه بسوي سوايا

وادعوا لي باأن الله يفرجها علي ..

حوامل بقولكم .. حركة الجنين صايرة كلها من فوق وبطني مسنتر على فوق بعكس بنتي شهد كانت

على تحت والحركة على تحت وهذا الحمل صاير لي غير .. انا شاكة انه ولد بس قالوا لي بالسونار انه بنت

واللي جربوا ولادات من قبل ابيهم يقولون وش الفرق بين الحمل الاول والحمل الثاني وربكم يسهل عالجميع ..

ارسلت رد طويل وعريض وأرسلته
عشان ما طلع

بسمات وضحكات
ربنا يطمنك على جنينك
وتفائلي بالخير تجديه

بحرينيه
مرسيه يا قلبي على إضافتي للقائمه
بالنسبه للأنتفاخ أنا منفوخه زيك بس الدكتوره قالت طبيعي كذا مع الحمل
خففي من الملح والحوامض في أكلك
وأرفعي رجولك طول ما أنتي جالسه

الجميله
ربنا يخفف علينا الحمل ونشوف عيالنا على خير
شفت الناس في وادي هنا وانا في وادي تاني
الناس يحكون عن حملهم وأنا جايه ابغى أغير أسمي
بس شكلي بنزل موضوع اصج بالمنتدى وألاداره عشان يغيرون أسمي

عيون الافعى إن شاء الله ربي يطمنك على كل غالي

هلا شحالكم انا تماااااااااام والحمد لله بس خايفه من يوم الولاده الله يعين سمعت قبل الولاده يوم الفحص بعد تعب ......بصيح شكلي مابسير المستشفى لين يوم بربي وايد احاتي هاليوم كيف وشو بصير:( بنات انا احب اشرب غازات عادي اشرب مثل فانتا ليمون سفن اب اول ماكنت اشرب بس الحين عادي اشرب وله ؟

ملانه والله مااعرف شو اسوي المشكله ماعندي حد اسولف معاه فالمسن غير خواتي وخواتي رقود الحين اهئ اهئ

المهم انتو شلووووووووووووووووووونكم

مرحبا حوامل شلونكم

انا من امس بديت نظام غذائي قطعت فيه الحلويات واعوض عنه بالفواكه (خاص حق الحوامل)
ماحسيت بالجوع وهذا اهم شي عندي
اضطريت امشي على نظام غذائي بعد مالاحظت اني بديت انتفخ وصار يزيد وزني بسرعه كل اسبوع تقريبا كيلو ومرات اكثر والمفروض مانزيد اكثر من نص كيلو في الاسبوع الواحد
الله يعين عيل في التاسع كم بيصير وزني!!!:think:

وانا من اسأل وأسولف أحس محد يجيب خبر للكلام اللي اكتبه :think:

مدري انتم تشوفون ردودي والا لا :think:

راضيه بقدرها: انا حملي هاي حركة الجنين كله تحت وانا فيني بنت
عكس بنت عمي دايما يرفس فوق وهي فيها ولد
بس مااعتقد ان هذا قانون يعني اللي يرفس فوق يعني ولد واللي يرفس تحت بنت

الله اعلم

ولا شرايكم بنات

هلا حبيبتي كتكوتة ومشكورة على ردج لي

بس بقولج هل السونار يصدق والا لا ... واذا لا على اي اساس قالت لي

الدكتورة انها بنت ؟؟ هل تتوقعي ان الاعضاء موباينة واضح بالاشعة وهل تنصحيني

اسوي اشعة رباعيةوالا لا .... والله يهونها عليج وعلى الجميع ..

السونار مب دايما يصدق يعني هو مب 100% صح
مع ان الدكاتره يحطون احتمال كبير ان صح
بس بعد في حوامل لين التاسع يقولونلهم ان جنس البيبي بنت (مثلا)ويوم تربي الام يطلع البيبي ولد..
سبحان الله...الله هو العالم

حوامل كيفكم ...

سيرفر المنتدى عندكم شغال من البارح والا بس عندي كان عطلان ؟؟

انا من الضحى وانا احاول ادخل المنتدى
ماقدرت ادخل الا العصر

اها يعني المشكلة من عندهم وحتى التواقيع ماتظهر لي ؟؟

السلام عليكم ورحمه الله وبركاته

شاخباركم حبايبي يا بطبوطات والله صرت اشتاق لكم

اختي حلوة البحرينيه: شاخبارج الغاليه ان شاء الله بخير وفعلا لاحظت انه موعد ولادتج ب11 يوليو بنفس موعدي الله يتمم لنا بخير والسامعين
ما عليج امر الغاليه ضيفي جنب اسمي انني حامل بولد


اختي نور ينور قمر: الف الحمدلله على السلامه وان شاء الله ما عليه شر الصغنون وتشوفينه معرس يا رب


ليل المجاريح شاخبارج الغاليه عساج بخير وانا صايرة مثلج كله ابى اطلع اسواق ولما يطلعونني يتوهجون فيني زوجي يقوللي انا باوديج بس بشرط ما تردينني البيت بعد نص ساعه من الطلعه وللاسف ما اقدر امشي وايد

صباح الخير يا رابطة شهر يوليو

1- بنت الكويت 84 في 9 يونيو 2006

2- ماروكووو في 1 يوليو 2006

3- مس نوار في 1 يوليو 2006

4- نور ينور قمر في 3 يوليو 2006 - ولد ( بشرتنا بخليفة 19/3 ولادة مبكرة )

5- سوااااري في 4 يوليو 2006

6- أم العصافير في 5 يوليو 2006

7- كتكوتة نايمة في 7 يوليو 2006 - بنت - ويمكن تكون الولادة على 18 يونيو

8- حبيبة ريلها في 7 يوليو 2006

9- شوق العين في 8 يوليو 2006 - ولد

10- أم الحلوووة 11 يوليو 2006 - ولد

11- حلوووة البحرينية 11 يوليو 2006 - يمكن بنت

12- عيون الافعى في 12 يوليو 2006 - بنت

13- أم رغووودة في 12 يوليو 2006

14- flower_world في 12 يوليو 2006 - ولد

15- أم شوووق في 12 يوليو 2006 - ولد

16- أم أسيد في 12 يوليو 2006 - بنت

17- طفلة غلا في 13 يوليو 2006

18- asmaa_kh في 14 يوليو 2006

19- سوسكا في 15 يوليو 2006

20- FLoOoOoOoNA في 15 يوليو 2006

21- jafa في 17 يوليو 2006

22- أم سيف 2006 في 18 يوليو 2006

23- راضية بقدرها في 19 يوليو 2006 - بنت

24- دفء الجليد في 20 يوليو 2006 - ولد

25- توتة في المريخ في 20 يوليو 2006 - ولد

26- أم أحمد 25 بدش التاسع ان شاء الله تاريخ 20يوليو 2006

27- بسمات و ضحكات في 22 يوليو 2006 - ولد

28- شذى في 23 يوليو 2006

29- ليل المجاريح في 23 يوليو 2006 - ولد

30- الجميلة 78 في 24 يوليو 2006 - ولد

31- الأمل الجديد في 24 يوليو 2006

32- الحالمة بالحب في 24 يوليو 2006

33- دمعة شتاء في 25 يوليو 2006

34- قطر في 26 يوليو 2006

35- عبق الريحان في 28 يوليو 2006

36- ام حسام في 29 يوليو 2006

37- أم طيف ورهف في 29 يوليو 2006

38- ayyat في آخر شهر يوليو

والله يتمم علينا بخير ...
فريق الأولاد أكثر من البنات....... صار عندنا فريق كرة القدم ..... الله يزيد ويبارك .....

وأهلا وسهلا بك أختي fatoooona معانا في رابطة شهر يوليو بس ما قلتي لنا متى موعد الولادة ..... حتى أقدر أخليك معانا في القائمة ....

صباح الخير يا الغاليات
أن شاء الله بخير

أنا من أمس أحاول أدخل على المنتدى ... لكن ... لا حياة لمن تنادي ... مع الأسف ...

شخباركم اليوم .......

حبيبتي راضية بقدرها : صباح الخير أن شاء الله بخير اليوم ... شخبار الوحم وياك للحين ما تشتهين زوجك .... هونيها وتهون ..... عن حركة البيبي ... هذا الثاني في بطني ... في ولدي حسين كان دايم فوق ... كان هذا البيبي في الوسط وأكثر شي على الجنب اليمين... وبعض الأحيا يكون تحت ... بس ما أحس له حركة فوق ... وأنا إلى الآن ما تأكد أذا كانت بنت أكيد ... أن شاء الله يوم السبت ... اتأكد ....

حبيبي الكتكوتة النايمة شخبارك وشخبار الحكة معاك أن شاء الله خفت عليك ... ما عليك شر ... ما طمنتين عن الحكة هذه الأيام ... أن شاء الله تربين في وقتك يا رب العالمين ...

حبيبتي الأم الحلووووة هلا وغلا حبيبيتي شخبارك أن شاء الله بخير ... أنا أعرف أن ي معاك في نفس اليوم بس ما أدري من ففينا رايح تسبق ... على آخر سونار قالت لي الدكتورة أن البيبي كبير وأحتمال يكو موعد الولادة على تاريخ 5 يوليو ....



أما عن نفسي فكان أمس عند موعد عند الدكتورة ومن أسبوع عملت تحاليل السكري وأمس طلعت أنتيجة والحمد لله ما كان فيني سكري ولا شي ... رغم أني كنت وااااااااايد خايف يطلع فيني سكري الحمل ... بس الدكتورة خوفتني وقالت لي أحتمال أن البشيمة نازلة عندك ... وعطتني موعد يوم السبت لعمل سونار لتأكد ... من أن كل شي تمام ... بنات أدعو لي أن كل شي على ما يرام .....

مساء الخير عليكم جميعا .. وحشتوني صار لي كم يوم ماني قادرة ادخل المنتدى عطلان واليوم تمام

ماشاء الله وش هالأخبار الزينه ..

دفء الجليد ليش جايه بدري قبل 15 بس الحمدلله يعني بتطلعين مرة ثانيه .. كيفك ياقمر وش اخبار صديق ولدي وسلامتك من التعب أخذي إجازة ترى النوم يجنن ولاحقه على هم الدوام ..

حلوووووة سلامتك ياقلبي بس ان شاء تطلع الدكتورة غلطانه ممكن يكون نزول بسيط ويرجع لحاله بعد الراحه ولو كان فيك حاولي تأخذين إجازة علشان مايزيد وتتعبين بعدين .. طمنينا

ام الحلوووة .. هلا عيوني والله لو أحد يطاوعني اقعد في الشارع كان جلست بس الحكم ما هو بيدي الله يهونها علينا ..

راضيه بقدرها .. مسكين هالرجال كل يوم وانتي متوحمه عليه شكلك من جد تموتين عليه ويطلع النونو عليه .. يالغاليه اهم شئ يفهم انه شئ عرضي وبينتهي بعد الولاده الله يوفقكم ويسعدكم وبعدين حركه الجنين ما تتعلق بنوعه وفيه فرق بس من ناحيه الثقل وهذا الشئ جربيته وعرفت سبحان الله اللي في بطني قبل السونار ولدي البكر خفيف وبنتي بموت من الثقل من بدايه الحمل والحين خفيفه وفيني ولد بس ما يعني انه قاعده لا هذا شئ خاص بجسمك ..

كتكوته كيف النونو ..

اما أخباري : بخير الحمدلله بس ليونه حبيبتي صار لها اربع ايام حرارتها مرتفعه وترجع وطلع لها التهاب واحتقان شديد في الحلق وكل يوم تأخذ ابره وربي يشفيها خلاص تعبت .. وحملي زين بس بنات احس انه اجوع واعطش بشكل فظيع ..ليش ؟؟

وكمان بطني صاير يقشر زي الحرق لمن يجف وعلى كثر ما أدهن ما فيه فايده بزياده فضيعه خاصه على الجوانب خايفه لايصير عندي خرايط ..!!

هلا واللة ....................
اكثير نفسي اشارك وياكم واخذرايكم بس العيال مايخلون الوحدة تفضي الحمداللة الخدامة بتجي بعد كم اسبوع يخف عندي الضغط بأذن اللة ...........
انا امس رحت سويتلي سونار وكل اتقولي الدكتورة الرجول تحت ومسكرة ومستحيل ايبان خبروني انا الحين في الاسبوع 24 معقول مايبان والا اهية موراضية اتقول لي ان بنت لان هذا الثالث بأذن اللة وانا عندي بنتين اللة يحفظهم..
وعندي سؤال بعد متي ينقلب البيبي وهل حركة البنت اكثر والا الولد وفي الاخير صحيح ام العيال كل ولادة ايزيد المها عن اللي قبلها ..........طولت عليكم
بس عن جد حتي لوماشارك علي طول اقرة اللي تكتبونة وبالذات اقدر مجهودات حلو بحرينية .......واللة ايعينكم ..........حبايبي

شخباركم يا أمهات يوليو، أتمنى الجمـــيع بخير
كتكوتة نايمة: انا بالنسبة لي حركة الجنين لم تختلف، واذا جربت البنت ممكن اقول انها تختلف بس احس ان كل شئ نفس الشئ.وعن السونار، حصلت هالسالفة مع اختي الدكتورة كانت تقولها ولد ولد بالشهر الثامن ثالت لها انه بنت( دكتورة ثانية) يعني صح مو دايما يصدق.
راضية بقدرها: السيرفر صح كان مو شغال. اهم شئ انتي شخبارج!!! انشاء الله تمام
ام الحلوة: اتمنى انج بخير

الحلوة البحرينية: سلامتج يالغالية وماتشوفين شر والله يوفقج انشاء الله في حملج ويثبته على خير ولا تخافين ما باقي شئ وطمنينا على كلام الدكتورة شو بتقولج
]ليل المجاريح: سلامت بنتج الف سلامة، الحمد لله حصلت حد نفسي مشكلتي: انا قمت اجوع بطريقة فظيعة مرررررررررررررة وقلت اكيد رجعت لي حالة الجوع، وعن التقشير انا بطني مقشر على الرغم اني اعتني فيه وايد والله[/size]
ام طيف ورهف: شاركي معانا مرحبا بج وبمواضيعج

ليل المجاريح:


ام العصافير .. وش اخبارك ؟

الحمد لله بخير و عافية من يومين رحت عند الدكتور وعملت صورة وطمنتي
انو كل شي طبيعي و الحمد لله .

واقلك الجوع شي طبيعي لان عدد حرق السعرات الحرارية يزيد بهالمدة بس انتبهي
من الحلويات والدهون وكثري من الخضار و الفاكهة .

كتكوتة نايمة انا ما اقدر افيدك بالفرق لان هذا حملي الاول

ام طيف ورهف
انا لما تصورت اخر مرة نفس الشي ما كان يبين جنس الجنين مع ان الدكتورة السابقة قالت لي ولد .

ام شوق
ما تكثري من المشروبات الغازية لانها تسمن وما فيها فايدة ؟


نور شو اخبارها واخبار ابنها ؟ بدنا نطمن عليهم

بنات بدي سالكن

كم كيلو زدتوا من اول الحمل ؟ انا زدت سبعة بس خايفة ازيد كتير في الشهور القادمة

و بالنسبة للتشققات وين ظهرت عندكن انا ظهرت بالارداف و الاوراك مش بالبطن و الصدر !

[grade="00008B 800080 FF1493 8B0000 800080"]السلام عليكم ومساء الخير :

كيفكم ياحوامل الرابطه هاليومين .........

الجميله .. والله بنتي صارت أحسن شوي بس هالحكه ماهي راضيه تخف وبكرة الأحد مراجعتها وبنشوف الدكتور وش بيقول عاد الأخت مرضت وانتقلت العدوى لابوها واخوها وتشوفوني حايسه اراعي مين وأخلي مين والله قرفت كل يوم وانا رايحه المستشفى مدري شكلي بولد الشهر الجاي ( السابع ) ما عندي راحه ابدا..
المهم طمنينا عن اخبارك وكيف البيبي شكله بيطلع دبدوب مادام نجوع ونأكل كثير بس انا بعد اجوع بسرعه واشبع بسرعه يمكن علشان نتحرك ومانرتاح زي الناس ..

ام العصافير : خليها على الله واللي بيجي على بالي باكل حرام يمكن اشتهيه بس صادقه الدهون من تجربتي لها تتعب المعده الله يحمينا

وحلوووة البحرينه وينك طنينا عن اخبار المشيمه عندك يارب تكونين بخير وسلامه

ودفء الجليد يادبه وينك من جد انك حامل بس كسلانه مره .. ياربي حطي الكمبيوتر على السرير واكتبي .. بس لا تنامين على بطنك ترى موشغلي خليك على الجنب اذا مره مافيك مزاج تشاركين (( سهلت عليك الطريق )

والباقين ام الحلوة وراضيه وام شوق اين انتم يابنات العرب وش علومكم ؟؟[/grade]

ياحوامل شعلومكم ...............
بنات عندي مشكلة بالنوم ماقدر انام الي علي بطني في اول حمل لي ماكنت احس بحركة البيبي نهائيا في نصف الشهر الثامن حاشني بروتين وضغط فتنيمت بالمستفي وكنت وقتها 34 اسبوع وعطوني تحاميل عشان اولد تعجبو من وضعي اليوم الثاني سوولي اشعة واكتشفوا ان الجنين استحالة ان يولد طبيعي لأن الراس فوق والرجلين مفتوحات علي الاخر تحت فأظطروا لعملية قيصرية ولمن ولدت بنتي طبعا اسبوع ماشفتها لأني لا قادرة اروحلها ولا أهية ايجيبوها لأنها تحت الجهاز لمن شفتها انصعغقت كانت الرجول علي فوق ومكفسة زي الدجاجة لمن اتقصينها من الصدر وتحطينها للشوي من بعد البطن مافي .........المهم بعد العلاج الطبيعي لحد مانهت فترة الاربعين وبعدها الحمداللة صارت طبيعية وكنت متخوفه من المشي بس الحمداللة فحذار من نومة البطن وحبية اشاركم بهلقصة علي وعسي توعظ اوتنبة الي مش منتبه
ياحلو بحرينية وينك افتقدناك وانشاء اللة ماعليكي شر .....................ياليل المجاريح اللة ايهون عليكي