اللي موعد ولادتها شهر يوليو ..تدخل وخلنا نكون رابطة امهات يوليو

صباح الخير

شخباركم اليوم يا رابطة شهر يوليو

وينكم .... وين الغايبين عنا من زماااااااااان ... عسى ما شر .....

ماروكووو / نورينور قمر / flower_world / FLoOoOoOoNA / أم سيف 2006 / دفء الجليد / بسمات و ضحكات / ليل المجاريح

وينكــــــــــــــــــــــــــــــــم

هلا وغلا : حبيبتي عيون الأفعى ما عليك شر وتحملي بنفسك وشوي الشوي .... وخلي الشغل عنك هذه الفترة ... الله يعديها على خيررررررررررر ...سلامتك ألف سلامة ...

حبيبتي جفـــــــا صباح الخير مثل ما قلتي المفاجأة حلووووو بس إذا أنت عرفتي وخليتها مفاجأة للأهل أحلى ..... والله يتمم لنا على خيرررررر .....

حبيبيت أم الحلوة شخبارك اليوم أنت معي في نفس يوم الولادة ما أدري من فينا رايح تسبق الثانية ... والحين لازم الثقلة تزيد وكل ما زادة الشهور زاد الثقل معها ..... مثل ما قلتي رايحين ما تطلع كشخة بكروووش ....

أنا عن نفسي الحمد لله بخير بس البارحة ما إدري شنو صار لي ... أول شي جاني نزيف من الأنف ووقف النزف بعدها بساعة ... جاني أرياح شديدة بخاصرتي اليمين وما راحت ألا ما طلعت الروح ... بس أنا الحين بخير والحمد لله رب العالمين ....
سلامي وتحياتي للجميع .....

[grade="00008B FF1493 00BFFF 4B0082 4169E1"]السلام عليكم وحشتوني والف شكر لك ياحلووووة على سؤالك
انا موجوده وكل يوم ادخل اشيك عليكم واشوف اخباركم بالنسبه لي دخلت السادس بس المشكله اني حاسه نفسي بموت من الطفش وكله متضايقه واحيانا تجيني ساعات اجلس ابكي فيها مدري ليش ودي اهاجر اروح بمكان جديد مليت كل يوم نفس الروتين ياربي ملل مو طبيعي ......

بنات عندي استفسار محرج شوي ؟؟

س/ من تعرف وحده مسويه خياطة تجميليه ابي اعرف هل تسبب بعض الألم في الحمل ووقت الولاده لازم يسوون توسيع وبعدين كيف يخيطون عادي ولا تجميلي ؟؟

( بصراحه أختكم خايفة وهذا الموضوع فيه آراء كثيرة ولادتي السابقه سويت الخياطة وحملت على طول والحين احس بالم من تحت وقالت الدكتورة وارد ان الخياطه لان المكان مشدود واللي سوتلي الخياطه ترتبتها 100/100 وقالت لازم تسويلك توسيع علشان الخياطه ما تخرب ونرجع نخيط بس عادي والله اني بموت افكر كيف في التاسع الألم كيف بيكون ووقت الطلق لان التوسيع ما يسوونه إلا لمن يبين راس الطفل والله معاناه بس ممكن اتحمل لو وحده تقولي ان المكان ما يتأثر او يخرب )


بنات حتى انا عندي ثلاث مناسبات وحده وانا في الثامن واثنين منها في التاسع وكلها زواجات واضيفوا اهل زوجي دائما في الصيفيه عزايم وجمعات انا الحين ما بشتري شئ وخليها للصيف يعني بس الثامن والتاسع وهنا لازم الكشخه اللي لازم ندور موديلات من الحين ............ [/grade]

السلام عليكم يا حلوااات..

شو اخباركم يا طيباااات... والله اشتقنالكم يا بنات...

انا الحمدلله تمام وبخير .. وانا ما ادخل لانه ماعندي نت في بيت ريلي.. يوم ايي عند اهلي بس اقدر استخدم النت..

وانا الحين في الشهر السادس..

والخبر اليديد هو انه اختي ربت البارحه ويابت ولد سمته يوسف.. فديييته كتكوت صغير مره وزنه 2 ونصف كيلو.. الله يحفظه..

والله يسهل علينا وانربي بسلامه... قولوا آمين...

ليل مجاريح انتي شراتي حتى انا كله مضايقه وكاره نفسي متملله على طول وخاصتا انا مااشوف اهلي الى الاربعاء والخميس تولهت عليهم ومليت احس خلاص ابي ارد عند اهلي بس مشكله دوام ريلي يت ايلس اصيح لو ريلي تاخر او ظهر برع البيت مااستحمل كله اصيح متى بتمر شهور عسب ولدي يسليني احس صدق حياتي بتتغير يوم بربي بسلامه ............وبعد هالمره مرتين ازجم ذابحني غير انه ينزل من خشمي دم يوم اعطس وهاااااااااااي حالتي الحمدلله على كل حال

انتو شحالكم والله لكم وحشه منزمان مب داخله

مبروك ام سيف على سلامة اختج

السلام عليكم حوامل..

كيفكم وكيف الكرش والبيبي معاكم .. والله لكم وحشة

وزمان عنكم بس ان شاء الله بكرة اصحصح واسولف معاكم ...

صباح الخير:
شخباركم، عساكم بخير، انا قمت من الوقت من صلاة الفجر وما رديت انام علشان ولدي قام وما رضى ينام، انا عن نفسي اخباري الحمد لله بخير وسهالة والوقت بدأ يمر شوي شوي بس الوحدة تشغل نفسها خاصة اذا ما كانت تشتغل شراتي.
سلامي للجميع

صباح الخير يا حوامل
الحد للك كلكن بخير ....

يارب اتعدي هالشهور على خير ....
اتولهت اشوف البيبي واشيلة بين ايدي ...

يارب اتفرح قلوبنا بشوفتهم بخير يارب

صباح الخير والفل والياسمين

شخباركم أن شاء الله بخير يا الغاليات .....

ليل المجاريح : هلا حبيبتي شخبارك اليوم أن شاء الله أحسن ... الضيق خف عنك ... بخصوص سؤالك بصراحة ما عندي فكرة ... بس أعتقد أن حالة حالة أي خياطة ما أعتقد أنها رايح تتخرب ... الأفضل لك تسألي هذا السؤال على قسم الحوامل ... أكيد رايح تلاقي خبرات أكثر .......و الظاهر أن مكتوب عليها نشوف أعراسنه وأحنا حوامل بكرووووووووشنا ....

أم سيف 2006 : هلا وغلا حبيبتي أم سيف ... شخبارك وأخبار سيف معاك ... من زمااااان ما سمعنا عنك ... والف الحمد لله على سلامة أختك ... ويتربى في عزهم أن شاء الله ... وعقبالنا يا رب .....

أم شوووووق : هلا حبيبتي شخبارك أنا اليوم ... أن شاء الله بخير ... ما عليك شر ... أنا مثلك عندي نزيف من الخشم ... وهذه أول مرة يحصل لي هذه السالفة ... طمنينا عليك ... والله يكون في العون ... هانت ما باقي شي ... راح الكثير وباقي القليل ....

راضية بقدرها : هلا وغلا حبيبيتي شخبارك وأخبار البيبي معاك ... وشخبار زوجك هو راضي أو لا ... بعده ما تفهم الوضع ... ما خبرتينا يا الغالية ...

الجميلة : حبيبتي شخبارك اليوم ... أكيد أني الحين نايمة ... من الفجر قاعدة ... الله يكون في العون ... شخبارك وليدك ... وأخبار البيبي ...

عيون الأفعى : هلا و غلا حبيبتي ... الله يسمع منك يا رب ... شخبارك اليوم ما سالفتي عن أخبارك ....

أما عن نفسي ... فأنا بخير وصحة وعافية ,ولدي بخير وما باقي شي عن عيد ميلاده ... بكون يوم الأحد القادم 9 أبريل ... وزوجي رايح يتيسر على النبي محمد صلى الله عليه وآل وسلم ... ثلاثة أيام وراجع ... أدعو له يرجع لي بسلامة .... هذه كل أخباري ....

سلامي وتحياتي .....

[grade="00008B A0522D FF1493 4B0082 00BFFF"]هلا والله بكل الحبايب :

حلووووووة بصراحه دائما تخجليني بسؤالك عني لكن وش اسوي ما بيدي حيله حتى المراجعه مارحت وبس لاحظت على نفسي شئ

(( نفسي اجلس الف بالسيارة طول اليوم انا وزوجي بس ما أحد بيعطيني وجه ماأبغى البيت ودي امشي واشوف اشياء غريبه واماكن حلووة بس زوجي مرتبط بدوام سئ تخيلوا من الساعه 7 الي الساعه 4 عصرا وهو في الدوام يعني ماله مزاج يسوي شئ ...


ام شووق الحمد لله لقيت وحده مثلي خفت لايكون عندي حالة نفسيه ... الله يحمينا

ام سيف مبروك وعقبالك يارب وناسه على النونو

الجميله ياقلبي كلنا الصيفيه هذي غير لا نوم زين ولا أولاد تريح والأحسن الصيف دخل وبدأت الحوسه من جد ..

عيون الأفعى ياحياتي لا تخافين ان شاء الله بتشيلينه لين تتعبن وعقبال ما تشيلين الطفل العاشر حلوين كل سنه واحد ههههه

راضيه كيفك وشلون ابو الشباب معاك ذكرتني الحلوووة ان شاء صرتوا تمام ..

والباقين اللي يخافون مرة على النونو وماعاد شفنا أخبارهم عسى المانع خير طمنونا [/grade]

هلا حبايب قلبي ...

وشاكرة لكم السؤال عني وعن ابو الشباب:dd:

الحمد لله على كل حال .. اذا هو رايق ومشتهي :o يعطيني من الاخلاق والكلام احلى ماعنده

لكن اذا شبع وضاق صدره :down: تبدى الحالة معاه وبحكم اني ادرس بالرياض وهو هنا بالشرقية

يعني اذا نزلت يكون مشتاق لي حيل ويدلعني بس لاانزل له وتكون معاه حالة ام العبيد ..

والحين اسولف عني ... اشوف الجماعة تتكلم عن نزيف الخشم .. اشوف ان صار لي اسبوعين

واذا صحيت من النوم وخشمي ينزف :pain: وبعدين يطلع منه كتل دم وربكم يستر وغير هذا .. :qaq:

اشوف رقبتي لونها قالب والظاهر انه بداية كلف :down:

وبحملي بشهودة ماطلع لي كلف ولااسودت رقبتي وهذا الحمل غييييييير كلش غير

وحتى حركة البيبي احسها من فوق مو مثل شهودة حركتها كانت اخف وكل من تحت .. ولاادري

وانا شاكة ان اللي فيني ولد مو بنت بس الدكتورة قالت لي بنت .. :think:

اي حوامل صح بقولكم .. متى وبااي شهر اقدر اسوي الاشعة الملونة الرباعية ...

وان شاء الله لي رجعة معاكم وشوفكم على خير ...

السلام عليكم و رحمة الله وبركاته

كيف حالكن جميعاً , يعني انضميت لكن متأخرة
الان انا على وشك انهي الشهر السادس
قرات ان اغلب العضوات عم بعانوا من الملل
فعلا انا هالايام صايرة ازهق بسرعة و ما مصدقة ايمتى تمر الشهور الباقية

من المضاعفات اللي صايرة احسها كثير الام في عظام الحجاب الحاجز و وسط الظهر .

صباح الخير يا رابطة شهر يوليو

1- بنت الكويت 84 في 9 يونيو 2006

2- ماروكووو في 1 يوليو 2006

3- مس نوار في 1 يوليو 2006

4- نور ينور قمر في 3 يوليو 2006 - ولد

5- سوااااري في 4 يوليو 2006

6- كتكوتة نايمة في 7 يوليو 2006 - بنت

7- حبيبة ريلها في 7 يوليو 2006

8- شوق العين في 8 يوليو 2006 - ولد

9- أم الحلوووة 11 يوليو 2006

10- حلوووة البحرينية 11 يوليو 2006 - يمكن بنت

11- عيون الافعى في 12 يوليو 2006 - بنت

12- أم رغووودة في 12 يوليو 2006

13- flower_world في 12 يوليو 2006 - ولد

14- أم شوووق في 12 يوليو 2006 - ولد

15- طفلة غلا في 13 يوليو 2006

16- asmaa_kh في 14 يوليو 2006

17- سوسكا في 15 يوليو 2006

18- FLoOoOoOoNA في 15 يوليو 2006

19- jafa في 17 يوليو 2006

20- أم سيف 2006 في 18 يوليو 2006

21- راضية بقدرها في 19 يوليو 2006 - بنت

22- دفء الجليد في 20 يوليو 2006 - ولد

23- توتة في المريخ في 20 يوليو 2006 - ولد

24- أم أحمد 25 بدش التاسع ان شاء الله تاريخ 20يوليو 2006

25- بسمات و ضحكات في 22 يوليو 2006 - ولد

26- شذى في 23 يوليو 2006

27- ليل المجاريح في 23 يوليو 2006 - ولد

28- الجميلة 78 في 24 يوليو 2006 - ولد

29- الأمل الجديد في 24 يوليو 2006

30- الحالمة بالحب في 24 يوليو 2006

31- دمعة شتاء في 25 يوليو 2006

32- قطر في 26 يوليو 2006

33- عبق الريحان في 28 يوليو 2006

34- ام حسام في 29 يوليو 2006

35- أم طيف ورهف في 29 يوليو 2006

36- ayyat في آخر شهر يوليو

والله يتمم علينا بخير ...
ونسمع عن الباقي وشنو حاملين ....

وأهلا وسهلا بك يا أم العصافير في رابطة شهر يوليو بس ما حددتي لنا في أي يوم الولادة ....

وينكــــــــــــــــــــم

مرحبا حوامل...
اول امس رحت عند الدكتوره وقلتلها عن الحكه اللي فيني وانها جاتني بالضبط مثل حملي الأول قالت لي انتي شكلج في كل حمل بتجيج هالحكه،،:sad:
((وتقول ان سببها كسل في وظائف الكبد يعني الكبد في حالته الطبيعيه تكون العصاره الصفراء نشيطه بس مرات في الحمل هالعصاره يصيدها كسل وخمول)) <-----------هذا اللي فهمته منها
وقالت بعطيج موعد مبكر للولاده (((في حالة اذا استمرت الحكه معاج))) وعطتني تاريخ 18يونيو للولاده يعني اذا ربيت في ذاك الوقت بكون من رابطة شهر يونيو...:gum:
الله يعينا على الم الطلق الصناعي جان زين ماتزيد الحكه علي واولد طبيعي مثلي مثل غيري..
ادعولي يابنات ان تروح عني الحكه واولد طبيعي...(r)

وأهلا وسهلا بك يا أم العصافير في رابطة شهر يوليو بس ما حددتي لنا في أي يوم الولادة ...[/size][/QUOTE]

اهلا فيكي

بخمسة يوليو ان شاء الله

الله يسهل عليكي و يشفيكي يا كتكوتة نايمة وتولدي طبيعي .

مساء الخير وينكم ياحريم يادبدوبات (( يعني انتي اللي رشيقه هالحين )
سلامات ياكتكوته الحساسيه سيئه ومزعجه بس ان شاء الله تروح وعلى فكرة ترى اللي تجيه الحساسيه في اي مكان من جسمه لا يأكل البهارات والفلافل والمخلالات من بدايه العلاج لانها تمنع استجابه الجسم للعلاج وهذي نصيحه جربي منتي خسرانه شئ احسن من انك تولدين بصناعي وربي يقومك بالسلامه ..........

حلووووة يعني اذا دخلنا تغيبين انتي واذا تأخرنا دخلتي ... ليش ؟؟
المهم انتي بخير والبيبي ما تأكدتي منه للحين اذا بنوته صدق ........

ام العصافير : هلا بك معانا

راضيه ... والله صادقه الرجال مصالح واذا ............ كنه ما يعرف احد !! بس الله يعين عليهم وبالنسبه للدم اللي ينزل من خشومكم انا عندي تفسير واعتقد هو الصح (( الأخت دكتورة ))

انتم الله يسلمكم فيكم صحه زيادة ومتوصين بالصحون تمام ما تعرفون تمزحون معاها يالله كل اللي على السفرة تآكلونه طبعا بالعافيه وبعدين تستفيدون انتم والباقي يطلع .... خلاص لا تخافون..!!

وبالنسبه لي انا رحت الخميس الدكتورة وكنت تعبانه حلقي فيه احتقان وارجع وحراره يعني التهاب وأخذت علاج وشافت البيبي وقالت تمام وانا الوزن والضغط طبيعي الحمد لله

السلام عليكم
اخباركم
وحده جديده بينكم
ما ادري عن ايش تتكلمون وعن ايش تتكتبون
لأني قريت بس الصفحه الاخيره
بس أنامعاكم في نفس الشهور

شخباركم يالغاليات انشاء الله الجميع بخير
عيون الافعى: والله كلنا نبي الوقت يمر بسرعة ، لأن الوقت صاير بطئ وانشاء الله نولد بالسلامة
راضية بقدرها: كل حمل يختلف على حسب تجربتي، الحمل اللي فات مو متعبني ، هالحمل تعبانة فيه بزيادة ويا ريت مرتاحة، الحكة فيني لازالت بس خفت الحمد لله
كتكوتة نايمة: الله يعينجاقولها من قلبي، لأني عانيت لفترة من الحكة وعن جد بموووووووووت منها وبديت احس انها خفت شوي الحمد لله وما سرت للدكتورة تعايزت / انشاء الله تخف عنج يالغالية
ليل المجاريح: شخبارج انشاء الله تكوني بخير
الغالية البحرينية اتمنى تكوني بالف خير وعافية

أم أســــــــــــــيد: مرحبا بج بالمنتدى وبالرابطة، ما خبرتينا متى ولادتج علشان الغالية البحرينية تضيفج للقائمة وتنورينا وخبرينا مغامراتج مع الحمل ومعاناتج

وعليكم السلام يا ام اسيد

اهلا فيكي انا متلك جديده على الموضوع

كل شي بخاطرك احكيه

يا بنات انا ضلاعي ذبحتني خاصة اعلى البطن
واذا اكلت بتضايق وبشعر بثقل الله يعين مع الشهور الجاية .

السلام عليكم ورحمة الله وبركاته

اتمنى اكون خفيفه عليكم.....

شلون عرفتي انج حامل ؟؟

عرفت من المستشفى الدكتور اتصل

وباي طريقة ؟؟

عن طريق فحص الدم

وشلون كانت حالتج .؟؟

كنت مره تعبانه اشتكي من الام بالجنب واسفل البطن والظهر( من الالم يوم كان يخبرني ريلي كنت اصيح من الالم ومن الفرحه يوم اتصل به الدكتور لاني مارضيت اقعد بالمستشفى)
ومن كان معاج ؟؟

ريلي وامه

وخبرتي من ؟؟؟

اول من خبرتهماهل بيت ريلي وعقبها الوالده طول اللله بعمرها



وسلامتكم خلصت القصة....