اللي موعد ولادتها شهر يوليو ..تدخل وخلنا نكون رابطة امهات يوليو

الله يسلمج يالغالية: زين انج رديتي علي بنفس الوقت، والله وخوفتيني عليج، بالنسبة لعيد ميلاد ولدي مو الحينه خلاص من زمان صار الحينه له 3 اسابيع تقريبا، بس تعرفين توهم رجعو التواقيع وشليت صورة ولدي ,خليت بس البيبي الجديد..

الله يخليه لك يا أختي الجميلة

أنا عيد ميلاد ولدي أن شاء الله الشهر الياي بتاريخ 9 أبريل رايح يكمل ثلاثة سنوات

وانا قعده على النت أسلي نفسي أحسن من الكدر والمرض ...

هلا وغلا ليل المجاريح

ما عليك شر يا الغالية

الوحدة فينا من تحمل إلى الولادة كل مشاكل في مشالك وكل هذا علشان عيون البيبي ...

الله يهونه وتهون ...

أحنا بعد في البحرين واايد نهتم في تزين غرفة المستشفى وحتى في البيت نهتم فيها أكثر طبعاً هو البيت ... وعند أغراض البيبي أن شريت بعض الأشياء الداخلية نفسك لي وللبيبي وأخذ ألوان محايدة ... لان إلى ما الآن مو متأكدة أنها بنت ... فأخذ اللون الأبيض والون الأخضر الفاتح واللون البيج ... وهذه الألوان تطيح على البنت والولد .... وعن المفرش وأغراض البيبي الثقيلة ناويه أبدأ فيها الشهر الياي ....... الشوي الشوي ... لين ما أخلصها .....

السلام عالجميع وكيفكمحوامل ان شاء الله طيبين ..

حوامل .. ابي منكم شئ تساعدوني فيه .. وهي مشكلتي مع زوجي اللي مو راضي

يفهمني بهالشهر هو من زمان على هالحال بس الحين زايد علي . مو راضي يتفهم وضعي وانا حامل

والوحم المـتأخر اللي جاييني... مايدرك مدى معناتي في النوم وشلون يصير راسي ثقيل ومن اوقف واسوي شئ

انواع الصعوبات في النفس وصايرة مو قادرة عليه ولا على تصرفاته.. وبنتي كاسرة خاطري حييييل

ولا عارفة ابديها منه والا من التعب الليفيني .. ياليت تقولون لي وش اسوي واجركم عند الله سبحانه ..

أختكم/ أم شهد

راضية بقدرها : اللـــــــــــه يكون فعـــــــونج هالوقت لازم تحسين انه حد وياج يشاركش همومج وتعبج ،ويمكن الريال مايدري انه الحامل تتعب اسمحيلي مااعرف شو اقولج انشاء الله يهديه ويحس فيج


حلووووووووه البحرينيه : حبيبتي لازم تسيرين المستشفى ولا تخلين هاشي يزيد عليج :(


وعن اغراض البيبي بعده توه الناس انشاء الله فالثامن وانتو شو رايكم

عزيزتي راضيه بقدرها : فيه بعض الرجال يستهتر بوضع المرأه وهي حامل لانه اصلا ما يعرف مقدار التعب ومشاكل الوحم وحتى الثقل والتغيرات النفسيه اللي نمر فيها ويمكن شاف ان حملك اول كان غير واسهل فيحسب ان الثاني المفروض يكون مثله لكن حبيبتي انتي حاولي تفهمينه ان كل حمل لابد وضروري انها تختلف عن اللي قبل وكل مازاد عدد مرات الحمل تتغير نفسيتك ووضعك وانه لازم يقدر هذا الشئ حتى لو يسكت بس وما يقدم اي انتقادات وانك اول ما تتحسنين راح تحاولين ترجعين لوضعك اللي قبل وفهميه ان الشئ اللي يصير تغيير بالهرمونات وهي اللي تتحكم فيك وانه شئ خارج عن ارادتك واتوقع انه بيتفهم هذا الشئ وقولي له اسأل امك او امي كيف الحمل يهد الوحده ولحاله بيتراجع ويصير احسن وبين فتره والثانيه يعني كل اسبوع حاولي تخرجين معاه وبنتك بعد تغيرون جو نامي وهو في دوامه علشان اذا رجعي تكتفين بالإسترخاء وسولفي معاه يمكن متعود عليك زي كذا سواليف وخرجات ولمن حملتي بطلتي ............... الله يهديه ويوفقك ان شاء الله

حلوووووووة مرحبا مشكورة يالغاليه بس انتي بكم اسبوع لانه بدري تشترين الحين تأكدي اول احسن .. واذا مستعجله خذي الداخليه والكوافل وحق الزيارات والخرجات بعد ما تتأكدين

ام شوق ... احس انه مافيه احد كسول الاانا وانتي بنجلس للشهر الثامن بس كذا احس يصير الكرش قدام وندلع قدام الحريم ونعبي الأكياس ههههههه

الجميله وش اخبارك وكيف النونو ...... هاه اشتريتي ولا بعد ؟؟ استني لا تروحين من الحين انا وانتي بيوم واحد خلاص !!

حلووووووووة سلامتك ياقلبي انتبهي على نفسك يالله هانت باقي كم شهر ونخلص ....

راضية بقدرها : اول شئ اقولج الله يعينج على وحامج المتأخرو اكيد اكيد كل حامل حاسة فيج يالغالية، تعرفين انا ريلي في حملي اللي فات كان نفس ريلج، بس امي مسكته وفهمته ان هذا الوحام والوحام يختلف من زوجة لثانية ولازم يتحملني ويكون معاي ووووووو..............واختي نفس الكلام قالت له، والحمد لله صار متفهم وما يحاول يزعلني او يضايق فيني، وياخذ ولدي لما يشوفني نايمة ...يعني دور الزوج بالنسبة لي وايد مهم في فترة الحمل لازم تكون مشاركة في المسئولية,,حاولي تخلي حد يفهمه يمكن ريلج مو فاهم وعلى باله انج تتدلعين الله يعينج يالغالية
[line]
أم شوق: تعرفين صدق تو الناس على اغراض الياهل، انا اشتريت اشياء خفيفة بس، بالثامن بشتري الاشياء اللي احتاجها .
[line]
حبيبتي ليل المجاريح: ولالالالالالالالالالالالا يهمج بروح انا وياج نشتري بنفس اليوم ههههههههههههههههههه

صباااااااااااااااح الخير

شحااااااااااااااااااالكم اليوم انا بسير المستشفى عند دكتوره عسب اعرف شو سبب الالم في الجهة اليسرى تخيلوا مار وم ارقد على الجهة اليسار ولا ايلس تعبانه والالم صار لي اسبوعين متعبني حيل وكله اصيح مبهدله ريلي والله الحمال يتعب ماكنت اتخيل انه جذي تعب فديت امي الحين حسيت فيها والله

ليل مجاريح انشاء الله منشرى مع بعض صدق كسالا اتخيل اشكالنا مع كرشتنا نتمشى هههههههههههههه
الجميله 78انا ولاشي اشتريت بعده توه الناس

هلا وغلا

صباح الخير يا رابطة شهر يوليو

شخبارك اليوم أن شاء الله كل شي بخير

حبيبتي راضية بقدرها ما عليك شر يا الغالية والله يكون في عونك على الوحم وعلى زوجك ... حبيبتي حاولي تفهمينه الوضع أو خلي أحد من الأهل مثل أمه أو أمك أو وحده من خواته يفهمونه الوضع يمكن ما يتقبله منك لكن يتقبله من غيرك ... وإذا لزم الأمر عندك الأنترنت ويوجد فيها الكثير من المعلومات خليه يجلس معاك على الأنترنت وخليه يقرأة عن مشاكل الحمل والولادة وعن نفسيته الحامل وعم المراحل الي تمر بها الحامل ... يمكن إذا قرأ عن الحمل والولادة يحس بك شوي .......

هلا وغلا أم شووووق شخبارك الغالية تسلمين لي والله أنا اليوم بخير والدم وقف علي والحمد لله على كل حال .... وقلت لأمي ... فقالت لي أن هذا كله دم زايد لا تخافين ..... وعن أغراض البيبي أنا قلت شريت الأشياء الخفيفة والثقيلة بعدين بعد ما أكمل الشهر السابع ...ان شاء الله ...


حبيبتي ليل المجاريح الله يسلمك من كل شر... شخبارك ولدك وبنتك أن شاء الله بخير ... أنا بكره رايح أدخل الأسبوع 24 وبعدي ما أشتريت الأشياء الثقيلة أن شاء الله رايح على نهاية السابع أشتريها هذه الأغراض وعن المفرش ولي يتبعه أن شاء الله رايح أختي تخيطه لي لأانها خياطة أطفال .. وأنا إلى الآن ما اشتريت ملابس خارجية ... بعدها الناس وقت ...

الجميلة شخبارك أنت اليوم وشخبار ولدك أن شاء الله بخير .... ما خبرتينا عن أخبارك يا الغالية .....

وين الباقي الأعضاء .......

حلوووووووووه البحرينيه الحمد لله انه خف عليج البارحه اخبر ربيعتي سالفتج يمكن كلام امج صح وانتي ارتاحي ولا ترهقين عمرج

تسلمين لي يا الغالية أم شوووووق الله يخليك ...

ويتمم لنا على خير يا رب العالمين .....

امين

ولو ليش نحن ربع لازم نكون مع بعض ونحس بخواتنا

السلام عليكم

شاخباركم بطبوطات ان شاء الله بخير

من فترة واقول باسوي سونار وللحين ما سرت متهايزة اطلع انا وكروووشتي بس خاطري اعرف شو في بطني


اغلب اللي يشوفونني يقولون ببطنج ولد فماادري بالنسبه لي كلهم حلوين المهم الصحه والسلامه لاننني عندي بنوته وحدة وعادي لو يبت بنوته ثانيه عل الاقل تلعب مع فطومي اللي مطفرتني هاليومين قالبه علي ههههههههه كلما اقولها ماما نروح نسبح تقوللي لا اقولها تعالي اغير حفاظتك ردت علي ب لاااااااا

كرهت هاي الكلمه كله ترررررررررررررفض حضرتها


خبرونني شو الحل وياها لانني فعلت تعبت وما احب اضربها او اشد عليها




سلام

مساء الخير على حوامل الرابطة كيفكم وش هالأخبار الحلوووة ان شاء الله دوم ياربي

حلوووووووة الحمد لله انه وقف عنك بس ارتاحي يعني الشغل الثقيل بعدي عنه وطلوع الدرج خطر عيلك مادام نزل منك دم..

ام شوق كيفك وكيف النونو على فكرة ماغيرتي رايك تروحين تشترين انا صار عندي شويته فضول ابي اعرف الجديد ونفسي اشوف حركات حلوة وآخذ بس خلاص زوجي يقولي ما عندي الحين في الثامن زي ما تفقنا يعني روحي تفرجي بس (( شوفوا كيف يقهرني ))

ام الحلوة : انشاء ربي يعطيك اللي في بالك وبالنسبه لبنتك كم عمرها .. اذا تفهم يمكن تدلع عليك بس انتبهي لا تدلعينها مرة بعدين تعانين معهابعد ولادتك يعني مرة شده ومره لين

الجميله : كيف بنتك .... عاد الله يعين على دلع البنات بس الحمدلله انتي احسن مني انا ولدي من جهة وبنتي صايره متعلقه فيني بزيادة مدري حب على غفله وهذا اللي في بطني احس اني خايفه عليه لا يطلع فيه شئ من كثر ما نفسيتي مشغوووله بعيالي وربك يعين

دفء الجليد وينك صايره قمر مره كل شهر ............ ولا تجربين معزتك عندنا ؟؟

عيون الأفعى وكتكوته نايمه وراضيه بقدرها ...... والباقين وينكم !!

مرحبا بنات
شلونكم وشلون الحمل معاكم؟؟؟

متمللــــــــه واااااااايد

بس ماعندي شي اقوله!!!

:bigsmile:

السلام عليكم ..

حوامل كيفكم .. ان شاء الله مبسوطين ...

ابشركم اليوم رحت المتابعة وكملت خمسة شهور بالضبط وامشي في السادس

وان شاء الله نوصلها للتاسع وربكم يسهل وابشركم طلع اللي في بطني بنت ثانية يعني بجيب

أخت لبنتي وبصراحة استانست وااااايد من قالت لي بنت .. لأن كنت ابي اجيب بنت ونيسة لشهودة

والحمد لله الله عطاني امنياتي والبيبي وضعه ممتاز والمشيمة وكمية السائل ووزنه وان شاء الله نسمع اخبار حلوة

عن الباقيين وربكم يسهل عالجميع ..

صباح الخير يا رابطة شهر يوليو

1- بنت الكويت 84 في 9 يونيو 2006

2- ماروكووو في 1 يوليو 2006

3- مس نوار في 1 يوليو 2006

4- نور ينور قمر في 3 يوليو 2006 - ولد

5- سوااااري في 4 يوليو 2006

6- كتكوتة نايمة في 7 يوليو 2006 - بنت

7- حبيبة ريلها في 7 يوليو 2006

8- شوق العين في 8 يوليو 2006 - ولد

9- أم الحلوووة 11 يوليو 2006

10- حلوووة البحرينية 11 يوليو 2006 - يمكن بنت

11- عيون الافعى في 12 يوليو 2006 - بنت

12- أم رغووودة في 12 يوليو 2006

13- flower_world في 12 يوليو 2006 - ولد

14- أم شوووق في 12 يوليو 2006 - ولد

15- طفلة غلا في 13 يوليو 2006

16- asmaa_kh في 14 يوليو 2006

17- سوسكا في 15 يوليو 2006

18- FLoOoOoOoNA في 15 يوليو 2006

19- jafa في 17 يوليو 2006

20- أم سيف 2006 في 18 يوليو 2006

21- راضية بقدرها في 19 يوليو 2006 - بنت

22- دفء الجليد في 20 يوليو 2006 - ولد

23- توتة في المريخ في 20 يوليو 2006 - ولد

24- أم أحمد 25 بدش التاسع ان شاء الله تاريخ 20يوليو 2006

25- بسمات و ضحكات في 22 يوليو 2006 - ولد

26- شذى في 23 يوليو 2006

27- ليل المجاريح في 23 يوليو 2006 - ولد

28- الجميلة 78 في 24 يوليو 2006 - ولد

29- الأمل الجديد في 24 يوليو 2006

30- الحالمة بالحب في 24 يوليو 2006

31- دمعة شتاء في 25 يوليو 2006

32- قطر في 26 يوليو 2006

33- عبق الريحان في 28 يوليو 2006

34- ام حسام في 29 يوليو 2006

35- أم طيف ورهف في 29 يوليو 2006

36- ayyat في آخر شهر يوليو

والله يتمم علينا بخير ...
ونسمع عن الباقي وشنو حاملين ....

مشاء الله فريق الأولاد للحين هو اللي غالب والبنات اربع بس عكس السنه الماضيه كانوا البنات اكثر من الأولاد ...!!

كيفكم حوامل ...

مشاء الله فريق الاولاد غلب فريق البنات ... مع اني شاكة ان اللي فيني ولد مو بنت بس هي

قالت لي ان اللي فيني بنت والحمد لله على نعمته ..

حوامل ابي اسألكم عن الاشعة الرباعية متى الحامل تسويها ووش فايدتها ؟؟؟

هلا حبايبي شلوووووووووووووونكم انشاء الله مرتاحين أنا سرت العياده وطمنتني وقالت كل شي على مايرام وانه الالم من البيبي لانه راسه فوق الحمد لله وانتو شحالكم