اللي موعد ولادتها شهر يوليو ..تدخل وخلنا نكون رابطة امهات يوليو

مراحب شخباركم يالغاليات:
انا كا كتبت بس اقرا اخباركم، ومتطمنة عليكم كلكم,
ليل المجاريح مبروك ع الولد، وطلعنا بنييب اولاد،وانا خاطري ببنت بس الحمد لله على كل حال,
انا بعد اعتقد لي اسبوعين وبدخل السادس بروح السبت عندي موعد بالعيادة الخاصة (واللع عندي مواعيد وايد وما رحتها)
عيون الافعى سلامتج يالغالية ما تشوفين شر
ام شوق سلامتج بعد يالغالية والكل ما يشوف شر,
سلامي للباقيات وننتظر مشاركاتكم

حيالله البنات ,,,

شو اخباركن
ليل المجاريح مبروك عليج الولد... ويارب ايكون حسن الخلق والخُلق...
ويبارك لك فية وفي اخوانة

الجميلة .. الله ايسلمك من كل شر ...
والحمدلله هاليومين انا بخير ....

وين باقى الشلة من بنات الرابطة...؟؟؟

مسا الخير والطيبه على كل حلوات الرابطه :shy:

شاخباركم عساكم بخير ؟؟؟


ما شاء الله عليكم كل ما ادخل منتدا الحمل اشوف الموضوع مرتفع وجدام عيوني


بنات خبروننا اكثر شو تحسون مثلا انا امس الجمعه رحت مع زوجي خورفكان طبعا للي ما يعرفها منطقه جميله فيها بر ومحاطه بالجبال

ومن كثر الفرحه واللهفه حق الدوارة ما حسيت بعمري وقمت اراكض نسيت عمري انني حامل وزوجي يقوللي اشفيج انتي حامل لا

تمشين وايد وكل شوي يبا يركبني السيارة وانا مستانسه حتى انني تمشيت على الشاطي وانا حافيه ههههههههههه وكل شوي يهددني ترا باتصل في امج وباخوفها

هذا كان امس وما حسيت باي شيء بس اليوم الصبح حسيت بالم فظيع على شكل نغزاااات في كل مكان من بطني خصوصا اسفل البطن بس الحمدلله خف بعد ما رفعت ريوللي فوق وتريقت مع انني ما كنت مشتهيه

بس والله استمر الالم اكثر من ساعه وزوجي انتبه يقووللي قومي نروح المستشفى وانا اقوله باخبر امي قبل خوافه تراني




فما ادري اذا وحدة منكم حست بهالشيء ولا لاء

وقبل لاانسى حبيت ابارك للعزيزتين الجميله وليل المجاريح على الولد وعقبالي ان شاء الله :)

وما انس بقيه الصغوات خصوصا اللي وياي بالموعد ترانا باجر بنكمل الخامس وندخل السادس واذا انا غلطانه صلحوا لي


وتحياتي للجميع

هلا عيون الأفعى : الله يبارك فيك والحمدلله

ام الحلوة : هلا بطلتك الحلوة وينك وش اخبار النونو ... بصراحه كلامك ذكرني بكلام الدكتورة حقتي تقولي ماشاء الله عليك ما ترتاحين كله تتمشين وتتمشين ... علشان اشتكيت من الم في رجولي وبعدين قالت بس كذا احسن لك علشان ما تتراكم عليك شحوم وافضل لتسهيل الولاده عاد ما صدقت خبر رحت وفريت السوق ادور ركنيات وحركات حلوة لبيتي وياكثر ما يجيني احساس بنشاط مفرط بس التعب ثاني يوم ..


وينكم يا حوامل الرابطه ؟

موجودين يا حلوة الرابطة

شلونكم وشخباركم ؟؟

انا بخير والحمدلله ....رغم ان الشغل قام يزيد علي زيادة وزيادة .....يالله خلوها على الله....المهم ان البيبي بخير ..على الرغم من ان الدكتور قالي اني لازم ارتاح لان البيبي وايد نازل ...ومتكور على نفسه فديت روحه انبسطت لما شفته بالسونار يجنن ويهه فديته

عموما انا مستعجله لان عندنا ناس في البيت

ان شاء الله في الليل بادخل اذا كان عندي وقت

سلام

عيون الأفعى
و
أم شوووق
انا بعد ذاك الأسبوع حمى ولتهاب
الحين بعدني مزكومه
استحي أجاوب في المحاظرات أحس الدكتور ما يفهم شو أقول
بس يوم أشرب عصير برتقال أو ليمون فريش يخف علي

الله يعدي هالاسبوع على خير كله امتحانات
باجر عندي امتحان

على طاري الوزن أنا احس عمري ثقيييييله
اخر مرة وزنت من شهر كنت 57
وفي الجامعه عندنا اسبوع التثقيف الغذائي والبنات يوزنون
ويقولون لي اوزني اقولها لا

خايفه أنصدم في وزني
لانه ياتني عقدة من ملابس صارت ظيقة
وامس خذت جلابيه قياسها لارج
خيشششششششششششششة

الله يعينج يا نور ....والله هالامتحانات مغثة ....شدي حيلج ..وترى الوزن عاد يزيد ....وبالعكس ترى الدكاترة يستانسون اذا زاد وزن الحامل ...انا الدكتور يهاوشني كل مرة على وزني انه ماقاعد يزيد بس تدرين رغم اني اكل بس وزني كلش ماراضي يزيد ....

والباقي ..وينكم ياحلوات ..ولا دوركم الحين تغيبون واحنا ندور عليكم

اقوول وين التواقيع ....ابي اعرف اول باول انا في اي اسبوع .....

صباح الخير على الجميع:
نا توني ييت من العيادة، والحمد لله اطمنت ان كل شئ تمام، وشكيت للدكتورة اني ما آكل شئ وعندي فقدان شهية طبيعي يعني مو بسبب الحمل وقالت لي بسوي لج التراسانود، وسويت وقالت لي ماشاء الله انه يتحرك وعادي وسمعت النبض ، وخبرتني اني بالاسبوع العشرين وكل شئ ماشي تمام، قلت لها زين طمنتيني الحمد لله.
لأني اوسوس ما ابي اولد قبل موعدي مثل ولدي المرة الفاتت الوضع تغير الحين، انا بالمرة ما ارتاح كله سوق وطلعة واشيل ولدي وايد ما احاسب والطبخ اكثر شئ هاد حيلي، ما احب آكل من اكل الخدامة ولا أأكل ريلي شسوي,
والله ارتحت يوم اطمنت ع البيبي
اتمنى كلنا نكون بخير وسلامة

مساء الخير :

دفء والجميله ونور كيفكم والحمدلله اخباركم زينه والحمد لله

الجميله انتي بكم اسبوع بالضبط لانك بعد موعدي بيوم في الولاده .. انا بحساب الجهاز 20اسبوع و7 ايام وبحساب الدورة 18 اسبوع ايهما اصح


الدكتورة قالت لي خليك على حساب الدورة اصح واحسن والأغلبيه يولدون بحساب الدورة اما السونار يحسب على قياسات البيبي والعمر الإفتراضي


دفء لا تجهدين نفسك مادام البيبي نازل .. اخاف تولدين بسرعه

بنات حلوووة البحرينيه وينها مختفيه ؟؟

دفء الجليد

هي والله الله يعيننا

الامتحان كان زين بس شوي صعب

انا اعرف وزني زايد يوم امشي احس وزني ثقيل على ريولي
التواقيع شكلهم الادارة لاغينها من اسبوع
يمكن لانها تبطئ التصفح

الجميلة 78

حمدلله على سلامة النونو
انا كارهه الطبخ والمطبخ
زين اهل ريلي مايقصرون
مايخلوني امس شي في المطبخ مرات اسوي السلطه

ليل المجاريح

انا بخير
الحمدلله

مراحب امهات يوليو ...

كيف الحال ؟؟؟

والله اخباركم كلكم تسر الخاطر والحمدلله ....

جميلة : ريحتيني يالغاليه وان شاء الله الله يسهل ولادتج وتتيسر ...وتولدين وانتي تضحكين ...

ليل المجاريح : ادري يالغلا اني المفروض ارتاح ..بس والله مديري هالايام ضاغط علي بالشغل ..مادري شسالفته بالضبط ..يمكن يبي يحلل راتبي ...والله كل الموظفين اكسر خاطرهم ويقولون لي كلميه خليه يخف عنج الشغل شوي ...بس انا استحي اروح اكلمه اخاف يقول لي كانج مب قد الشغل ليش اشتغلتي ...

نور ينور قمر : حبوبة الله يوفقج وتنجحين يارب وعقبال التخرج باذن الله تعالى ...واذا انتي ما تسوين الا سلطة في المطيخ فزين منج والله ...انا من حملت وانا ماسوي شيء كلش ..مالي بارض

وين الباقي عسى المانع خير ان شاء الله ..وخصوصا حلوة بحرينيه ((اعتقد السبب كمبيوترها )) ,ام سيف

والباقيات ....اتمنى اشوفكم واسمع اخباركم

السلام عليكم ورحمة الله وبركاته

مراحب يا حلوات...وسلامات للي محمومات ومزكومات ..

ومبروك عالاولا وعقبال السلامه..وحشتوني ...


ماعندي وقت ..بس حبيت ألقي التحيه

السلالالالام عليكم بنااات
سامحووني لاني من زمان ما دخلت ...
لاني كنت تعباااانه وايد وتنومت ف المستشفى مرتيييييييييين ........كان عندي ألم فظييييييييع ف بظني وظهري وريلي ..كنت اصيح مثل المينونه يوووم يجيني الالم ولا كنت اقدر اقعد ولا كنت حتى اقدر انااااااااام الصرااااحه هالحمل واااايد تعبنييييييييي
وحتى الدكاااتره احتاااروا معاااي ما يعرفوووون شووو السبب ....؟؟؟!!!!! تحاليل واشعااات وفحوصااااات ......والله هلكت منهم واخر نتيجه توصلوا لها ان عندي القولون الصعبي
وتعب من كثره المشي والحركه ..(لاني ادرس ) وحتى طلبوا مني اني اوقف هالكورس بس انا رفضت واحاااول اضغط ع نفسي
عشااااان اكمل دراستي ولانه ما باقي شي ...الا شهرين وافتك ......هاي اخبااري
المهم ....انا عندي استفسااار .. هل كبر بطن الام الحامل دليل ع حجم النونو ........انا ااكل يقووول لي ان بطني كبير ....؟؟

ونسيت اقوووول باجر راح ادخل السادس .....................................................والصراحه انا خايفه لاني ف ولادتي الاولى ما حسيت باي الم بسبب ابره الظهر ..(الله يجاازيه خير اللي اخترعها ) وخايفه ما اعرف شو يصير معاي هالمره ..خصوصا بعد ما شفت المووت من الالم اللي كان يجني ..ما ادري دايما افكر ...اقووول اكيد انا هالمره بتعب وايد او بمووت او ان بيبي بيصير فيه شي ......
ما ادري هالاشيااء عاديه اولا .......؟؟؟ بليز ساعدوني

flower_ warld

سلالالامتج حبيبتي

ماتشوفين شر

ارتاحي ووقفي كورس إذا قدرتي
تقدرين تتاخذين المساقات صيفي
أجلي كورس والله صحتج وصحت البيبي اولى من كل شي

هلا مرااااااااااااحب شحالكم مشكورين ع نصائحكم لي والله انكم اكثر عن خواتي
سؤال محيرني ابا جواب انا تقريبا من شهر ماسرت المستشفى اوكي انشاء الله يوم الخميس بسير المهم انا تحت صدري الايسر وااااااااااايد يعورني واحيانا يصير مثل نغزات ماروم ارقد ع صوب اليسار وخااااااااايفه موت طمنوني عادي فديتكم

هلا وغلا

صباح الخير يا رابطة شهر يوليو

شخبارك اليوم أن شاء الله بخير

أنا الحمد لله بخير وعافية لولا الزكام متعبني شوي ... طول الليل ما أنام منه ... وهذه الأيام البيبي وااااااايد يتحرك خصوصاً بليل ... إذا نمت من الزكام ما أنام من حركة البيبي ... ما شاء الله عليه ...

أنا الحين دخلت الشهر السادس ... صار لي أربعة أيام ... الله يتمم لنا على خير وااايد مستعجلة ...

حوامل شخباركم اليوم أن شاء الله بخير ...

سلامي وتحياتي للجميع ....

وينكـــــــم

هلا حلوووه بحرييينيه ..ومشكوره نور ينور قمر ..............
بس ما راح اوقف ...لأان ما باقي لي شي

وينكم ابي ردودكم بليييييييييييييز................................انا على أحر من الجمـــــــــــــر

واو اخيرا شرفتي حلوووة البحرينيه وسلامتك يالغاليه من الزكام الظاهر عندكم الجو متقلب من كذا نصكم مزكمين ومحمومين .. عموما غاليتي ارتاحي واشربي عصيرات طازجه ودفي رجولك عند النوم والله يحرس النونو شقاوة من الحين


دفء : هلا الله يعينك على مديرك لو تاخذين اجازه احسن لو اسبوعين وترتاحين فيها ..

توته : وينك من زمان ما سمعنا عنك الحمدلله انك بخير


ام شووق سلامتك راجعي الدكتورة كل شهر احسن واي تغيير تحسينه استشيريها وبالنسبه لصدرك يمكن علشان بدأاكبر او بدأ فيه الحليب ترى احيانا يسبب نغزات علشان الأورده تتوسع وتبدأ في افراز السائل اللزج اللي قبل الحليب انتي خذي دش دافئ على صدرك وبعديت سوي مساج بزيت الزيتون وترتاحين الين تراجعين الدكتورة ......... طمنينا


flower_world: الله يعينك انا القولون احيانا لمن اعصب يقلب اعصار في بطني بس الحمد الله في حملي يخف عني بالمرة يمكن لاني اكون مشغوله عنه بحملي والكل يدلعني ومرتاحه بس انتي دائما سوي شاهي نعناع واشربي كوب بعد العشاء وخففي من الدهون والفلافل وبتشوفين كيف ترتاحين وسلامتك لا تفكرين فيه لان العصبي يزيد اذا فكرتي فيه .. عن تجربه

نور : هلا بك وش اخبار وكيف النونو !!

انا بخير الحمدلله بس طفشانه كل شوي داخلة النت اتصفح واخرج والبيبي زين وجالس يتحرك وصايره احس بحكه في بطني شكله ناوي يتشقق مع اني ماني مقصره ادهنه بزيت يوميا ..