اللي موعد ولادتها شهر يوليو ..تدخل وخلنا نكون رابطة امهات يوليو

هلا يا طيباااات.. شو اخباركم يا حلواااات...

انا الحمدلله بخير.. وسرت اليوم وسووولي تلفزيون والحمدلله كل شي طلع زين.. بس ويوم سالتها عن جنس الجنين .. قالتلي مو مبين.. يعني مادري متى بعرف جنس الجنين... يالله شو اسوي.. الله كريم.. المهم انه الجنين بخير وصحه وعافيه..

وانا بعد رحت اليوم المستشفى لاني خلصلت الرابع وبكره داخلة الخامس طمنتني الدكتورة على وزني ونبض الجنين وكتبتلي على كالسيوم وفيتامينات وقالت افضل نسوي السونار بعد عشره ايام علشان يبين البيبي مره وحده وتتطمن على صحته .. والحين ياربي متى تخلص العشر ايام ونشوف وش عندي ..

يالله يام سيف مادام تطمنتي انه بخير ممكن تسوين السونار مره ثانيه بعد نهايه الشهر يكون اوضح او يغير وضعيته ..

عيون الأفعى وينك يادبه ما صدقتي يجيكم المطر وهاتك لفلفه وتماشي واكل بعد .. لا تزعلين امزح معاك والله يزيدك وناسه وكيف البنوته ؟؟


وحلووووة البحرينه وش اخبارك طمنينا ..

هلا وغلا وصباح الخير

شخبارك اليوم يا الطيبات

أنا الحمد لله رب العالمين بخير وصحة وعافية والبيبي بعد الحمد لله ... أنا أمس سرت على المستشفى كان عندي موعد وطمنتني الدكتورة على كل شي وقالت أن الالتهابات أختفت تماماً ... وما لها أثر ... والبيبي قبل ثلاثة أسابيع كان واااااايد صغير حجمه ... وعطتني الدكتورة موعد الولادة بتاريخ 15 يوليو بس أمس بعد الفحوصات طمنتني الدكتورة وقالت أن البيبي كبير حجمه عن المرة غلى فاتت وأحتمال يكون موعد الولادة على تاريخ 5 يوليو يعنى صار فرق 10 أيام ... أنا فرحة كثير لأن البيبي صار طبيعي ووزنه صار أوكي ... وأهم شي السلامة يا الغاليات ......

وينكم ...

ماروكووو - مس نوار - نور ينور قمر - كتكوتة نايمة - حبيبة ريلها - شوق العين - أم الحلوووة - أم رغووودة - flower_world - أم شوووق - FLoOoOoOoNA
- دفء الجليد - توتة في المريخ - بسمات و ضحكات - الجميلة 78

هاااا يا طيباااات .. شو اخباركم .. انا بخير والحمدلله..

بس عندي استفسار صغير.. انا افكر اسير العمره بس ابي اتأكد اذا عادي اسير مع ريلي وهو عنده دين.. خبروني ارجوووكم..

هلا ام سيف الغالية: انا توني ياية من العمرة عادي...بس ما فهمت كيف يعني ريلج عنده دين؟؟

هلا وغلا

صباح الخير يا الغاليات شخباركم اليوم

أنا الحمد لله بخير ولا عندي أي مشكلة ... وبكرة رايح أسير عن الدكتورة عن موعد عندها وأن شاء الله أتأكد أن البيبي ((بنت)) ... وأن كل شي بخير .....

بخصوص سؤالك يا أم سيف عن الدين الي أنا أعرفه إذا كان الدين لأحد فيأخذ إذن من صاحب الدين في تبرأة ذمته حتى يتمكن من الذهاب إلى العمرة ... بس إذا كان الدين إلى البنك مو مشكلة لآن هذا الي حصل مع زوجي في العام الفائت سألنا الشيخ .. والحمد لله تمينا العمرة وإدينا الدين ... عمرة مقبولة مقدماً أن شاء الله ... نسألك الدعاء ...

هلا اشحالكم
انا موجودة هنية فالمنتدى

يوم الجمعة ان شاء الله بدخل السادس

البيبي الحمدلله يتحرك
واحلى شي
تحرك مرة لما الدكتور مال التلاوة والتجويد كان يقرا قرأن
ماشاء الله عليه

اراجع في مستشفى دار الشفا (خاص) ومستشفى الكورنيش اللي بولد فيه


استخدم كريم للتشققات واااااااااايد زين
الحين ماشاء الله بطني كبير والحمدلله ماظهرت لي تشققات
وهو Oragine Creme Vergeture Stretch Mark cream
وصفتلي اياه الدكتورة من نهاية الرابع ب 100 درهم
مرتين في اليوم بس شوي فيه ريحه

اللي مافادها اللي عندها تقدر تجرب هاذا

وبعد عندي دوا لللإمساك وانتوا بكرامه
بودرة تذوب مع كوب ماي او عصير لأني كنت اعاني منه
والحمدلله هذا نظم لي الموضوع

الحين اخذ حديد مع فوليك اسيد وفيتامينات مرتين في اليوم
لان دمي نازل واايد
والحمدلله ماشي معاي مايسوي امساك


اسناني تعورني لما ابتسم او اشرب شي بارد
يمكن نقص كالسيوم؟؟

بعد عندي سؤال أخير واايد طولت معاكم في الرمسه بتملون مني

سرتي ظاهره برع (بارزه) عادي وإلا لأ؟؟؟

هلا والله يانور وينك من زمان مختفي ماشاء الله مرت الأيام بسرعه قريب وتخلصين معاناه النصف الثاني من الحمل الله يقومك بالسلامه

على فكره انا نفس الشئ اسناني تعورني بالذات اذا اضحكت وانا في مكان بارد او اذا فرشت احس مثل الهواء البارد فيها احساس مزعج وكمان عندي واحد مسوس من الأمام ..


انا من يومين دخلت الخامس وصار ظهري يعورني وبطني ثقل فجأه وبالذات بعد الأكل احسه كورة وما ارتاح في لبسي غريبه انه من بدري المفروض على السابع بس يالله تهونها ..

مشكوريين يا طيبات.. بس مب اكيد اني بسير العمره .. بس ان شا الله .. الله يكتبلنا انعمر بإذن الله.. بس انتوا ادعولي يا غاليات..

هلا يالغاليات شخباركم:
نور ينور قمر، صدق القمر ما يبين وايد الا بحالات نادرة هههههههههههههههه وينج ما تبيني؟؟؟ ماشاء الله عليج دشيتي السادس قبلنا، والله انا اعد الايام واليالي ابي اخلص بسرعة شهور الحمل متعبة بجميح النواحي،انا الاسبوع الياي بروح الكورنيش بفتح ملف عندهم، على الرغم اني كنت والدة قبل عندهم وقالو لي ارجعي افتحي ملف انا مستغربة ليش، ما انا عندهم ملفي السابق وكل شئ!!!!ودار الشفاء انا رحت سويت كشف ولد والا بنت عندهم عند الدكتورة العراقية سوت لي رباعي الابعاد وخبرتني انه ولد.
يالله الحمد لله على كل حال يا رب..
ليل المجاريح : شخبارج: ترى على فكرة الاسنان لازم بتعورنا علشان الكاليسيوم، انا عندي سني يعورني وابي اروح المستشفى بس خايفة( اموووووووووت خوف من دكتور الاسنان)
ام سيف: الله يسهل عليج وتروحين العمرة باذن الله..
وينج يا الحبيبة : دفء الجليد مالج حس،، شخبارج وشو علومج لا تقطعينا اخبارج يالغالية ترا الرابطة تظلم
الباقيات سلامي لكم ونتمى نسمع اخباركم
هذا البيبي وهو في الشهر الخامس

مبروك ياجميله على النونو هاه فكرتي وش بتسمينه الله يحميه لك وتقومين بالسلامه

بالنسبه لاسناني كتبت لي الدكتورة كالسيوم بس شكله لازم تشيك دكتوره الأسنان عليها وتصلحه (( يبغالي ورشه ))


ومشكورة على الصورة يعني النونو حقي زي كذا ..

[align=justify]صبــــــــــــاح الخير :
انا قايمة من الوقت ما قدرت اانام اشوف ارق عندي ما اعرف شو السالفة ههههههههههههه.
ليل المجاريح: هيه هذا شكل النونو اللي في بطننا، أني مشتركة بموقع اجبني يخبرني نشرات يومية عن الجنين وكيف صار وشو آكل,والولد باذن الله بسميه (أحمد=أحميدوه) على اسم والد زوجي.
احلامي اللي أحلمها تشككني انه ولد على الرغم اني متأكدة باذن الله انه ولد..
وين الباقيات!!!!!!!!!!!!!!!!!!!!!!!!

هلا يالجميله ولا ام احمد ترى اسم ابوي .. عموما الأحلام تجي من كثر التفكير اذا ولد اوبنت انا لاني ابغى اعرف وش عندي من دخلت الخامس وكل ليله احلم مره اني ولدت وجبت بنت ومره اشوف عندي في البيت ولد يشبه عيالي ( والله اني خرفت اشوى انه حلم مدري لو كان حقيقه هذه التصرفات ونسويها وحنا صاحين فشله .. ))

وبالنسبه للنوم حتى انا صايره ما رتاح في نومي خفيف اي شئ يزعجني مو مثل حملي قبل بس تلاقيني طايحه في كل مكان



وين الحوامل الدلوعات ماعاد فيه مشاركات ولا خلاص طفشتوا ؟؟

نداء الى دفء الجليييييييييييييييييييييد: تراج وحشتي رابطة حوامل يوليو، ردي عاد علينا!!!!!!!!!!!!!!!!!!!!!!!!!بالنسبة لج يا ليل المجاريح: الله يعطيج اللي في بالج يا رب، انا اليوم ريلي بروح الدوام وقلت خل ادخل اشيك عليكم شوي.
يقولكم البارح رحت القرية العالمية علشان آخر يوم، لكن شو طلعت عيني من المشي، لدرجة ريلي خاف علي وقال لي خلاص لا تمشين بييب لج سيار النقل اللي تنقل الزوار بالقرية، رايحين انا واهلي كلنا ب3 سيارات، بس عن جد وناسة ودعناها البارح لأن اليوم آخر يوم، واشتريت لي بعض الشغيلات البسيطة، لأني كل ما اروح اشتري لي شئ فقلت خل اختمها بمقشرات حق الجسم( تعرفون الحامل جسمها محتاج عناية)
والله خايفة مرررررررررررررة اولد قبل موعدي او قبل التاسع من كثر المشي لالي امشيه في الاسواق، والمسئولية اللي عندي بالبيت.
انا عندي موعد الاسبوع الياي بس ما اعرف اروح والا لأ؟؟؟؟ متعايزة اروح...
الباقيات الصالحات وينكم؟؟؟

ماشاء الله ياجميله وين الهدايا حقتنا كل يوم تشترين طيب اذكريني انا مسكينه ما أحد ذكرني بهديه من زمان ...

عموما الله يهنيك بس قوليلي وش اخذتي كريمات تقشير للجسم وعادي تستعملينهم من الآن حتى ولادتك لاني ولا مره جربت في حملي السابق الابعد ولادتي على طول كريمات ومقشرات بودي شوب وكانت النتيجه كويسه

بصراحه اكثر اخاف من السواد اللي تحت الإبط انا في التاسع يطلع لي فشله ما اقدر البس علاقي ... كيف اخفيه ولا امنع ظهوره

مرحبا للجميع
كيفكم وكيف أخباركم أن شاء الله بخير

أنا عن نفسي خفيت وصرت أحسن لما دخلت الخامس
بس بعد الأكل خلاص ماأقدر أتحرك ثقل مو طبيعي

آخر موعد لي قالت الدكتوره أنه ولد (الحمد الله رب العالمين)
الشي اللي مخوفني هو وزني لين الحين زايدة تقريباً 9 كيلو صار وزني 58
أحس انه مره زايد واللي يشوفني يقول لي ماتغيرتي ألا شوي (كنت ضعيفه)

بسألكم كم سؤال ؟
اليوم أكتشفت صدري تطلع منه أفرازات في البدايه كان لونها لون الحليب
والحين لما أضغط يطلع لون شفاف أو شبه شفاف بس مو أبيض زي الحليب
هل هذا طبيعي؟

وبعد بسأل مين اللي سوت سونار ثلاثي أو رباعي الأبعاد
وفي أي شهر بيكون أفضل انه احنا نسويه؟


وشكراً للجميع

[align=justify]صباح الخير:
حبيبتي بسمات وضحكات :أخبارج ؟ انشاء الله تكونين بخير يالغالية!!الف مبروك على الولد،ماشاء الله عليج زدتي وزنج 9 كيلو الله يزيد ويبارك، انا الحينه ببداية الخامس وزني نقص ولا زاد انش واحد، لأني اصلا انا مو من النوع اللي آكل ، وصايرة عن جد ضعيفة،بس الحمد لله على كل حال.
بالنسبة للافرازات اللي بصدرج تراها عادي، انا في حملي اللي فات ما صار لي جذه، الحينه بس، انا اول شئ سويت رباعي الابعاد علشان اعرف جنس الجنين ، والحين ممكن تسوينه انتي عادي لأن البيبي كمل 20 اسبوع اعتقد.
ليل المجاريح: انا احب سوالف البشرة والجسم، كل ما كنت اروح القرية اشتري لي شوية لي ار عندي وايد مقشرات للجسم، اتعرفين في نظري اهتمي بجسمج من الحينه لأنج بس تولدين جسمج يكون تعبان وحالتج حالة، انا جربت هالشئ من قبل ، فالحين شادة حيلي بالمحافظة ع جسمي، يعني اطالع قسم العناية بالبشرة واحب اطبق اللي اقدر عليه..
فحافظي على جسمج من الحينه احسن..

الجميله يعني ممكن أصير دبه طول حياتي خوفتيني

شهيتي مفتوحه على الأكل بشكل مو طبيعي مو قادره أظبط حالي

المهم عندي سؤال ثاني متى راح أحس بحركة البيبي لأني لين الحين ماحس بشي

وفي السونار كان يتحرك ويرفس ويتقلب بس انا ماحس بشي .

هل هذا انتي اول حمل لج والا كيف؟؟؟؟
انا بالحمل اللي فات ما حسيت الا بهاية السادس والحين احس بحركة الجنين من الشهر نهاية الثالث!!!
واحمدي ربج انج تاكلين ، لأن الاكل مفيد والجوع عمره ما كان مفيد

مرحبا الجميلة أيوه هذا أول حمل ومشتاقه لحركة البيبي