اللي موعد ولادتها شهر يوليو ..تدخل وخلنا نكون رابطة امهات يوليو

هلا وغلا ياحلووووووووة شاكره لسؤالك عني والساندويشه وصلت خلاص وتسلم يدك :smile:

وبالنسبه لكريم زبده الكاكاو اللي يستخدمونه لتشققات البطن من ككثر ما يمدحونه نفسي استعمله بس اني ما جربته في حملي السابقين والتشققات عندي مره خفيفه بس المره هاذي خايفه تزيد وتبين علشان ما فيه فرق بين الحمل السابق وهذا ؟؟

وبالنسبه للجفاف شئ ان شاء الله مقدور عليه وبنتحمل ونقعد في قدر كريمات كل شوي ندهن لين نصير نزحلق :dd:

قولوا مبرووووك يا حلوااات... البارحه حسيت بحركه الجنين في بطني... والله وااايد فرحت اليوم بعد حسيت بحركته .. الحمدلله انه تحرك كنت واايد احاتي.. بعد اربعه ايام ان شا الله بكمل اربعه شهور وبدخل الشهر الخامس ... عقبالكم يا طيبااااات....

الف مبرووك ياام سيف وعقبال ما يرفس بطنك وكل شوي تقولين ياربي متى ينزل وارتاح ....

مراحب يا حلوات وامهات يوليو ..شالاخبار وشعلومكم ؟؟

انا بخير والحمدلله رغم ان هالايام ينزل من خشمي دم ....تصدقون احس اني نشفت من الدم ..مرة ازوع دم ومرة ينزل من خشمي دم ...

شسالفه الله هو العالم ؟؟


المهم اني هالايام احس بحركة البيبي ...وناسة ....متى اروح الدكتور واشوفه احس اني ولهت عليه ..ابي اشوف ويهه الحلو ...

وانتوا شنهي اخباركم



جميلة :وحشتيني وينج من زمان ما تبينين ؟؟؟ شخبارج واخبار اللي في بطنج وما قلتي لنا شنو اللي في بطنج ...بنوتة حلوة ولا ولد شيطون ...


ليل المجاريح : اهلين يا حلوة ..وينج ووين ايامج ....الحمدلله على سلامتج ...وولكمووو رجعوج الرابطة ....

حلوة بحرينية : ...اخبارج واخبار ولدج ....واخبار البيبي اللي في بطنج ....ان شاء الله طيبه

ام سيف : ....اخبارج ....واخبار حملج معاج ....عقبال ما تعفرين شنو اللي في بطنج






انا ناوية اروح الدكتور خلال هاليومين وان شاء الله يطمني على صحة البيبي ....

هلا وغلا

شخباركم حوامل عرايس

أن شاء الله بخير

هذا يومين أنا مرتاحة فيهم وااايد وألم الظهر والبطن خف علي وأحس أني صرت أحسن ... بس هذا يومين بعد ولدي وزوجي مريضين ... ما أعرف أداوي من وأخلي من واثنينهم عندهم حمى وزكام وأخذ هذا العيادة الأطفال وأخذ زوجي لعيادة الكبار وحياتنا انقلبت مستشفى رايح جاي ... بس الحمد لله على كل حال ... ولدي الحين هو أحسن بوااااااايد ... بس زوجي بعده ... أدعو له بشفاء العاجل ....

ليل المجاريح : حبيبتي لا تخليني من أطلع من الشغل أروح اشتري زبدة الكاكاو وأستعملها .. صدق ما تقولين ...:up::up: بصراحة أول مرة أسمع عن هذه السالفة ... وتشققات ملوعة كبدي ....:down::pain: وعن كريمات الأفضل لك أنك تاخذي دش كريمات مو بقدر ....... :bigsmile::bigsmile::bigsmile:

أم سيف : ألف ألف ألف ألف ألف مبروووووووووووووك يا الغالية على تحرك البيبي أن شاء الله تفرحين فيه عند الولادة ... وسلامة يا رب العالمين .....

دفء الجليد : هلا وغلا ... أن شاء الله دوم مو يوم يا الغالية ... خليك معانا ولا تقطعين عنا ... وما عليك شر ... أنا بعد ينزل من خشمي دم بس من الزكام ... بس الأفضل لك مراجعة الدكتورة وسأل عن الدم الي تزوعينه ..... وسألك عن جميلة ترى هي حامل في ولد شيطون وهي قالت هذا الشي من قبل ... وأخباري وأخبار ولدي قلتها فوق ... تسلمين يا الغالية ....

على فكرة بنات أنا دخلت الخامس صار لي أسبوع ..... أنا أحيان في الأسبوع 19 والله يسهل علينا يا رب .........

ما شاء الله وش النور اللي طل علينا في الصفحه (( دفء الجليد )) اهلين وين من زمان وانتي غايبه انا قلت اكيد دلوعة وتتوحم على زوجها وما تروح للنت ابدأ ..

اشكرك على سؤالك عني وهذا انا رجعت للموضوع وكل يوم بتقولين ليـــــــل مفحطة فرحانه بحملها!!

حلووو ه : ترى كريم زبده الكاكاو في الصيدليه وهو يمنع التشققات من الظهور ولو طلعت تكون خفيفه مو خرايط على شرط انك من اول حمل لك تستعملينه وبعد كذا في كل حمل .. وهذا كلام البنات اللي استعملوه ..


بنات ممكن اعرف جنس الجنين من الرابع ولالا؟؟

هلا وغلا ليل المجاريح شخبارك اليوم أن شاء الله بخير
حبيبتي يعني أنا أروح الصيدلية وأقل أبي زبدة كاكاو ورايح يعطيني أياه أو في له أسم ثاني ...
وعن سؤالك بخصوص معرفت الجنين ... تقدرين تعرفين جنس الجنين من الشهر الرابع يعني بداية 16 اسبوع ....

سلامي وتحياتي للجميع ....

صباح الخير يا رابطة شهر يوليو

الي عرفت شنو هي حامل فيه تكتب جنس الجنين جنب أسمها .....

1- بنت الكويت 84 في 9 يونيو 2006

2- ماروكووو في 1 يوليو 2006

3- مس نوار في 1 يوليو 2006 أهلا وسهلا في رابطة

4- نور ينور قمر في 3 يوليو 2006

5- سوااااري في 4 يوليو 2006

6- كتكوتة نايمة في 7 يوليو 2006

7- أم الحلوووة 11 يوليو 2006

8- حلوووة البحرينية 11 يوليو 2006

9- victim في 11 يوليو 2006

10- عيون الافعى في 12 يوليو 2006

11- أم رغووودة في 12 يوليو 2006

12- flower_world في 12 يوليو 2006

13- أم شوووق في 12 يوليو 2006

14- طفلة غلا في 13 يوليو 2006

15- asmaa_kh في 14 يوليو 2006

16- سوسكا في 15 يوليو 2006

17- FLoOoOoOoNA في 15 يوليو 2006

18- jafa في 17 يوليو 2006

19- أم سيف 2006 في 18 يوليو 2006

20- دفء الجليد في 20 يوليو 2006

21- أم أحمد 25 بدش التاسع ان شاء الله تاريخ 20يوليو 2006

22- بسمات و ضحكات في 22 يوليو 2006

23- شذى في 23 يوليو 2006

24- ليل المجاريح في 23 يوليو 2006

25- الجميلة 78 في 24 يوليو 2006

26- الأمل الجديد في 24 يوليو 2006

27- الحالمة بالحب في 24 يوليو 2006

28- قطر في 26 يوليو 2006

29- عبق الريحان في 28 يوليو 2006

30- ام حسام في 29 يوليو 2006

31- ayyat في آخر شهر يوليو

الله يقومنا بسلامة يا رب ويتمم على خير ....

مرحبا بطبوطات

شاخباركم ويا الحمل تخيلوا انا للحين اتوحم وكله تعبانه وكارهه نفسي من الغثيان حتى عيوني رايحه على داخل وشكلي متغير

انا للحين ما سويت سونار الصراحه بس قلت هاليومين باسوي وباشوف


اختي حلوة البحرينيه الظاهر انا وياج لانني بنفس اليوم 11/7 يعني توني داخله الخامس من اسبوع بس عاد ما اعرف باي اسبوع

ابييييه ليش طالع عندي الجنس ذكر هههههههههههههههههههه

حرام عليكم غيروه

[grade="000000 FF1493 FF0000 800080"]مراحب يا نجوم شهر سبعه....واقدر اقول مطربات شهر سبعه بس من نوع خاص (( طبعا راح نغني صراخ في غرفة الولادة ))

ههههههههههههههههههه

شلونكم وشخباركم ....

انا بخير والحمدلله ...رغم اني اليوم انفجرت صياح لين قلت بس ....تصدقون ...كنت وايد تعبانة ....وتنرفزت بطريقة مب طبيعيه ..وقلت كلام مب لازم اقوله عن البيبي اللي في بطني ..تخيلوا اني قلت مابيه خلاص تعبت ..وتميت اكررها ....وعقب ما هديت ....تميت اصيح واستغفر والله لو تشوفون نفسيتي ..تميت ادعي ان الله يغفر لي ويحفظ لي البيبي ..مادري شلون قلت جذي ...بس والله كثر ما تعبت في هالحمل .....



حلوة بحرينيه : يعطيج العافيه يالغاليه على مجهودج الرائع ...واول ماعرف بحط جنس مولودي عند اسمي في القائمة ...ولا اقولج بلون اسمي بلون البيبي ..يعني ازرق للولد ووردي للبنت ....وبخصوص جميلة ...مبروك والله يخليلها البيبي بس والله تعرفين ما قدرت اقرى كل المشاركات اللي طافتني لاني مادخل الا عقب فترة وياخذ مني وقت لين اقرى كل المشاركات اللي طافت ....وللاسف هالايام كلش ماعندي وقت


جميلة : مبروك يالغلا على البيبي والله يخليلج اياه ...تصدقين انا قالوا لي ..دام ان بكري بنت حلاته اللي وراها بنوتة علشان يكونون مع بعض ..وعقب اجيب ولدين مع بعض ....بس كل شيء بيد الله ..وكل شيء من الله حلو ...

بس شبتسمينه ؟؟؟


ليل المجاريح : نورتي الصفحة يا الحلوة ....واتمنى عاد ان اللي يمنعج عنا يكون دايما اشياء حلوة وتفرح مثل خطوبة اختج وعقبال عرسها ان شاء الله

ام الحلوة : شلونج وشخبارج واخبار الحمل وياج ان شاء الله طيبة



بخصوص زبدة الكاكاو ....في كريم في موذر كير ....يلوع الكبد رقع لي بطني ..على قولة ليل المجاريح خرايط العالم في بطني ...والله ما منه فايده ...يقولون زيت اللوز اوكي ...والله انا عن نفسي ما جربته ...

وبسالكم .....ممكن


هل لازم نحس بحركة البيبي في الرابع والخامس يوميا ولا مب لازم ؟؟؟؟[/grade]

هلا وشخباركم يالغاليات:
اسمحولي والله انا شوي مشغولة مع ريلي وولدي ذابحني، بالليل والله مول ما اتهنى بالرقاد بس الحمد لله على كل حال،
ماشاء الله اخباركم حلوة وتطمن، انا تأكدت البارح انه ولد رحت مستشفى خاص وأكدتلي ،يالله الباقيات قولو شو نوع الجنين علشان نشوف نسبة الامهات اللي بيولدون باذن الله اولاد والبنات
عن حركة الجنين احس فيه ببساطة مو وايد وبطني شوي بين مو وايد...انا الحينه بروح مستعيلة بعدين برجع اطل عليكم
يالله ننتظر الباقيات

وانا اقول الموضوع منور اتاري جميلة شرفتنا اليوم بردودها ....

شلونج يالغاليه ...ان شاء الله طيبة

الله يعينج على ولدج ....والله انا مرت علي نفس الفترة ..بس الحمدلله بنتي هالفترة ما تعبتني ...وصارت زينة ....ومبروك يالغلا على الود اللي في بطنج ...والله يجعله من الذرية الصالحة وتستانسين بشوفته ...


انا عن نفسي بخير والحمدلله ....وتصدقون ....امس صار لي نفس الفلم الهندي ....جيت ابي اروح لدكتوري علشان اعرف جنس البيبي اللي في بطني ...

تخيلوا ....طلع انه محد ومب جاي العياده ....الا يوم السبت .... رحت اتصلت باخت زوجي وسالتها عن وحده عندها الجهاز اللي عند دكتوري وقالت لي عن دكتورة ثانية ...واتصلت على عيادتها وماردت هي الثانيه ..اتصلت على مستشفى خاص وقالوا لي يوم الخميس مافي عصر في صبح بس ....ورحت مستشفى خاص ثاني ...وقالوا مانقدر نعرف شنو اللي في بطنج الا لما تكملين الخامس وتكونين داشه السادس ....

تحطبت ....بس زوجي وعدني يوديني يوم السبت للدكتور ....والله اني انتظر يوم السبت بفارغ الصبر ....ابي اعرف شنو اللي في بطني لاني ابي اخطط واجهز ...لاني من الحين احس نفسي ثقيله وايد ...شلون عقب لين ادش السادس ولا السابع ...

وبسالكم ...عن التوزيعات ....شنهي الافكار اللي عندكم ....؟؟

لاني ابي اسوي حركة جديدة في هالبيبي ....بس ادعولي احصل غرفة خاصة عاد ...


والباقي وينكم ما تبينون ...؟؟؟؟

وين اخباركم

انصحكم بزيت الزيتون للجسم .. واايد زين.. انا جربته في حملي الاول.. والحمدلله ما صارلي تشققات.. انصحكم فيه...

انا رحت عند الطبيب الاسبوع الي طاف.. وقالتلي كل شي زين والحمدلله.. سوتلي فحص بول ودم وان اشا الله بسويلي تلفزيون بعد اسبوع.. عسى كل شي يكون زين...

هلا وغلا بحوامل يوليو كيفكم وش الأخبار الحلوة ماشاء الله ..

عزيزتي دفء : من كثر منتي متحمسه تعرفين جنس البيبي اختربطت خططك بس الله يوفقك وتشوفين البيبي عاد انا حاسه انه ولد مدري ليش ؟؟

الجميله سلامه الغالين ازمه وتعدي كلنا في هذا الحمل اشتكينا من عيالنا وازواجنا والحمل لا يعني مافيه راحه ..

ام سيف : انا جربت زيت جونسون للآطفال تمام بس لازم تطلع لو شئ بسيط ( عنيده )

ام الحلوة شخبارك الحين ان شاء تمام ..

هلا والله وأخباركم يا الحلوات، ومشكوووووووووووووووورة دفء الجليد، الرابطة منورة بوجودج يالغالية، حبيبتي والله...انا يوم قدرت ادخل المنتدى واكتب صدقوني ما أقصر ويوم انشغل ترا شو اسوي!!!!
بالنسبة لجنس الجنين باذن الله لاحقة يا حبيبتي تعرفين شو نوعه، ويا رب يعطيج ربج باللي تبينه،(بنت والا ولد),انا ارتحت وايد لما عرفت بدل ما اقعد افكر وخبرت بعد اهل ريلي والحمد لله على كل حال.

احيانا احس اني ثقيلة واحيانا احس اني موحامل!!!ما اعرف ليش؟؟؟ بس في النهاية ااني حامل هههههههههههههههه
بالنسبة للكريمات انا استعمل اللي في مذكر كير ومو مهتمة وايد ابي شوي بطني يكبر وبكثر من الكريمات,,
ولدي يحليله ودينه المستشفى اليوم وقال لي الدكتور عنده فطريات بالحلق وكحة وبلغم وخذينا شوية ادوية وانشاء الله يتعافى..سلامي للجميع واسمحولي

انشاء الله يا رب يتمم لنا على خير الحمل ويسهل لنا الولالالالالالالالالادة.

الله يسهل عليكم يا غاليات... :smile:

سلام يا رابطة يوليو ....شخباركم ان شاء الله طيبين ....

انا بخير والحمدلله

وعندي لكم اخبار


اولها عن جميلة 78

ترى جميلة يا بنات طرشت لي رساله على الخاص تقول فيها انها رايحة العمره .....ومشغولة باغراض العمره ادعولها يا بنات ان الله يتقبل عمرتها ويريح خاطرها وخاطر زوجها وولدها ..وان شاء الله ما تتعب هناك ....

وثاني خبر ....

انا عرفت جنس البيبي ..الدكتور قالي انه ولد ....بس قالي انه 90% متاكد ..و10%مو متاكد لانه خايف ان العضو يكون عبارة عن حبل سري ....

بس انا ماعلي منه ..رحت سيده محل بيبي شوب وتشريت للبيبي .....ههههههههههههه

وقلت لامي وخواتي وام زوجي وخواته .....

هاي اخباري وانتوا شنهي اخباركم يا حلوات ,,,

1- بنت الكويت 84 في 9 يونيو 2006

2- ماروكووو في 1 يوليو 2006

3- مس نوار في 1 يوليو 2006 أهلا وسهلا في رابطة

4- نور ينور قمر في 3 يوليو 2006

5- سوااااري في 4 يوليو 2006

6- كتكوتة نايمة في 7 يوليو 2006

7- أم الحلوووة 11 يوليو 2006

8- حلوووة البحرينية 11 يوليو 2006

9- victim في 11 يوليو 2006

10- عيون الافعى في 12 يوليو 2006

11- أم رغووودة في 12 يوليو 2006

12- flower_world في 12 يوليو 2006

13- أم شوووق في 12 يوليو 2006

14- طفلة غلا في 13 يوليو 2006

15- asmaa_kh في 14 يوليو 2006

16- سوسكا في 15 يوليو 2006

17- FLoOoOoOoNA في 15 يوليو 2006

18- jafa في 17 يوليو 2006

19- أم سيف 2006 في 18 يوليو 2006

20- دفء الجليد في 20 يوليو2006

21- أم أحمد 25 بدش التاسع ان شاء الله تاريخ 20يوليو 2006

22- بسمات و ضحكات في 22 يوليو 2006

23- شذى في 23 يوليو 2006

24- ليل المجاريح في 23 يوليو 2006

25- الجميلة 78 في 24 يوليو 2006

26- الأمل الجديد في 24 يوليو 2006

27- الحالمة بالحب في 24 يوليو 2006

28- قطر في 26 يوليو 2006

29- عبق الريحان في 28 يوليو 2006

30- ام حسام في 29 يوليو 2006

31- ayyat في آخر شهر يوليو