اللي موعد ولادتها شهر يوليو ..تدخل وخلنا نكون رابطة امهات يوليو

هلا حبايبي

شحالكم ؟ دفء الجليد قلت لج بس انتي مستعيله هههههه يالله انشاء الله بتعرفين ...

انا اعاني من افرازات وعطتني مضادو مرهم وغسول انزين اليوم الصبح نشيت اصلي الفجر بعدين ركضت على الحمام رجعت وايد انزين حسيت كتله افرازات طلع مني وايد خايف:sad:ه وموعدي يوم الخميس شو اسوي وحده قالت لي ايلسي فماي ملح بس خايفه يضر الياهل افيدوني تكفون والله كله اصيح:cry: والمشكله مااشوف اهلي بس الاربعاء والخميس،ماعندي احد الا انتوووووو ادعولي وافيدوني بليز

هلا اشحااااااااااااااااااالكم
انا امس راجعه من السفر
رحت قطر
استانست واااااااااااايد

البيبي بخير
بعد انا نفس الشي اعاني من الافرازات تقهر
مع اني استخدم الغسول
ولما قلت للدكتورة في موعدي قبل ما اسافر طنشتني وحتى ماكشفت علي ولاعطتني شي
تقهههههههههههههههههههههههههر
وموعدي الياي بيكون في 8\2
والبيبي بعده ماتحرك
اباه يتحرك كشخة يسليني
صح

صباح الخير يا رابطة شهر يوليو

شخباركم اليوم أن شاء الله بخير ....

حبيبتي دفء الجليد ما قصرتين أنا هذا الي اسويه أشرب ماي وااايد وأخذ المضاد حقت خمس أيام باقي اليوم وبكره عندي موعد مع الدكتورة واتمنى أن يكون خف علي الالتهاب .... أنت شخبارك أن شاء الله بخير وشخبار بنتك والبيبي الي في بطنك ... بخير ...

حبيبتي أم سيف تسلمين يا الغالية من كل شر .. الله يبعد عنك كل سوء .....شخبار سيف وشخبار البونو في بطنك تحرك أو بعده ....

حبيبتي أم شووووق شخبار أنت اليوم ... ما عليم شر يا الغالية أخذي بنصيحة صديقتش مو مشكلة جلسي في ماء وملح ترى هو وااايد رايح أفيدك وأفضل أنك تستخدمين بدل الملح بيكنبودر ((خميرة)) وااايد زينة ومجربه للافرازات .... وخلك على الدواء الي عطتك الدكتورة اياه ....

حبيبتي نور ينور قمر شخبارك يا الطيبة من زمان ما سمعنا أخبارك ... الحمد لله على السلامة ... وأن شاء الله دوم مستنسة وفرحانة .... ما عليك شر بخصوص الافرازات الأفضل لك أنك تروحي للدكتورة ختى تفحصك وتعطيك الدواء المناسب وحاولي تجليسين في ماء وملح أو مع الخميرة ....

سلامي وتحياتي للجميع ...

حلوة بحرينيه.. سيف بخير وصحه.. ما شا الله ما يخلي شي ما يعابله.. بركض مني ومناك.. الله يحفظه فديت روحه.. وبالنسبه للنونو لين الحين ما اتحرك والله اترياه يتحرك .. الله يحفظ اللي في بطني ان اشا الله...

حد منكم يعرف عن مستشفى نعمه اللي بالعين...

الله يحفظ لك سيف يا أم سيف ويخليه على فكرة كم عمره .... أنا الله يخلي لي حسوني ما شاء الله عليه ما يخلي لي شي في مكانه وهو الحين عمره سنتين وتسعة شهور وأسبوعين ... شيطون ما شاء الله عليه ... حتى إذا فلت له أنت شيطون يرد علي ويقول أنت شيطونة ... الله يحفظهم ويخليهم ونشوفهم معاريس ...

سلامي وتحياتي ....

مشكورين حبايبي انشاء اللله يخوز عني وانتو بعد ديرو بالكم على نفسكم

حلوة البحرينيه.. الله يحفظلج حسن ان اشا الله... ولدي سيف على اول الشهر بيكمل سنه واربعة شهور...

هلا وغلا أم سيف شخبارك اليوم ان شاء الله بخير ... أنا أقول أن ولدي بعد صغير ما شبع من حضني طلع أن سيف أصغر من حسين بوااااايد ... الله يحفظه ويخليه أن شاء الله ...

أن اليوم الحمد لله رب العالمين ... كان عندي موعد بالمستشفى وقالت لي الدكتورة كل شي تمام وحجم البيبي واااايد زين ... والضغط والوزن والبول ((وأنتم بكرامه)) أوكي وكل شي طبيعي ... وبخصوص الالتهاب عطتني موعد حق أعمل تحاليل للزراعة الأبوال ومعرفة المضاد المناسب ....

وفي ختام سلام ...

وأشوفكم على خير .....

صباح الخير

وينكم اليوم يا رابطة شهر يوليو

هلا بخواتى الغاليات...
شخباركن وشو اخبار الحمل والشهر الرابع وياكن....
التعب ماخذ نصيبة والا شو ...

انا عن نفسي ... كله احس انى مرهقة وتعبانة...
ومن اسير مكان في السيارة ولو مسافة بسيطة ...
الم ظهر يذبحنى....
واقول كله ايهون عشان حلو العيون......

طمنونا عليكن يا حلواااااااااااات

حلوة البحرينيه.. انا الحمدلله تمام يا الغاليه... وانتي شو حالج يا الطيبه...


انا الحين بخير وحاسه بأحسن حال الحين..

صباح الخير يا حوامل شهر يوليو

أنا بخير وحمد لله

وأنتم شخباركم

أم سيف شخبارك يا الطيبة اليوم وأخبار سيف معك .....

عيون الأفعى الله يكون في العون كلنا في الهوى سوى ... أنا بعد ظهري ذابحني ألم فضيع .. علشان عيون النونو كله يهون يا الغالية ...

وينكم يا باقي من زمان ما سمعنا أخباركم

ما دام أمهات يوليو بخير انا بخير بعد يا طيبات

مراحب يا حلوات يوليو

كيف الحال ؟؟ واخبار البيبي ؟؟

انا تمام والحمدلله ماعدى النفسية ..مادري شفيني نفسيتي كلش ومسكينه بنتي ومسكين زوجي مطلعه العصبية فيهم

بس البيبي تراوالي اليوم اني حسيت بحركة غريبة بس مادري هل هاي البيبي ولا غازات ولا اتخيل

عموما كلها خمس شهور واشوف البيبي قدام عيوني ....

بس الله يعيني على غرفة الولادة ..تو الناس صح ...؟؟ بس انا مستعجله مادري على شنو

والله يا دف الجليد مو انتى اللى مستعيلة ... غيرج يحسب الاسابيع...
وكل يوم اقول قضى ..هذا اليوم والباقي قليل ان شاء الله...

الله ايهون علينا ويسهل علينا ولاادتنا...

شخباركم يالغاليات وشخبار الرابطة:
كلنا في الهوا سوا..................انا لا زلت للحينه اعاني من حرقة بالمعدة وكله لايعة جبدي وما لي خاطر لشي..مع اني اغير جو احاول ما اكدر نفسي بس الحمد لله على كل حال.....
ولدي باقي شهر يحليله وبيكمل السنة بس لحينه ما يمشي ما اعرف متى بيمشي شكله بيتأخر علشان اسنانه...احس بحركة الجنين الحمد لله مع اني في حملي اللي فات ما حسيت غير نهاية الخامس..ووزني صاير ضعيف واكلي قليل والله يستر الياهل شكله صغير في بطني
وانتو اخباركم من لحينة كشفت ولد والا بنت...انا كشفت بس ما بقول لين ما حد يخبرني قبل....

:cry::cry::cry:

أنسحب من الرابطة لأني طيحت :cry: والله شفته ولد مكتمل ودفنه أبوه وسميناه محمد

بس يالله بشوفه بالجنة إن شاء الله

صباح الخير يا رابطة شهر يوليو

والله يتمم علينا وعليكم بخير يا رب .....

هلا حبيباتي هذي قائمة أمهات يوليو بعد التعديل

1- بنت الكويت 84 في 9 يونيو 2006

2- ماروكووو في 1 يوليو 2006

3- مس نوار في 1 يوليو 2006 أهلا وسهلا في رابطة

4- نور ينور قمر في 3 يوليو 2006

5- سوااااري في 4 يوليو 2006

6- كتكوتة نايمة في 7 يوليو 2006

7- أم الحلوووة 11 يوليو 2006

8- حلوووة البحرينية 11 يوليو 2006

9- victim في 11 يوليو 2006

10- عيون الافعى في 12 يوليو 2006

11- أم رغووودة في 12 يوليو 2006

12- flower_world في 12 يوليو 2006

13- أم شوووق في 12 يوليو 2006

14- طفلة غلا في 13 يوليو 2006

15- asmaa_kh في 14 يوليو 2006

16- سوسكا في 15 يوليو 2006

17- FLoOoOoOoNA في 15 يوليو 2006

18- jafa في 17 يوليو 2006

19- أم سيف 2006 في 18 يوليو 2006

20- دفء الجليد في 20 يوليو 2006

21- أم أحمد 25 بدش التاسع ان شاء الله تاريخ 20يوليو 2006

22- بسمات و ضحكات في 22 يوليو 2006

23- شذى في 23 يوليو 2006

24- ليل المجاريح في 23 يوليو 2006

25- الجميلة 78 في 24 يوليو 2006

26- الأمل الجديد في 24 يوليو 2006

27- الحالمة بالحب في 24 يوليو 2006

28- قطر في 26 يوليو 2006

29- عبق الريحان في 28 يوليو 2006

30- ام حسام في 29 يوليو 2006

31- ayyat في آخر شهر يوليو

الله يقومنا بسلامة يا رب ويتمم على خير ....

وما عليك شر يا أرنوبة الفريج والله يعوض عليك خير ... أهم شي أرتاحي أول وبعدين فكري بعد ست شهور أنك تحملين مرة ثانية حتى يرتاح ظهرك ... ومثل ما قلتي هو الحين رحمة لك في الجنة ... وعسى ربنا يعوض عليك خير ....

مساء الخير حبايبي

وحشــــــــــــــــــتوني مووووووت !!

آسفه بسبب انقطاعي لكن العيد والناس وعندي زيارات بالإضافه اني اجهز لشبكه اختي الأسبوع الجاي عقبال عندكم ..

كيفكم وش اخبار النواني الحلوين .. وين بنات الرابطه ليش المشاركات قلت عن السابق ولا طفشانين ...

ماشاء الله يام سيف وحلوووة البحرينيه وش التواصل الحلو دايما ان شاء الله وكمان ارحب بالعضوات الجدد في الرابطه ..


بالنسبه لي الحمد لله تمام والآن دخلت الرابع من ثلاث ايام وبديت احس ظهري شوي يعورني لمن اشتغل ومارحت مراجعه الثالث انشاء الله اليوم او بكره علشان اطمن على النونو وبالمره اخذ شويه فيتامينات من الدكتوره وهاذي هي اخباري ..

يالله ياحريم نبي الهمه شوي نبغى مواضيع عن الحمل ندرجها في موضوعنا مثلا عن الكريمات واللبس ....... وان شاء الله بدور واضيف لموضوعنا حتى نستفيد ..