اللي موعد ولادتها شهر يوليو ..تدخل وخلنا نكون رابطة امهات يوليو

على فكرة:
انا مسوية شريط الحمل وشلته والحين رديت سويته..بس الغريبة الشريط مدخلني الشهر،؟؟؟
وتوني كنت اتصفح موقع طبي: شوفو شو كاتبين:
1* الثلث الأول : 1) شهر واحد ( من 1 الى 4 أسابيع من الحمل )1* يحدث الإخصاب والإباضة بعد 14 يوم تقريبا من اليوم الأول لآخر فترة حيض .
2* بعد 10 أيام، تغرز البويضة المخصبة في جدار الرحم وتبدأ دورة الدم في المشيمة الرحمية .
3* في الاسبوع الثالث، يبدأ انبوب النخاع الشوكي وانبوب القلب ودماغ بدائي والعيون والكلية بالتشكل .
4* بعد حوالي شهر من الإخصاب، يصل طول البويضة إلى حوالي 5 ملم .
5* يمكن أن تشعر الأم الحساسة ببعض الأعراض ( أعراض مشابهة لنزلة البرد العادية ) في موعد الحيض التالي، ويجب الحرص على عدم تناول الدواء في هذه الفترة .

2) شهرين ( من 5 إلى 8 أسابيع من الحمل ) :
1* يمكن رؤية الذراعين والرجلين والوجه بوضوح، كافة الأجهزة الرئيسية موجودة .
2* يبدأ الدماغ بالنمو السريع، ليصل حجمه إلى نصف حجم الجسم .
3* مع نهاية الأسبوع الثامن من الحمل، يصل حجم الجنين إلى 2 * 3 سم ويزن حوالي 4 غ .
4* يبدأ غثيان الصباح .
5* يصبح الثديين لينين وثابتين، أما الحلمة والهالة المحيطة به فيصبح لونها أدكن .
6* لا تزال إمكانية إسقاط الجنين عالية بما أن المشيمة لم تتطور تماما بعد .
7* أحذري من تناول الدواء .
3)ثلاث شهور ( من 9 إلى 12 أسبوع من الحمل ) :
1* تكون قاعدة الأظافر قد تشكلّت، ويصبح الرأس أصغر نسبيا من المرحلة السابقة .
2* يمكن معرفة أعضاء التناسل .
3* يصبح حجم الجنين لغاية 10سم ويزن 30 غرام تقريبا .
4* وجود استمرار في البول عند الأم، ويصبح الإخراج أكثف .
5* تشعر الأم ببعض الثقل ألبطني والضغط على الكاحلين، سهولة الإصابة بالإمساك والإسهال .
2) الثلث الثاني :
1) أربعة شهور ( من 13 إلى 16أسبوع من الحمل ) :
1* تتطور المشيمة تماما، ويعوم الجنين بنشاط في السائل الأمنيوسي الموجود في الكيس الأمنيوسي . ويكون طول الجنين حوالي 18 سم ويزن حوالي 120 غرام .
2* تطور الأعضاء يكون تقريبا مكتمل .
3* تتطور فروة الشعر .
4* حيث أن غثيان الصباح قد أصبح أقل، تزداد الشهية .
5* جوف الرحم منتفخ، ألم متقطع في الظهر .
6* تناولي أطعمة غنية بالبروتين وكمية كافية من الأطعمة التي تحتوي على الحديد، زيدي استهلاك السعرات الحرارية بحدود 10 % .
2) خمسة شهور ( من 17* 20 أسبوع من الحمل ) :
.............
يعني اللي تخلص ال16 اسبوع معناته دشت الخامس على حسب كلام الموقع...
والا شو رايكم يا امهات..

انا بعد كنت اخربط في حساب الاشهر لأني كنت احسب بالاسابيع
ولما سألت الدكتوره قالتلي بما ان موعد ولادتي 7/7 يعني كل تاريخ 7 ادخل شهر جديد
((((يعني امس دخلت الشهر الخامس))))

بناااااااات وين الباقيااااااااااااااااااااات ؟؟؟ ليش اختفووا العضوااااااااااااات
وبعدين نا زعلالالانه ولا وحده قالت مبروووووووووك ع النجااااااااااااح
وبعد محد بارك لي .عشااان الولد

الجميلة .. معلومة جديدة كنت ابغى اعرفها ...

اشكرك على نقلها ....

كتكوتة نايمة .. عقبال التاسع وتينا ابشارتج قايمة بالسلامة....

flower_world
انتى مختفية من فترة ...
ومبروك على النجاح ....

ومبروك على الولد.... وعساة يتربى في عزكم ....

الاسبوع القادم عندي موعد عند الدكتور وان شاء الله بعرف بنت والا ولد....


الله كريم ..

[Unload][size=8][grade="00008B FF6347 008000 4B0082"]هلا خواتي الحلوااااات.. شو اخباركم واخبار النونو وياكم..

انا الحمدلله بخير وصحه بس لين الحين ما سرت الطبيب.. لانه ريلي مب عندي.. بس شكلي بنجبر اسير روحي المستشفى.. بحاول الاسبوع الياي اروح الطبيب.. وان شا الله كل شي يكون بخير..


والله يحفظكم يا طيباااااااااااات...[/[/grade]size][/Unload]

هلا رجعت لكم
بعد ماخلصت اجازتي القصيرة

هالاسبوع كان موعدي
وانا فالاسبوع 19
والبيبي بعده ماحسيت بحركته
غير مره وحده بس
جيه مثل الغازات وانتوا بكرامه

بس كان في السونار يتحرك
فديته كان يحرك راسه الدكتورة تقول (يبص عليكي)

والحمدلله الالتهابات طلعت بكتيريا
سرت لدكتورة فالمستشفى الخاص
عطتني تحاميل وغسول بيتادين وكريم
ودا عن الامساك وانتوا بكرامه
اللي متبهدله فيه بسبب حبوب الحديد
بس شو نسوي دايما يقولون لي الحديد نازل
مع اني احاول اكل كل شي فيه حديد

هيه وخبروني ان البيبي ولد
فديته
وانشاء الله بنسميه خليفه على اسم عمي اللي هو ابو زوجي
يلا نادوني (أم خليفه)

الله يسهل عليج يا ام خليفه... انا بعدي ان شا الله بحاول اراجع هاالاسبوع..

الله يتمه عليك الفرح يام خليفه ويفرحك بطلته وسلامة روحك والبيبي

دمتى بخير

اخواتى كيف الحال وشلونكم

الجميله الف مبروك على الولد والله يفرحك بسلامته وسلامتك يارب ومن محاسن الصدف انى معاك فى نفس الشهر واليوم

بس على حسابى لى اليوم 16 اسبوع وخمس ايام وكل يوم اثنين اكمل اسبوع مو كذا مضبوط واللى انا غلطانه بس الدكتوره قالتلى صح وان شاء الله يتمم ربى علينا وعلى كل بنات حواء حملهن ويفرح اقلوبنا بالولاده اليسيره والطلق الباد الهين والخلقه الحسنه

دمتن بكل خير وحب فى الله

صباح الخير يا رابطة شهر يوليو

شخبارك يا الغاليات

عيون الأفعى : حبيبتي الله يكون في العون الدوام موت بصراحة أنا أشتغل نفسك ولين ما أرجع البيت ... أحس نفسي خلاص ما مشتهتنها ... والنوووووووووووم آه من النوووووووووم ساعات معدودة على الأصابع الخمس الي أنامها ..... عليك بعافية على النووووووووم ....

flower_world : ألف ألف ألف ألف ألف مبرووووووووووك النجاح ... وين الحلاوة ... عقبال الوظيفة .... والله يتمم لك على خير ... وتولدين بسلامة ... شنو رايحة تسمين الولد ... أنا في حملي الثاني ... بس الي ما الآن ما عرف ... بس أحس أنه ولد ....

الجميلة : هلا وغلا ... أنا بعد متخربطة مع الشريط الدكتورة قالت لي أن كل 11 من الشهر أكمل شهر وأدخل الشهر الثاني ... بس في الشريط من خمس أيام دخلت الخامس (18 اسبوع) ... فعلاً الشريط يخربط شوي ... وألف مبروووووك والله يقومك بسلامة ونشوف صور الولد ... مثل ما قلتي الي يجي من الله حياه الله .. اهم شي السلامة ...

كتكوتة النايمة : شفتي يا الغالية ان شريط يكون قد دخلك الشهر الخامس قبل تاريخ 7 ... بصراحة شي يخربط ويفر الرأس .....

أم سيف : هلا يا الغالية وينك من زمان ما سمعنا أخبارك ... يله الله يرجع لك زوجك بسلامة ... وتروحين المستشفى ونطمن عليك يا الغالية ...

نور ينور القمر : هلا وغلا الله يتمم عليك بخير ... ومبرووووك عليك خليفة يا أم خليفة ... وتقومين بسلامة .....

الأمل الجديد : الله يسمع من دعاءك يا الغالية ... ويتمم لنا على خير جميعاً ...

سلامي وتحياتي للجميع ......

هلا حبايبي شلووووووووونكم انا بخير وسهاله

انا اللوعه والاحباط كله خاز عني بفضل رب العالمين ورحت المستشفى وقالوا لي ولد مع انه خاطري فبنت وحتى اهلي بس ابخبرهم والحمدلله على كل حال احس بحركت البيبي شوي بس

مبررروووووووك

flower_world


مبررررررررروك للي عرفوا شوا جنس اللي فبطنهم وعقبال الكل يعرف ويتحقق اللي فبالكم

حلوه البحرينيه.. مشكوره الغاليه.. الله يسهل علينا كلنا حبيبتي.. ونكون كلنا بخير وعافيه... الله يحفظج

صباح الخير يا الغاليات

الظاهر أن حمل هذه السنة كل أولاد

الله يتمم لنا على خير

أنا ما عرف إلى ما الان شنو جنس البيبي بس احس انه ولد .....

والله أعلم ....

اتصدقين انا بعد احس انه اللي في بطني ولد.. والله اعلم

سلااااااااااااااااااام حلوات وامهات يوليو

شالاخبار يا حلوات وشعلومكم وحشتوني وايد وايد


مبروك للي عرف شنو اللي في بطنه وانا ان شاء الله بروح خلال هالاسبوع وبعرف شنو اللي في بطني وباقولكم شنو اللي في بطني

شلونكم بعد وشخبار عيالكم وازواجكم واهلكم واهل ازواجكم

ان شاء الله ان كلكم بخير اسمحولي اني ما ذكر ت هالمره اسماء بس لاني طالعه بروح عندي شغل وبرجع اذا لقيت وقت قبل لا انام بدخل وبشسولف معاكم وحده وحده

واذا مالقيت اعذروني يالغاليات كفاية اني قريت اخباركم اللي تريح وتسر الخاطر

السموحة

اختكم دفء

السلام عليكم ..

كيف الحال وش اخباركم ياحلوات وامهات وكيف النواني !!بصراحه وحشتوني وانا اسفه من زمان ما كتيت معاكم بس اعذروني كنت مشغوله بخطوبته اختي وازمه السوق والحمد لله الحين انا ارتحت خلصت المناسبات اللي عندنا ورجعت لكم ....


الف مبرووووووووووك للي عرفوا نوع الجنين وان شاء الله يطرح فيهم البركه وعلى فكره زي ما قالت حلوووه البحرينيه السنه هاذي اولاد لان كل الحوامل اللي اعرفهم اولاد

بالنسبه لي انا ماشيه في الرابع والحمدلله كل شئ تمام ونفسي اعرف اللي في بطني بس احساسي انه ولد مدري على حسب حلم الوالده الله يحفظها !! وتقول بعد انها نادته ( محمد)

والحين دور الأسئله ؟؟

س/1 من جربت زبده الكاكاو ونفع معاها ؟

س/2 احس بشرتي صايره جافه حتى مع الكريمات شوي ويروح مفعولها مع اني سويت التحاليل وكل شئ سليم ونسبه الدم تمام بس اني تعبت نفسي تكون شوي ناعمه زي اول بس ليش مدري مع انه مو مره جافه او متقشره لا بس ماهي ناعمه ؟؟

س/3 بالنسبه للمنطقه ال............:o.. احس بعد بقله الإفرازات عند ........ :oمدري ليش ؟؟

تكفون اللي تعرف ترد ..:shy:

بنات وش فكرتوا تسمون اولادكم خلنوا نعرف .. :dd:

حلوووووووة سويلي همبرجر اشتهيته ولا اي ساندويشه ولا بآخذ اللي عند ولدك ياعمري ..

مراحب:
شخباركم يا حلوات؟؟؟؟؟
ليل المجاريــــــــــــــــــــــح: والله زين سمعنا أخبارج يالغالية,تعرفين ان انا اعاني من الجفاف بس في ويهي ، والله اني ويهي يجف بسرررررررررررعة ما الحق احط الكريم الا بشرتي امتصته كلها!!! ما ادري ليش مع اني اشرب ماي اكثر من الاول، وتصدقون انا اعتقد اني الجمعة الياي بدش الخامس وبطني لازال صغير مو مبين، حتى امي تقولي مو مبين عليج حامل,,
وولدي مريض فديته عنده كحة واسهال وصاير له احمرار مخلينه ميت من الصياح مو قادر يقعد، عطيته دوا وشكله الحمة بالطريق فحطيت له تحميله ورقد فديته على طول ادعو له رب العالمين يشفيه يارب..
وانا عندي زكام مخلي عيوني حمر مرة..الله يعيننا
عندي سؤال شوي محرج؟؟؟ اتحسون ان صدركم صار فيه حليب وكبر ..وينزل منه شئ والا لأ؟؟ انا بصراحة صدري كبر والاحظ ينزل منه شئ لبني ..

عزيزتي الجميله تحياتي لك والله كنت مشغوله مسويه اخت العروس وتعرفين بعد المناسبه كل التعب طلع في جسمي كأني عجوز ..

مدري اذا عند البنات حل في مشكله الجفاف هاذي ولا لا

بس انتي استعملتي فيتامينات وحديد ولا انا ما أخذت قالت الدكتوره بعد الرابع لان فحوصاتي ممتازة بس شكلي بروح مراجعه واسألها عن البشره

وبالنسبه لبطني عادي ما هو باين امي تقول وش هاذا النونو كم بيجي وزنه حتى جسمي تمام ( حركات ) بس اكيد بنمر بمرحله انفجار قريبه في كل شئ

والحليب موجود من زمان من بعد ولادتي في بنتي وما جف وبنوتي عمرها تسع شهور يعني مخزنه للنونو .. عادي بس الحجم الحمد لله ثابت و حلو ..
وسلامه الغالي كل الصغار يشتكون من المرض وانا بنتي تسنن وجننتني ما طلع لها شئ وكمان ولدي يبغاله من يراعيه وهو في التمهيدي بس دلوع شوي ..

(( ماشاء الله ما صدقت احد يسألني ))

هلا وغلا وصباح الخير يا الغاليات ...

شخباركم اليوم أن شاء الله بخير ....

أم سيف : هلا وغلا حبيبتي تدرين بنت ولد أهم شي السلامة بس ... من كثر ما تعبت من هذه الحمل تمنيت أن الي في بطني يروح ... ((أستغفر الله))... مثل ما قلت أهم شي السلامة وبس ......


دفء الجليد : أهلين وسهلين ... من زمان ما سمعنا أخبارك يا الغالية ... أني بخير أن شاء الله ... أن شاء الله نسمع منك أخبارك ونعرف نوع البيبي مع بعض ... سلامي لك ...

ليل المجاريح : هلا وينك من زمان عن غايبة ... خلااااااااااااااص من الحين رايح أناديك أم محمد ... وساندويش ما يغلا عليك تفضليه يا الغالية ... أهم شي وصلت ... وبخصوص الأسئلة ...س/1 من جربت زبده الكاكاو ونفع معاها ؟ في شنو تجربها يا الغالية ما فهمت قصدك ...س/2 بخصوص البشرة ؟؟ شي طبيعي لا تحاتين لأن البيبي الحين ... يأخذ كل المكونات اللازمة له في تكوينه من جسمك ... مثل الحديد والكاليسيوم والماء من ضمن أحتياجات البيبي ... كل هذا الجفاف بعد الولادة أن شاء الله رايح تروح ... كثري من شرب الماي ... س/3 بالنسبه للمنطقه ال.............. احس بعد بقله الإفرازات عند ........ مدري ليش ؟؟ في بعض الأحيان تزيد وفي بعض الأحيان تقل الأفرازات ... إذا كان عندك شك في الموضوع وتحسين أن مو طبيعي الأفضل مراجعة الدكتورة المعالجة ... وأن أعتقد أن شي طبيعي يا الغالية وسلاامتك ....

الجميلة : هلا هلا ... شخبارك اليوم وشخبار البيبي ... ما عليه شر وليدك ... الله يقومه بسلامة لك يا الغالية ... ومثل ما قلت جفاف البشرة شي طبيعي ... كثري من شرب الماي .... وعن البطن إذا كنتي ضعيفة شي طبيعي أن بطنك ما تطلع إلا إذا كبر البيبي .....

سلامي وتحياتي للجميع ... الباقي وينكم ..... ما سمعنا أخباركم من زمان .......