اللي موعد ولادتها شهر يوليو ..تدخل وخلنا نكون رابطة امهات يوليو

حياكن الله يا حوامل الرابطة....
وحيالله كل من زارنا وتابع مسيرتنا في الحمل....

زين اطمنا على اخباركن وعلومكن .... وانشاء الله نسمع الاخبار الطيبة عن الجميع....

بالسلامة للكل ,,,,

الله يسهل على كل حامل ولادتها...


بالنسبه لي.. لين الحين ما حسيت بحركة النونو.. بس اهم شي يكون النونو بخير وعافيه ومافي عيب..

الله يحفظ اللي في رحمنا ... قولوا آمين يا طيبااااات...

[grade="00008B FF6347 008000 4B0082"]هااا .. وينكم يا حلواااات.. شو اخباركم اليوم... وشو الحمل وياااااكم...

انا الحمدلله بخير.. واليوم انا كملت سنتين معرسه... بس خساره ريلي مب معاي لانه هو في دوره:cry: (الله يخليلي ويحفظلي ريلي وولدي سيف)..

يالله ماعلي بس اتمنى اتباركولي يا حبيباتي وتدعولي من قلبكم.. [/grade]

:eek2: :eek2: :eek2: :eek2: :eek2: :eek2:

هلا ام سيف


مبروك وهذي الورده مني لج عساه عامكم سعاده
مبروك حبيبتي وانشاء الله تجمعكم كل السنوات بالحب والتفاهم والطيبوعساه الحساد بعاد والله يرد ريلج بسلامه ويحفظ لج سوافي

سلام حلوات يوليو ...

كيف الحال والاحوال ...

انا بخيروالحمدلله والنساه خافه علي كلش بس احس ان العطورات لين الحين ماحبها ..والكحة ماخذه دورها معاي ...يعني مشتغله علي بذمه

وبالنسبة للحمل بخير والحمدلله وبكرة ان شاء الله اذا الله اراد بروح الدكتور وبحاول اعرف شنو اللي في بطني ...وابي اعرف شخبار النونو فديته ...

وخصوصا ان الحين مسويين تنزيلات عندنا في موذر كير ونكست وهالمحلات اللي عندهم بدل لليهال وابي اشتري للبيبي بعض البدل

بس قلت اول شيء بحاول اعرف شنو اللي في بطني علشان اذا بنوتة حلوة مثل امها بشتري لها فساتين واذا ولد يجنن مثل ابوه باخذ له بدلات ...

وانتوا شخباركم ومن فيكم عرفت شنو اللي في بطنها وهل بديتو تتشرون للبيبي ولا توكم ؟؟؟

سمعوني اخباركم

وعلى فكرة في عضوات فقدت حضورهم وايد مثل حلوة بحرينية ...وجميلة وعيون الافعى وفلور وورلد ..والباقي


وينكم ؟؟؟عسى المانع خير

هلا دفء الجليد
انا بخير دامكم بخير..........
بس حبيبتي يمكن ماتعرفين شو اللي فبطنج الحين يمكن يقولون لج بنت وبعدين يظهر العضوو يمكن يقولون لج صح سيري العياده وطمنينا عليج

انا الصراحه ما بشتري اغراض الياهل من الحين بستري انشاء الله فنص الثامن

كلامج صحيح ...

خوفتيني ... :sad:

يعني ماشتري ...وتروح علي التنزيلات .....؟؟؟؟ :cry:

انا اختي تقولي نفس الشيء ...وتقولي ان انتظر ابرك

بس الدكتور قالي ان في اجنه ممكن ينشاف جنسهم ...والمشكلة ان اخت زوجي حامل معاي بيننا ثلاث ايام وراحت للدكتور وقالها ان البيبي ما يبين جنسه لانه نازل وايد ومنكمش على نفسه والسبب انها تكح وايد ...وعطاها ادوية للكحة ...

وانا اكح بعد وخايفة اروح ونفس الشيء يقول لي بس عموما بروح علشان اتطمن على البيبي

مشكورة يا حلوة على الرد

حبيبتي لا تحاتين حتى انا قالوا لي ان الياهل نازل بس قالت طبيعي بعدين برتفع فوق

لين شهر الثامن بسوين بعد تنزيلات وانتي سيري يمكن تعرفين شواللي فبطنج
العفوووووووووووووو يالغاليه

صباح الخير يا رابطة شهر يوليو

شخباركم أن شاء الله بخير

وينكم وين أخباركم

أنا الحمد لله رب العالمين بخير ولله الحمد على كل حال ... كان من أسبوعين دائماً عندي وجع في الظهر وأسفل البطن وتوكلت على الله ورحت المستشفى من 3 أيام وطلع معي ألتهاب في الأبوال وأنتم بكرامه وطمنت على البيبي بخير والحمد لله وعطتني الدكتورة مضاد حيوي وأن شاء الله يوم الأربعاء عندي موعد عشان البيبي ورايح أسأل الدكتورة عن الالتهاب أن شاء الله يكون خف علي من الحين إلى يوم الأربعاء ........

هلا وغلا دفء الجليد شخبارك أن شاء الله بخير الظاهر أنك وايد مستعجلة تبين تعرفين شنو فيك ... البنت والولد كلهم نعمة من الله أهم شي السلامة يا الغالية ... وثاني شي تقدرين تروحين وتشترين الي يناسب البنت والولد .... وهذي المحلات عندها تخفيضات على طول السنة كل يوم الثاني تخفيضات شكل ... وبخصوص عن الحلم أن شاء الله خير وعلى ما اعتقد أن الحلمة تفسر بعكس يعني البنت ولد \ الولد بنت والله أعلم .....

هلا حبيبتي أم سيف شخبارك أن شاء الله كل شي تمام شخبار سيف الصغير والبيبي طيبين أن شاء الله ... كل سنة وأنت طيبة يا الغالية وعسى العمر كله ... وأن شاء الله تعوضين الليلة الي فاتت عليك مع زوجك رجعته بسلامة من الكورس ..... وسنة حلووووووة يا جميللللللللل ....

هلا وغلا شخبارك flower_world يا الغالية أن الله بخير من زمان ما سمعنا أخبارك لا تقطعينا .....

حبيبتي الغالية عيون الأفعى هلا وينك وين أيامك ليش هل قطعه عسى ما شر خلينا نسمع أخبارك دوم يا الغالية .....

الغالية العزيزة أم شووووق هلا وغلا مرحبا فيك في رابطة شهر يوليو أن شاء الله دايم معانا ولا تقطعينا ... حبيبتي على فكرة أنا معك في نفس التاريخ الله يقومنا بسلامة .....


وينكم يا باقي بنت الكويت 84 \ ماروكووو \ مس نوار \ كتوتة نايمة \ أم رغووودة \ أرنوبة الفريج \ FLoOoOoOoNA \ jafa \ ليل المجاريح \ الجميلة 78 \ قطر \ ayyat من زمان ما سمعنا أخباركم ......

الله يقومنا بسلامة يا رب ويتمم على خير ....

عسى يا ربي يحفظكم يا رابطة شهر يوليو ......

سلامي وتحياتي للجميع .....

هلا بأمهات رابطة يوليو
شلونكم وشلون الحمل وياكم....انشالله بخير
انا من 3 ايام حسيت بحركة البيبي فليل قبل لا انام...وبما اني عندي ياهل ثاني فأعرف اميز شلون حركة البيبي..عكس يوم كنت بكر كنت اخربط ومااعرف اميز الحركه...
انا وايد متحرقصه ابي اعرف شنو فبطني بس انا مب مفكره اشتري من الحين اغراض البيبي احس تو الناس بشتري في السابع او اخر السابع احسن...
بعد اسبوعين عندي موعد للفحص بالسونار على كبد البيبي والكليتين ومنها مره وحده تقوللي شنو جنس البيبي يعني بكون مخلصه الاسبوع الـ 18...بس انا مب قادره انتظر اسبوعين زياده...:think:

حلوة البحرينيه.. اشتقنالج يا الغاليه.. الحمدلله انج بخير ومرتاحه يا الحلوه... والله يحفظج..

ام شوق .. مشكوره الغاليه وما قصرتي حبيبتي.. الله يحفظج....

[grade="00008B FF6347 008000 4B0082"]بالنسبه لي .. لين الحين ما حسيت بحركة الجنين.. وانا احاتي شوي.. المشكله ما اقدر اسير الطبيب الحين.. لازم انتظر ريلي اييي يوم الاربعاء واسير معاه.. عسى ان شا الله يكون كل شي زين.. قولوا آمين...[/grade]

اميــــــــــــــــــــــن

انا الصراحه خايفه وايد لاني استخدم الدواه افرازات ولين الحين ماخاز عني موعدي يوم الخميس الله المستعان
وعن حركت البيبي لين الحين مااحس بشي طمنوني عليكم

مشكوووووووره حلووه بحرينيه

hala wallah
3endi s2al 3an el vitaminat elli yu36oona fe el mustashfa hal hi tkabber el jneen
l3nny a3ref banat ma ya5thoona 3ashan yekabber el baby wayed
hal hal kalam 9a7ee7

هلاjafa
الصراحه الفيتامينات مفيده حق البيبي وحق الحامل بنفس الوقت انا لو يوم ماخذت احاتي لانه انا مااكل وايد يعني الفيتامين ينفعني لانه يغذي الياهل واصلا بعد الولاده الدكتوره بتعطيج فيتامين عسب الحليب وانا انصحج انج تاخذينه ولامريرجعلج

سلام حوامل يوليو ...

كيف الحال وشو اخبار البيبي ...

انا بخير والحمدلله ..والبيبي بعد بخير ...بس تخيلوا اني لما رحت للدكتور وابي اعرف شنو اللي في بطني ...طلع البيبي حضرته معطينا ظهره ومسكر يدينه ورجوله ...جنه ما يبينا نشوف ويهه ولا نعرف اهو شنو :no:

بس يجنن فديته والله استانست عليه وايد والدكتور يقولي البيبي عنيد مب راضي يتحرك علشان نشوف جنسه ...وقام يحرك الجهاز على بطني علشان البيبي يتحرك بس انا مارضيت ...كسر خاطري البيبي :shy:

واتصلت عقب اختي تسالني اذا عرفت ولا لا ...؟؟لما قلت لها لا قالت لي قتل لج ما يبين الحين وايد بس انتي مستعجله ... :sad:

تصدقون عاد انا كنت افكر اني اتشرى للبيبي من اول ماعرف شنو اللي في بطني بس الحين اعتقد اني باجل هالفكرة لين عقب

يمكن ينزلون بضاعه احلى من هاذي (r)

بس زوجي مستانس على حركة البيبي وايد ...الله يحفظه ان شاء الله ويحفظ لكم عيالكم ويولدنا بالسلامة

وانتوا شنهي اخباركم يا حلوات ؟؟؟

الله يسهل علينا كلنا ان شا الله...

صباح الخير يا رابطة شهر يوليو .....

شخباركم اليوم أن شاء الله بخير .....

الله يسمع من دعاء يا أم سيف ....

حوامل عندي بعض التهاب في البول وانتم بكرامه شنو اسوي حتى يخف علي ........ انا اخذ مضاد حيوي بس احس انه مو نافع معاي واحس الحرقة تزيد اكثر من قبل .....

الي عندها فكرة تقولي ....... انا اشرب ماي اكثر من الازم حتى يخف لكن ما اشوف اي فايدة ....

سلامي وتحياتي للجميع ....

والله يالغاليه اذكر مرة صادني ...وشربت ماي وايد بطريقة مب طبيعيه ...ومارحت لدكتورة ولا شيء ...والحمدلله خف علي وراح رغم اني كنت اكره نفسي من الالم ..

انتي ماعليج غير انج تكملين علاج المضاد لانه مب زين تقطعينه وتو المده ما خلصت ..المضادات في منها على الاقل 10 ايام ومنها اللي خمس ايام ...

انتي عاد اي واحد فيهم لازم تكملينه يالغاليه وروحي للدكتورة واسئليها اذا ما خف لانه مب زين يتم معاج ...

وطمنينا عنج

حلوة البحرينيه.. الله يكون في عونج و يحفظك يا الطيبه...