اللي موعد ولادتها شهر يوليو ..تدخل وخلنا نكون رابطة امهات يوليو

صباح الخيررررر مكرشات

شخباركم اليوم

كم وحده فيكم دخلت التاسع معي ...

الله يعين الباقي على دخلت الشهر التاسع ........

أنا بخيرررررررر ولله الحمد وبصحة ... والدكتورة طمنتني أن كل شي أوكي والبيبي رأسه تحت ... وهو مستعد للولادة في أي وقت ... يا رب يسهل علي وأكون أول وحده فيكم تولد ...... يا رب .....

حبيبيت دف الجليد : هلا وغلا فيك هي بنتك كم عمرها الحين ... ولدي حسين له تصرفا ت غريبة بعد الحين ما أفهمها ... هو الحين ثلاثة سنوات وشهرين عمره ... من تصرفاته الغربية يجي بعض الأحيان لي ويضربني على بطني ... إذا أقول له أن أخوك داخل وتعور يجي مرة ثانية وبوس بطني ويقول آسف ... بس يرد ويعيد الحركة مرة ثانية .... وهو الحين دايم ما يسمع كلامي وكل يضراخ بصوت عالي ... والي يبه يصر عليه الى ما يأخذ الشي الي يبه ... يمكن يكون احساسه [ان في أحد ثاني رايح يأخذ مكانه ... وعلى فكرة دايم يبي يجلس فوق رجلي أو ينام علي ... ولا يفيد كلمة الماما تعبانه ما أقدر روح للبابا ... أحاول أني أعطيه أكثر أهتمامي حتى ما يحس بغيرة من أخوه إذا جاء ... بسلامة ....

حبيبتي أم عسووووووووله : هلا وغلا فيك معانا في رابطة مع نهاية الكروش ... بس ما قلتي في أي يوم رايح يكون موعد ولادتك حتى أضيفك للقائمة .....

حبيبتي كتكوتة النايمة : شخبارك اليوم أن شاء الله بخيرررر ... عن الأعشاب كلها طبيعية وانا أخذ منها لما كنت والده في حسين ... وما شفت أي ضرر منها ... أصل الأعشاب الي كنت أخذها أمي تطبخها ... مثل الرشاد والحلبة وسمسم وهذي كلها تنظف الرحم وتنزل الأوساخ منه ... وتطهرين بسرعة ... يمكن الأعشاب الي عندك غير ... أهم شي الله يقومنا بسلامة ... والحمد لله أن طلع التخطيط تمام وكل شي على ما يرام .......

حبيبتي الجميلة : أن شاء الله أنا بكره رايحة الصالون وأنظف كامل لآن ما باقي لي شي .... والله يعينك على زواج أخوك على نهاية الشهر ... بصراحة رايح تكونين تحفة بحملك ...

سلامي وتحياتي للجميع .......

والباقي وينكم .......

سلام حوامل يوليو ...كيف الحال ؟ ماشاء الله اخباركم حلوة وتسر الخاطر

اول شيء ولكموووو ام عسوله وحياج بالرابطة خيتووو ..وقولي لنا قصتج ..شلون عرفتي انج حامل وباي طريقة تاكدتي ومن كان معاج حزتها ومن كان اول شخص تقولين له ؟؟....اسالتي وايده صح ...خخخخ صبري توني ما كملت

هل صادتج اي مصاعب في الحمل وياج ..واخبار الوحام معاج ..شلون كان ...وشنو اللي في بطنج ..وهل سبق لج الولادة من قبل ...ومتى تاريخ ولادتج ....خخخخخ...شرايج بهاي كله

حلوة بحرينيه : بنتي عمرها سنتين وشهرين ...وخليها على الله الكل يقولي ان هذا هو التفسير الوحيد لحركاتها ..الله يهديها ان شاء الله ...

جميلة : شهالحلا وشهالزين ...ماشاء الله عليج ..عيني عليج باردة ...تهبلين ...

عيون الافعى : شلونج يالغاليه واخبار البيبي اللي في بطنج ....

كتكوتة نايمه : شخبار البيبي ..واخبار الاعشاب ..ترى كلام الدكتور فيه شيء من الصحة..بس مب كل الاعشاب ضارة ...وعلى فكرة ...اخت زوجي ..ماخذت الاعشاب الا بعد ما قضت فترة في التاسع ..يعني قريب تخلصه وشربت الاعشاب ...وماشاء الله اليوم الثاني ولدت ...مثل ما تقولين حمى وياها الطلق ...انا في بنتي لما جاني الطلق امي سوت لي دله حليب بالزنجبيل والحلبه ..تدرين ...حما الطلق بسرعه وبغيت اموت لان الالم كان يزيد وياي ...شوفي اللي اعرفه من المشروبات اللي تزيد الطلق : الحلبة والزعتر والنعناع ...هاذولي يقولون عنهم يحمون الطلق ...

ليل المجاريح تاخرت يابنات وحشتني ....ان شاء الله بخير ...

بالنسبة لي : انا ما اعاني الامن الحموضة ...وودي لو يجيني الم الولادة واولد وافتك ..والله يا بنات هاذا وانا توني في الثامن تو باقي لي ست ايام وادخل التاسع ...تخيلو ....احس تو جدامي مشواااااااااار....عموما على قولة زوجي حلاته الولادة على وقتها ...يمكن البيبي يتغير حجمة ويتختخ شوي ..اخر مرة رحت للدكتور قالي وزنة 2350 كغ ..امي تقولي صغير ... وانتوا شرايكم ...

وانتوا شنهي اخباركم

مرحبا حوامل
ليش تحفون من الحين احس تو الناس!!!
انا صارلي شهر وزياده مااحافه
طبعا الحين انا معشعشه تعشعش وبعد قلت خلي اصبر 10 ايام زياده يعني بكون تقريبا مخلصه نص الثامن ويمكن اكثر شوي...
بس خوفي ان تفاجئني الولاده نص الليل واتوهق:pain:

هلا وغلا دفء الجليد بنسبة لحجم البيبي أحسه أن وزنه زين خصوصا أن باقي عليك الحين ست أسابيع ...

والله يتممههم علي خيررررررررر ....

أنا باقي علي من الحمل كله ثلاثة أسابيع وست أيام

[grade="00008B FF6347 00008B 4B0082"]ســــــــ حوامل يوليو ـــــلام :
قمنا وايد نكتب ، نضيع الوقت علشان نشوف من الحلوة اللي بتولد اول وحدة بالرابطة ونبدأ شوي شوي ننقرض.[/grade]

[grade="00008B FF6347 FF4500 4B0082"] دفء الجليد حبيبتي: شسوي، أحب النظافة والكشخة، اقولج مشترية اللهم صلي على محمد مكياج الدنيا ( اونه بعد ما اولد بكشخ فيه) غير التنانير والقمصان والجلابيات الحلوة, يعني عن جد شاريه اشياء حلوة لبعد الولادة، صدق شادة حيلي لأني في الولادة القبلية ما صار لي نصيب الحق اسوي شئ وولدت مبكر.
الحلوة: روحي الصالون لازم انشاء الله تروحين، علشان انتي دشيتي التاسع اولدي وانتي نظيفة مو لازم لين بعد الاربعين لا تنسين ان الناس يبزورونج ولازم تكونين شوي انيقة.والله يتمم لج ع خير
كتكوتة نايمة: حبيبتي مو تو الناس، صدقيني روحي من الحين الصالون احسن لج، ليش معششة انتي حرام عليج، فترة الاربعين طويلة اذا انتي من الحين ما حفيتي وسويتي شئ , متى بتسويين[/grade]

تصدقين عاد وايد متردده اروح الحين ولا انطر
كل مااقرر اني اروح اقول لا خلي انطر كم يوم بعد.. يمكن اتأخر ومااربي عالموعد يعني بيرد يطلع الشعر مره ثانيه ومابينشال عدل..

[grade="4169E1 FF6347 008000 4B0082"]كتكوتة نايـــــــــــــــــــــــمة:[/grade]

[grade="00008B 00008B 008000 4B0082"]صدق عاد انج نايـــــــــــــمة!!!!!!!!!!!!
انتي تقولين انج معششة، روحي شيلي شعر ويهج ونظفي ويهج، وشلي شعر ايدج وريلج وسوي تنظيف لجسمج من قسم العناية بالبشرة اللي ينعنش، وسوي كريمات اللي تخلي اللي بعيد عنج من كيلو يشم ريحتج الحلوة ، مو مهم يا كتكوتة عالموعد، الشعر ما يباله سالفة علشان يطلع، وفرضا طلع ما بيطلع بذاك الزود.
انا اقولج روحي[/grade]

[grade="00008B 00BFFF 008000 4B0082"]لاتنتظرين اكثر ، روحي بكل رواقة جهزي [/grade][grade="00008B FF6347 008000 FF1493"] اغراضج واغراض البيبي وانتظري لين رب العالمين يكتب لج تولدين
بعدين تعالي كيف قاعدة مع ريلج معششة،ن بيقول حرمتي اهملت نفسها من حملت!!!! خليه يقول يا محلاها من حرمة يحليلها تعبانة وحامل ومهتمة بنفسها[/grade]...
[grade="00008B FF6347 008000 008080"]صدقيني انا اشوف نفسي اذا عششت شوي ما اتحمل علشان جذه على طول فترة الحمل والله نظافة اسوي بدكير ومنكير اذا ما رحت الصالون( مع انه عادي كل شئ عندي بالبيت ما يحتاج اروح الصالون) والا اسوي بالبيت معلمة شغالتي كل شئ..
والله الاسبوع اللي فات مسوية حمام مغربي بروحي بجهاز السونا اللي عندي وشحلاتي... مع ان موعدي بعيد بعد دفء الجليد ب4 ايام بعدني 12 يوم على التاسع وياعالم متى اولد..
حتى شغالتي تصدقين شاريت لها شوية ملابس ، وقايلت لها اذا ولدت طلعي هالشياب والبسيهم علشان ناس بيزوروني ما ابيهم يشوفوج لابسة ثياب قديمة ، وولدي فديته بعد شاريت له ، يعني كلنا بنلبس لبس ايديد,,
والله يفرح الجميع انشاء الله[/grade]

هلا حوامل شلوووووووونكم عساكم مرتاحين

كتكوته شلي شعر انا كل اسبوعين اشله ولا تهملين عمرج وانتي ماتعرفين متى بتربين خليج دووووم جاهزه..........

والله انا اليوم حلمت اني ولدت وكنت وااااايد مستانسه وماكنت ابي اصحى من النوم يارب نولد ولاده طبيعيه وسهله يارب


أم عسوووووووووله

والله انا اللي متوهقه وماقادرة اشوف المناطق الحساسة ..احسهم يغنون لي الاماكن كلها مشتاقه لك ..هههههه

عندي منظرة كبيرة ...احطها جدامي واحلق...بس المنطقه مسودة وايد عندي ....وماعرف شنهي الاشياء اللي صج تبيض...وايد مفتشلة من زوجي ...

وبعدين بالنسبة لي ...انا في بنتي ...كنت حافة جسمي ...بس المناطق الحساسة كنت احلقها كل ثلاث اايام ...وحتى يوم جاني الالم ...رحت تسبحت واستشورت شعري وحلقت المنطقة ...وكنت مستعده للولادة ...

يعني كتكوتة ..حفاف الجسم لازم تسوينه كل فترة يظهر البشعر فيها ...اما المنطقة الحساسة اذا انتي تحفينها بالحلاوة فبتاخذ وقت لين تظهر اما الموس ...كل ثلاث ايام ..وتقدرين يوم يجيج الطلق ...وانتي خلي الادوات جاهزة عندج ..على اساس متى ما ياج الطلق تجهزين بسرعه ...

مساء الخير :
وحشتوووووووووني موت يابنات ياكروشات ..

كيفكم وش اخباركم مع الحمل والكرش ؟؟

طبعا في البدايه اشكر كل وحده ردت على والحمدلله الوالده صارت زينه واخواني كل واحد راح لوظيفته ...
وبالنسبه لي انا بخير وباقي لي اسبوع وادخل التاسع .. وحركه البيبي صارت ماشاء الله مرة مزعجه وتعور

دفء الجليد : عيوني مشكورة على سؤالك وانتي لك وحشه وكل البنات بعد ..
بنات الحين توني راجعه بيتي وحاسه نفسي بموت من التعب بكرة ان شاء الله اسولف معاكم ..

الجميله : وينك وين اخبارك لقيتي شئ كشخه .. وبعدين ماشاء الله عليك حتى الشغاله جهزتيها ..

انا باقي على شغالتي اسبوعين لين توصل بس ليتها ما تتأخر ..

[grade="4B0082 FF6347 008000 4B0082"]مراحب:
هلا بليل المجاريح والله وبدفء الجليد وام شوق,,
ليل المجاريح: حمد الله على سلامة امج والله يجعلها دوم بخير وسهالة، وعن حركة البيبي تراها مزعجة من جد وتعور البطن
والله يعينج البيت بدون شغالة صعب وايد وخاصة انج حامل وعندج عيال ربنا يسهل عليج

دفء الجلـــــــــــيد : ضحكتيني ههههههههههههههه كلنا في الهوا سوا المنطقة هذيك مسلمة عليها من الشهر الخامس يحليلها ما شفتها ، ونفس الشئ استعمل علشان اشسل الشعر شنسوي ازمة وتعدي.


ام شوق: ايه والله اقنعي كتكوتة نايمة ، صدق الوحدة ما تعرف متى بتولد فتكون جاهزة احسن لها . بدل ما تولد الحرمة واهي ما تعرف وتكون موجاهزة,,


الله يسهل علينا يااااااااااااااااااااااااااااا رب..

انا مو جايني نوم ويوعانة حدي وقلت ادش شوي النت اشوف آخر صرعات المكياج واللبس وبالمرة اسلم عليكم ...
اشوفكم باجر[/grade]

ههههههههههههههههههههههههههه
stop بنات انا شكلي بالغت فوصفي لنفسي
الحين انتوا اكيد متخيلين اني متروسه شعر وهامله نفسي عالاخر لااااااا
انا من النوع اللي كل شهر بالضبط اروح الصالون اسوي احف واتنظف واسوي منيكير وبديكير وارجع البيت اشيل تحت بالحلاوه لاااااااااازم مااستحمل الموس
عاد اكون نظييييييييييفه من فوق لين تحت
في الايام العاديه وفي فترة الحمل
بس الشهر اللي طاف حفيت اخر مره وقلت انشالله الحف الجاي بيكون قبل الولاده
اول مره اتأخر شهر ونص عن الحف
وانا جسمي من النوع اللي مايطلع الشعر فيه وااااايد بس لأني تامه شهر ونص بدون حف احس اني معشعشه وكارهه نفسي مع ان الشعر خفيف مقارنة بغيري.
وعن زوجي انا معودته يشوفني بالشعر وبدونه الريال المفروض جذيه علشان مب كل ماطلعت شعره قال روحي حفي ...فهو يدري اني كل شهر اتنظف من مجاميعو...
اما الشهر هاي فالحاله خاصه وانا بعد في هالفتره ماقعد مزلطه جدامه واراويه شعر جسمي بالعكس احاول البس طويل واكمام طويله فتره مؤقته...


المهم


اليوم مشيت فالمجمع شوي وحاول اوسع الخطوات جاتني آلام قويه اسفل البطن وانا ماشيه خفت اني اولد اليوم او بكره وانا ماتنظفت
على طول رديت البيت حفيت هذيك المنطقه ماخذت لي نص ساعه الا وانا مخلصه
وحفيت حواجبي والشنب بروحي (كالعاده)
والحين انا اكتب لكم والمشقر على ويهي
وبكره انشالله العصر بروح الصالون احف جسمي كامل وافتك


بصراحه هم

قبل شوي خذت لي لفه على مواضيع المنتدى وقريت موضوع عن محل جلابيات الولاده واغراض الطفل

تذكرت شي حق اللي ساكنين في قطر


تدرون من وين حصلت جلابيات رووووووووعه حق الولاده!!


فيه محل اسمه كشخه في الستي صج صج صج روعه خذت يمكن سته واعتقد انه له افرع بره قطر لأن المحل مب قطري يمكن راعيه اماراتي..
ادري ان ست وايد وتحسفت عليهم لأنهم حق ضيوف مب حق نوم ماينلبسون كل يوم بس مرتبييييين عاللبس ..
فيه قطعه وحده وفيه بوقطعتين كات وروب وهم خاصين حق الرضاعه فيهم فتحات مخشوشه..
انا خذتهم مع وحده من هلي حامل وتوها مربي هي بعد شاريه منهم صج حلوييين عليها وكشخه ...


خساره والله اكيد جهزتوا اغراضكم وخلصتوا
نسيت اقولكم عنهم من قبل...


بصراحه الجلابيات اللي يبيعونهم في المنتدى في ركن التسوق مب حلوييين ومايعجبوني كلش اما هذيله رااااقييييين
وايد نصحوني اني افصل بس يوم شفت هالجلابيات قلت ليش افصل واتعب عمري ويمكن يطلعون حلويين ويمكن لأ...






ادري اني سندرتكم بهذرتي
فاضيه وماعندي شغل ومافيني نوووووم وابي اسولف

هلا حوامل ...

شلونكم وشلون العيال والحمال معاكم ...

والله لكم وحشة ياام الكروشات >>>>>>>> تكفين ياام الخصر النحيف

بالنسبة للحفاف اللي اقدر عليه وتوصله يدي ينشال واللي ماينشال

اخليه لبعد فترة بسيطة ..

اي صح حوامل بقولكم .. تحسون ان منطقة المهبل قامت تتمدد وتحسين ان المكان

كأن فيه شد عضلي .. وحاسة ان راس البيبي يبي ينزل وتجيني آلآم الدفع واقعد

مكاني لين يخف الوجع ... اليوم الخميس ادخل التاسع بالنسبة للهجري لكن الميلادي ادخله

الاربعاء الاسبوع الجاي على خير وسلامة الجميع ..

وبعد بقولكم >>>>>>>>>> ياكثر ماتقرق هالمرة

التواقيع ليش ماتطلع عندي وذاك الموقع اللي كنا مسويين تواقيعنا عليه

اللي فيه صورة البيبي وكم باقي لج وتولدين من وين احصله وسلامتكم

وارجع لكم ان شاء الله المغرب ..

صباح الخير يا بطبوطات

ماشاء الله متناولات كل المواضيع ....
الحمد لله انا اسوي ليزر لجسمي الا المنطقة.الداخلية...............وما يطلع الشعر الا وين وين ...
المهم الحمدلله بطمنكن على امس رحت للدكتور .. وطمنى على البيبي وقالى الراس نزل :clap:
بس امشي وامشي وامشي

يابنات جهزتوا شنطكم....واغراض المستشفى...امس شيكت على كل شي حتى الفناجين .. ووصيت شغالتى اتكون مرتبة كل شي ...
وصيت وحدة من رفيجاتى لان عندها محل على التوزيعات وخليتها تتوصى فيهم ما اعرف متى بربي...:shy:

وانتن شو جهزتن...

[grade="FFA500 FF6347 008000 4B0082"]صباح الخير:
كتكوتة نايمة..ولا تزعلين انا بالغت بالموضوع ، بس احب سوالف الحف والشل الشعر والكشخة ..
بالنسبة للجلابيات انا شاريت لي مجموعة اتهبل واااااااااااايد، واقولج بعد تنانير وقمصان بعد ما اسوي رياضة طبعا يعني الحمد لله مضبطة اموري وخالصة بدال عوار الراس بعدين ما بقدر اروح السوق

راضية بقدرها: اخبارج واخبار الحمل وياج انا يحليلي بعدني شوي مطولة ع التاسع,, والله كريم[/grade]

صباح الخيررررررر

شخباركم اليوم

بصراحة أنا اليوم تعبانه ومتملله من كل شي حوالي ... البارحة وأول البارحة ما نمت من الضيقة ... صار لي أكثر من سنتين ما اجتني الضيقة وهذا يومين ما تخليني أنام الليل ... حتى رحت المستشفى وكتبت الدكتورة لي على بخاز وعطتني بخاخ ... أستعملت البخاخ وما فاد معي ... وظاهر أني خلااااااااص رايح أطلع أجازة من الداوم ... لأان تعبت من سواقة ... وأحس أن بطني نزلت شوي تحت ... يا رب أولد قريب ... خلاااااااااااص تعبت .......

سلامي وتحياتي ...

حوامل شهر يوليو يا أم الكروش

حبيت أبلغكم أني خلاااااااص أخذ أجازة من الشغل اليوم هو آخر يوم لي ... فلا تحاتوني أذا ما دخلت عليكم واااااااااايد ... لأن النت في البيت مو على طول شغال ... في بعض المشاكل ... إذا صار عني فرصة أدخل المنتدى رايح أشوف أخباركم ...

سلامي وتحياتي للجميع .......

سلام حوامل يوليو ...شلونكم واخبار الحمال وياكم؟

انا بخير والحمدلله ...بس بس بس ...صادني التهاب في المنطقه الحساسة ..الدكتورة تقولي عادي يستوي في الحمل ...وعطتني تحميلة ومرهم ..ولين الحين احس بحرقان وحكة مب طبيعيه ...

ليل المجاريح ولكم باك ...وحلوة بحرينية لا تبطين علينا ننطر ردتج لنا ...جميلة ان شاء الله دوم هالضحكة ..

وكتكوتة انا سمعت عن هالجلابيات وعن المحل وفعلا يمدحونه وايد ..بس مارحت له خير شر ...انا شريت من سوق الاحمد ...

والباقي ....ننتظر اخر اخباركم

حوامل هاي
شخباركم انشاء اللة بخير اشوفكم وايد متضايقين اكيد لأني موموجودة صارلي كم يوم ياللة اقص علي حالي انا ولا تدرون عني
انا توني جايو وحشتوني موووت ماصدقت اول مادخلت من الباب وعلي النت علي طول وزوجي واللة شككتيني فيك متأكدة ان هذول حريم
المهم غيرت جو قبل الولادة وعلي قولتنا حجة بحاجة تقضيت كل اللي ناقصني والحين اقول لكم اوكي متي باولد عادي موفارقة
الجميلة
حبيبتي من وين خدامتك قوليلنا خلنا انجيب منها 5 نجوم اهية مساجة واهية كوافيرة وجرسون واللة يبيلة بدل هلدعل اللي انجيبهم

كتكوتة نايمة
ماعليج منهم انا بعد من انصارك صراحة موكافي 40 يوم مابنشيل شي ابجسمن ولا تستاعجلين اهما اللي مستعجلين باقي لك شهر بالراحة خليها بعد اسبوعين مين لة خلق اساسا اذاشلتي الحين كلها اسبوعين وبيبتدي الوبر
باقول لكم ياللي بتولدون انا الحين 34 اسبوع يعني باقي علي 40 اسبوع 6 اسابيع واساسا اكتمال البيبي من 37 اسبوع وانا بعد اسبوع ادخل التاسع يوم الخميس الجاي يعني اكون مخلصة 35 اسبوع اشلون انتوا اتقولون انكم تولدون اول ماتدخلون التاسع8 ايصير والا جالسين اتألفون ياللة اعترفوا
يابنات
انا وراي وايد شغل في البيت وبحاول اخلص الشغل خلال الأسبوعين الجايين وبابتدي شغل اللف والحاجات للتقديم حابة اسوي كل شي في البيت المرة هاذي من تغليف ومن تجهيز حاسة روحي رايقة ولي خلق
وامور التنظيف والتعدل باخليها لحد ماخلص 36 اسبوع وبعدين ابتدي احسن منكم مردكم بتشيلون ثاني
هههههههههههههههههههههههههههههههههههههههههههههههههههههه
بارجعلكم تاني