اللي موعد ولادتها شهر يوليو ..تدخل وخلنا نكون رابطة امهات يوليو

هلوووووووووو حوامل ....شالاخبار ..ان شاء الله اخباركم حلوة وتسر الخاطر ....

دودة في بطنها نونو : مب كرشة الحمل اللي عذاب ..اللي يصير في جسمنا عقب الحمل هو اللي عذاب ...خصوصا الجزء السفلي من الجسم ...غير بقع السواد اللي من الحمل ...وسقوط الشعر ...انا في بنتي استويت قرعه ...عقب ما جبتها بست شهور طاح شعري وايد ..واول ما بدى ينمو من جديد ...حملت مرة ثانية تصوري احتاج سنة علشان ينمو وترد له عافيته ..

ام عسولة : شلونج واخبار الحمل وياج ....ما قلتي لنا شلون عرفتي انج حامل ...وقصة حملج كلها يعني هل كنتي متوقعه الحمل ولا صدفة وشلون كانت ردة فعل زوجج بالحمل واهل زوجج واهلج ..وردة فعلج انتي

فلور ورلد : عاش من شافج ...وينج ووين الغيبة كلها ...مبروك الف مبروك وماشاء الله عليج عيني عليج باردة ...وعسى الله يحفظج من عين الحسود ..والله يولدج بالسلامة ..وخلاص مابقالج شيء برزي نفسج واخلصي ..انتي مابقى لج غير العد التنازلي وتولدين ....

انا ...انتظر ولادتي ..واني مسافرة رايحة العمره هي وابوي الله يردهم بالسلامة ...واول ما ترجع بجهز شنطة المستشفى ...خبركم يبيله نشوف الملابس اذا محتاجة غسيل..لان بعضهم يكون فيهم ريحة خياييط ..ويبيله نبخر ملابسي وملابس البيبي ..ويبيله اروح اشتري فوط صحية وبامبرز لنونو وحليب ...ويعني اجهز نفسي للولادة ..يبيلي ازور دكتوري هالاسبوع علشان اشوف اخبار الفرفور اللي في بطني ...وهل انا مطولة ولا ما بقالي شيء ....اتمنى اني اولد ولادة سهله ....

من زمان مااخش عشان رجولي مورمه بلمره وعندي طالع سكر البول مرتفع
وحشتوني
حبيبه ريلها الف مبروك الولاده يتربى بعزك إنشاء الله
دفء الجليد
لا تستعجلين على الملابس يمكن جسمك يتغير خلال الشهور الأولى من الولاده
حتى ارواب النوم
تصدقين اني مالي خلق حتى اسمع سيرتها الله المستعان
دوده في بطنها نونو
ربنا يعينك وتولدين بالسلامه تتكشخي انتي والبيبي بعدين
فلور اسمك انقلش وما فيني انسخه
المهم حبيبتي
الأرواب تنباع في أماكن الحوامل المخصصه
وعموما مو لازم تكون خاصه بالرضاعه بقد ما تكون لازم تكون قطنيه ناعمه
وكمان مفتوحه من الأمام عشان الرضاعه وهذي تنباع في كل مكان بالسوق
بسألكم مين
عندها سوااااااااااااااااااد بالرقبه والصدر
وكمان مالي خلق بزوجي ولا بالجماع من بدايه الحمل اجامل
زقهت والله مين زي وقولولي الموضوع عادي ولا مو عادي

كمان عندي سؤال
ايش رأيكم بإسم راحيل حلو ولا مو حلووو حتى الأن ما قررت لا انا ولا زوجي أسم النونو

ام اسيد ..ما تشوفين شر يالغاليه ...

وبخصوص الاسم .... احسه اسم غريب شوي ..بس اللي تشوفينه انتي انه حلو هو حلو بلا منازع ...

وبخصوص السواد عندي وعندج خير شكلي عقب الولادة بروح دكتورة جلد ...والجماع نفس الشيء عندي يعورني ومالي بارض خير شر ...

يعني حبوبة كلنا في الهوى سوى

مراحب حوامل
اشحالكم اليوم انا حيل متضايقة صحيت علي خبر سيء كان المفروض ان بكرة توصل خدامتي وعطوني خبر ان كنسلت وماراح تجي هذي رابع وحدة من الشهر الثاني وانا علي الموال اسوي القيزا واخرتها ايقولون لي كنسلت شاسوي فروحي حتي اصياح صحت شوالحل ابعيدة عن اهلي وعندي طفلتين اصغار والبيبي جاي بالدرب وبيتي معفوس فوق تحت اخ ياربي
المهم انا جسمي امنفخ وايدي موقادرة اسكرها يحرقوني ولا قادرة اسكرها حتي مو عارفة خايفة ان البروتين مرتفع بس الغريب ان ايد اليمين اهي المنفخة ارجولي بعد اللة المستعان

دفء الجليد: .. قصة حملي اول شي كنت مسافره مع اهلي لقرايبنا بالسعوديه وشافتني بنت عمي قالت لي انتي شكلج حامل ..رديت عليها موعد دورتي الاسبوع الجاي فما أدري ...وقعدت طول اوقت سرحانه معقوله أني حامل ولاحظت بنت عمي أني توترت وخذتني على طو على المختبر ثاني يوم.. وقالوا لي حامل وفرحت لدرجه ما تتصورين مع شعور غريب اول مره احسه...
.بس المشكه زوجي مو معاي تمنيته يكون معاي لان اول حمل لي ورجعنا البيت ودقيت عليه طلع نايم وحاط التلفون صامت من الظهر وانا ادق الا الساعه 9 باليل ..:sad: .
اول ما قلت له استغرب شلون ومتى حللتي توى موعد الدوره ماجى شلون بين؟؟
وطبعا فرحنا مع بعض وعلى طول رجعت للكويت ....:shy: وبس هذي قصة حملي ادري طويله ومليتوا من قرايتها...
أم طيف ورهف: حبيبتي ماعندكم نظام الخدم المؤقت... او الي يجون يشتغلون عندج من الصبح الا الليل...ترى يريحونج انا جبتهم قبل لجيب خدامتي والله ارتحت ونظفوا بيتي ...

ام طيف ورهف :نظام غريب وايد ....احنا عندنا في قطر ..يقولون لج اذا الخدامة اوكى ولا لا بعد ما تطلبينها بحد اقصى اسبوع ...الله يعينج وحاولي تكلمين المكتب يساعدج انج تجيبين خدامه خلال عشرين يوم بالكثير ...

ام عسولة : لا طولتي علينا ولا شيء ...وشيء حلو انج عرفتي انج حامل قبل موعد دورتج ...لان اللي اعرفه ان الوحده تعرف انها حامل بعد موعد حملها لان الهرمون يكون واضح حزتها في الدم والبول ...

مساء الخير
اليوم انا تعبانه حاسه بثقل في جسمي وكله ابي اتسدح واتبطح
عيزانه اكتب اكثر
باي

أم طيف ورهف
ربنا يعينك ويصبرك وحاولي تدوري على شغاله عشان فتره الولاده ترتاحي ولو تبغين شغالتي
بعطيك ماني طايقها خير شر
طول اليوم تحط كريم مبيض على الوجه والله انها ابيض مني
وكمان ما تحط كلوركس ولا صابون في الغسيل والحمامات تخاف على يدها
لو تبغينها إحنا في الخدمه نقل كفاله
ههههههههههههههههههههههههههه

دفءالجليد
الأسم غريب صح
بس هو تسميه بأم يوسف عليه السلام
اسمها راحيل وكانت حسناء جميله مره
أم العسوله
ربنا يتمم لك على خير
وتشوفين النونو بصحه وعافيه
كتكوته نايمه
صحصحي يا حبيبتي
الي اسمعه أن الحركه في الشهر الأخير كويسه والحركه فيها بركه
امممممممممممممم
وبس بخاطركم باي

سلام حوامل

كتكوتة نايمة : الحركة زينة يا حلوة ...لازم تتحركين ...علشان تولدين بسرعه وتفكين نفسج

ام اسيد : توكلي على الله وسمي بنتج عيل راحيل ...دام ام نبينا اسمها جذي ...والله يجعل فيها البركة ان شاء الله ...


اما عن نفسي ...انا بخير والحمدلله بس الالتهاب في المنطقة الحساسة ذابحني ماراضي يروح مني واللي اعرفة انه مب زين الوحده تولد وفيها التهاب وانا ابي الالتهاب يروح قبل لا يجي موعد الولادة ...

ددفء الجليد مشكوره حبيبتي ع الرد ......وانا بعد دايما اصبر نفسي بهالكلام واقووول خلاص ما باقي شي .....................

ام اسيد

مشكوره حبيبتي ع المعلووووومه

دفء الجليد
الف سلامه حبيبتي ماتشوفين شر
وفعلا الألتهاب مو حلوفي الشهر الأخير
ربنا يشفيك عاجل غير اجل وطمنينا على نفسك
وأستعملي العلاج بحذافيره لأن العد التنازلي بدء
ربنا يتمم لك على خير حبيبتي

فلور يا قلبي
لا شكر على واجب وربنا يسعدك ويتمم لك على خير
فين الناس الباقي لايكونون ولدوووو وإحنا لسى
ندروش في النت

مراحب ياكروشات
اشحالكم اليوم
انا نفسيتي وللة الحمد احسن من امس والف الف شكر لكل الاخوات الي حسوا فيني صراحة اقدر لكم هلشي
ام اسيد
يابعد عمري ابي من اتخفف علي موتزيدني انا بروحي فيني الضغط بعد اخذلي وحدة اتعل قلبي ومشكورة حبيبتي دبرت اموري البارحة ماقدرت انام وامي صراحة ماقصرت بتطرشلي خدامة من عندها بس بتخلص اوراقها اول وعلي اول الشهر انشاء اللة بتجي قولوا امين بس انا كنت حابة وحدة اتجيلي بالفترة هاذي احس انيي اسوي واقوم بالقصب موقادرة بالحيل تعبانة ياللة اكيد كلكم بهالحال فبتفهموني
كتكوتة نايمة
ياحلات الراحة واللة اذا امحصلتلك الراحة ارتاحي مردة البيبي بيجي ومابيخلينا انذوق النوم وسنة علي هلموال فلا تستكثرين علي نفسك الراحة كلها كم يوم بس بعد امشي وتحركي علشان ماتعبين بالولادة

دفء الجليد وام عسولة
حبايبي ماقصرتوا صراحة موجودين نضام التأجير بس اليومية علي 150 ريال والشهر 2500 ريال حشي موظف ولواجيبها علي كفالتي كلها 600 كل شهر معليش باجيب بس انا اخاف منهم طول مانا معاهم مافي مشكلة بس يوم اروح المستشفي اولد طبيعي او قيصرية كيف اخلي العيال في عهدتهم الموجودين(( الأفارقة )) فهذا السبب فقلت ان قمت بالسلامة باجيب لي وحدة بس الحمداللة تدبرت اموري
دفء الجليد
ماتشوفين شر يالغالية وحاولي ايروح منك سوي كل الطرق علشان ايروح ماتتعذبين بعدين
انا صراحة متعذبة مع البواسير لا وبعد حايشني امساك ذابحني واتصدقون علي طول جالسة اتجيلي الام الولادة اتروح وتجي حتي اقول هذي شكلها مستعجلة كلها يومين وادخل التاسع يابنات

لحقوااااااااااا على يا حوامل ....
انا تعبااااااااااانة حيل... اليوم طول النهار من الصبح وانا فينى الم نفس ألم الدورة ....
ولما اجلس ايخف الالم....
ولما اقوم اتمشى احس ان الالم يزيد...بس اضغط على نفسي .. واتحمل...
طول النهار وانا في الدوام الا يالسة وواقفة...
الكل ملاحظ ان في شي...:)

الله ايهون علينا.... يارب

[grade="0000FF FF6347 008000 4B0082"]هلا والله هلالالالالالالالالالالالالالالالا:
أخباركم يا حلوات: انا كنت في بوظبي عندي موعد والحمد لله الدكتورة طمنتني على كل شئ وانا بخير، بس آلام نفس الطلق تجي وتروح لمدة دقيقتين او اكثر شئ بس والله تخليني اتعذب حيل من الالم، وعندي أرق فظيييييييييييييع وااااااااايد ما يجيني نوم بالمرة واذا نمت اقوم ما اطول يعني حالتي شوي صعبة, ولدي يصيح ما اعرف شو فيه مجنن فيني والله لدرجة اني رجعت اضربه مرة ثانية معذبني وايد ومو متحملة حد والله.

انا باقي لي 5 ايام وادش التاسع وتصدقون من الحين اشرب زعتر واتمشى وايد توني من ساعتين مشيت لمدة 3 ساعات في المول,,,اللهم لاحسد رحت اتسوق اموت في شئ اسمه تسوق لدرجة ريلي ههههههههه يقولي خلاص انا تكسرت ريلي بعد اليوم ما في سوق اذا تبين تمشين للولادة روحي الحديقة والا النادي يقولي مليت من الحواطة وراج ( تنانير_ قمصان_ مكياج....) والله كسر خاطري قلت له اوكي خلاص ما بشتري شئ اكثر.
الله يسهل علينا كلنا يا رب وكلنا نولد واحنا جاهزات .
حبيبة ريها الف مبرووووووووووك يالغالية: عادي انا وحدة مجربة الولادة المبكرة ...الله يكمل شهورنا على خير
سلامي للجميع بدون ذكر اسماء واشوفكم باجر باذن الله[/grade]

سلام عليكم
الجميلة
وينك حبيبتي حمداللة علي السلامة افتقدناك واللة ياللة واخيرا نورتينا

سلام حوامل ,,شخباركم لين الحين ما ولدتو ؟؟؟

هههههههههههه ادري ان تو الناس عليكم ...بس الله يهونها علينا ان شاء الله ونبشر بعضنا بالولادة يارب

ام طيف ورهف : الحمدلله ...امج ما قصرت والله يجزاها الف خير ...ويطول في عمرها يارب ...والله اني كلما افكر في مشكلتج اقوول مايندرى شلون بتتصرف

ام اسيد : مشكورة حبيبتي على الرد والله هاذا انا ماشية على العلاج واحاول اني مافوت موعد واحد لاني يعذب حرقان وحكة وساعات يستوي الم ...حليها على الله

فلور ورلد : حبيبتي مشكورة على الرد ..والله يسهل علينا الولادة ونفرح بشوفه اليهال والله يرزق كل محرومة يارب

جميلة : شكلج تتغلين علينا ....وينج مازمان ما تبينين ....

السلام عليكم جميعا

كيفكم حوامل

انا جارتكم من امهات اغسطس
بس ماافرق عنكم كثير باقيلي 11 يوم وادخل التاسع موعد ولادتي 1/8 وعلى حسب مرموم 28/7 والله ييسرلنا ونقوم احنا واالبيبي بالسلامه
اليوم فتحت رابطكم وجلست اقرا والصراحه عجبتوني مووووووت وحاسه بقربكم لبعض <<<< ماشاء الله عليكم (عن العين) هههههههه

تصدقون مليت من الحمل ونفسي بسرعه اولد وماني عارفه متى استخدم محرضات الولادة وايش افضل شي استخدم ياليت تفيدوني بتجربتكم
دفء الجليد ارسلت لك رسالة على الخاص

[grade="FF1493 FF6347 008000 4B0082"]صبــــــــــاح الخير:

دفء الجليـــــــــــد: لا والله مو تغلي بس في بوظبي ما عندي انترنيت، وصعب اتواصل معاكم، بس اروح معاه يا دوب يومين وارجع اكتب معاكم في الرابطة والا انا ما نسيتكم، بالعكس السوالف حلت اكثر واكثر.
انا تعبانة البارحة من القعدة بالسيارة اتعرفين مو زينة للحامل والحينه قمت من النوم والله صايدني الم مثل الدورة وصعب( تكرمون ) اروح الحمام والله أتألم لين ما يخف الالم بروحه.

ام طيف ورهف: حبيبتي والله ، الله ينور عليج يالغالية.
انا الحين شوي بنشغل بقعد ارتب البيت علشان لما الناس يزوروني ، بشتري لي شوية اغراض للصالة وارتبها يعني عارفين انتو كيف..[/grade]