اللي موعد ولادتها شهر يوليو ..تدخل وخلنا نكون رابطة امهات يوليو

مساء الخير .. وحشتوووووووووووووني موت ياحلوات .. :shy:

كيفكم وش اخباركم مع التاسع .. طبعا الأغلبيه الحين بالتاسع ..

اشكر كل وحده تذكرتني وخاصه دفء الجليد الله يخليها لعيالها وزوجها ..

انا للأسف صار عندي هالأسبوعين شوي ظروف الأسبوع الأول وقلت لكم بسالفه امي وا خواني ولما رجعت بيتي وشاركت معاكم آخر مرة تعبت خالتي ام زوجي ورحنا عندها الأسبوع كله بالمستشفى وتشوفوني خلاص لا نوم ولا اكل وتعبت وعيالي تغير عليهم الجو وزادوني هم .. والحين انا في بيتي ابي ارتاح هذا الأسبوعين وبعدين بشيل عفشي عند امي واولد عندها ..


أخباري مع الحمل ... :sad:

دخلت التاسع امس بس تعبانه فيني طلق خفيف يروح ويجي وبديت امشي بس بمزاجي .. خلصت جهزت بيتي واغراض النونو وعيالي من زمان .. والحين باقي لي ارتب شوي عند الوالده لازم اول اسبوعين عندها .. وضع البيبي تمام الراس تحت وصايره احس شئ ينغزني مثل الدبوس تحت ..

..

بنات سألت الدكتورة عن الخياطه وقالت اذا تحبين تسوين تجميلي افضل من العادي لاني مسوتها قبل ونفسي اعيدها وطمنتني انها مع كل ولاده تقدرين تسوينها لانها غير عن العمليه التجميليه ..

وانتتوا وش اخباركم ما أحد حاس بولاده ولا شئ ..

اهلين حبوبات
انا طاقة جبدي من البيت جالسة اضبط والاني امخلصة اضبط من صوب واعيالي يدمرون من صوب الثاني خبركم اعيالي اصغار وكلة بالبيت فتعالوا شوفوا الحوسة انا صارلي حول الشهر ممتنعة عن الطبخ صراحة مافيني شدة وقفة المطبخ
المهم تعب في تعب واتحسين روحك خلاص ماعاد فيكي بعد تتحركين انا عن نفسي اوكي باتمشي في مجمع باقعد اتشري بس اني امشي بس للمشي فأعذروني بروحي امكسرة وخالصة انا عن نفسي ولا حملة مشيت فيها اول بنت مانقلبت لأني كنت كلة نايمة بس الثاني لا الحمداللة انقلبت طبعا لأن كان في طفلة وقومة وقعدة فكان في حركة بس الحوض كان بيتفتت من الألم وتعبت اكثير في الولادة ياللة اللة ايكون بالعون

ياحريم
هل لوشلت حاجة اثقيلة اتسبب ولادة مبكرة مثل مانتوا عارفين انا 35 اسبوع بادية بال36 ومساعة شلت كوارتين اثقال وحاسة بألم فظيع بطني وظهري وميتة من الخوف ان اتكون ولادة مابي اولد توا الناس
وشنهو اقدر اسوي علشان ايوقف الالم

هلووو حوامل يوليو ..شِلونكم وشخباركم

جفا وام شووق ...من اعراض التاسع انج تحسين بثقل وتقلصات تروح وتجي ..والم في الساقين والقدمين ...وفي الظهر ...انا هذا اللي اعاني منه وغير جذي اعاني من لوعه ...كاني توني في الشهر الثاني...

ليل المجاريح : :clap: نورتي الصفحة والمنتدى والشاشة ياعمري ..شلونج عساج طيبة ...وحشتيني مووت ...ماتشوف شر خالتج والله يقومها بالسلامة ان شاء الله ...تصدقين انا اتمنى ان الالم يجيني وانا عند امي رغم ان ام زوجي حبوبة وحليلها ..بس مادري احب اني اكون عند اهلي ...بس هالمره احس الالم بيجيني وانا عند اهل زوجي ..بس قلت في قلبي مب مشكلة باقول لاهلي وهم بيجوني للمستشفى .. اهم شيء لا عاد تقطعين مرة ثانية ..وخلينا نشوف اسمج الحلو ينور الصفحة

ام طيف ورهف : الله يخليلج بناتج ...وترى اللي يسوونه شيء طبيعي انا سمعت هالكلمة من الكل ان شطانة اليهال طبيعيه ..وبخصوص المشي انا امشي هالايام بزيادة ابي اربي بسرعه..فامشي يا حلوة ترى المشي يسرع الولادة ..وعن شيل الاشياء الثقيله ..تحملي على روحج لاني مرة سمعت ان الاشياء الثقيلة تخلي المشيمة تنزل ومب زين الوحده يوم تولد المشيمة تكون نازلة ..حاسبي على روحج

عن نفسي ...مثل ما انا ...ومخلصة 36 اسبوع ..وناسة باقي لي 27 يوم واولد ..يعني ثلاث اسابيع تقريبا ..

وانا بطني وايد نازل ام زوجي تقولي شكلج بتربين قبل موعدج ..وهاي اللي اتمناه ...عموما ما بقى لي من الاجازة غير كم يوم واداوم ..نفسيتي متوترة بسبب هالشيء ..بس مجبورة ...

السلام عليكم ورحمة الله وبركاته

كيف حالكن يا حوامل

زمان ما دخلت هالصفحة , انا اليوم صارلي 19 يوم في التاسع
احس مثل ما قالت ليل المجاريح بوخز مثل الابر واوقات شد بسيط في البطن .
واحيانا احس بغثيان مثل الشهور الاولى .

تقريبا كل يوم امشي ساعة , الله يسهل علينا جميعاً .

[grade="800080 FF6347 008000 4B0082"]يا رب تســــــــــــهل علينا انا خلاص تعبت[/grade]
الله يسهل يا رب

:sad: :sad:

هلا يا الحوامل الحلوات.. شو اخباركم .. عساكم بخير .. الله يكون في عونا ... الصراحه انا خايفه من الولاده .. بس الله يسهل علينا ان شا الله..

صباح الخيرات .. كيفكم بنات

دفء الجليد .. مشكورة ياعيوني وانشاء الله مايصير جديد لاني نفسي اتابع معاكم الى النهايه واشوف من اللي بتسويها اول .. ونبارك لبعض ..

الجميله .. كيفك ياقلبي وينك خلصت مناسباتك انا عندي زواج قبل ولادتي باربع ايام وللحين محتارة وش اسوي اخاف اجهز واولد قبل .. :sad:

بنات احس النوم عندي مرة صاير خفيف ولاني مرتاحه كل شوي وانا صاحيه واكلي قل بالمرة ليش ..

وباقي البنات وين بالذات حلووووة البحرينيه ..ام شوق ..ام سيف ... كتكوته نايمه .... :ok:

ام طيف ورهف .. سلامتك من الطفش احسك المرة هاذي معصبه بقوة ليش ....

ليل المجاريح... مشكوره حبيبتي.. الله يسهل علينا ان شا الله..

هاااااي حوامل ....شلونكم شخباركم ...

اشوفكم كل وحده ترد بس مجرد نص سطر وتطلع من الموضوع شكلكم من جد طفشانين من الحمل ...الله يعينكم

تصدقون انا قاعده استمتع بهالحمل كل يوم بيومه لاني ناوية اوقف اربع سنين ان شاء الله ..وابي اركب لولب بس زوجي رافض مادري ليش ...وهو يقول الواقي وبس ..وانا ماحبه..وبعد افكر اقوول لو جاني زوجي يوم ومافي واقي هل بيقول خلاص بكرة لما نشتري ...

ابي فكرة حلوة وخفيفة لمنع الحمل ...لاني الصراحة مابي الحبوب تخوف واللولب زوجي رافضه والواقي مب ذاك الزود موثوق فيه ....

تدرون متلهفه لفترة ماعقب الولادة ..ناوية اشترك بنادي رياضي ..وناوية اقص شعري واصبغه خصل بنية بدل البلاتين ..وابي اسوي حمامات بخار ومغربية ...امووووووووت في التكشخ

جميلة : شلونج يالغاليه ...شكلج مالج بارض للسوالف خير شر


ليل المجاريح ::: تدرين بعطيج حل حلووو ..اشتري الفستان في يوم العرس نفسه ...احسن لج ...انتي من الحين دوري الفستان واذا لقيتي المحل ..احفظيه عن ظهر قلب ويوم العرس سيده روحي واشتريه اذا شفتي نفسج من غير الم ولا فيج طلق ولا هم يحزنون ...

وين حلوة بحرينية .....لا يكون سوتها وولدت .................

[grade="4B0082 FF1493 808080 FF1493 4B0082"]السلام عليكم حوامل يوليو
كيفكم جميع

تقريبا احس بنغز مثل الدبوس زي ليل المجاريح
واتمنى اولد بسرعه ببدايه التاسع يعنى اسبوع او اثنين
اسالكم اقدر اخذ محرضات الولادة مثل القرفه والخروع والا اصبر <<<<<<< طفشت بالمره
ولاتقولولي امشي ما اتحمل المشي يجيني زي الشد في فخوذي اذا مشيت او طولت الجلسه

وقبل يومين الله يكرمكم رجولي انتفخت كثير وصاير فيها تنميل رحت المستشفى قالولي كله بسبب ضغط البيبي تحت وكل شي سليم والحمدلله اعطوني حبوب واختفى التنفيخ اليوم

والله يسهل لنا جميع ويفرحنا بشوفه اطفالنا
________________________________[/grade]

صادقه والله يادفء ملل وطفش خلاص احس اني بموت هلى النوم بس ما ني قادره ونفسي اولد تعبت

واحس اكبر غلطه هو توقيت الولاده الناس بالصيف تتمشى وتنبسط بالإجازة وانا العام والسنه هاذي نفاس مقهورة المرة الجايه بخطط صح والتسهيل من الله

وبالنسبه للفستان عندي مشكله العرس بالطايف والفستان محله في جده يعني لازم اخذه قبل الزواج بكم يوم .. ولا يجيبه زوجي ..

دوده .. تصدقين هاذي النغزات ترفع ضغطي بالذات لمن احس فيها وانا جالسه ودي اصيح ولا اولد بس مدري وش سببها هو راس الطفل ولا بدايه طلق التاسع ..

هلا بنات
انا وايد تعبانه نفسيا ووايد احس نفسي ثقيييله .....وصرت ما احب الليل لاني ما اقدر اناااام
وما اقدر اتقلب من صوب لصوب الثاني احس بالم ف ظهري

لا والمصيبه الكبرى امس اخو زوجي فاجئنا ان زواجه راح يكون ف يوووم 12\7
يعني ع موعد الولاده اللي معطيني اياه المستشفى ....................................شفتوا الحظ ؟؟؟؟

افففف خاطري اربي بسرعه ابغي اسوي رجيم واروح اصبغ شعري اسود واسوي خصل حمرا
ادري انها دقه قديمه بس خاطري وانا اخر مره كان فيها شعري اسود كان من 3 سنوات


اوووه نسيت اقووولكم عيد زواجي باحر 26\6\2006 وراح اكمل 3 سنوات .....
بس ما راح اختفل ولا اسوي شي لان ابد مالي خاطر ع اي شي ..همي الوحيد اني اولد اليوم قبل باجر...........بليز اللي عندها شي يسرع الولاده اتقووولي بس طبعا غير المشي لاني اكره



وسلامتكم

[grade="DEB887 D2691E A0522D"]دفء الجليد

الحال من بعضه حبيبتي انا بعد وايد حاطه اشيا ف بالي لبعد الولاده
1 الرجيييييييييييييييييم
2 تقويم اسنااااااااااااان
3 ليسن للسياره
4 اروووح اصبغ شعري
5 اخذ دوره ICDL
واااااااااااااااااااااااااااايد احلالالالالالالالالالالالالالالالالالالالالالالالالام فبالي انشاء الله تتحقق[/grade]

ام سيف ..انتي من العين

وين راح توليد؟؟؟؟

يا حوامل
صحيح لمن قلت انتوا ماتبانون الا مع الدوام الحكومي واللة اشتقت لسواليفكم ماتتخيلون اشكثر استانست لمن شفت الرابط عامر
اللة ايهديكم اي فرح اي حزن ماتدرون متي بتولدون وين تجلسون اتضبطون ادري ان اهي قصة في البلعوم لو ماحضرتوها بس بعد شتسووون
يا حريم اكثير منكم ولادتها في بداية شهر 7 ليلحين محد ولد منكم تراكم مصختوها

ليل المجاريح
يا بعد عمري موحلوة وينك اختفيتي واللة وحشتينا وانا موطفرانة بس انا نفسي ارمي حالي من الطابق التاسع مثل ماقلتوا لانومة زي الناس ولا نقدر نتقلب مثل العالم
انا من الشهر الاول الي الشهر السادس كنت انام علي الكنبة لأني كنت اخاف انقلب علي بطني والحين لمن صرت انام علي السرير اعيالي من تصحة وحدة جات نامت في وسطنا وهما اساسا من بعد الأربع شهور انيمهم في غرفة لحالهم بس الظاهر تساهلت معاهم فصاروا خلاص خذوها عادة وبنتي لصغيرة تنتظر لحد مانام وتيجي اتصدقون مشتغلين علي جواسيس
بس الظاهر لازم اغلب لهم المارد من يوم ليرايح

دفء الجليد
شخبارك حبيبتي عساك بخير واللة مأساة الحمل بالصيف حاسة نفسي بموت من الحر كلة حرانة
وعلي فكرة هذي الحملة الوحيدة اللي صرت احس بألام قبل الولادة غير الثقل اتجيلي مغصات وعصرات بالبطن
انا اكثير اشتقت للبيبي نفسي اشوفها واشم ريحتها بالبودرة وبدهن العود والبارحة اقول حق زوجي اشترلي من الدهن اللي تستخدمة للبنوتة وحابة اشتريلها خلطة وايت مسك للأطفال
جهزتوا اشناطكم والا بعد انا ليما الحين ماجهزت شي
فلور وورلد
اي واللة حبيبتي احلام جدا وردية بس لاتحطمين روحك اول ماتشوفين النونو معليش خليكي معاه اشوي وبعدين لوحابة تنهين دراستك انهيها كلنا تخرجنا وقعدنا بس حسافة علي السهر ولمراكض ورا الجامعات بس انا جبت اعيالي ورا بعض علشان لحد مايدخلون المدرسة وبعدهال اروح ادورلي شغل ماقعد جذي مأساة
ام سيف دودة الجميلة وحللووووة بحرينية وام شووووق انشاء اللة بخير طمنونا

ها يادفء الجليد استانستي همليتلق الصفحة كلها بربرة مو نصف سطر هاهاهاهاها

فلور.. انا من العين وان شا الله بربي في مستشفى توام... الله يسهل علينا كلنا ان شا الله..

انا الحمدلله بخير بس احس بشويه ثقل واتعايز امشي.. يالله .. الله كريم...

ام سبف مشكوره حبيبتي ع الرد ...انا بربي ف مستشفى الواحه


بنااااااااااااااااات انا تعبت وقلت حق ريلي اليوم ابا امشي لين ما خلاص احس ان النونو بيطلع
....ادعووووووووووووولي