اللي موعد ولادتها شهر يوليو ..تدخل وخلنا نكون رابطة امهات يوليو

باجر موعدي في المستشفى.. ادعولي يكون كل شي زين عندي.. والله دوم احاتي يوم اسير مواعيد المستشفى...

انا رحت الموعد اللي بالمستشفى ..مادري ليش يوم اكون داخل عند الدكاترة بس يبون يفتكون ويطلعوني بسرعه واذا وحده ثانية....تتنقع عندهم بالنص ساعه ...والله امس زهقت وانا انتظر ...بس الحمدلله اللي معاي اخت زوجي تونسنا بالعقار ...والحش ...وعقب عطوني تحليل دم علشان يشوفون نسبة الدم فيني كم ...وتحليل بول ..مادري ليش جذي ...

المهم ان الدكتور قالي ما احتاج لتحاليل سكر ...هههههههههههه...قالي انتي ولا مرة مراجعه عندنا خير شر ليش ..قلت له انا اراجع خاص ...وعقب فحص بطني قالي راس البيبي تحت ...قلت ادري اصلا راس البيبي من زمان تحت ...من السابع ..قالي كويس ....وراح قعد مكانه .....ههههههههه....شكلي رفعت له الضغط

[grade="4B0082 FF1493 800080 FF1493 4B0082"]السلام عليكم
كيفكم جميع


ليل المجاريح مشكوره على سؤالك كيفك حبيبتي :shy: (f) (f) (f)

الحمدلله انا بخير وعافيه مو مضايقنى غير حركته تحت ضلوعي ترفزني كثير ولازم اجلس مستقيمه ومقدر انام على ظهري اتالم كثير
امس كنت ناوية ابدا امشى بس مامداني واليوم ان شالله ابدا
اختي تقولي استويتي وامي خايفه تقولي اصبري اسبوعين بس ولاتمشين بتنقل وحايسه بالمره وناوية تروح جده بعد كم يوم اقولها بروح معاكي عشان امشي بالاسواق اتسلى وما احس قد ايش مشيت تقولي امشي عني يادوب اشيل هم اثاث البيت ناقصتني انتي <<<<<< خايفه كثير اني اولد قبل لاتنقل مع انه بكره راح ادخل التاسع بس ان شالله اليوم اللي تسكن فيه انا اولد[/grade]

ام طيف ورهف .. اي والله عندي بنوته عمرها سنه وشهر وتعبتني من جد هي والأسنان والمسكينه ماتاكل بالمرة بس عايشه على الحليب ذبحتني وكله كوم ولمن تجيها العصبيه كوم ثاني ياربي مدري وش بسوي اذا ولدت .. وعندي بعد ولد بس كبير عمرة 6سنوات ..

كتكوته .. العفو حبيبتي بس استغربت غيبتك بس ماشاء يابختك قربتي على الولاده .. اما نا باقي ثلاث اسابيع ..

ام سيف .. طمنينا

دفء الله يرجك ههههههه مبسوطه انتي طفشتي الدكتور الحين بيقول الأخت فرحانه انها تراجع بالخاص وجايه عارفه كل شئ بس الحمد لله مادام وضعك زين ويارب تفرجها علينا احس خلاص انا متعبه بشكل كرهت النوم على السرير ودي اواصل بس التعب مكسرني بالمرة ..

بنات عندي سؤال : وش بتسوون في بطونكم بعد الولاده .. انا اخاف تجيني صدمه في نفسي لان هذا الأسبوع زادت فيني الحكه اسفل البطن وصار جسمي كله اسود تقول افريقيه عايشه بالسعوديه .. بالذات عند الإبط والمفاصل ورجولي من النفخ صايره احمر وتخيلوا المنظر اسود على احمر ... من جد شكلي علبه كاكاو سايحه في الشمس من الألوان البني ودرجاته ..

هلا بحوامل الرابطة:

انا دخلت متأخر عليكم اليوم لأني توني من شوي ياية من الصالون متحنية لعرس اخوي باجر ومرتبشة ، الحمد لله ما أخروني بالصالون خلصت بسرعة لأني رايحة بوقت مناسب , والحين رديت قلت بسلم عليكم وبعدها بروح ارتب اغراض العرس لباجر علشان ما اكون مشغولة وايد

مراحب ياكروشات
شخباركم وشعلومكم انا ليما الحين مصرة شكلكم ناويين كلكم اطوفون مواعيدكم في كثير منكم بأول شهر سبعة ومابقي شي كلها يومين
الجميلة
عليكي ابألف عافية يالغالية روحي استانسي بس خلي الترقص عنك انكان رقصة والا ثنتين مايخالف

ليل المجاريح
ماشاء اللة عليكي اثاريك ام اعيال وانا كلة علي بالي بكرية ومن يومين يوم قلتي عن بنتك قلت توها الظاهر الثانية بس الحمداللة كبير ماراح اتعذبين معاه انشاء اللة

وعن سؤالك عن البطون لا توجهين السؤال لي اللة وكيلك ابحمل والا من غير حمل الحال من بعضة بس انشاء اللة حاطة في بالي اعدل من نفسي اتعرفين انا صارلي متزوجة خمس سنوات بس احس اني كبرت عشرين سنة فوقهم وكل اهلي ايخانقوني علي الي امسوياة في نفسي فبأذن اللة اغير من نفسي واسجلي في نادي واراعي نفسي لأن صايدني احباط من حالتي
ماتتخيلين مقدار التعاسة اللي يصيبني لمن اشوف حالتي ولمن اشوف الصور

دودة
شخبارك حبيبتي اللة يعطيكي العافية

ام شوووووق
وينك؟

دفء الجليد
ياللة الحمداللة انج تطمنتي علي البيبي انا صارلي شهر ماراحيت مواعيدي نومنا بالمقلوب مانام الا الساعة 6 ونصحي قبل صلاة االعصر ب10 دقايق الحالة مزرية ولم راضية تتضبط

كتكوتة نايمة
انتي ليلحين نايمة شكلج بس يامة تحت السواهي دواهي جالسة من شهرين وانا اقول لكم اشجهزتوا وانتي ولا تعليق ويوم خلصت تجهيزاتي ولا امس افتر علي المنتدي واشوف اللي انتي كاتباة بغيت اذبحك وقتها اشيائك شكلها اتخبل عليكي بألف عافية حبيبتي بس حقدت عليكي بس....................هاهاها

فلور ورلد
شكلج ولدتي ها سويتيها انتي باقيلك كم يوم يعني اي وقت اتسوينها وتولدين

هلا ام طيف ورهف .. الله يبشرك بالخير يعني تحسبيني بكريه لا ياقلبي انا متزوجه من زمان يعني توني داخله السنه السابعه وجبت ولدي وريحت بعدها لاني كنت ادرس بالجامعه وجلست الين نهايه الأربع سنوات وبعدين حملت في بنتي وكنت ناويه احمل بعدها بأربع سنوات لكن قدر الله وماشاء فعل يالله نصيب ..

وبالنسبه للبطن والله اني شايله هم بيطلع كرش ولالا والسواد بيروح وانا نفسك بشترك بنادي بعد ولادتي بشهر واشد جسمي اللي صار كله تعبان من الحمل ..والله يسهل وكمان بصلح اسناني اللي تسوست بس اثنين مع الحمل ... شفتي المعاناه كيف ..

على فكرة انتي من وين بالسعوديه شكلك من الشرقيه .. ؟
بنات وين حلووووووووووووة البحرينيه .. ؟؟ غريبه لايكون تعبانه بس ..

ام طيف ورهف ...... لا بعدي ما ربيت

بس يارب يارب اليوووووووووووم قبل باجر

هلا واللة حبيبات قلبي
ليل المجاريح
اي نعم انا في الشرقية بس اصلي من البحرين وتزوجت وجيت هنا صارلي 4 سنوات ونصف واللة ايخليلك اعيالك انشاء اللة

فلور ورلد
افا ليما الحين ماولدتي اشينتظر قاعد الظاهر عندك براد داخل

هاهاهاهاها
ام طيف ورهف شفتي عاد ..انا كنت بكتب عن تجهزاتي لكم بس تعيزت لأن السالفه طويله عريضه
بس امس كنت قاعده بروحي فليل ومتملله شفت وحده كاتبه موضوع تبي افكار للتجهيز المستشفى والتوزيعات قلت يلا خلي اكتب ....واشتطيت عاد
والحين الردود ماليه صندوق الرسايل عندي الكل يمدح افكاري والكل يسأل عن المحلات اللي امسويه فيهم تجهيزاتي..عاد انشالله يطلع كل شي مرتب ومب دفش ماحب الدفاشه...
وغير هاي الردوود اللي في الموضوع هدو الموضوع نفسه مال البنت وقاموا يسألوني
وانا اعتذرت من البنت قلت يمكن مايعجبها ان الناس ماقاموا يكتبون افكارهم بس يسئلوني كأن الموضوع موضوعي ..




انا قررت قرار نهائي
قررت اني ماامشي بعد امس لأني تعبت من المشي ولا فيه فايده
خخخخخخخخخ
ولا كأني من يومين انصحكم امشوا امشوا امشوا كله كلام عالفاضي
قلت البيبي بيطلع في يومه
يمكن عقب هالتعب كله اخلص التاسع وادخل العاشر ويمكن مااربي الا بطلق صناعي فليش اتعب نفسي ..

[grade="00008B FF0000 008000 4B0082"]صباح الخير حبايبي:
توني مصلية صلاة الفجر وقلت اصبح عليكم, يالله يجيني الم كل ما اقوم من النوم مثل الم الدورة والله يذبحني واااااااااااايد,لازم احط شئ بارد على جسمي علشان يروح الالم,الله يعيني ويعين كل حامل, بنات ولا وحدة ولدت ما شاء الله علينا لحينة مرابطات هههههههههههههه
اتمنى وحدة تولد فينا يمكن شوي شوي من الرابطة يلحقونها[/grade]

السلام عليكم
كيفكم حوامل جميييييييع

ام طيف ورهف
انا بخير الله يسلمك كيفك انتي :shy:

كتكوته نايمه:



انا قررت قرار نهائي
قررت اني ماامشي بعد امس لأني تعبت من المشي ولا فيه فايده
خخخخخخخخخ
ولا كأني من يومين انصحكم امشوا امشوا امشوا كله كلام عالفاضي
قلت البيبي بيطلع في يومه
يمكن عقب هالتعب كله اخلص التاسع وادخل العاشر ويمكن مااربي الا بطلق صناعي فليش اتعب نفسي ..

حرام عليك تحطميني
انا ليا كم يوم اقنع بزوجي عشان يمشى معايا وياله وافق وان شالله الصبح راح ابدا امشي
كان في الخامس يوديني بس امه الله يهديها تقوله ليش تتعب نفسك وماله داعي كلنا ولدنا بدون مانمشي وانا اقوله حريم اول فيهم صحه وحركين يشتغلون بالبيت مو زينا دحين كسولات
بس الحمدلله راح امشي وان شالله اولد قريب مليت كثير

مرحبا


وانا بعد للحين صامدة

اذا فيج شده يادوده امشي بس انا تعبت من المشي..

انا رافعه شعاااااااااار لا للمشي

لانه ما منه فايده

هلا ومسهلا بحبيبات قلبي
شخباركم مع الحمل كل شي اوكي عندي احساس اني بولد قبل موعدي مادري ليش اللة لا يوريكم كيف امشي بس شكل دبتي اصغيرة

انا من المعارضين لمبدأالمشي لأن صراحة مافيني شدة كافيني التعب الي انا فية
دودة
خيبتي ضني فيك افتكرتك ولدتي بس الظاهر مستانس واهو داخل مايبي يطلع

كتكوتة نايمة
اثاريكي صرتي عين عذاري تسقين لبعيد وتخلين القريب هاهاهاها انا دخلت ثاني علي الموقع ومثل ماقلتي البنات كلهم عجبتهم تجهيزاتك والتعليقات كلها لك حتي انا اتعجبت
انا تشريت وتقضيت بألوان اصفر وتفاحي غطاء السرير وملابس البيبي واشياء اكثير وبالنسبة للحلويات او التوزيعات انا عملتهم بنفسي انا ولاداتي دايما كنت اوصي بس هلمرة كنت حابة اسوي المهم شريت 3 اقفاص ديكور بالحديد المشغول كروم نحاسي وحد كبير و2 اصغار الكبير حطيت فية دبدوب اصفر وحطيت فية الملبس اللي انا مغلفتة في تور اخضر ومربوط بوردة صفرا مع شرايط وملصقة علية مراضيع والمرايل مالين البيبي والدبب وجاري ملصقاة مع البطايق قمت وحذفتة داخل القفص وعلي القفص حطيت خيوط شيفون امكسرة علي الحدايد مال القفص اخضر واصفر وعلي كل زاوية معلقة دبدوب

اما الثنين الصغار فمليتهم قش اصفر لحد فوق وفوق في الأخر حطيت عصفور ابيض ومن خارج القفص خذيت الملبس وصفيتة صف ورا بعض علي حوالين القفص يعني اللي يبان من القفص الجزء الشفلي وحطيت فية شريط اصفر مع ورود صغيرة صفرا وفوق امبين العصفور وفي العلاق من الخارج حطيت 3 عصافير المهم الثنين سويتهم نفس الشك لوهذول القفاص عملتلهم ستاند طويل ويتعلقون فية وسهل للتنقل فية تحتة عجلات
الفكرة حلوة وعجبتني ولمن طبقتها الحمداللة صارت احلي بعد من الي فكرت فية
بس المشكلة حسيت في تجهيزات النونو اشوي خبصيت رقعت الوان كنت من البداية ماشية علي هلونين بس لمن قالولي بنت ماقدرت امسك نفسي عن الوردي وباقي لي شراشف للطاولات ليما الحين ماخلصت والشيكولاتة حاطة في بالي اني لودي الصينية ويحطون لي فيها لأني في التوزيع حاطة املبس علشان الحر وخايفة الشيكولاتة اتسيح من هنا اليما الولادة
اتعرفون الرضاعة الكبيرة اللي ايحطون فيها اغراض البيبي حاطة في بالي امليها مصاص وحلويات وعلكة اتكون مليانة من هلخرابيط لو في احد اجة بعيالة بيكون حلو بدل ماعطيهم من اللي امسوياة هذاك

الجميلة
ها اشسويتي بالفرح عسي استانستي عاد طمنينا عليكي

دفء الجليد ها عاد خلي انجوفك اكيد انتي مشغولة يوم السبت دوامك اللي ايعينك

ام سيف
شخبارك ياعمري

فلور ورلد
تقضيتي وخلصتي والا لساك

1- بنت الكويت 84 في 9 يونيو 2006

2- ماروكووو في 1 يوليو 2006

3- مس نوار في 1 يوليو 2006

4- نور ينور قمر في 3 يوليو 2006 - ولد ( بشرتنا بخليفة 19/3 ولادة مبكرة )

5- سوااااري في 4 يوليو 2006

6- أم العصافير في 5 يوليو 2006

7- كتكوتة نايمة في 7 يوليو 2006 - بنت

8- حبيبة ريلها في 7 يوليو 2006

9- شوق العين في 8 يوليو 2006 - ولد

10- أم الحلوووة 11 يوليو 2006 - ولد

11- حلوووة البحرينية 11 يوليو 2006 - ولد

12- عيون الافعى في 12 يوليو 2006 - بنت

13- أم رغووودة في 12 يوليو 2006

14- flower_world في 12 يوليو 2006 - ولد

15- أم شوووق في 12 يوليو 2006 - ولد

16- أم أسيد في 12 يوليو 2006 - بنت

17- طفلة غلا في 13 يوليو 2006

18- asmaa_kh في 14 يوليو 2006

19- سوسكا في 15 يوليو 2006

20- FLoOoOoOoNA في 15 يوليو 2006

21- jafa في 17 يوليو 2006

22- أم سيف 2006 في 18 يوليو 2006 - بنت

23- راضية بقدرها في 19 يوليو 2006 - بنت

24- دفء الجليد في 20 يوليو 2006 - ولد

25- توتة في المريخ في 20 يوليو 2006 - ولد

دودة في بطنها نونوفي 20يوليو2006 ولد

26- أم أحمد 25 بدش التاسع ان شاء الله تاريخ 20يوليو 2006

27- بسمات و ضحكات في 22 يوليو 2006 - ولد - وولادة في 6/6 بس توفاة البيبي الله يعوضها خيررررر أن شاء الله ....

28- شذى في 23 يوليو 2006

29- ليل المجاريح في 23 يوليو 2006 - ولد

30- الجميلة 78 في 24 يوليو 2006 - ولد

31- الأمل الجديد في 24 يوليو 2006

32- الحالمة بالحب في 24 يوليو 2006

33- دمعة شتاء في 25 يوليو 2006

34- قطر في 26 يوليو 2006

35- عبق الريحان في 28 يوليو 2006

دودة 81 في 28 يوليو 2006 ولد
36- ام حسام في 29 يوليو 2006

37- أم طيف ورهف في 29 يوليو 2006 - بنت

38- ayyat في آخر شهر يوليو

أم طيف ورهف حلوه حركاتك وتجهيزاتك للمستشفى...عجبتني حركة العصافير والقفص المشغول...
بس لاتنسين تبرزين كل شي من قبل عشان ماتتفاجئين بالولاده وانتي مب مجهزة نفسج عدل.
مثلا انا كتبت في هذاك الموضوع اني وديت الصواني المحلات اللي ابيهم وخليتهم عندهم وبعد ما اولد زوجي بيتصل لهم وبيقول لهم يبرزون كل شي حسب الطلب...ونفس الشي حق الفازات ..احسن عشان افتك ..


بقول لكم بنات انا اتجيني آلام كل شوي وقلت خلني انتظر لين الصبح اذا استمرت معاي بروح الطوارئ ...انشالله تكون ولاده
عندكم لين العصر اذا ماكنت موجوده على المنتدى وماشفتوا رد مني اعرفوا اني فالمستشفى اربي واذا مافيني شي بكتب لكم عشان اطمنكم ... <-------------------وايد مصدقه نفسي اني بولد
(تدرون ليش جايني الم المغرب غليت قفشة كبيره دارسين مطحون مع كوب ماي وقفشه ونص سكر وصفيته ونطرته يدفى وحطيت عليه قفشة كبيره خروع وشربته)
اذا انجحت طريقتي وولدت بكره.. طبقوا اللي سويته اذا تبون
بس انا ماشربته الا يوم حسيت بالام خفيفه والحين الالام اللي جايتني اقوى شوي..


لا تضحكون علي اذا حصلتوني كاتبه الظهر في الموضوع

كيفكم حوامل

كتكوته نايمه
ام طيف ورهف
اخباركم؟؟
انا اخركم في الولادة بس ربى يسلها وتجي بدري
واليوم الصبح مشيت وجاني الم ماقدرت اكمل مشى غير 10 دقائق بس
حاسه الم مثل الدورة الله يعزكم وبطني احسها مشدوده بالمره وطالعه على فوق مقدر انسدح احس اني مخنوقه والله يعين

flower_world
شكلي ماراح امشي مره ثانية اليوم عانيت كثير

ماولدت :sad: