اللي موعد ولادتها شهر يوليو ..تدخل وخلنا نكون رابطة امهات يوليو

ام طيف ورهف

الله يعييين ..تدرين زوجي يقولي لا تكملين دراستج السنه اليايه ....يبغيني اوقف سنه
عشاااااان النونو ......بس انا رافضه لان من بعد هالسنه باقي لي سنه وحده بس وبخلص
........:sad:

بناااااااااااااااااااات ولاحده من الرابطه ولدت ؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!

يارب اكوووووون انا اول وحده

[grade="00008B FF6347 FFA500 4B0082"]شخباركم يا حلوات:


خلاص كلنا كلنا خلصت بطارياتنا وتعبنا من الحمل وكل وحدة تنتظر ا لثانية تولد, انا يحليلي موعدي متأخر شوي عنكم كل نهاية شهر مليت من الانتظار ما عندي شئ افكر فيه غير الولادة وبس عندي عرس اخوي يوم الاربعا الياي ومو فرحانة وايد بس ابي الوقت يمر مليييييييييييييييييييييت

الله يسهل علينا كلنا يا رب[/grade]

بنااااااااات عادي لو مشييييت اليوووم وايد ؟؟؟؟؟؟ولافيه ضرر ع النونو ..

انا اليوم من الصبح تييني اوجاااع خفيفه ...
؟؟؟؟

الجمليه ...الله يعيينج حبيبتي ...والله كلنا نفس الحاله



الله يعينا ويقووومنا بالسلامه

[grade="00008B FF6347 008000 4B0082 FFA500"]دوده81


تقريبا احس بنغز مثل الدبوس زي ليل المجاريح
واتمنى اولد بسرعه ببدايه التاسع يعنى اسبوع او اثنين
اسالكم اقدر اخذ محرضات الولادة مثل القرفه والخروع والا اصبر <<<<<<< طفشت بالمره
ولاتقولولي امشي ما اتحمل المشي يجيني زي الشد في فخوذي اذا مشيت او طولت الجلسه

وقبل يومين الله يكرمكم رجولي انتفخت كثير وصاير فيها تنميل رحت المستشفى قالولي كله بسبب ضغط البيبي تحت وكل شي سليم والحمدلله اعطوني حبوب واختفى التنفيخ اليوم

والله يسهل لنا جميع ويفرحنا بشوفه اطفالنا

[/grade]

دودة ...الله يسهل علينا ..وبالنسبة للنفاخ ..ان شاء الله ما يكون زلال الحمل ...يقولون خطير ...ولا تستعجلين على نفسج مصيرج تولدين بالسلامة انتظري كل شي بوقته حلو


[grade="00008B FF6347 008000 4B0082 FFA500"]ليل المجاريح ....صادقه والله يادفء ملل وطفش خلاص احس اني بموت هلى النوم بس ما ني قادره ونفسي اولد تعبت

واحس اكبر غلطه هو توقيت الولاده الناس بالصيف تتمشى وتنبسط بالإجازة وانا العام والسنه هاذي نفاس مقهورة المرة الجايه بخطط صح والتسهيل من الله

وبالنسبه للفستان عندي مشكله العرس بالطايف والفستان محله في جده يعني لازم اخذه قبل الزواج بكم يوم .. ولا يجيبه زوجي ..

دوده .. تصدقين هاذي النغزات ترفع ضغطي بالذات لمن احس فيها وانا جالسه ودي اصيح ولا اولد بس مدري وش سببها هو راس الطفل ولا بدايه طلق التاسع .. [/grade]

هلا والله ليل بالنسبة للتوقيت ..بالعكس انا خواتي يقولون لي احسن توقيت لانهم يبون كل يوم ينقزون عندي ويشوفون البيبي واللمه والسوالف والحش ..خبرج سوالف حريم ...والله يعينج على العرس والله بلشة احنا كان في عرس لوحده من قرايبنا بس اجلته ...استانست لاني مابي احضرة وانا بدبتي ...والنغزات ترى البيبي شكله نحيس يبي ينرفزج من هو فبطنج ....


[grade="00008B FF6347 008000 4B0082 FFA500"]flower_world دفء الجليد

الحال من بعضه حبيبتي انا بعد وايد حاطه اشيا ف بالي لبعد الولاده
1 الرجيييييييييييييييييم
2 تقويم اسنااااااااااااان
3 ليسن للسياره
4 اروووح اصبغ شعري
5 اخذ دوره ICDL
واااااااااااااااااااااااااااايد احلالالالالالالالالالالالالالالالالالالالالالالالا لام فبالي انشاء الله تتحقق [/grade]

فلور وورلد ...خليها على الله عاد ان شاء الله نحقق ولو حلم بس من احلامنا الوردية ...

[grade="00008B FF6347 008000 4B0082 FFA500"]ام طيف ورهف .....دفء الجليد
شخبارك حبيبتي عساك بخير واللة مأساة الحمل بالصيف حاسة نفسي بموت من الحر كلة حرانة
وعلي فكرة هذي الحملة الوحيدة اللي صرت احس بألام قبل الولادة غير الثقل اتجيلي مغصات وعصرات بالبطن
انا اكثير اشتقت للبيبي نفسي اشوفها واشم ريحتها بالبودرة وبدهن العود والبارحة اقول حق زوجي اشترلي من الدهن اللي تستخدمة للبنوتة وحابة اشتريلها خلطة وايت مسك للأطفال
جهزتوا اشناطكم والا بعد انا ليما الحين ماجهزت شي [/grade]

هلا والله ام طيف ورهف ..تصدقين يقولون طلق الولد حار وطلق البنت بارد ...فتلاقين طلق البنت يجيج حزة الولادة بس اما الولد ..من انتي في الثامن يحرقصج ..بس انا ما اصدق هالاشياء ...

[grade="00008B FF6347 008000 4B0082 FFA500"]الجميلة78 شخباركم يا حلوات:


خلاص كلنا كلنا خلصت بطارياتنا وتعبنا من الحمل وكل وحدة تنتظر ا لثانية تولد, انا يحليلي موعدي متأخر شوي عنكم كل نهاية شهر مليت من الانتظار ما عندي شئ افكر فيه غير الولادة وبس عندي عرس اخوي يوم الاربعا الياي ومو فرحانة وايد بس ابي الوقت يمر مليييييييييييييييييييييت

الله يسهل علينا كلنا يا رب [/grade]

هلا والله بالطفشانة ..جميلة ..اصبري ...ترى عقب اذا جبتي الياهل بتزهقين زيادة ..الحين وهو في بطنج ترى اريح ..

هلا شحالكم هاااااااااااابعدكم مثلي تتريون موعد الولاده انا اليوم سرت العياده قالت لي لو حسيتي باي ويع نعالي يمكن يكون ولاده حسيت بفرح وخوف نفس الوقت لاني مااعرف شي اول بيبي الله يسهل علينا يارب ................اشوفكم على خير

ام شووق الله يسهل عليح ان شاء الله

هاي بنات
انا اليوم مثلج ياام شوق كان عندي موعد في المستشفى وفحصتني الدكتوره وكان كل شي اوكيه
تدرون انا اكتشفت شي انا صارلي ثلاث ايام مامشيت وراح عني الالم صراحه انقهرت ان راح الالم عني عكس هذاك اليوم اللي كنت افكر اني بولد
المشكله صارلي ظرف وماقدرت امشي في هالثلاث ايام جان طلعت حرتي في المشي
يلا بكره ماورانا شي بمشي 3 ساعات<<<-------مصدقه نفسي


يعني يابنات امشوا امشوا امشوا ولا تتكيسلون عشان تربون
وشوفوا الفرق بين قبل المشي وبعد المشي
(امشوا ساعه كامله ومتواصله))
+
+
+
الجماع تره وايد مهم كثروا منه هالايام
صح الوحده مالها خلق بس شنسوي نستحمل..
انا قريت مره ان سائل الرجل يحفز الطلق..
.
.
.
سوري على الصراحه
بس لازم انفيد بعضنا
:pain:

هلا حبيباتي.. شو اخباركم..

انا والله قمت اليوم وكله افكر بالولاده.. لانه بنت خالتي الفجر الساعه 2 والله افتكت.. الله يعينا .. متى بنفتك ونربي...

ادعوا الله يسهل علينا ان شا الله.. آمين

[grade="00008B FF6347 008000 4B0082"]صباح الخير:
توني ييت من المستشفى ويا ريتني ما رحت . مالت على الدكتور ال..........، ما سوت لي شي بس كشفت على بطني من فوق وتحسست الجنين وقالت لي خلاص موعد ولادتج 24 7 وانتظري اقولها ما بتسوي لي سونار قالت ما له داعي، اقولها ابي اعرف كم وزن الجنين والراس وين وابي اتطمن ما رضت يعلها انشاء الله شو ادعي عليها وانا طالعة من الصبع الانتظار 3 ساعات ومقابلة الدكتورة والله ولا اتكمل 10 دقايق ,,الوحدة لازم تروح عيادة خاصة علشان تسأل اللي تبيه والله مستشفيات اتلوع بالجبد,,
انا مالي حل غير انتظر الفرج من الله بالولادة لا أسأل ولا هم يحزنون...[/grade]:angry:

هلا ياحلوات


انا ماروم امشي ماعندي احد يمشي معاي وريلي فديته تعبان مايصير اودره ..............بس انا اختي مشت كل يوم ساعه كامله اخر شي سوولها طلق صناعي طافت موعد الولاده [grade="00008B FF6347 008000 4B0082"]
الله يسهل علينا يارب [/grade]

مراحب يا رابطة يوليو ...شفيكم طفشتوا من الحمل ....انا احس ان تو الناس علي على الولادة ....واليوم عندي اول موعد في مستشفى الحكومة ...

خخخخخخخخخ

تصوروا من يوم اللي حملت كله مطقعه لهم ما رحت ولا موعد ...واليوم اول موعد قالوا لي لازم تروحين ومب زين تطنشين لانهم بيلعوزونج في الولادة ...

قلت اروح والله يعيني بس ...واخت زوجي بتروح معاي ...لانها حامل معاي بس بيننا ثلاث ايام ..

مرااااااااحب حبوبات ..

دفء . بصراحه طفش بقوة ومع الجو هذا بعد الواحد يحس بخمول ونوم بس الراحه وين تصدقين ما عاد اعرف انام وبنتي الله يخليها طالع لها سنين مع بعض وتعبانه تقول ناقصني تعب وهم ..
وماشاء معك رفيقه حمل وولاده بعد حلو مو مثلي يتيمه الكل فرحان ومرتاح وانا الوحيده اللي على اعصابي واستنى الفرج ..

الجميله : هلا والله .. ليش زعلانه الدكتورة شكلها شافت وضعك ممتاز ما حبت تتعبك بالفحص بس اكيد راسه تحت ووضعه تمام وهذا الشئ تعرفه الدكتورة من الفحص الخارجي


.. بس انا ملاحظه شئ ان الدكتورة ماقالت لكم على موعد للولاده قبل موعدكم السابق يعني مثلي انا موعدي 23/7 والحين قالوا 21/7 يعني تقديم يومين .. بس ليش وعلى اي اساس يقدموا ويؤخرون ..

ام شوق .. ياربي على المشي وخاصه اللي يكون من غير نفس زي حالاتي احس ماله داعي ولاداتي السابقه هلكت نفسي من المشي وفي الأخير يطوف موعد ولادتي بكم يوم واولد .. بس فيه فايده وحده وهي انك تتعودين على الرياضه وبس ..


ام سيف .. الله يعينك اكيد كان نفسك انك انتي اللي والده بدل بنت خالتك ..

كتكوته ودودة والباقين وش اخباركم ..

ليل المجاريح ...صدقيني انا بروحي طفشت من الحمل بس شاسوي ..اصبر نفسي علشان نفسيتي ما تتعب ...ولان اللي حولي بدو يتمللون من حنتي ...كنت قبل كل شوي اقولهم متى اولد تعبت ...

مراحب حبوبات
شخباركم عساكم بخير اي مشي اي بطيخ انا البارحة مشيت ربع ساعة ماستحملت نفسي احس نفسي ان مشيت ازيادة بيغمي علي والبارحة علي حظي الجو يجنن عندنا بس وين احس بثقل فضيع تحت
يادفء الجليد
حبيبتي لاتعشميني بالولد اللة ايخليكي تراني اموردة الدنيا ماتم وردي في السوق ماشريتة
ترا علي فكرة كلكم ماعندكم سالفة ولا في احد يشجع ليما الحين محد ولد
ليل المجاريح
شخبارك حبيبتي شكلك عندك كتكوتة صغيرونة اللة يعينك انا امجربة الفرق بين بنتيني 11 شهر تعالي شوفي الحالة الي كنت فيها ماصارلي سنة وانكان ارجع احمل كأنك اتربين في توأم بس الكل ايشوفهم ايقولون عنهم توائم لأنهم طول بعض بس اشكالهم فرق السما عن الأرض وحدة شقرة والثانية سمرا وحدة سمينة والثانية ضعيفة النقيض بس ليش اني البسهم نفس الشي وطول بعض وتوهم صغار فيفكرون هذول توأئم والا هذول بنت لهم وبنت متبنينها بس يجلسون ايفكرون
هاهاهاهاهاهاهاهاه
تعالوا من جد ألام فضيعة احس فيها بس واللة انشاء اللة تكون سليمة بس بنت ولد موفارقة تعبانين ومنهد حيلنا

الجميلة
هذهم ماعندهم الا ركبي علي الميزان وضغط وسماعة وبعدين تكتشفين فيكي الف بلوة وبلوة
تعرفين لمن شفت السالفة جذي زوجي اولا ماعندة وقت ايوديني علي المواعيد قام شرالي جهاز ضغط وجهاز سكري وميزان وشريط لقياس البول اللة ايعزك الزلال لوفية تسمم حمل او شي وكنت كل يوم اسويها الحالي انا في البيت

المهم انا عملت هدايا التوزيع قاعدة اشتغل عليهم تقريبا ابتديت اخلصهم طلعوا روعة وأمس افتريت علي محلات الحلويات والمكسرات افكر من الحين شنهو اخذ بس ماني عارفة اخذهم من الحين ولا لمن اولد اقول لزوجي ايجيبهم ماني عا رفة
شخبارك حبيبتي

هلا حبيبتي ليل المجاريح الحمدلله انا بخير وثانكس عالسؤال عني..انتي شخبارج؟؟:shy:

:dd: :dd: :dd: ضحكتيني ياام طيف ورهف جايبه عدة المستشفى كلها فالبيت والله زين..

شكلهم البنات ملعوزينج الله يعينج انا وحده ومب مستحملتها شلون انتي ثنتين وفي عز الشطانه الله يعينج لا وجايتج ثالثه فالطريق ..انشالله ماينتفونها من الغيره ..احس بنتي بتسوي في الثانيه جذيه لأنها من الحين منتفتني..

والله انا بعد تعبانه بس بعد امشي وايد واستحمل الحر والتعب عشان اولد وافتك لأني اذا يوم ولا يومين ماامشي يروح عني الم اسفل البطن وانا امشي عشان احفز الطلق مابيه يبرد
مشيت قبل شوي ساعه ورديت تسبحت شنو انتعاااااااش..بس بدون حيويه ولا نشاط جسمي متكسر تكسر...

وايد افكر اشرب فنجان خروع مع ان الدكتور قالتلي اذا ياج الطلق اشربي فنجان خروع مع عصير منجا بس انا اخاف من الخروع البنات في المنتدى ماينصحون نشربه
هذاك اليوم شربت قفشه وحده مع عصير لاااااااااعت جبدي يغث عالجبد شلون اذا شربت فنجان كامل يععععععععع

انشالله انا اول وحده ببشركم بولادتي...انشالله يارب
ماباقي شي على 7/7
11 يوم بس

الله يسهل علينا كلنا..

كتكوتة نايمة
حبيبتي شخبارك واللة ولهنا عليكي غبيتي بالمرة شفتي اشلون تدرين ليش سويت جذي بالحمل ألاول ولا موعد تركتة وهذاني بس امعابل بهلمستشفيات واخرتها طلع عندي ضغط وزلال وتسمم حمل ولدوني علي طول ثاني حملة اولا عندي بيبي صغير وكنت خايفة عليها من روحة المستشفيات فقمنا شرينا عدة المستشفي اللة وكيلك اراجعت الا بالتاسع عشان بس مايقربولي ويكون عندي دفتر حمل وهذي قصتي

كتكوتة نايمة
حبيبتي شخبارك واللة ولهنا عليكي غبيتي بالمرة شفتي اشلون تدرين ليش سويت جذي بالحمل ألاول ولا موعد تركتة وهذاني بس امعابل بهلمستشفيات واخرتها طلع عندي ضغط وزلال وتسمم حمل ولدوني علي طول ثاني حملة اولا عندي بيبي صغير وكنت خايفة عليها من روحة المستشفيات فقمنا شرينا عدة المستشفي اللة وكيلك اراجعت الا بالتاسع عشان بس مايقربولي ويكون عندي دفتر حمل وهذي قصتي