هام للبنات المصريات

مصراوية
ربنا يخليكي لية ياقمر إنت اللي كلك ذوق ورقة وجمال وجدعنة وشياكة

وخفة دم بجد مش عارفةأقولك إيه؟؟ربن يخليكي لأهلك ويابخت خطيبك

بيكي بس أكيد إنت تستهليه وهو يستاهلك ربنا يخليكم لبعض.

شكرا قوي قوي على الرابط فعلا لذيذ وفادني كتير

مش عارفة بصراحة أروح لمين في فرحي كل واحد ليه ناس بتشكر

فيه وناس بتنقض فيه.ربنا يسهل ياجميل

أمل عادل

ألف حمدالله على السلامة على رجوعك لينا خدي بالك من نفسك ياعمري

وكل حاجة إن شاء الله هتتحل إسمعي كلام قلبك ياحبيبتي الحب أحلى

حاجة في الدنيا والفرصة دي مابتتكررش غير مرة واحدة في العمر

ربنا معاكي.

ازيكم يا بنات كلكم عاملين ايه وحشني جدا

معلش المره دي انا هارد عليكم رد سريع وبعد كده اكلمكم واحده واحده لانكم وحشتوني جدا
بس حبيت اقول لteawater2002 وحشتينا جدا وان شاء الله ما تغبيش عنا تاني

ريهام انتي تامري يا حبيبتي وان شاء الله تستقري بسرعه علشان تخلصي من الموضوع ده وتركزي في باقي الحاجات اللي ناقصه

bridetobe ربنا معاكي وابقى طمنيني الخياطه عملتلك ايه في الفستان

مصراويه اعتقد ان السعر الجيرب يبدا من 100 وانت طالعه ده اللي انا اعرفه

تعرفوا يا بنات انا دماغي لفت وبقت مشغوله بالحاجات اللي ناقصه في الشقه وبس ونسيت كل الحاجات اللي لسه ناقصاني شخصيا

ممكن اطلب منكم طلب يا ريت اللي تشوف طقم نوم ابيض وياريت يكون القميص ستان والروب اورجنزا مثلا او اي قماشه حلوه عليها تطريز رقيق ويكون طويل طبعا تقلي لاني لحد دلوقتي مش لاقيه حاجه مناسبه والسعر مش مهم حتى لو كان غالي

بجد بجد ادعولي اركز شويه كل ما تفتكروني ادعولي لاني خلاص الوقت بيجري وانا ناقصني حاجات كتير ووالله عارفه انكم مش هتتاخروا عليا بس كلنا وقتنا قرب ومشغولين باللي ورانا الشهور الاخيره دي بتعدي بسرعه عجيبه يلا ربنا يستر

معلش اسيبكم بقى دلوقتي سلام مؤقت

امل عادل

ازيك يا حبيبتي وحشاني موووووووت والله

اولا مبروك على شهادة التقدير من المنتدى انتي فعلا تستهاليها عن جداره

ثانيا ربنا معاكي ويوفقك في دراستك وشغلك لانك انسانه مجتهده ومثابره انا فعلا معجبه بيكي قوي

ثالثا والاهم بالنسبه لموضوع الارتباط ما دمتي عملتي استخاره ومرتاحه لاختيارك تمسكي بيه لاخر نفس واعملي كل اللي تقدري عليه وناقشيهم باستمرار طبعا بهدوء وصبر

وحاولي تاثر على الطرف الاضعف فيهم سواء مامتك او والدك يمكن يتاثر بكلامك ويقنع التاني يعني حالوي تتكلمي مع كل واحد على انفراد لانهم مع بعض ممكن يشجعوا بعض ضدك

حاولي تعرفي وجهة نظرهم وتنفيها وبالنسبه للناحيه الماديه اكيد هتلاقي حواليكي امثله كتير لزوجات نجحت بالرغم من ضعف الناحيه الماديه فكريهم بيها

وهما في الاخر بيحبوكي واكيد عايزين سعادتك لو شافوكي مصره ايد هيسبوكي تجربي لانك مش صغيره وعارفه مصلحتك كويس

وياريت هو كمان يحاول يبزل مجهود مضاعف ان يحسن ظروفه ويستفيد من الفتره دي يمكن ده يخليهم يوفقوا كل ما مجهوده يزيد هياثر عليهم ان شاء الله واصبري ان الله مع الصابرين

بس ارجع افكرك دايما هاولي تبقي هاديه ومسيطره على اعصابك وسياسيه ماشي يا اموله

وان كان علينا هنا كلنا هتدعيلك من قلوبنا ان ربنا يسعدك لاننا فعلا والله بنحبك بجد

وطمنينيا عليكي دايما كل ما تقدري

صباح الفل يا أحلى عرايس في الدنيا

عاملين ايه يا قمرات كلكم بخير ان شاء الله ربنا معاكم

ريهام

يسلملي ذوقك والله ربنا يخليكي على الرد ميرسي يا قمر وربنا يتمم لك على خير ان شاء الله ويكون فرحك وفستانك ولا في الأحلام. :up::cool2:

مصراوية

ازيك يا جميل عاملة ايه ، انا شفت حاجات لآفو حلوة في تصوير العرايس بس مأعرفش حد غيره، في ناس بتقول في استوديو هيلتون اللى في ش مصر والسودان في الحدائق بس أنا ما عجبنيش صوره لأخت خطيبي كان بيدخل شغل كومبيوتر في الصور بطريقة ما عجبتنيش:down:

أمل عادل وقلب العصفورة

ربنا معكم ويتمم لكم بخير ان شاء الله وجربوا صلاة الحاجة عن تجربة والله هايلة


إيمي

ربنا معك ويعينك أنا حاسة بك لأني قربت زيك

بجد والله لو احتجتى أى حاجة اطلبي مني انا في الخدمة وانا باحب المحلات واللف لو عاوزة حد معك في أى حاجة وربنا يتمم لك بخير وابقي قولي لي أخبار الفستان ايه ، انا لسة الخياطة ما كلمتنيش لحد دلوقت على البروفة تصوري:rolleyes: كل ده القماش بيشتغلوه ولسة ما عملتش ولا بروفة واحدة وهو القماش عندها من فبراير (هاتجنن):pain:

بس أنا اليوم هاكلمها أنا ان شاء الله واشوف ايه الحكاية( كل ده وهى فاكرة اني الفرح في يوليو وما تعرفش انه اتأجل لأغسطس):eek2:

على فكرة أنا جبت طقم نوم الفرح من محل عدس اللي في قصر النيل اللي قلت لكم عليه

بس أنا ما جبتوش أبيض أنا جبته روز ستان والروب من قماشة خفيفة عاملة زى الورق الشفاف وعليه ورود صغيرة لذيذ قوي والكم سبانيش وطبعا طويل وكان سعره 375 ، وكان في كمان حاجات حلوة قوى بس على بيبي دول بالروب تحفة والله بس لما دفعت الـ 375 ما حبيتش أجيبها في نفس اليوم :D2

ممكن تلاقي عنده أبيض حلو ان شاء الله، ولو ما كانش فيه محل في المهندسين بس بيقولوا عليه أغلى زمايلي في الشغل كانوا قالوا لي عنه لو عاوزة أجيبلك عنوانه منهم

ربنا يسهل ويكون كل شئ تمام ان شاء الله

سلام دلوقت يا بنات أحسن عندي شغل

يلا مع السلامة يا قمر

السلام عليكم
احلى سلام لاحلى عرايس سلام مخصوص قووووووووووووووووووى
بجد بجد انا سعيده جدا انكم كلكم لسه فكرنى و مبصوتين بعودتى حاسه فعلا انكم اخواتى بحبكم موووووووووووووووووووووووووووووت
وبدعلكم كلكم من اعماق قلبى ان ربنا يسعدكم و يباركلكم و يتملكم على الف خير و سلامه
bride
ارسليلى ايمالك و ابعتلك رقم تليفون الشركه

امل
بصى يا اموله الواحد بيستخير و يترك الامر لله مش شرط يكون بالاحساس و لكن ساعات بيكون ترتيب قدرى و انتى سيبى الامر لله و المقدر هو اللى هيكون و محدش هيقدر يقف قدام قدر ربنا مهما كان ولدك او اهلك او اى حد فى الدنيا كلها فهمتى يعنى توكلى على الله و اللى هيحصل لك مع الاستخاره هو الخير و عسى ان تكرهو شيئا و هو خير لكم و عسى ان تحبو شيئا و هو شر لكم و اهم شىء فى الشخص المتقدم لكى انه يكون على خلق و دين و المال مش مهم ربنا اللى بيغنى لكن الاخلاق و الدين ميتعوضوش
و اوصيكى و نفسى بتقوى الله و الدعاء عليكى بالدعاء الكثير فهو اقوى سلاح للمؤمن
و متنسنيش انا كمان معاكى بالدعاء

السلام عليكم ورحمة الله وبركاته

اختي الكريمة

مشاركتك كثير حلوة

وحلو لو من كل بلد البنات يفتحوا موضوع زي كذا

بس اختي عندي لكم ملاحظة أتمنى انها ما تزعلكم

لاحظت انه لما اسم الكوافير تجيبوا أسماء رجالية

مثل محمد الصغير....علاء التونسى

أتمنى اني أسأت الفهم وهي مب أسامي رجال يعملوا مكياج وانما أسماء الصالونات ....


أتمنى انكم تهتموا لها الناحية من الجانب الديني

أسمع الكثير يقولوا ان شغل الرجال يكون حلو .... شو حلو وهو حرام

اتمنى انك ما تزعلي من ملاحظتي

وان شاء الله تعم الفائدة للجميع

تحياتي لك


أختك

o*0*o malaak o*0*o




o0o سبحان اللــــه سبحان اللـــه وبحمده o0o0o



ليش ما نخلي نومنا بعد عباده




جايبة لكم أحلى هدية .... بس بشرط

السلام عليكم
اه كل مره ابقى عاوزه اسئل مصراويه السؤال داه انسى
المره دى داخله مخصوص اسئلك
اولا ازيك و اخبارك ايه يا رب تكونى فى اتم صحه و سلامه
السؤال هو الموضوع اللى انت حطاه بعنوان " احلى ملابس لاحلى ايام العمر" الملابس دى او صور الملابس دى جبتيها منين يعنى من موقع للملابس ولا انت مجمعاها و لا من انى حته و اصلها تهوس تخبل بجد زوقك عالى و مودلات تجنن لو تعرفى ممكن الاقى زيها فان يارات تقوليلى و ياترى ممكن الاقى زيها فى بورسعيد بما انك عندك فكره عن بورسعيد
ارجو انك تردى عليه بجواب كافى اصلك متتخيليش المودلات عجبتنى قد ايه كلها حلو بجد انتى جبتيها منين ؟
اشكرك :shy:

السلام عليكم يا اخت ملاك
انت طبعا عندك حق فى كل اللى قلتيه و ربنا يجزيكى خير على كلامك الطيب و النصيحه الغاليه و على فكره فى منيكيرات احنا قلنا عليهم و برده هايلين و حلويين زى نانييس و مديحه سليم و ريهام مرات مسيو عبده و امنه الهيتامى و من رأى الشخصى امنه بجد فنانه

و احنا سعداء جدا بمشركتك الجميله
السلام عليكم

السلام عليكم ورحمة الله وبركاته

إزيكم يابنات يارب تكون أخباركم كويسة وبتحاولوا تخلصوا طلباتكم على

خير

إيمان

أنا متشكرة جدا على رقتك وربنا يوفقك.

malaak

أنا فاهمة قصدك ومقدرة شعورك وخوفك على البنات بس أحب أقولك

إن أغلب البنات بتحلم بليلة عمرها وبتحاول تتجمل عشان تقضي أحلى

ليلة في أبهى صورة.

bride

مرسي قوي يا حبيبتي على ردك عليا وربنا معاكي انتي كمان

على فكره طبعا لازم تكلمي الخياطه وتضغطي عليها شويه كمان هي كده اتاخرت عليكي قوي قوي مش معقول تكون فاهمه الفره في يوليو ولسه ما عملتش ولا بروفه كده كتير حاولي تتصلي بيها باستمرار وربنا معاكي ويطلع احلى فستان لاحلى عروسه

على فكره يا جميل انا ان شاء الله هانزل عدس ده برضه ابص عليه بس يا ريت لو تشوفيلي عنوان محل المهندسين كمان لو سمحت اشوفه بالمره

اما باقي البنات فينكم ما فيش ولا واحده تعرف محلات لانجيري عندها قمصان زي كده معقوله طيب اسال مين لو مكنتوش انتوا اصحابي تدلوني

:confused::confused::confused::confused::confused::confused::confused:

الاخت ملاك

عندك حق طبعا في كلامك واتمنى زيك ان كل البنات يقدروا يعتمدوا على ماكيره بنت ومايروحوش لرجاله وربنا يوفقك الجميع للخير والصواب

teawater2002

احنا ما نقدرش ننسى اي بنت ظريفه وعسوله بتشارك معانا بس انتي ما تغبيش عنا تاني يا قمر وعقبال ما نفرح بيكي ونخدمك
بس انا عجبني فيكي انك بتطلعي وتدوري على الجديد علشان ان شاء الله لما تبقي عروسه اموره تبقى عندك معلومات كويسه عن الحاجات المناسبه وما تتعبيش زينا من كتر اللف والتدوير ربنا معاكي ويوفقك

السلام عليكم
مصراويه ازيك انت فانك يابنتى انا عاوزاكى تردى عليه ضرورى علشان عاوزه اشترى هدوم موديلات زى الصور اللى انت كنتى عرضاها فى موضوعك ملابس لاحلى ايام العمر قوليلى الاقى فان نفس الموديلات دى او انت جبتى الصور منين اوعى تنسينى

و يا رات لو اى حد من البنات شاف الموديلات يقولى الاقى زيها فان
انا عارفه انكم بنات جدعه قوى و مش هتطنشونى
سلام

السلام عليكم ورحمة الله وبركاته

صباح الخير يا بنات

ازيكم؟ يا رب تكونوا كلكم بخير

مصراوية

شكرا عيى سؤالك و دعواك و ربنا يصلح الحال إن شاء الله

ريهام نعمان

متشكرة يا حبيبتي على كلامك الذوق و دعوتك اللي فيه الخير يعمله ربنا

bridetobe

شكرا على اهتمامك يا قمر و ربنا يسهل، بس ممكن تبعتيلي طريقة صلاة الحاجة؟

إيمان

و انتي كمان وحشتيني قوي و الله و آسفة على عدم اتصالي بيكي من كتير بس هي الظروف دي اللي مانعاني و الله. ميرسي على ذوقك يا ايمان و على كلامك اللي زي السكر زيك، و ربنا يتمم لك بخير يا رب، بس انتي فوقي بقى شوية لنفسك و خلصي الشغل اللي في ايدك ده عشان تكملي حاجتك و تهتمي بنفسك و بشرتك عشان تبقي زي القمر في الفرح ان شاء الله. سلميلي يا ايمي و تسلملي نصايحك بس ادعيلي

teawater

تسلمي لي على كلامك، و أنا و الله سايباها على ربنا و بأعمل استخارة كتير ، و الحمد لله على كل حال

ازيكوا يا بنات

انا عارفة انى طولت المرة دى بس غصب عنى والله


:cool2::cool2::cool2::cool2::cool2::cool2::cool2::cool2:



teawater2002
ازيك يا قمر منورة الموضوع من تانى

بصى بالنسبة للموديلات الى عارضاها مصراوية فى الموضوع بتاعها انا معرفش اذا كانت موجودة هنا ولا لأ بس انتى ممكن توفقى اى بادى مع جيب او بنطلون بس عارفة طالما الحاجات دى للبيت فالاحسن انها تكون مش غالية اوى

عارفة روحى محل نيويورك هتلاقى هناك لقط والله واسعارها رخيصة انا اشتريت من هناك ميكروجيب ب 40ج و3 باديهات حمالات الوانهم روعة ب25ج يعنى عارفة فية حاجات حلوة اوى وانتى ممكن تشترى كام بنطلون باجى وبرمودة وترينج ويكون الوان مختلفة مع كام جيبة ميكرو زمينى مع كام بادى كات وحمالات ونص كم وكم يعنى علشان الضيوف وعلشان العريس ميزهقش من العريان علطول.

وكنت عايزة اعرف منك اسم الشركة اللى بتعمل عطر الفراش ياريت تبعتيلى على الخاص

واى خدمة ياقمر

امال عادل

وحشينى يا قمر اية الغيبة دية كلها

بصى يا ستى سيبى الموضوع على ربنا وحاولى انك تقنيعى اهلك بوجة نظرك من عند او عصبية واعملى زى ما البنات قالوا استخارة وادعى علطول ان الموضوع دة او الارتباط دة لو فية خير ليكى يارب يسهلوا ولو فية شر ليكى يبعدوا عنك


وانا كمان هدعيلك يا قمر ومضيقيش نفسك دايما مواضيع الجواز فى اولها بتبقى كلها شد اعصاب وانا من ضمن الناس اللى مرت بنفس الظروف دية ومتقلقيش ياقمر

وربنا معاكى

انتى مش بتسالى عليا لية ؟؟؟؟؟؟؟؟؟؟؟ انا كدة هزعل:sad: :sad:

bridetobe

الف مبروك على حجز القاعة ويارب اشوفك عروسة زى القمر

وعندك حق الواحد محتاج فعلا للتغير فى قميص النوم بتاع اول ليلة بس عارفة هاتى برضة واحد ابيض لتانى يوم يعنى حاولى اول 3 او 4 ايام يكون طقم قميص النوم بالروب وهمى

دة راى علشان العريس يتجنن

بالنسبة للفستان حاولى تستعجلى الخياطة شوية علشان انتى ترتاحى من هم الفستان

ويا ترى بدأتى فى العناية بالبشرة والشعر ولا لسة المفروض تبدأى بقى علشان الوقت دة بيكون التوتر والارهاق مركز على العروسة

وربنا معاكى:smile::smile::smile::smile::smile:

ريهام

ربنا يخليكى يا حبيبتى
دة انتى لو عزتى اى حاجة ابعتيلى على الخاص وانا فى الخدمة

وربنا معاكى ويتمملك على خير انتى وعريسك

وميرسى على ردك عليا انا فعلا نفسى يكون الجيرب طبيعى بس الصناعى لية ميزة انة بيفضل معاكى للذكرى تقدرى تحطية فى البيت ....................اية رايك؟؟؟؟؟؟؟؟؟؟

ويا ترى عملتى اية فى الفستان؟؟؟؟؟؟؟؟؟؟؟؟؟؟

مصراوية

ازيك يا حبيبتى وحشتينى موووووووووووووووت

معلش انا عارفة انى غبت شوية وردودى كانت مختصرة شوية بس من اللخمة من الشغل للجهاز واللف على القماش والعفش والهدوم

يعنى دوخة بس الحمد للة جبت قماش الانترية

وبالنسبة للفستان الحمدللة جبتة من نورهان بس كان لقطة لانى زى ماقلتلك كل اللى عند نورهان تطريزة كتير اوى بس دة قمة فى الرقة والتطريز بتاعة هادى اوى وسعرة 3000 بس اخدتة ب2500 لان حماتى تعرف صاحب المحل علشان بناتها جابوا الفساتين بتاعة الفرح من هناك

ودلوقتى ابتديت نشطب فى الشقة وخلصنا الحمامات والمطبخ

وبالنسبة للهدوم اهو بنزل القط من هنا وهنا بس مشكلتى انى مش متعودة البس بدل وحاسة انها هتكبرنى اوى وماما بتتحايل عليا علشان اشترى بدلة بس انا مش عايزة:D2:D2:D2

اعمل اية بقى ؟؟؟؟؟؟؟؟؟؟هو لازم اجيب بدل؟؟؟؟؟؟؟؟؟؟؟؟؟

يلا يا مصراوية شدى حيلك بقى واحجزى القاعة

ولو عزتى اى استفسار قوليلى

ايمان

ازيك يا قمر :shy::shy::shy::shy::shy:

عارفة شكلك كدة من صوتك فى التليفون انك زى القمر ورقيقة اوى

بصى بالنسبة لمحلات اللانجيرى فية عندك جويا اللى جنب نورهان فى عباس العقاد

وكمان فى روكسى
السنتر اللى فبة الاستاذ فى بطرس غالى عارفاة

فى نفس الدور خشى لجوة شوية هتلاقى على الشمال محل لانجيرى حلو خالص وعندة قمصان نوم طويلة تجنن واسعارها من 40-60 -80-100

يعنى كل الاسعار انا اشتريت من عندهم 3 فمصان نوم طويلة

واية اخبار الفستان طمنينى عليكى يا ايمان؟؟؟؟؟؟؟؟؟؟؟؟؟؟؟؟؟