هام للبنات المصريات

ريهام

يا بنتى المفروض انة الجيرب لو كان صناعى بعد ما هترمية لبنات الفرح انت هتاخدية مرة تانية تكملى بية باقى الفرح وبعدين يبقى بتاعك علطول فى البيت

انتى بس قوليلى عملتى اية فى الجيرب بتاعك وجبتية من فين وهوصناعى ولا طبيعى ؟؟؟؟؟؟؟؟؟؟؟؟؟

وطويل ازاى؟؟؟؟؟؟؟؟
وياترى قررتى هتعملى المكياج فين والشعر؟؟؟؟؟؟؟؟؟؟؟؟؟

اية رايك فى ميسو عبدة؟؟؟؟؟؟؟؟؟

على فكرة علاء التونسى شغلة حلو بس فية بنات صحابى قالولى انة بيركز على العين قوى بالكحل يعنى تحسى ان المكياج كلة تقيل على العين بس لان واحدة صاحبتى قالتلى انها راحت فرح العروسة كان عاملها علاء بتقولى شكلها غريب اوى خصوصا لو الواحدة مش متعودة تظهر بمكياج تقيل عموما او لو البنت متعودة فى الطبيعى تحط مكياج العين سيمبل اوى من غير رسمة

اعتقد ان الواحدة فينا هى اللى تعرف اية اللى ممكن يليق عليها من المكياج واية اللى ممكن يبرز جمالها سواء فى العين او الشفايف

بس اكيد طبعا انتى بتنبهى اللى هيعمل المكياج انك عايزاه تقيل ولا خفيف على حسب الاستايل بتاعك

ولا اية رايك يا جميل ؟؟؟؟؟؟؟؟؟؟؟؟؟


ايمان

عاملة اية ؟؟؟؟؟؟؟

انا الفستان بتاعى عملت بروفة من اسبوع كدة طبعا كان من غير تطريز وهستلمة ان شاء الله على اخر يونيو وربنا يسهل فى الطرحة علشان انا مش عارفة البس اية يعنى الطرح مش عارفة اية الموضة دلوقتى اعتقد ان الطرح الاسبانش خلصت موضتها

انتى هتعملى اية؟؟؟؟؟؟؟؟؟

وابقى طمنينى عليكى

على فكرة انا رنتلك على الموبايل وانتى مش بترنيلى لية وكمان بعتلك ماسج وصلت ولا لا؟؟؟؟؟؟؟؟؟؟؟؟؟:cool2::cool2::cool2::cool2:

bridetobe

الله يبارك فيكى يا حبيبتى دة انتى اللى هتبقى عروسة زى القمر

شدى حيلك يلا ابدائى بقى اهتمى بنفسك وكلى كويس لان كل دة بيبان عليكى فى الفرح

ونصيحة منى اشربى ماية كتير يعنى حوالى لتر فى اليوم وشوفى تاثيرها ازاى على البشرة

ومعاكى حق انتى ومصراوية فى موضوع البدل هعصر على نفسى ليمونة والبس البدلة

دة بس علشان خاطركم:D2:D2:D2:D2:D2:D2:D2:D2

مصراوية

حاضر يا ستى هجيب البدلة وامرى لله

وعقبالك كدة لما تشترى فستان الفرح وتبدائى فى التجهيزات

قوليلى اخبارك اية مع خطيبك وناوين امتى ان شاء اللة؟؟؟؟؟؟؟؟؟؟

طمنينى عليكى يا مصراوية

انا هروح محل القصر اللى فى الوكالة واشوف عندة وربنا يسهل


وانتى يا قمر لو عايزة اى حاجة قوليلة :shy::shy::shy:انا مش بخيلة:D2:D2:D2:D2:D2:D2

يلا بقى باى يا جماعة لحسن المدير هيطردنى لانى سايبة شغلى كلة وبرد عليكم:D2:D2:D2:D2:D2:D2:D2:D2

عادى


انتوا اهم عندى من المدير

طز فى الشغل:D2:D2:D2:cool2::cool2::cool2::cool2::cool2::cool2:

ازيكم يا بنات عاملين ايه وحشوني كلكم

bridetobe
شيدي حيلك وخلي بالك من نفسك ومن صحتك شويه انا ليا واحده صحبتي اهملت في نفسها زيك كده اغمى عليها قبل الفرح بيومين وقضتهم في السرير وحتى ما عملتش حنه ولا اي حاجه قامت من السرير يوم الفرح بس علشان كده خلي بالك من نفسك

وشدي على الخياطه شويه علشان تطمني ان الفستان هيخلص ان شاء الله في ميعاده وربنا يخليكي ليا يا رب وما يحرمنيش منك والله لو احتجت حاجه هقلك على طول

بالنسبه لاستديو التصوير انا بصراحه ما اعرفش حد كويس ومستنيه اشوف ريهام هتقول على مين


teawater2002

مبروك ان الخاص فتح معاكي اخيرا وعلى فكره انا بعتلك ميل وانتي ما ردتيش عليا علشان كده بعتلك دلوقتي على الخاص ومستنيه ردك عليا


مصراويه

ازيك عامله ايه مرسي قوي قوي على تليفونك انا فعلا كنت محتاجه التليفون ده وربنا ما يحرمني منك ومن سؤالك عليا وافرح بيكي قريب يا رب

ريهام
ميرسي يا حبيبتي والله يبارك فيكي
واوعدك هاسمع الكلام واعمل بنصيحتك بس اعمل ايه يا ريهام انا ما دمت باعمل رجيم لازم يبان على وشي باحاول اعمله اليومين دول علشان الحق قبل الفرح اعدل شكل وشي اللي باظ خالص ده
وعلى فكره انا باشرب مياه كتير وباكل فواكه كمان
يلا ربنا يستر ادعيلي ماهو برضه الواحد مضطر غصب عنه علشان شكله يبقى كويس

ومبروك عليكي الفستان انتي كمان يا قمر وان شاء الله تبقي احلى عروسه

على فكره يا ريهام ياريت لو كنتي عملتي الجيرب طبيعي تقوليلي منين وسعره في حدود كام معلش تقلت عليكي

ربنا معاكي في امتحانك ان شاء الله


هاله

ازيك وعامله ايه وان شاء الله تستلمي الفستان في ميعاده ويكون تحفه عليكي طبعا ماهو اصل اللي بيحلي الفستان هي العروسه مش كده

بصي يا سيتي بالنسبه للطرحه انا لسه مش عارفه بس اللي بشوفهفي المجلات والدفيليهات ان الاسبانش لسه موجوده
وكمان مدام حنان قالتلي اعملك اسبانش بس انا قلتلها استني شويه افكر يمكن اختار حاجه تانيه

وبرضه لاحظت ان الطرحه القصيره الادوار ظهرت تاني في شويه مجلات

بصراحه لسه محتاره بس انا على العموم هتكلم بكره مع مدام حنان في البروفه في موضوع الطرحه وهقلك استقريت على ايه ان شاء الله

بس اعتقد يا هاله ان الطرحه بالنسبه لك علشان من غير حجاب هيبقى ليها علاقه بفورمة الشعر على حسب ما انتي تحيبي شكل الفورمه هياثر في شكل الطرحه وتثبيتها

بالنسبة يا سيتي للرن انتي نسيتي ان انا قلتلك في التليفون ان انا مش بارن علشان كده ما ردتش الرنه والمساج وصلتني مرسي قوي يا جميل بس ما كانش عندي حاجاه حلوه ارد عليكي بيها

ان شاء الله هكلكم قريب اطمن عليكي

يلا اقلكم سلام بقى لحسن الفجر ادن

ازيكم يا بنات

عاملين ايه؟

هالة

ميرسي على اهتمامك، معك حق أنا عارفة ان شرب المياه هايل فعلا

يلا شدوا حيلكم احنا بنسابق الزمن :smile:

ايمي

ميرسي على ردك يا قمر ، ربنا معك ويعينك، أنا اعرف استوديو واحد بس اسمه آفو في ابراهيم اللقان في روكسي وهو للعرايس بس، بس كنت عاوزة برضه أشوف حد تاني

بالنسبة للجيرب، هاشوف حد في مصر الجديدة أو مدينة نصر جنب الدار، انا باحب الطبيعي والطويل زى ريهام ما قالت، هاشوف حد وأقولكم عليه

باقي البنات

مصراوية

ريهام

شوشو

رحتم فين؟

عاوزة أقولكم ان المحل اللي قلت لكم عليه في المنيل عنده النهاردة شوية حاجات :up:

ابقوا زوروني في المنيل وانا اخدكم له :smile:

يلا سلام دلوقت

عاوزة بس ألفت نظركم لحاجة قبل ما امشي

أنا عارفة ان التكييس والحمام المغربي هايل، بس انا اكتشفت ان الواحدة بتكون واقفة ....:o خالص علشان نزع ...:o ودى حاجة حرام حتى لو كانت اللي بتعملها واحدة ست زيها، في مكان مش المفروض انها تطلع عليه :o، ومحرم على أى حد النظر اليه الا الزوج :o

انا بس حبيت اقولكم لأني عارفة ان بنات كتير ما تعرفش الموضوع ده

يلا باى دلوقت

السلام عليكم ورحمة الله وبركاته
إزيكم يابنات ياعسل أنا رجعتلكم تاني
1-مصراوية
والله ياحبيبتي إنت اللي منورة الموضوع ومحلياه ياعسل
بالنسبة للجيرب أنا أختارته طبيعي وطويل كله أبيض وحواليهاالفرع الأخضر
بس ورد غير اللي إحنا بنشوفه أحلى بكتير وبتختاري الموديل اللي بيعجبك من ألبوم صور كلفني150جنيه وجبته من green flower
ده محل تابع لفندق سميراميس وجوة الفندق نفسه وهواللي بعملي الكوش والسنتر بيس وورد التورتة وورد السلم
في حاجة تانية أنا عملتها وهي لعريسك البوستاج بتبقى لايقة على الجيرب بتاعك وورد القاعة بس لازم تختاري كله لون واحد مع لون الوصيفات
والتل اللي في الكوش ولون السنتر بيس.

بالنسبة للفستان أنا عملته عندمدام سهير اللي في الهرم بس بصراحة

شغلها تحفة وهتعمل دفيليه في شهر6 الفستان كلفني5الاف بالطرحة

بالجبونة بالشوز أصلي بصراحة يامصراوية عملاه نظام أجنبي من غير تطريز

ومالقتش ده في المحلات بره.أي حاجة تانية عايزة تعرفيها أأمري.:smile:

2-bridetobe
مفيش شكر بين الإخوات ياعسل وأعذريني إني ماقدرتش أروح إمبارح

عندالمتعهد بس بكرة إن شاءبالكتير هروح وأول ماأعرف هبلغك على طول

أنا عيني ليكي ياعمري.

bridetobe

اي خدمة يا ستي احنا بس نحب نخدم

hala717

ان شاء الله يارب يا هالة يكون الفستان حلو وجميل ويخلص في الميعاد

بس اوصفيه لنا يا ستي

حمالات او مقفول شكله ايه وكده


وان شاء الله نخلصي فرش الشقة بقا وتخلصي

وبالنسبة للمكياج من الواضح انه هومسيو عبده اللي مضمون
وده من كلام الكل

واكيد اي واحدة مش هتغامر وتجرب في يوم زي ده



eman_s25

ايمان
والله انتي اللي كنتي وحشاني جدا وكان نفسي اطمئن عليكي

وانا انبسطت اوي لما كلمتك وسمعت صوتك

وفرحت جدا جدااااااااوالله

عشان اخيرا ارتحتي من موضوع الفستان ده

وان شاء الله تخلصيه بقا وتطمنيني عليه وعليكي
وتخلصي كل الحاجات اللي باقية لك

وبجد يا ايمان زي ما اتفقنا اي حاجة انا موجودة ودي مش مجاملة
كلام جد

:up:



ريهام نعمان

والله يا ريهام انتي اللي جدعة جدا وكلك ذوق
واضافتي كتير لينا وللموضوع ومش بتتاخري علي اي حد في الرد

وان شاء الله ربنا يقويكي في الامتحانات

ويوفقك

في كل تجهيزات الفرح

ومن الواضح كده من وصفك يا ريهام ان الجيرب تحفة لان الوصف ده شيك اوي اانه ابيض وطويل واخضر من الاطراف


فعلا باين عليه تحفة

بس يا ريهام كنت عايزا اسالك

انتي يوم الفرح ليكي غرفة في الفندق تبع تكاليف الفرح للمكياج وكده

والا هتعملي برا

والا حجزاها بفلوس زسادة فهماني؟؟؟؟؟


عارفا يا ريهام بعشق اوي ان العروسة تنزل للزفة من ع السلم
وباباها يسلمها لخطيبها بتكون لذيذة اوي

ومن الواضح من ووصفك كده لتجهيزات القاعة والورود انها تستاهل ال 25 الف

بصراحة يا ريهام شوقتيني جدا جدا اني اشوفهااااا

ياريت يا ريهام لو توصفي لنا التجهيزات والشكل العام بدقة تاني :shy:

يعني انتي فهماني التجهيزات والديكورات وكده وشكلها ايه وايه رايك


انا عارفا والله اني تعبتك
بس اانا عجباني جدا فكرة سميراميس دي

بامانة

ربنا ان شاء الله يوفقك في اليوم ده

ومبروك الفستان
وان شاء الله يخلص ويكون احلي مما تتوقعي كمان

لان اكيد كل واحدة بتكون علي اعصابها لحد ما تشوفه خلصان!!!!!!!!!









ايه رايكم ان شاء الله ان شاء الله

بعد ما تتجوزوا كلكم

تدخلوا صور ع الاسكنر للفساتين بتاعتكم
ونشوفها هنا
او نرسلها لبعض ع الايميل

ونشوف كل فساتينكم

اصلكم بصراحة شوقتونااااا ليها جداااااا

واانا بامانة اشوفهم

واكيد مش هينفع غير كده

ياريت بججد والله ايه رايكم؟؟؟؟؟؟؟؟؟؟؟؟؟؟؟

ياريت لو تردوا عليا بس بجد
مش مجاملة


:shy::shy:

3-هالة
كلامك صع ياعسل بس أنا من رأيي إن فرحة الجيرب في إنك ترميه للبنات
في اخر الفرح واللي تمسكه تاخده ويبقى فال حلو ليها أنا عملته طبيعي
عند محل ورد جوة سميراميس نفسه وشكله أبيض وحواليه فروع خضرا
وطويل لحد الركبة يعني مش قصير ومدور لأن القصير يناسب الخطوبة
أكتر.أما المكياج هتجنن لحد دلوقتي مش عارفة أعمل عند مين؟؟ربنا يسهل ياقمر

4-ايمان
ماتقلقيش ياقمر إن شاءالله شكلك هيبقى ولا الأميرات في فرحك بالنسبة
للجيرب انا عملته في محل تابع لسميراميس وعملته ب150جنيه عملته
أبيض ونقيته من ألبوم صور مخصوص للجيربات بس خدي بالك لون الجيرب
لازم يليق مع الوصيفات والكوشة والسنتر بيس .الله يبارك فيكي بانسبة
للفستان وعقبال فستانك في الفرح ياجميل.

5-bridetobe
أنا أهو ياجميل وفي الخدمة لأي طلب ليكي وعندك حق بالنسبة للجيرب
شكرا قوي للنصيحة ربنا يخليكي لينا.

يابنات عايزة أقولكم إن موضة الطرح السبانيش راحت خلاص اللي طالعة
دلوقتي الطرحة القصيرة دورين زي بتاعت الأجانب.
يابنات ممكن أسألكم على عنوان حمام عرايس ؟؟؟

بصي يا ريهام

انا كتبت قبل كده عن سنتر محمد عبد الحميد في المهندسين
في شارع الاسراء

وده عملته واحدة وطلعت بتلمع دي شوية والله
من النضافة والبياض

وب 150 جنيه

وبتعمل لك مساج بالبرفان اسبوع قبل الفرح
عشان ريحة جسمك تفضل اسبوع زي ما هي


اناا ان شاء الله لما ربنا يسهلها لي

هعمل فيه ان شا ء الله
وكفاية انه نضيف ورخيص
مش غالي


ريهام

كنت عايزا اسال هما الوصيفات تبعك والا تبع الفندق
وياتري اختارتي زفة الكمانجات والا العادية

ويا تري في شو لدخولك القاعة والا لا؟؟


والله انا عارفة تعبتك اوي

بس عجبانني اووي فكرة سميراميس
عشان كده بسالك عنها كتيرررر

عشان بس اشوف الامكانيات تستاهل والاغالي ع الفاضي


:shy::shy:

انت :up: يا مصراوية و فكرة اننا ندخل الصور بسكانر دى
صدقينى كانت فى دماغى و انشاء الله ناوية اهملها و ياريت كلنا نعمل كدة علشان نشوف مجهود الشهور اللى فاتت دى كلها كانت نتيجتة اية
انتى فرحك امتى؟

the cat

فعلا كويس اوي اننا نشوف نتيجة الشهور اللي فاتت مع بعض


فكرة :idea:

فعلا حلوة




طول عمري ناصحة اي خدمة
:D2:D2


بس بجد والله يا ريت كلنا نعملها


بس والله انا فرحي لسا مرتبط تحديدة بظروف معينة ياربنا اراد وسهلها وتم في الصيف

يا ربنا بقا مش رايد ويتاجل للصيف الجاي :confused::confused:


بس كان نفسي مووووووووووووووووووت
اكون معاكم

بس الظروف نعمل فيها ايه

تقلب كل خططك راسا علي عقب
بعد ما تكوني عاملة حسابك علي كل حاجة


يالا الحمد الله




بصواااااااااااا



بقا عشان تعرفوا ان انا بت لقطة:up:


وبجيب لكم حاجات كلها احلي من بعضهااااا

بس ده طبعا عشان الحلو مش بيطلع غير للحلو


بصوا في موقع اسمه


ممنوع اضافة روابط لمواقع موسيقيه
دوسوا عليه

اوكي

بعد كده دوسوا علي فرح بارتي

هتلاقوااااا
صور لافراح وخطوبات كتيرررررررررررر


وفيها اسماء اللي عملواا المكياج

بس فعلا علاء التونسي ده مكياجه جميل:up:
مش كتير اوي ولا حاجة


وكمان دوسوا علي عروسة بارتي


وكمان جايد بارتي



هتلاقواااا حاجات كتيررررررررة حلوة ومفيدة جداااااا

ليكم


وكمان مركز جديد اول مرة اسمع عنه
في المهندسين اسمه H&o

بس عامل لعروسة فورمة شعر حلوة اوي وكمان المكياج

يالا اي خدمة اهوه موقع مفيد و :up:


بعد ما تشوفوه ويعجبكم عايزا تصفيق حاااااااااااااااااد
:clap::clap:


ليا طبعا


مش للموقع

علي فكرة يا ريهام

ال دي جي ياسر الحريري ووليد الحريري

عاملين شغل جامد جدا جداااااااااا

في الافراح في الموقع ده

فعلا يعني مدينها طعم تاني خالص
عاملين شغل جامد وطعم للفرح


انا شكلي كده يا ايمان هغير راي وهعمل زي ريهام


خاصة بعد ما شفت المجلة دي


شوفوها وقولوا لي رياكم
:smile::smile:

هاى يا بنات ازيكوا

ريهام
ميرسى على ردك عليا بالنسبة لموضوع الجيرب
كلك ذوق


مصراوية

يا ستى انا الفستان بتاعى الاستايل الامريكانى ودة طبعا مكانش فى دماغى بس لما شفت الموديل

:eek2::eek2::eek2::eek2::eek2::eek2:
اتوهمت علية من جمالة

وهو توب من غير حمالات وبرنسيس طبعا انا كان نفسى فستانى يبقى قطعتين بس الموديل دة البرنسيس اشيك وافخم

والتطريز بتاعة هادى قوى والتطريز لونة اابيض ودة اللى نازل موضة السنة دة

والطرحة انا ناوية ان شاءالله تكون القصيرة لان زى ما قالت ريهام الاشبانش مبقتش موضة


teawater2002

ميرسى يا قمر على الرسالة وارقام التليفونات

بس انا عايزة اسالك الست بتاعة الاعشاب والسويت اللى متخصصة فى العرائس انتى جربتيها قبل كدة او عرفتى حد جربها


يا بنات



عايزة اقولكم حاجة مهمة قوى





انا قريت فى منتدى تانى غير منتدى عروس


انة فية كريم بيبض المنطقة الحساسة وتحت الابط والفخدين واى منطقة سمراء فى الجسم باسثناء الوجة

لانة زى الصابون تحطى شوية ماء على المكان الغامق وبعدين تهنى بالكريم ويفرك لمدة 5 دقائق زى السكراب ويشطف ودة بيبقى كل يوم

وبصراحة :eek2::eek2::eek2::eek2::eek2::eek2:

ومفعولة تحفة ويجنن واعتقد احنا داخلين على جواز ولازم الكريم دة يبقة موجود معانا :up::up::up::up::up::up::up::up:


واللى مطمنى بالنسبة للكريم دة انة من منتجات كلينيك

وكلينيك دية ماركة عالمية وطبية انا شخصيا جربت منها كذا حاجة كانت جتلى منها عينات
يعنى كريم للوجة ومزيل مكياج العين :s2:s2:s2:cool2::cool2::cool2::cool2:

بس الكريم دة انا مجربتهوش

يا ريت يا بنات اللى تعرف اى محل فى مصر بيبيع منتجات كلينيك تقول لنا علشان نشترية

على فكرة الكريم اسمة


sparkel skin
body exfoliating cream
clinique

وعلبتة لو نها ازرق فاتح

ازيكوا يا بنات عاملين ايه كلكم

معلش انا ماعرفتش اقرا رددودكم كلها لاني تعبانه جدا بس حبيت اسلم عليكم

واقول لهاله الف مبروك على التميز يا جميل وعقبال باقي البنات

وكمان حبيت اقلكم اني اللي شايفه في المجلات بتاعت 2004 ان الطرحه الاسبانش لسه موجوده وما ختفتش للدرجه دي وكمان لما بيستخدموها هي نفسها كطرحه دورين بشكل معين اعتقد فاهمين قصدي ليه بتقولوا انها اختفت

انا انهارضه كنت عند الخياطه وفليت المجلات عندها اتفرج على الطرح علشان كده بقلكم اني لاقيت الاسبانش لسه موجوده بدرجه كبيره لدرجة اني بعد ما كنت مقرره اعملها دورين بدات افكر تاني في الاسبانش

ممكن تقلولي ليه قولتوا انها ما بقتش موضه بجد ردوا عليا وما تطنشوش علشان الحق اخد قراري واتفق معاها على شكل الطرحه

بكره بقى ان شاء الله ابقى فايقه وارد عليكو واحده واحده

سلام دلوقتي