هام للبنات المصريات

1-مصراوية
أنا عيني ليكي ياقمر إحنا إخوات ومافيش بينا جمايل بصي ياعسل
إنت ليكي سويد في الفندق لمدة ليلتين هدية من الفندق وممكن تجيبي الكوافير بتاعك فيها وطبعا فكرة إن باباكي يسلمك لعريسك فكرة جميلة فعلا وممكن تعمليها بانسبة للقاعة جاية علي شكل نص دايرة وكلها إزاز بيطل على النيل والبوفية بيبقى برة القاعة عشان الريحة وكدة والكوشة بتبقى في النص وقدامها البيست

مصراوية
بالنسبة للوصيفات أنا اللي جيباهم من قرايبي وهفصلهم فساتين ليهم تبقى بتنقى أحلى بنات عيلتك وأرشقهم ممكن إنت تنقي وصيفات بنات صغيرين بليه بس ده طبعا بفلوس زيادة وبتتفقي مع المتعهد عليها وبالنسبة للزفة أنا إخرت الدمياطية لأن الكمنجات هادية على الفرح ومش أي حد يفهمها وبالنسبة لشو دخولي مش عارفة نظامها إيه أنا لسة ماروحتش للمتعهد وإتفقت معاه.
شكرا قوي قوي قوي عل الموقع ياقمر فعلا جه في وقته:smile:

2-هالة
ألف ألف ألف مبروك ياعسل على التميز إنت فعلا تستاهلي كل خير والله
ربنا معاكي
وألف مبروك ياعسل على الفستان وإن شاء الله يبقى تحفة عليكي

3-إيمان
بالنسبة للطرحة إنت ليكي مطلق الحرية في أختيارها ياجميل بس أنا شوفت كذا دفيليه في التلفزيون رجعت الطرحة القصيرة تاني وكمان الخياطة بتاعتي وصحابي كلهم بيقولوا كدة على فكرة شوفي إيه اللي مريحك نفسيا وإعمليه ربنا معاكي ياجميل.

هالة

كلهم بيقولوا لك مبروك
ع التميزززززز


تميز ايه انا مش فاهمة حاجة؟؟؟

وع العموم

الف مبروك

ريهام

هالة

ايمان

ليه ما قلتوش ليا رايكم في حكاية انكم تدخلوا صور ليكم بفساتين الفرح ع الاسكنر

ونبعتها لبعض ع الايميل عشان نشوف نتيجة تعب الشهور دي كلهااا؟؟؟

ياريت تقولوا لي رايكم
مع انه من الواضح انه الفكرة ما عجبتكمشي

مصراوية
ياعمري الفكرة روعة والله ووعد مني هبعتلك صورتي على الإيميل يتاعي
بعد الفرح على طول.مصراوية لو بعدالشر بعدالشر بعدالشر إتأجل فرحك
للسنة الجاية هبعتلك عطر الفراش وأي حاجة عايزاها ومش لاقياها هنا في مصر من الكويت أنا عيني ليكي إنت والبنات.

والله يا ريهام

شكلك كده من الاول من مشاركاتك انك جدعو جداا
وانا مبسوطة اوي انك انتي موافقة علي فكرة الصور دي

دي حركة اخر جدعنة منك:up:


شكرا يا ستي علي ذوقك


وبالنسبة لعطر الفراش تسلمي والله يا ريهام ده من ذوقك والله
ويا ستي والله لما قلتيها كانها وصلت

ده كفاية جدااا علينا

والله مش محتاجين اكتر من كده

وشكرا ياريهام جدا جدا
بس اكيد احنا ممكن نلاقيه هنا ان شاء الله


مش محتاجة خالص انك تتعبي نفسك




بس انا مبسوطة جدا انك وافقتي علي اننا نرسلي لبعض صور الافراح
ع الاقل نحس انه في تواصل وعلاقات طيبة بينااااا


مش مجرد مشاركات في الموضوع وبس



:up::up:


منتظرة راي الباقيين


بس يارب بعد الجواز ما تنسوناش
وتنشغلوا بالعرسان

:D2:D2:D2

بصوا بقا كده وركزوا معاياااااا



اوكي



ادخلوا الموقع ده

ده موقع للمصمم اللبناني زياد نكد

سيبكم من الاسم
خليكم في الموديل اللي هقولكم عليه
:yes: :yes:


بصوا بعد ما تدخلوا الموقع دوسوا علي wedding

رابع كلمة من الشمال :o


هتلاقوا اول مجموعة اربع فساتين
سيبكم منهم





ودوسوا next

مكتوبة في صور الفساتين

هتظهر لكم اربع فساتين تانين

دوسوا علي اول صورة من الشمال
الموديل الوحيد فيهم من غير طرحة


اوكي (wink) (wink)


دوسوا عليه كليك شمال وكبروا الصورة

اوكي


هيطلع لكم حتة موديل فستان هتجنن عليه وهيخبلني وهمموووووووووووووت لو ما لبستش زيه في فرحي ان شاء الله



بعد ما تشوفوه وتدققوا فيه كويس

عايزاكم تقولوا لي رايكم بكل امانة وصراحة وبدون مجاملة


لانه فعلا تحفة وعاجبني موووووووووووت

وان شاء الله لو ربنا اراد واتجوزت ان شاء الله
هعمل الموديل ده لانه شيك ورقيق اوي



وانا شرحت الطريقة للوصول للموديل شرح مفصل عشان اللي هتدخل ومش هتقول لي رايها هزعلي منها


لازم كلكم تقولوا لي رايكم في الموديل

بس طبعا سيبكم من شوية الاضافات اللبنانية المجنونة اللي ع الكم والوردة الكبيرة اوي اللي ع الفستان


لو ان الوردة لذيذة



منتظرة رايكم








علي فكرة يا ايمان
الطرحة الاسبانش ما بطلتش موضتها

بس قدمت شوية استهلكت يعني

اي عروسة بتكون عملاها
يعني تقريبا اي فرح تروحيه العروسة طرحتها اسبانش


وانتي تعمليها في حالة واحدة بس لو موديل الفستان ما يناسبهوش غير الطرحة دي وبس

لكن ما دمتي بتفصلي وادامك كذا موديل من راي تجدددي وتعملي حاجة جديدة


لان الاسبانش
كل العرايس عملينها من كام سنة لحد دلوقتي

مش جديدة
خلاص

افكارها وموديلاتها كلها استهلكت

ومنتظرة رايك في الموديل

ورايكم كلكم


:z_bye:

معلش والله نسيت ادخل لكم الموقع


:D2:D2:D2


هوده الموقع

http://go.3roos.com/WLsngyZdsIe

ازيكوا يا بنات عاملين ايه
وحشتوني جدا

مصراويه ازيك يا قمر

بصي بقى يا سيتي بالنسبه للصور انا طبعا موافقه على الفكره وعلشان خاطرك مستعده ابعتلك صور بتفاصيل الفرح كلها يعني الزفه والدخله وشو التورته وكل اللي انتي عايزاه كمان بس انتي اامري

بتلنسبه للفستان هو رقيق وظريف وانتي زوقك ما يختلفش عليه اتنين بس انا حاسه انه يشبه الموديل اللي كنتي مختاراه قبل كده يعني نفس الروح مع فرق التطريز وان كنت انا حاسه ان الاول هيليق عليكي اكتر مع اني ما شفتكيش بس الروح التاني شقي شويه مش عارفه انتي فاهمه قصدي ولا لا

بالنسبه للطرحه انا فعلا محتاره اختار ايه طبعا علشان تثبيت الطرحه مع الحجاب يعني لسه مش قادره احدد انه واحده هتليق اكتر ساعات باحس ان الاسبانش هتدي ضي على الفستان علشان انتي عارفه ان موديله سيمبل ومايل للامريكاني وتطريزه قليل جدا وساعات احس ان القصيره اشيك بجد محتاره ومش عارفه اختار لسه انا مش عارفه ايه الشغلانه دي شغلانه علشان الواحد يفصل فستان وشغلانه علشان يختارله الطرحه ساعات باحس ان اختيار فورمة الشعر اسهل من طرحة الحجاب بس ولو يا انا يا هي

ادعيلي يا مصراويه اوصل لفكره كويسه خصوصا ان انا شفت في مجلة ويدنج شغل داليا مرجان وما عجبنيش قوي حسيت انه مكلكع شويه على الوش وانا عايزه حاجاه رقيقه

قليلي انتي رايك ايه مش انتي عارفه موديل الفستان ولا نستيه اديني رايك

اما هاله يا سيتي احنا بنبارك لها علشان طلعت من الاعضاء المميزين للشهر اللي فات شوفي الموضوع على الركن وانتي تعرفي


ريهام مرسي يا حبيبتي على ردك بس انا فعلا زي ما قلت لمصراويه محتاره اختار ايه وعلشان كده كنت باخد رايكم

على فكره انا مبسوطه قوي يا ريهام انك ارتحتي لمدام سهير هي ست شيك وظريفه ممكن تقليلي هي هتعمل الدفليه بتاعها فين ويا ترى لو تعرفي الموقع بتاعها على النت تنزليه هنا لانه ضاع مني

وواضح من وصفك ان فرحك انشاء الله هيبقى تحفه بس يا تره الدي جي في الفرح هيكون ياسر الحريري نفسه ولا بس حد من مكتبه علشان اللي انا اعرفه انه هو ليه سعر مخصوص لاني با فكر اتعاقد معاه بدل الدي جي بتاع الدار

كويس قوي يا ريهام انك عندك في العيله وصيفات شرف انا بقى لا عندي بنات صغيرن ولا كبار علشان كده بافكر في بنات الباليه انتي ايه رايك


ازيك يا هاله
عاملي ايه وايه اخبارك انا مبسوطه انك فكراني وبترنيلي ونفسي اشحن بقه علشان ارنلك واكلمك وابعتلك ماسج انا كمان

يا ترى يا هاله اخبار الماكيره معاكي ايه اتفقتي مع حد ولا لسه انا برضه لسه محتاره ومش عارفه اخد قرار

بالنسبه للماركه اللي سالتي عليها دي انا اول مره اسمع عنها منك ومش عارفه بصراحه بتباع فين بس لو عرفت من اي حد هقلك على طول

تواتر2002 انا متشكره قوي على تليفون الشركه بس انتي ما عندكيش عنوان ليها علشان انا نفسي ارحلهم واشوف منجاتهم واسعارهم ان شاء الله
وانتي ايه اخبارك مختفيه عننا ليه يا جميل

قلب العصفوره وامل خباركم ايه طمنونا عليكم وان شاء الله تكون مشاكلكم اتحلت على خير

برايد وحشاني جدا يا ترى ايه اخر اخبارك طمنينا واخبار الخياطه معاكي ايه ان شاء الله تكوني عملتي بروفه قريب علشان تطمني شويه ربنا معاكي

السلام عليكم ورحمة الله وبركاته

إزيكم يابنات ياعسل وحشتوني قوي يارب تكونوا كلكم بخير.

1-مصراوية
أنا زعلانة منك جدا جدا جدا جدا جدا جدا جدا جدا جدا جدا جدا جدا :down:
عشان إنت بتعملي فرق بينا ومش معتبراني أخت ليكي أنت تقدري تعملي مع أختك شقيقتك كدة؟؟؟؟؟؟؟:mad2:
يابنتي أنا عيني ليكي إنت وأي بنت طالبة حاجة مني.

مصراوية بالنسبة للفستان فهو تحفة وشيك قوي:clap:
وأحلى كمان من الفستان اللي كنتي مختاراه في الأول ماشاءالله
باين عليكي ذوقك عالي وهتبقي قمر وستايل قوي في فرحك ربنا يوفقك

2- إيمان
إزيك ياقمر وحشتيني موت .لوياإيمانهتلبسي الحجاب في الفرح فالإسبانش هتليق عليكي أكتر ولو مش هتلبسيه إعملي القصيرة أحلى
وبالنسبة لمدام سهير أنا الحمدلله مرتاحة معاهاقوي بس لحد دلوقتي ماعرفش هتعمل الدفيليه فين؟؟والسايت بتاعها مابيتفتحش خالص.
بالنسبة لياسر الحريري أظن إن حد من مكتبه هواللي هيعملي الفرح وهو كويس قوي فعلا.أما فكرة الوصيفات الباليه فهي تجنن وشيك فعلا
أنا هروح للمتعهد قريب وأعرفلك الأسعار بالظبط بالنسبة للدي جيه والوصيفات أنا تحت أمرك ياجميل.:shy:

فعلا الفستان روعة و نفس شكل فستان مرفت عروس الهوا سوا


تم تخطيه الاجزاء العاريه

بواسطه زينه مشرفه الركن

ريهام ازيك يا جميل عامله ايه

انا عارفه ان احنا دوخناكي باسالتنا الكتير

بس بجد انتي بنت جدعه جدا ومش بتتاخري على حد خالص

والله بجد انا فعلا باحبك يا ريهام

مرسي يا جميل على ردك عليا بخصوص الطرحه وانا بافكر لسه في طريقة الحجاب نفسه علشان اقدر اختار شكل الطرحه وبصراحه نفسي اجرب الاتنين علشان اشوف من لايق على وشي اكتر الموضوع ده محيرني جدا

تعرفي يا ريهام انا الخياطه بتاعتي برضه بتقولي خليكي في الاسبانش علشان الحجاب بس انا برضه شفت حجاب بالطرحه القصيره بس مش عارفه شكله عليا هيكون ايه

انا عارفه اني متعبه جدا وتعبت الكل معايا تعبتكم هنا معايا وتعبت ماما كمان لاني مش عارفه استقر على راى نفسي اجرب شكل الاتنين ومش عارفه ازاي يلا اديني بافكر وبادور


انا مبسوطه ان فكرة بنات الباليه عجبتك وادتيني رايك فيها طبعا لاني ما عنديش بنات في العيله ينفعوا وصيفات وحتى اللي عندي مش موافقين يلبسوا زي بعض كل واحده عايزه تلبس اللي على مزاجها وطبعا مش هيغيروا في الفرح تاني مع ان في سويت تبع الدار ممكن يغيروا هدومهم فيه بس هما حريين
وانا مش بيعجبني لما يبقوا الوصيفات كل واحده شكل طيب شكلهم يبقى لخبطه يعني قلت اريح نفسي واجيب بنات الباليه واهم لبسهم واحد وشكلهم رقيق مش كده اريح برضه

:D2:D2:D2:D2:D2:D2

يا ريت يا ريهام لما تعرفي معاد ومكان الديفليه بتاع مدام سهير تقوليلي


قلب العصفوره انا زعلانه منك علشان ماجتيش تطمنينا عليكي في الموضوع وتقوليلنا اخر اخبارك

على العموم مبروك على الخطوبه انا عرفت من موضوع تاني يا وحشه كنت فاكره انك هتفرحينا معاكي

امل يا ترى ايه اخبارك انتي كمان يا رب تكون المشاكل عدت على خير ونفرح بيكي بقى

باقي البنات وحشتوني كلكم انتوا فين

ايمان

انا مبسوطة اوي ان الفستان عجبك

بس انا من راي ده اقيم من التاني
مع انهم فعلا قريبين من بعض

وانا فاهمة رايك فعلااا


وبالنسبة للطرحة

والله يا ايمان كنت ناسية خالص انك هتتحجبي
بس ما دام حجاب
يا ايمان بدون ترددددددددددد لابد من اسبانش
لان الدورين مش هتكون ظريفة زي الاسبانش ع الحجاب


لان الاسبانش الذذذذذذذذ كتير ع الحجاب
الدورين هتحسي انها عالية

انما الاسبانش هتكون رقيقة وسيمبل


وبالنسبة للمكياج
بيتهيا لي يا ايمان اعملي عند مسيو عبده ده اضمن وما فيش اي حد اختلف عليه لحد دلوفتي

ولو مش عايزا راجل مراته تعمل لك

واعتقد انك مع الحجاب مش معقول هياخد منك مبلغ كبيررررر


وانا فاكرة الموديل كويس
بس اكيد لما يتقفل للحجاب هيختلف تمامااااااا



ريهام


يا ستي ماتزعليش

وربنا يعلم معزتك عندي انتي وايمان اد ايه والله من غير ما اشوفكم
وربنا يزيدها يارب

وياستي والله انا اللي نفسي تتطلبي مني اي خدمة عيوني ليكي


يارب يخليك ياريهام ده من ذوقك

بس انتي عارفا دي ليلة العمر
وكل واحدة بتقعد تدورررر لحد ما نفوخها يضررب لحد ماتلاقي اللي عايزاه


وكل شوية اقول خلاص هوده
لحد ماالاقي احلي منه بعدين وارجع اقول لا هوده

وهكذا

خصوصا ان انا طبيعتي لسعا شوية كل شوية بحال
:D2:D2


بس كويس اوي ان فستانك طلع حلو واحلي من الصورة كمان

ياريت يا ريهام لو ترسلي لنا صورته ع الخاص او ع الايميل لو ينفع

انا شفت موديل ايمان حلو جدا جدا وسيمبل اوي




وعلي فكرة يا ريهام فكرة الوصيفات دي حلوة اوي

بس مشكلة البنات

اني عندي بنات في العيلة كتيرر
كلها بنات اساسا
بس كلهم عايزين ضرب النار


هيتنكوا بقاااااا
وكل واحدة تقول لك لا البس علي ذوقي
عشان يجيبوا عرسان بقااااااااااا
:D2

وهيعملوا فيها سندريلاااااا

وكمان فكرة ايمان بتاعة بنات البالية تعوض عنهاا ولذيذة
والله يا ريهام انتي جدعة جدا جدا جداااا:up:

وما بتتاخريش عن اي حد في اي طلب
وبتساعدي الكل


تخيلي صاحبتي كانت عاملا حسابها تشتري الفستان
بس مع طبعا تكاليف الشقة

طنشت الفستا ن خالص اصلها كل دماغها في الشقة وبس
وخليته ل الاخر


ودلوقتي بتاجر

تخيلوا ما فيش محلات حلوة اوي للتاجيررررر

بس محل مشمش اللي فوق نورهان

بيااجر فساتين كلها شيك اوي وجدية وب 850
وكمان بيعمل انك تفصل وتلبسيه اول لبسة وهو ياخده


بس احلي حاجة انه شغله نضيف اوي اوي تحفة
وتطريزه نضيف جدااااااااا

والله احلي كتير من اللي في محل نورهان

ورحنا سنتر هارون اللي في ميدان الاسماعيلية
بس ما عجبنيش

بس عندهم حتة موديل يخبل
عارفا يا ايمان زي موديلك بس الصدر مطرز والطرف مطرز من النص وزي ما تقولي نازل عليه من الجنبين قماش الفستان كانك لبسا روب من تحت الصدر اللي عليه التطريز

وملموم بوردة بس رقيق موووووووت
صاحبتي اختارته


ورحنا الفرحة اللي في عمارات العبور
مش حلو اطلاقااااا والتاجير ب 1700

بس مش حلو خالص

وتاجير انهم يفصلوا لك وتلبسيه اول لبسة ده
بيبدا من 3000 وده لاقل موديل

يعني شغله مش حلو وغالي خراب ع الفاضي

بس وهي يا عيني لسا بتدور
وبتلف

وانا ما اعرفش اماكن تاجير حلوة
ياتري ما فيش حد فيكم يعرف ؟؟؟؟؟؟؟؟؟





the cat

شكرا علي تنزيل الصورة

بس انا حاولت انزلها يقول لي الملف كبير


شكرا جدا ليكي

[COLOR=deeppink] السلام عليكم ورحمة الله وبركاته

إزيكم يابنات وحشتوني بس أنا زعلانة منكم لأن معظمكم مختفي مش عارفةليه؟؟؟خلاص مابتحبوش مصر وبنات مصر؟؟؟؟؟عموما إحنا بنحبكم وفي إنتظاركم[/COLOR]

1-إيمان
عيب ياإيمان الكلام ده إحنا إخوات وعمركم ماهتدوخوني بالعكس إنتم شرفتوني وأسعدتوني بطلابتكم
بالنسبة لمدام سهير من عيني أنا هروحلها يوم الأربعاء وإن شاءالله هسألها
حاولي ياإيمان تطلبي من الخياطة الطرحتين لوعندها تجربيهم وشوفي إيه الأصلح وربنا معاكي ياعمري.:up:

2-مصراوية
حبيبتي أنا الموديل بتاعي ماأختارتوش من ألبوم ده كان موديل مدام سهير وحاطة صورته في الأتيليه وانا ضيفتله حاجات كتير من عندي وأول مايخلص من عيني أصوره وأبعتلك الصورةزي ماإتفقنا إنت تأمري ياجميل.وبالنسبة لمحلات التأجير هسأل أصحابي وهبقى أقولك ياعسل.