هام للبنات المصريات

ازيكم يا بنات
عاملين اية فى التجهيز؟
شفتوا مجلة ويدنج 2004
دى تجنن و مكياج العرايس اللى فيها روعة
يا ترى ممكن نختار منها مكياج يوم الفرح و حد ينفذهولنا بالضبط؟
و كمان شفتو فساتي هانى البحيرى بصراحة ما عجبتنيش
حسيت انها مكلكعة اوى و انا بحب البساطة اكتر
:up::up:
كمان سمعت ان فى الموسكى فساتين حلوة و مش غالية اية رأيكم حد شافها

bridetobe

شفته المحل ده مش دايما كل حاجاته حلوة

انا دخلته الاسبوع اللي فات وبصراحةما عجبنيش فيه غير قميص اسود
بس كان مش حلو اوي

عادي يعني





the cat

بصراحة ما شفتهاش

بس نفسي اشوفهااااا
بس فساتين الموسكي مش حلوة بس عادية اوي
وفيها سيمبل بس نادرا لما تلاقي

حاجة حلوة اوي وشيك

وفي واحدة عملت فستان عند ندي اللي هناك وده احلي حاجة هناك

وكان ب 2000

بس كان وحش اوي

وخسارة والله فلوسه

بس اكيد برضوا الذوق بيفرق

بس انزلي وشوفي

ازيكم يا بنات

عاملين ايه

كل سنة وانتم طيبين :smile:

مصراوية

ازيك يا عروسة ، عاملة ايه :smile:

طيب انا السبت كنت في الحرية مول واكتشفت محلين لانجيري جداد ولاقيت فيهم طلبك والله فكرت فيك على طول أصل أنا كمان بأموت في الأحمرات

انا كمان رحت سيتي سنتر وشفت فيه محل أفتكر اسمه نادية عنده شوية فساتين تهبل بس ما أعرفش الأسعار

بالنسبة للموسكي أنا رحت قبل ما أودي فستاني للخياطة

وكانت موديلاته عادية وغالية على الفاضي فعلا

بس السواريهات هناك كانت حلوة:up:

على فكرة يا مصراوية انت ممكن تركبي عطر الفراش من العطور الشرقية عند ى محل عطور تركيب (ده اللى اكتشفته امبارح) أنا عندي زجاجةمعطر للفراش من زمان ولما رحت المحل لاقيت ان العطور الشرقية عنده ممكن تنفع :smile: (جربي واسألي على العود - مش دهن العود خلي بالك) هيعجبك ان شاء الله.


يلا سلام دلوقت وأشوفكم قريب ان شاء الله
مع السلامة

ازيكم يا بنوتات وحشتوني وحشتوني وحشتونييييييييي

معلش مش شاغلني عنكم غير الشديد القوي وهو طبعا الفرش والفستان والشغل بالنسبه للفرش هانت قدامي اسبوع كمان وتيجي السفره ودي اخر حاجه ناقصه اما الشغل قدامي حوالي 3 ايام واخلصه اما الفستان محتاجه منكم الدعاء لاني لسه ما وصلتش لحد كويس وتعبت من كتر التدوير والوقت بيجري بسرعه جدا وانا خلاص اعصابي باظت خالص
:confused::confused::confused::confused::confused:

تخيلوا رحت لواحده اسمها مدام سهير في الهرم هي بصراحه شغلها تحفه وممتاز ونظيف جدا والست زوق جدا بس سعرها ما قدرتش عليه غالي قوي يعني قالتلي هتاخد على تفصيل الفستان 2500 اما التطريز 750 مع اني فستاني سيمبل جدا وتقريبا مافهوش اي تطريز زي الموديلات الامريكاني ده طبعا غير حساب الديل يعني الفستان لو ضيفت عليه سعر القماش يعمل حوالي 5500 او 6000 وده طبعا كتير لاني بصراحه بستحرم ان فستان الفرح هيبقى غالي ومش هيتلبس غير كام ساعه وبعدين يتركن ولسه بادور على حد معقل انا تعبت من اسعار الجاهز والتفصيل بس بصراحه لحد دلوقتي حاسه ان التفصيل مستواه احسن

فوانيس

نورتي الموضوع وربنا ما يحرمنا من طلتك علينا

فتاه مسلمه

بصي يا سيتي الصابونه والليفه بيجوا من عند العطار انا سالت على الصابونه عند واحد مره بس كانت خلصت ولسه ما رحتش تاني علشان اشوفه جاب جديد ولا لا واول ما الاقيه هاقلكم على طول اما طريقة العمل تلاقيها في موضوع مصراويه اللي الرابط بتاعه موجود هنا بتاع ايه اللي عملتيه لشعرك وبشرتك وجسمك كله هتلاقي اختنا مرموم مشكوره شارحه الطريقه بالتفصيل الممل بس بصراحه هايله هتعرفي تعمليها بسهوله

bridetobe

الزغروطه وصلت يا قمر
وانا كمان والله مبسوطه ان احنا اتكلمنا سوى ومعلش اليومين دول مش عارفه اكلمك لاني مشغوله مووووووت بس قريب هاطمن عليكي وربنا معاكي ويوفقك في شغلك

مصراويه

ازيك يا يا باشا اخبارك ايه ربنا يا رب يخليكي ليا وما يحرمنيش منك وعقبال ما تتعبي انتي كمان التعب ده قريب ونفرح بيكي يا جميل
اما الفستان ادعيلي بقى اخلص منه

the cat

ازيك نورتي من تاني بالنسبه لفساتين هاني البحيري انا معاكي انها مكلكعه قوي اما موضوع الموسكي مش دايما مضمون وانتي وزوقك بس غالبا الفستان بيحتاج تظبيط بعد ما تجيبيه من الموسكي ده اللي انا اعرفه واحسن واحد هناك ندا

هاله وامل فينكم وحشتونا

اقلكم سلام بقى وان شاء الله ارجع تاني قريب

كلكم كده اختفيتوا مره واحده اول ما انا ظهرت

ولا بنت فاضيه تبص على الموضوع

يلا حظي كده يظهر هكلم نفسي اليومين دول

:eek2::eek2::eek2::eek2::eek2::eek2:

كل البنات الحلوين الغاليين ايه أخبارهم؟؟؟

أنا عارفة اني غبت عنكم كتير بس معلش سامحوني يا حبايب قلبي

ايمان، مصراوية، هالة

عاملين ايه يا بنات؟؟ وحشتوني موت

bridetobe أخبارك ايه؟ ميرسي على دعوتك الرقيقة

ربنا يفرحنا بيكم يا بنات بس بلاش قلق و ريحوا أعصابكم، تعرفوا تعملوا باردين؟؟؟ بجد مش باهزر!! لازم تبفوا هاديين في الفترة الاخيرة ده لأن ده بينعكس بشكل كبير على صحتكم و شكلكم و عنيكم بالذات و احنا عاوزينكم تكونوا عرايس زي القمر. كل حاجة حتبقى تمام ان شاء الله و حتخلصوا كل حاجة في وقتها و ربنا يتمم لكم بخير

ادعولي أنا كمان أحصلكم بقى!!!! أحسن انتوا فتحتوا نفسي خالص!!! :D2 :cool2:

ياللا باي مؤقتا يا كتاكيت!!!

:smile::s
mile::smile:

وحشتونيييييييييييييييييييييي مووووووووووووووووووووت

عاملين ايه كلكم

انا الأسبوع اللى فات مت من اللف على المحلات والقماش والمشاوير

تعبت خالص :pain::pain:

مصراوية وايمي وأمل وكلكم يا بنات وحشتوني موت

مصراوية يا رب تكوني جربت العطر اللى قلت لك عليه

ايمي ربنا معك

انا كل ده ولسة ما خلصش شغل الفستان أول ما تبدأ البروفات هاقولك على طول ان شاء الله ما تخافيش أنا فاكرة ومش ناسية :shy:

عقبالك يا أمولة يا رب عن قريب إن شاء الله

يا بنات محتجة مساعدتكم

انا دلوقت عمالة أجيب في اللبس للخروج والشغل

اجيب ايه؟ يعني كم بلوزة وكم تايور وكم بدلة

انا لحد دلوقت جبت 3 بدل و2 تايور و2 فستان أبريميدي

وأربع أطقم كاجوال يعني جيبات وبلوزات ، تفتكروا كده كفاية والا أعمل ايه

ساعدوني والله تعبت خالص من الموضوع ده :confused::pain: وخايفة اني أكون ما جبتش حاجة كفاية :confused:

قولوا لي أعمل ايه

في انتظار ردكم

سلام دلوقت

: ازيكم يا عرايس يا حلوين ازيك يا ايمان و مصراوية و امل و كل العروسات اللى فى المنتدى
اية اخبار القلق و التوتر؟؟؟؟؟؟:eek2::eek2::eek2:
انا قلت اعدى عليكم و افكركم انه المفروض قبل الفرح بشهرين على الاقل ما تحطوش اى ميكب علشان يوم الفرح بشرتكم تكون صافية و كمان مع دخول الصيف و الحر دة اوعوا تخرجو الا و انتو حاطين sun block
علشان ما تسمروش.
و لو عرفت نصايح جديدة هاقولكم على طول
باااااااى

ازيكم كلكم وحشتوين وحشتوني


معلش كنت مشغولة عنكم

كيفكم وايه اخر اخباركم
بس من الواضح ان كل العرايس مشغولين مش فاضيين خالص

ربنا معاكم وعقبالي انا كمان يارب

امين

:smile::smile:


ايمان

ربنا معاكي ويقويكي ع التشطيبات النهائية دي في الشقة لانها بتكون اصعب حاجة

والله مبسوطة اوي انك انتي بتشطبي بقا عشان تفضي للفرح بدري

وايه اخبار النجف والسجاد


والله يكون في عونك في حكاية
الفستان دي فعلااااااااا


لانها متعبة اوي اوي

ربنا معاكي
وياريت ما تغيبيش علينا كتير
وياريت يا ايمان لو ترسلي لي رقم تليفونك ع الخاص والنبي لانه ضاع مني
وانتي وحشاني اوي ونفسي اكلمك

:shy::shy:


امل عادل

فينك يابنتي بتروحي فين ده كله
ربنا يقويكي بس ما تغيببيش اوي كده تاني



bridetobe
منورة الموضوع
وعمملة له طعم

ومتشكرة علي سؤالك

وبالنسبة للبرفان لا والله لسا ما اشتريتهوش

بس انتي عارفا انا نفسي في ايه


نفسي في برفان استعمله يوم الدخلة
بس تكون ريحته قوية جدا ومميزة جداجداااااا


من الاخر يدوخ زي ما بيقولوااااااااااااااا

:up:


بس ياريت لو واحدة فيكم تعرف برفان يقدر يفيدني في النقطة دي
:D2:D2

وانتي ما قلتيش اللبس ده صيفي وشتوي والا صيفي بس

ولو صيفي يبقا كفاية


بصي يا ستي


انا كنت ناوية ان شاء الله

في الصيف ده
اشتري 3 بدل
واحدة اشتريها في اول الصيف وواحدة في اوله وواحدة في اخره
في التخفيضات


بس مش اي بدل


بدل تخبل وتجنن

:up:

من محل في اركاديااااا
بس اشيك واحلي محل فيه احلي وارق واشيك بدل في مصرررررر

هو صحيح غالي شوية:pain:


بس يستاهل
:up:


يعني من الاخر لو عايزة لما تلبسي البدلة
وكل اللي يشوفواها عينهم تتلقع عليهااااااا

:D2


انا اشترات منه واحدة الصيف اللي فات بس تجنن


بس هو عيبه الوحيد انه البدل غالية اوي ب 500 الواحدة

المهم
يوم الخميس اللي فات رحت للخياطة

انا وصاحبتي عشان صاحبتي هتخيط قمصان نوم
وقميص نوم وروب الصباحية

والخياطة قالت لي البدلة الشتوي بتاعتك خلصت
وراحت جابتها عشان اقيسهااااااااااا





وصاحبتي شافت البدلة

وقمت قيستهاااااااا

وصاحبتي تقول لي البدلة دي مش جاهزة

اقول ليها يابنتي انتي عبيطة انا دخلت معايا حاجة
ما هي اللي جيباها من جوااااااا


تقول لي استحالة استحالة

دي تكون متخيطااااااااا

والله يارباب احلي من الجاهزة


ومش معقول قماشها ده من هنا
قلت لها والله من الوكالة


والله والله فعلا حتة بدلة تجنن


وخرجت من عندها

وانا مقررة
اني هنزل الوكالة اشتري قماش بدل صيفي

واروح سالم اللي في المهندسين اشتريي قماشة بدلة غالية اوي
اللي هي المتر ب كتيررررررر:D2:D2


واخليها تعمل لي بدل

ومش هشتري غير بدلة واحدة وفي حالة واحدة

ان يكون الموديل جديد ومميز

عشان بس اغير
انما لو كلها عادية
هخيطهم التلاثة ان شاءا لله


بس بامانة والله

اي عروسة

ناوية ع الصيف

بجد والله والله لازم لازم تعملوا بدل في الجهاز


انا ان كل لبسي الشتوي بدل
خمس بدل

وجربوهااااا والله علي ضمانتي

وهتدعوا لي لما تقولوا بس


بس قولوا والنبي يا رب اتجوز بقا في الصيف والنبي
:confused::confused::confused::confused:

ازيكم يا بنوتات عاملين ايه

امل ازيك يا قمر وحشاني مووووووووووووووت بس اعمل ايه في الدوشه اللي انا فيها دي يلا ربنا يعدي الايام الفاضله دي على خير

انا فعلا يا امل مش باحاول اشد اعصابي بس غصب عني اعصابي بتفلت لما الوقت يجري واحس ان نسبة الانجاز قليله

خصوصا ان الشغلانه بتاعت المستشفى اللي معايا لسه بتتشطب يلا هانت كلها يومين وان شاء الله اخلصها بقى وافوق

ادعيلي يا امل وان شاء الله اطمن عليكي قريب وربنا معاكي ويقويكي على شغلك

bridetobe
ربنا معاكي ويقويكي في الحاجات اللي وراكي انا حاسه بيكي والله ربنا معانا احنا الاتنين وعقبال كل البنات بس من غير ما يتزنقوا زينا

مرسي يا جميل انا متاكده طبعا انك فكراني وعارفه ان الشغل بياخد وقت ربنا معاكي ويطلع الفستان على احسن صوره على العموم انا لسه بادور وباشوف ناس يمكن اقدر اوصل لحد كويس ادعيلي

the cat
ازيك عامله ايه وحشتينامرسي يا حميل على نصايحك ان شاء الله نعمل بيها انا شخصيا مش باحط مكياج خالص دي طبيعتي مش باحبه الا في الضروري اما موضوع النزول في الشمس اعمل ايه دايما انزل مستعجله ومش بافتكر خالص بس هاحاول افتكر اليومين دول

المهم انتي ما تغبيش علينا كتير

مصراويه ازيك يا جميل وحشتيني يا وحشه

انا برضه عماله اقول ما سالتش عليا خالص اتاريكي ضيعتي النمره على العموم هابعتهالك تاني يا سيتي على الخاص

انا يا سيتي خلصت السجاد اخيرا لسه النجف والستاير

اما باقي الفرش جاي اخر الاسبوع ده علشان كده مشغوله اليومين الجايين شويه

اما الفستان ده بقيت حكايته معايا حكايه انا على العموم نزلت سالت على انواع القماش في الوكاله ولاقيت حاجات كويسه قوي وغالبا هاجيب من هناك بس لما اعرف عدد الامتار من اللي هيخيطلى ولسه في علم الغيب ده

تصدقي يا مصراويه انا من كتر ما شفت ناس حاسه ان الفستان عمل معايا زي لفة القاعات بالظبط دي بقت شغلانه متعبه على العموم انا نازله بكره اشوف اتنين كمان ادعيلي الاقي منهم واحده كويسه بقى لان الوقت بيجري جدا كده فعلا يادوب ابدا في الفستان لو كنت ناويه البسه في الفرح طبعا

المهم انتي ايه اخبارك وازى خطيبك عامل ايه وما فيش اخبار عن تحديد ميعاد الفرح ان شاء الله يكون قريب علشان افرح بيكي بقى

ياريت لو بتكلمي هاله بلغيها سلامي
اقلكم سلام بقى علشان الحق انام شويه

دعواتكم معايا يا بنات

ازيكم يا بنات عاملين ايه؟

يا رب تكونوا كلكم في أحسن حال ان شاء الله

مصراوية

ربنا يخليكي والله انك كلك ذوق، أنا كمان نفسي زيك بس مش عارفة أعمل ايه أو أجيب من فين لو عرفت حاجة هاقولك ان شاء الله، هو بصي في مرة كنت راجعة من السفر ولاقيت حاجات حلوة في السوق الحرة ممكن تدوري في السوق الحرة في المهندسين أنا جبت كم واحدة بس مش فاكرة أسمائهم :pain: سامحيني أنا بقيت مسطلة خالص اليومين دول :o

عموما اللبس كله صيفي انا شريت صيفي بس لأني باتجوز في الصيف ان شاء الله ما فيش داعي ادفع في شتوي وبعدين جسمي يتغير ولا حاجة

يا ريت تبعتي لي عنوان الخياطة شوقتيني أجربها والله، أنا كمان رحت الوكالة ولفيت لما اتهريت بس فيه محل في الأول اسمه ساندي لاقيت عنده حاجات حلوة قوي ابقي عدي عليه :cool2:

بالنسبة للمحل بتاع أركيديا معك حق أنا تقريبا شفتهم كلهم فيه كمان روجادا وبرضه غالي موووووووووت يعني البدلة بترسي برضه على 500 وبعدين لسة الطرحة والشوز وباقي الطقم تدخل لها في 700 أو 800.:pain::confused: فلوسي كلها رايحة على الحاجات دي :pain: يلا ربنا يجعله بفايدة ان شاء الله :D2

أما أنا لاقيت يا بنات حتة محل ايشاربات في روكسي

يمكن كتير منكم يعرفه بس أنا بقالي كثير ما نزلتش علشان كده اتفاجأت

مكانه في الممر اللي أمام فورتين وهو في الدور العلوي مش الأرضي عنده شوية طرح هندي فظيعة وأسعاره يعني بعد الفصال ممكن 30 يجيبوا طرحة هندي حلوة :up:


ايمي

ربنا معك يا جميله وان شاء الله كله يكون تمام وربنا يتمم بخير وعقبالك يا مصراوية ونفرح بك قريب ان شاء الله :clap::clap:

هارجع لكم قريب ان شاء الله

مصراوية يا حبيبتى عايزة برفان مميز لليلة الدخلة بس هو ماركة و غالى
extra vagance d'amarige givenchi
جربية و قوليلى رايك

السلام عليكم ورحمة الله وبركاته

إزيكم يابنات المنتدى الحلوين وحشتوني:smile:

1-هالة

شكرا ياهالة على ذوقك حبيبتي وأتمنى إن شاء الله نبقى صحاب وأنا

فرحت قويلما عرفت إنك من مواليد الكويت.


2-أمل

شكرا قوي على ترحيبك بية يا أمل ويارب تكوني بخير.


3-إيمان

إنت ذوق وقمة في الشياكة ياباشمهندسة إيمان وأتمنى نبقى أصحاب

ويارب يهنيكي في حياتك وتفرحي إنت فعلا مكسب لأهلك.

4-فوانيس

شكرا ليكي على تشجيعك المستمر للبنات.


5-bridetobe

إنت فعلا اللي منورة الموضوع وشكرا على رقتك.


6-مصراوية

أنا حباكي قوي من قراءتي لردودك إنت فعلا دمك خفيف زي كل بنات

مصر.:shy:

يابنات أحب أقولكم تجربتي في خطوبتي أنا عملتها في قاعة كاميليا

في دار الدفاع الجوي إتكلف حوالي15ألف وكان المدعوين 150شخص

أما الفستان فكان خطيبي جايبهولي من الكويت والكوافير عملت عند

مجدي وسيد بس كان هايل والله وسعره كويس 500جنيه.

أما جوازي هعمله في فندق سميراميس وحجزت النهاردة يوم 16/8

وهيكلفني تقريبا25ألف بس بصراحة قاعة تحفة كلها بتطل على النيل

والفندق تحفة وسعر أرخص كتير من الدارات يابنات نصيحة من أخت

ليكم أعملوا في الفنادق أفخم وأرخص والله أنا هعمل الكوافير برضه

عند مجدي وسيد أحسن في التسريحات من مسيو عبده والله أنا أقدر

أجيب مسيو عبده بس تسريحات مجدي أحسن منه مليون مرة وبفكر أجيب

علاء التونسي ماكيير والاتنين هيكلفوني زي اللي هياخده مسيو عبده

تقريبا.

يابنات أنا هطلب منكم طلب لوسمحتم أنا عايزة تليفون وعنوان خياطة

كويسة وأنا إمكانياتي لحد6000في فستان الفرح ياريت تخدموني بسرعة

عشان ألحق أعمل الفستان. وشكرا.