هام للبنات المصريات

ريهام الف الف مبروك على حجز الفرح وربنا يتمم لك بخير وان شاء الله تكوني احسن عروسه يا قمر

انتي اللي كلك زوق وشياكه يا جميل وطبعا احنا اصحاب

بصي يا سيتي في خياطه كويسه في الهرم اسمها مدام سهير هي ليها سايت على النت بس للاسف مش معاياه اسمه هي كويسه وحبوبه قوي

عنوانها 2ش حسن القاضي

هاوصفلك توحلها ازاي عارفه شارع الهرم تمشي فيه لحد ما تلاقي امون مول على ايدك اليمين تلفي اول u تيرن وبعدين تدخلي من جنب امون مول ده اول يمين في اول يمين تلاقي البيت على ايدك الشمال رقمه 2 وهي في شقه رقم 4 اما التليفون مش هينفع ابعتهولك على الخاص علشان انتي لسه الخدمه دي مش عندك لان مشركاتك قليله اقل من 15 مش عارفه ابعتهولك ازاي

اتمنى اكون افدتك وربنا معاكي يا عروسه ويوفقك

-

فوانيس

شكرا ليكي على تشجيعك المستمر للبنات

تسلمين غاليتي ريهام:shy:

عشان أنا بحب مصر و أهلها الطيبين(a)(u)

ازيكم يابنات.....دايما اول مابدخل علي السايت باجي جري علي الركن بتاعكم اشوف وصلتوا لحد فين...بس انا حابة اخد رايكم في حاجة كدة بما انكم اكيد مريتوا بنفس الظروف

انا الحمد لله فتحتي اتقرت الاسبوع اللي فات بعد 4 سنين انتظار ومشاكل هو يبقي ابن عم ماما......بس جم وقت الاتفاقات الرسمية اختلفوا شوية علي المؤخر.....يعني بابا قال 30.000 وهو بيقول كتير...فياريت تقولولي هل المبلغ دة كتير.....وهو كمان مدفعش مهر....

هو اصله لسة بيبدا وبيقول بسم الله الرحمن الرحيم يعني الموضوع عالأد شوية.....يعني هل انتم كتبتم مؤخر...وكان في حدود كام بالتقريب..معلش اذا كنت بتدخل في حاجات كدة بس انا فعلا خايفة وحاطة ايدي علي قلبي لحسن كل واحد ينشف دماغه....حتي اني بقيت اخاف افرح من كتر اللي شفته....

ياريت تجاوبوني انا والله حاسة ان كلكم اخواتي....ادعولي ربنا ييسر لنا كل عسير انشاء الله

the cat

متشكرة ع البرفان وهسال عنه واشوف


ايمان
ربنا معاكي ويقويكي ان شاء الله
وخاصة عي موضوع الفستان ده

بس ياايمان لازم تطمنين وتقولي لي وصلتي لحد فين وهتعمليه فين ولاقاتي حد كويس والا لاا

وخطيبي يا ستي لسا ما رسيش علي بر
وشكلها يا ايمان هتطول لسا شوية

ادعي لي والنبي



ريهام نعمان
منورانا ومشكورة علي كلامك الحلو ده من ذوقك

وان شا ي الله ربنا يسهلها لك وتلاقي خياطة كويسة انتي كمان

وتكوني احلي عروسة
وفعلا ناس كتير اوي بتشكر في سيد وعلي
وسعرهم مش غالي


بس يا ريهام لو سمحتي

كنت عايزااسالك عن سميراميس

خطيبي مصمم ان شاءا لله لما نتجوز يعمل الفرح في فندق

ياتري انتي ال 25 الف دول

بيشملوا ايه

يعني بس مجرد حاجات بسيطة والا في حاجات حلوة زيادة
فهماني؟؟؟

يعني فيها شو تورتة وزفة كويسة وكده والا دي مجرد لحاجات بسيطة بس


بصي يا ريهام لو سمحتي قولي لي يعني ال 25 الف ايه هي امكانيات الفرح اللي هيتعملوا ب ال25 الف

فهماني ؟؟؟؟؟


وياريت لو توصفي لنا القاعة وامكانياتها وكده
فهماني

لان ناس كتير بتقول ان اقل سعر للفندق غالي
انمابيه تعملي فرح احسن كتير في الدار!!!!!!

ياريت توضحي لنا الفرق




فوانيس

منورة الموضوع

وانا اكتر واحدة من المصريات اللي في المنتدي كلهم بتحبل وبتمووووووووووت فيكي
:shy::shy:

bridetobe


بعت لك عنوانها ع الخاص


وعلي فكرة نزلت اشتري قماش بدل

في في الوكالة محل اسمه ايميل قلته
بس اسالي عليه لانه في الاخر خالص

هو معروف

عنده انواع كتان حلو اوي ينفع يتعمل بدل وبنطلونات كاجوال وشيميزات

ان ان شاء الله هشتري من عنده اللون البستاج والفوشيا الهادي
حلو اوي

ورخيص اوي ب20 المتر ولسا هفاصل
تخيلي

:up:

قلب العصفوره

الف مبروك على الفاتحه وربنا يتمم بخير ومعلش كل جوازه ودايما يبقى فيها مشاكل بس بتعدي وربنا يسهلها بس انتي ادعي كتير

اما موضوع المؤخر ده صعب حد يفتيكي فيه لان الظرف بتختلف من واحده للتانيه وده بيبقى تبعا لتقدير الاهل للشخص ومدى معرفتهم وثقتهم فيه وانتي بتقولي انه قريبك يعني مفروض ان اهلك عارفينه كويس وواثقين فيه بس لو الموضوع ده هيعمل مشكله حاولي تكلميه وتقنعيه ان يوفاقهم علشان الموضوع يمشي وده في الاخر كلام على ورق يعني ان شاء الله ربنا يجمعكم دايما على خير ومش هيحتاج يدفعه اما لو على الرسوم بتاعت كتب الكتاب فدي مقدور عليها وبسيطه ان شاء الله بس هو ربنا يهدهولك ويعدي الموضوع علشان الدنيا تمشي

اما لو على المبلغ انا في علتي ماحدش كتب المبلغ ده علشان احنا مش بنهتم بموضوع المهر ده لكن في ناس تانيه كتبت اكتر من كده بكتير علشان كده قلتلك بتختلف وربنا معاكي ويعديها على خير

ازيك يا مصراويه والله وحشاني معلش افوق اليومين دول واخلص من موضوع الفستان واكلمك احكيلك على كل حاجه بالتفصيل

على فكره انا كلمت هاله في التليفون بنت الصراحه هايله ولطيفه جدا بجد انا اول ما كلمتها حسيت اني اعرفها من زمان وقالتلي على وحده كويسه في مدينة نصر هاروح ان شاء الله اشوفها وادعيلي يكون لي معاها نصيب لان الوقت خلاص انا كده فاضلي شهرين بس ربنا يستر

المهم انتي عامله ايه وماتعرفيش اخبار عن امل وحشتني جداااااا

ربنا معاكي ويوفقك خطيبك علشان تخلصوا وتتجوزوا بقى وانا بادعيلك بجد بس اوعي ما تعزمنيش على الفرح

وان شاء الله اكلمك قريب احكيلك عملت ايه الفتره اللي فاتت دي كلها

فوانيس

احنا كمان كلنا بنحبك لانك كلك زوق ورقه وادب

واحنا سعده انك بتحبي المصريين وهما كمان كلهم اكيد اكيد بيحبوكي

على فكره مصراويه قالتلي كلام عليكي في التليفون حلو قوي وبتشكر فيكي جدا

يا ريت يافوانيس تسالي علينا دايما

السلام عليكم ورحمة الله وبركاته

يابنات ياعسل وحشتوني جدا فعلا أنا إتعودت عليكم أكنكم إخواتي

وشيفاكم ربنا يهنيكم.


1-إيمان

الله يبارك فيكي ياعمري ويخليكي لية ياعسل

أنا متشكرة قوي قوي على عنوان الإتيليه وأنا فعلا روحتلها النهاردة

كان وصفيك للطريق سهل وقابلتها وأخدت معاها ميعاد يوم الثلاثاء وربنا

يسهل أنا مش عارفة أشكرك إزاي؟

ولوسمحت إبعتيلي عنوان الإتيليه اللي هتروحيه لو قدرتي معلش أنا

اسفة لأني تقلت عليكي وياريت أقدر أخدمك في أي حاجة تطلبيها ياجميل

2-فوانيس

حبيبتي مصر وبنات مصر وأهل مصر كلهم بيحبوكي ونتمنى تزورينا

عشان نقدر نعمل معاكي الواجب.

3-قلب العصفورة
ماتزعليش نفسك عشان المشاكل كل جوازة لازم يكون فيها إختلاف حتى

لوكانوا قرايب وبالنسبة للمؤخر زي ماقالتلك إيمان بتختلف من بنت للتانية

بس أظن إنه كتيرشوية مش كتير عليكي طبعا بس كتير عليه خصوصا إنه

لسة بيكون نفسه حاولي إنت تكوني حمامة السلام بين أهلك وبين خطيبك

وتجيبي حل وسط يرضي الطرفين وإن شاءالله تعدي المشكلة على خير

ربنا مايجيب مشاكل ياقلبي.

4-مصراوية

من عنية ياحبيبتي طلباتك كلها أوامر

البوفيه عشاء فاخر جدا+الشربات والمشروبات+تورتة الفرح5أدوار+

زفة التورتة+الكوشة+الزفة(دمياطية أوكمنجات كلاسيكية)+D&J(من مكتب

وليد الحريري)من أحسن الديجيهات في مصر+تصوير الفيديو(عدد2كاميرا

وشاشة)+الإضاءة والدخان+غرفة لمدة2ليلة.

سعر كل ده شامل الضرايب والخدمة19ألف جنيه لعدد130فرد ولكل فرد

زيادة100جنيه يعني لوإنت عايزة ياعسل تعزمي200فرد يعني70فرد زيادة

هيضربها في 100 يبقى الناتج7000تضيفيها على 19ألف يبقى الناتج26ألف

وطبعا ممكن تعدلي في التورتة وعددأدوارها وفي شكل الكوشة زي ماإنت

عايزة.

يارب أكون أفادتك يامصراوية ولوحبيتي تسألي على حاجة تانية أنا حاضرة.

:صباح الفل يا أجمل عرايس

بجد والله وحشتوني وكل ما أبعد شوية وأرجع ألاقي بنوتات وعرايس جدد زى العسل:up:

ريهام

ربنا يخليكي يا قمر المنتدى منور بكم جميعا ونفسي والله أساعدكم كلكم اللى عاوزة تشوف شغل الخياطة بتاعتي تتفضل معي وتقولي أول ما تكلمني علشان البروفة ان شاء الله أقولها تيجي معايا وتشوف شغلها :smile:

وألف مبروك يا رورو وعقبال الفرح يتم على خير ان شاء الله أنا كمان عملت في الخطوبة عند مجدي وسيد وفي الفرح هاعمل عنده ان شاء الله عنده بنات شاطرين في الميك أب :up:

قلب العصفورة

يا حبيبتي الف مبروك وربنا يتمم بخير ان شاء

بالنسبة للمؤخر أنا برضه من رأى ايمان لأنه المؤخر مش بيفرق ولا بينفع لو هو لا قدر الله مش كويس وتعبت معاه :pain:

بس عاوزة أقولك ان المؤخر أيا كان هو مش بيدفع منه حاجة لأنه مؤخر لكن المشكلة في المأذون ونسبته ودي طبعا هتكون كتير من 30.000

بس أفتكر في المشيخة ودار الافتاء بتكون الرسوم محددة أفتكر كده ممكن تسألي لأني أنا كتبت من سنة ونسيت بصراحة:pain::o

وربنا معاكي حاولي تقربي وجهات النظر وربنا يتمم بخير


مصراوية

يا جميلة ربنا يكرمك يا رب ويكون فرحك في أقرب وقت :smile: ما تستعجليش كل حاجة بميعاد :smile:

ومتشكرة يا قمر على الخياطة أنا هافتح الخاص واشوف دلوقت ربنا يخليكي :smile:

فوانيس


ومصر وكل المصريين بيحبوا أهل الامارات جدا واسألي أى حد لأنكم انتم كمان شعب طيب وجميل ويا رب نشوفك قريب في مصر ونكرمك ان شاء الله :smile:

ايمي

يا جميلة ربنا معاكي قلبي عندك انت قربت خالص

طبعا قلقة ومحتاسة لو في أى شئ أساعدك فيه قولي لي والله أى حاجة من عيني الاثنين احنا اخوات

أى حاجة عاوزاها اطلبي

على فكرة أنا كلمت البنت اللي في مجدي وسيد اللي قلت لك عليها (حنان) وسألتها على الميك أب في البيت قالت لي ممكن هى تيجي وأحاسبها يعني بعيد عن المحل بس لو خميس لازم احاسب المحل وقالت لي ميك أب بس 300 جنيه وده متهيألي سعر حلو جدا على الأسعار التانية اللي انت عارفاها:pain: خصوصا ان البنت فعلا في خطوبتي كانت هايلة مشاء الله:up:

ربنا معاكم يا بنات كلكم ويتمم بخير لكم كلكم ويبعت لكل اللي لسة ما اتخطبتش أحسن زوج صالح في الدنيا يهنيها ويسعدها يا رب ان شاء الله :smile:

دلوقت هاقولكم بقى على الخبر الحلو بتاعي

أنا حجزت الفرح أخيرا في دار الاشارة :cool2: يومك 12 أغسطس ان شاء الله

ادعولي ربنا يتمم بخير ويوفقني في اليوم ده في اللبس ةالميك أب وخلافه
(wink) :o

يلا سلام دلوقت وأرجع لكم بعدين ان شاء الله :smile:

eman_s25


يارب بقا تخلصي وتلاقي واحدة مناسبة
ومنتظرة تليفونك

لان البرد مجنني ومش عارفا اعمل اي حاجة منه
مطلع عيني

وفعلا ايمان لذيذة جدا انا كمان كلمتاها قبل كده

بس ياتري ايه اخبارها وعاملة ايه؟؟
سلمي لي عليها كتيررر

وياتري هي راحت فين ده كله



ريهام نعمان

مشكورة يا جميل
والله يا ريهام كلك ذوق

حتي الاسئلة اللي ما سالتهاش جاوبتي لي عليها

بس تصدقي مش غالي للدرجة اللي كنت متخيلاها خالص

انا فاكرة سميراميس ده مش بيقل عن 50 او 70 الف

بس والله كويس



سعره قريب اوي من كتراكت
وده طبعا سميراميس مش اي حاجة:up:





ربنا ان شاءا لله يسهلها لك في الفستان كمان
ويكون فرحك تحفة وما حصلشي



بقولك يا ريهام

ياريت لو توصفي لنا القاعة وامكانياتها
والحاجات دي ؟؟؟

وياتري الفندق فيه كام قاعة

وانتي عاملة في اي قاعة

يعني اوصفي لنا الجو العام وكده
الواحد برضوا بيحب يتخيل

ومعلش بنتعبك معانا

bridetobe



اي خدمة انتي تأمري

ازيكوا يا بنات

وحشتونى كلكم اوى اوى اوى اوى


ريهام

الف مبروك يا حبيبتى على الحجز بس انا عايزة انبهك لحاجة انة مجدى وسيد مبقاش زى الاول عارفة بقى يكروت دلوقتى والشغل بتاعة مش زى الاول

انا عملت عندة المكياج والشعر فى الخطوبة وكان يجنن وتحفة بس اللى عملتلى اسمها سلوى ومشيت من هناك


بس خدى بالك الفرح فى الصيف وهما المكياج بتاعهم ماركات مصرية يعنى هيسيح علطول منك لازم فى الفرح المكياج يكون ثابت زى علاء التونسى انا هتحنن واعمل عندة بس واحدة صاحبتى قالتلى انة فى فرح صاحبتها جالها متاخر اوى وكانت على اعصابها يعنى خدى بالك من مواعيدة

وبصراحة اللى زية فى المكياج برضة ميسو عبدة انا حاسة ان مكياجة رقيق وهادى وكمان بروفيشنيل اوى يعنى الكل فى الفرح هيخاد بالة مهما كان المكياج بسيط انة معمول بطريقة تظهر جمال الوجة.

وبالنسبة للفستان

لو انتى عايزة فى حدود 6000 شوفى فى ماى ليدى وندى اكيد هتلاقى حاجات حلوة

وربنا يوفقك يا حبيبتى

ايمى حبيبتى
ازيك

مستنيى تليفونك تطمنينى عملتى اية فى الفستان

وانتى اللى كلك زوق وزى العسل يا قمر



مصراوية

انا موجودة يا قمر بس الواحد ابتدى ينشعل فى الجهاز وتوضيب الشقة وكل دة بياخد وقت ومجهود بس ربنا يهل الواحد يخلص بدرى شوية

وربنا معاكى ان شاء الله وتحجزى فى اقرب وقت ممكن


فوانيس

انتى دايما منورة الموضوع واهلا بيكى فى اى وقت



امال عادل

وحشتينى اوى اوى اوى

ويا ريت تطلى علينا زى زمان


بنات كنت عيزة اسالكم


الجيرب اجيبة من فين ؟؟؟؟؟؟؟؟؟؟

واية الاحسن

الصناعى ولا الورد الطبيعى؟؟؟؟؟؟؟؟؟؟؟؟؟؟؟؟؟

hala717

بعد الغيبة دي كلها يا هالة

فينك ده كله

وبعدين مش تقولي لنا اخبارك
وتقولي لنا عملتي ايه في الفستان والجهاز وكده وتطمنيني عليكي

ايه يا بنتي البخل ده

اخص عليكم يا وحشين :confused:

كده أقول لكم اني حجزت للفرح، ولا مبروك واحدة حتى :o:pain:

انا بس مش عارفة أزعل منكم:smile:

أنا بس أخذت على خاطرى منكم :o:rolleyes:

يلا سلام دلوقت

bridetobe

ما تزعليش مننا احنا ما نقدرش علي زعلك
ويا ستي الف مليون مبروك

وعقبال يارب بقا ما تعملوااا شهر العسل كمان