شات بنات مصر لشهر محرم1431

dandona we bas;11066344:
اصل المشكلة ان النهاردة الدكتورة موجودة بس الصبح و انا ورايا شغل و جوزي بردو نفس النظام و اتوقع اني مش هينفع استأذن أصلا فعشان كده هشوف لو بكرة هما في شغل ابقى اروحلهم ان شاء الله

ايوة قصدي مش تفوتي يعني فترة كبيرة عن ميعادك بس مش مشكلة لو بدري يوم او متاخر يوم، يعني انا مفروض ميعادي كان الجمعة مش امبارح بس نظرا لظروف شغل جوزي واجازته الجديدة بردو ومواعيدها هي كمان، فقلنا نخلينا امبارح.

الكيراتين ده بيقعد اد ايه
بقالك اد ايه عملاه

miko85;11066357:
شوفت ردك ياقمر
انا عارفه صلاح الدين بس ماما متعرفش تروح هناااك اخرها الزيتون
ممكن الاقي في التوحيد والنور بتاع الحلميه او حدايق ولا

ممم مش عارفة بصراحة يا ميكو، بصي انا مسألتي فيهم بس كل اللي بشوفه غالبا بيكون يا اما تريكو او قطن، لكن دي مقلبتنيش غير في دول ويمكن تكون موجودة ومختفية في حتت بردو تانية.

بصي طيب هي قاعدة لغاية امتي هنا، عشان لو حصل وعرفت اروح قبل ما هي تسافر اقولك، بس مش واثقة بردو لسه.

CuTie KaTkOoTa;11066330:
:085::085::085: نعم يا اختاه بالفعل، بصي بستخدم شامبو جونسون العادي ده بتاع الاطفال هي منبه عليا مستخدمش غيره وبس عشان ده الوحيد اللي مش مضر للشعر وخصوصا اللي معمله كيراتين ومش بينشفه لكن لو مش عملاه اظن بينشفن وفيه كمان كريم جبته منها لحو اوي بس مش بحطها كل مرة، ممكن تحطيه قبل الغسيل وممكن بعد وتفضلي به.

وطبعا في شامبوهات تانية مخصصة بردو للكيراتين، بس هي قالتلي ده حلو وخليكي فيه ويلا احين اهو حاجة مش مكلفة بردو

ثانكس يا اخت ايمى
وكام تكلف عمل الكيراتين لشعرك؟؟؟
وهل استخدمتى اللبنانى ام بتاع الفرنجة(البرازيلى بالفصحى)؟؟؟؟

انا تعبتك معايا اووي يايمي

miko85;11066369:
الكيراتين ده بيقعد اد ايه
بقالك اد ايه عملاه

انا عملته قبل الفرح بأسبوع او كام يوم، وهو غالبا راح خلاص من فترة طبعا مش بيقعد كل ده وكمان بتفرق حسب غسيلك لشعرك ده اولا وثانيا حسب ما بيطول فبينزل لتحت، ولو بيتي بتروحي تعملي المنبت الجديد اللي ظهر بس وكده يعني، بس انا مروحتي بقي وخلاص مش هروح غالبا، عشان هو لسه كويس وطري ودي اهم حاجة عندي.

علي فكرة انا تقريبا كنت شفت مشاركة قديمة لرضوي رشوان قبل الجواز كانت بتتكلم فيهها عنه بردو وانها عملاه وكانت بتشكر فيه، وكويس انها دخلت معانا هنا بقي عشان لو حد عايز يسألها بردو فيه.

ايه ياندي ده اللغه افصحي ده انتي ناويه تتكلمي كده علي طوول

اصلي انا كنت عندها من حوالي اسبوع و نص كده يا كتكوتة فهماني يا قمراية قلقتيني اعمل ايه دلوقتي

ياعيني رضوي كانت بتدور علي التجمع الحوامل ومش لايقه وطلبت مني اللينك هههههه

lifedrop;11066390:
ثانكس يا اخت ايمى
وكام تكلف عمل الكيراتين لشعرك؟؟؟
وهل استخدمتى اللبنانى ام بتاع الفرنجة(البرازيلى بالفصحى)؟؟؟؟

:085::085::085::085::085: يا ندي حرام عليكي مش قادرة اضحك، نفسي ومعدتي وقفصي الصدري واجعني البنت كابسة كابسة سودا، لا البرازيلي عشان ده الاحسن ويعتبر احسن واحد والاصلي كمان ومن غير فورمالين.
وهي عندها 3 اسعار ده ساعتها يعني 1000 و1500 و2000 وانا عملت الاخير اللي هو اسمه الجولد.

miko85;11066393:
انا تعبتك معايا اووي يايمي

تعب ايه يا ميكو بس، بس والله اتبسطت اوي لما لقتها امبارح وكمان ارخص وقريبة، فقلت الحق اجي اقولك بسرعة، وكمان الاشكال التانية دول بردو حلوين اوي.

بقولك يايمي ماما لقيت كاريكوت ب 65 جنيه هاخليها تجبيلي وخلاص ولا ايه انا مش عارفه محتاره

ايمي شوفتي اطقم الخروج ال جبتها لادهم وللار من كام يوم

dandona we bas;11066405:
اصلي انا كنت عندها من حوالي اسبوع و نص كده يا كتكوتة فهماني يا قمراية قلقتيني اعمل ايه دلوقتي

لا يا بنتي والله مش بقلقك ولا حاجة، بس انا عن نفسي كنت احب ان متابعتي تبقي فتراتها قريبة كده عشان اشوف البيبي عشان بيوحشني واعرف التغييرات وكده اللي بتحصل مش اكتر.

miko85;11066412:
ياعيني رضوي كانت بتدور علي التجمع الحوامل ومش لايقه وطلبت مني اللينك هههههه

اه ما انا قريت هناك :093::093:

صباح الخيييييييييير
ميكو انا زمان جبت كوفرته لندي زي بتاعت ايمي ن وسط البلد كانت ب40 جيني

miko85;11066400:
ايه ياندي ده اللغه افصحي ده انتي ناويه تتكلمي كده علي طوول

بهزر يا ميكو

انا اصلا جوزى عشان كانو فى السعودية وحافظ القران كل ما اجى اتكلم كلمة باللغة العربية شوية يمسكنى تريقة
مخارج الحروف بايظة خالص ولما باجى احفظ معاه قران بيقعد ساعة يعلمنى انطق الحروف صح

فانا بتعلم العربى بطريقة غير مباشرة عشان مياخدش باله

miko85;11066419:
بقولك يايمي ماما لقيت كاريكوت ب 65 جنيه هاخليها تجبيلي وخلاص ولا ايه انا مش عارفه محتاره

مش عارفة والله يا ميكو، بس انتي هتشيليهم ازاي كده الاتنين لازم يكون حد معاكي مش ممكن لوحدك ابدا وهو اصلا تقيل شوية لوحده بس كويس مش اوي زي بتاع زمان، وسعره كده حلو، هو فيه أرخص اه بس بتفرق في التقفيل والشكل الخارجي بردو، يعني انا لقيت ب 45 تقريبا ولا كان 48 مش فاكرة في التوحيد والنور.

miko85;11066423:
ايمي شوفتي اطقم الخروج ال جبتها لادهم وللار من كام يوم

اه يا لولو كميلة اوي ما شاء الله بس انا بخاف اجيب حاجة لسن كبير من دلوقتي عشان معرفش ظروف الجسم ايه وكمان عشان الفلوس بردو، فبقول اخلي كل حاجة لوقتها مع اني بشوف حاجات تحفة، بس انتي بتقولي عشان الديكونت فكويس فرصة بردو.

لاه هاخلي ماما دورلي ياهوبا

لاه رضوي ماكنتش عارفه اللينك هناك ولا هنا
بعتتلي مسج وقالت انها بدور علي تجمع الحوامل ومش لايقاه قولتها علي اليينك هناك بس قولتها انها مش هتلاقي حد هناااك هههههه

hoba555;11066434:
صباح الخيييييييييير
ميكو انا زمان جبت كوفرته لندي زي بتاعت ايمي ن وسط البلد كانت ب40 جيني

صباح الفل يا هوبا، الكوفرتة دي هتجنني في كل ماكن بسعر مختلف بس انتي جيباها من فترة يمكن غليت تاني بقي :085::085:

lifedrop;11066438:
بهزر يا ميكو

انا اصلا جوزى عشان كانو فى السعودية وحافظ القران كل ما اجى اتكلم كلمة باللغة العربية شوية يمسكنى تريقة
مخارج الحروف بايظة خالص ولما باجى احفظ معاه قران بيقعد ساعة يعلمنى انطق الحروف صح

فانا بتعلم العربى بطريقة غير مباشرة عشان مياخدش باله

:085::085::085: تعالي اقعدي مع بابا يومين وهتشوفي كل خير بإذن الله، دماغك هتنور وهتشدي في شعرك بس هتتعلمي العربي والنحو صح.

miko85;11066461:
لاه رضوي ماكنتش عارفه اللينك هناك ولا هنا
بعتتلي مسج وقالت انها بدور علي تجمع الحوامل ومش لايقاه قولتها علي اليينك هناك بس قولتها انها مش هتلاقي حد هناااك هههههه

:085::085: خلاص هانت ونرجع قواعدنا سالمين غانمين ان شاء الله