النهر الجاري;10735166:
مساااااؤكم سكر
شخباااركم صباياااا ..
دعدووعة .. سامحيني ما رديت علييج .. الحمد لله أنا آخذ العلاج ألحين وبتريا 8 أسابيع وبراجع .. وإن شاء الله لين هاك اليوم يكون كل شيء تمام .. مشكوورة على السؤال ^_^
وتقاريييرج رووووعة ما شاء الله .. أسميني اتخبلت على الأيسكريم .. أحس من زمان ما كلت :(
اتردون بالسلامة يا رب
بدون إسم .. يا سلااام على التقارير السنعة .. أسميج عشتي الجو .. نحنا مووول ما حضرنا الاحتفال .. مافيني على الزحمة بروحي متعقدة من زحمة الدوام يوم أسير .. فقررت أشوف الاحتفال في التلفزيون هههههههههه
على طاري خدمة دو .. أنا من استوالي اسبوع ماخذه بلاك بيري ولين اليوم ما شغلولي البطاقة !! وكل يوم أتصل فيهم .. وكل يوم يقولون اليوم بنشغلها .. واليوم سرت عندهم لين الفرع إللي حذالنا في المزهر .. وبعد قالولي ما انعرف شو السالفة ما ندري ليش ما اشتغلت وحاولوا يفعلونها بس ما استوا .. وقالوا اليوم بيشغلونها وإذا ما استوى اتصلي باجر !! يعني ما سووا شيء .. صدق نحاسة !!
فالله يعلم متى بتشتغل بطاقة دو وبقدر أستخدم البلاك بيري!
مساء الورد
و ربي يعافيج و ان شاء الله ينفعج العلاج و تتشافين بإذن الله..عسى الله يشفيج و يشفي مرضانا و مرضى المسلمين يارب
ولا تخلين الاسكريم فخاطرج مب زييييييين سيري و خذيلج هههههههههه
والله انا مرتاحة وياهم و من اول ما خذت التلفون شغلولي الخدمة عطول فنفس الوقت و مول ما شوطت عندي ولا خرفت و الارسال اوكيه بس ماعرف ليش البطاقة احترقت من سافرت خسهم الله و الحين يوم اوصل لازم اطلع لي بدل فاقد
و انا بعد سرت هالفرع اللي فالمزهر و تراهم شوي مخرفين ماعليج منهم ما يعرفون شي:rolleyes: و حتى هذيل مال خدمة العملاء يوم تتصلين فيهم و الخيبتين و كلحد يقولج رمسة ههههههههه الله يعينج!!
