وين كنتي لما تفاجأتي بالطلق؟؟ و ايش سويتي؟

انا الحين هالايام اتخيل آلآم الولادة واتعب نفسيا آآآآآآآآآآآآآآآآآآآآه يا ويلي من الطلق..الله يسهل على كل حامل يا رب الولادة

همتكم ربي يسهلها عليكم وين الباجين تستحوووون

صراااااااااااااااحه الموضوع .. اكثر من رائع ..

يلا يا حريم وين الهمة نبا نسمع قصص جديدة ..


مشكووووووووورة حبيبتي فوانننننننننننيس على الموضوع الاكثر من رائع ..


اختكم

جسوووووووووور المحبة ..

انا كان اييني طلق من وانا في الثامن هههههههههههههه من كثر ما اتحرك

ولما ياني طلق الولادة كنت راقده وعلى الفجر انفتح كيس الماي وبعدها ياني الطلق ..

قصه ولادتي فيها الاحداث كامله ههههههه

نحب نشوف تجربة الوحده لما تفاجأة بالطلق وين كانت؟

كنت أتفرج فلم مع زوجي الساعة 4 الفجر ولابسة قميص نوم .وكل شوية اقول حر الجو حار مع ان المكيف كان بارد جدا وزوجي قام يسوي له كاسة شاي لاني كنت تعبانة مرة وحسيت ببلل فقمت طيران للحمام

ايضا لما تأكدتي انه فعلا طلق شو سويتي بذاك الوقت؟؟

قبل ماأوصل لباب الحمام نزلت الموية بغزارة ..قمت أصيح وأرجف واقول ولادة ولادة وزوجي خاف وارتعب مثلي وقام يجيب عباتي ويفتش بالدولايب والادراج وهو مرعوب اكثر مني وامي تركض لعبايتها ولبستها بالمقلوب ..وبالسيارة كان زوجي سوبرمان طيراااااااان ومسرع ..فقلت له وانا اصيح ان مامت من الولادة بموت في حادث السيارة هاهاها


و من كان معك من أهلك؟

كانت أمي موجودة لأن الدكتورة قالت مابقى على ولادتي غير يومين فحبت تكون جنبي ..ولما وصلت المسشفى جا ابوي واخوي واختى يعني عيلتي كلها وكلهم مرعوبين اكثر مني كأنهم هم اللي بيولدون مو انا

و هل تألمتي من أول لحظة؟؟

لا ماكان في ألم في البداية...لكن بعد ساعتين بدأت الألالم وكنت اقول بموت خلاص بموت خاصة لاني أسترجعت كل القصص المرعبة عن الولادة ..وكمان لأنها أول مرة..فكنت أدعي ربي وأقرأ قرآن في صدري

و هل انتابك الخوف و لا تحمسي أكثر للولادة؟؟

مو خوف..كان رعب كان شئ ماله اسم هاهاها وكل شئ فيني يرجف وأقول يارب من قالي أتزوج هاهاهاها واللى خوفني أكثر كانت وحدة معي بتولد في نفس الغرفة وكانت تصارخ بشكل مرعب قمت اصارخ معها من خوفي...وأستمر الطلق معي من 5 صباحا وكانت ولادتي 5 مساء يعني شفت الموت بعيوني ..والمصيبة زوجي راح يرقد في البيت هاهاهاها

و أيضا لما طلعتي للمستشفى من كان معك؟ و ما هي الأغراض اللي خذتيها معك؟؟

كان زوجي معى وأمي.. وصهيب البيبي هاهاها..
انا من قبل بأسبوع جهزت شنطة صغيرة فيها لبس للبيبي ولي..لا وأخدت مكياج وعطر ..على بالي رايحة سهرة والورود والهدايا اللى ملت غرفتي..خرجت كأني في مهرجان ..كنت فرحانة ومو مصدق عمري اني راجعة البيت وفي يدي طفلي

و بعد في سؤال أخير>> ايش كنتي لابسه
قبل... قميص نوم
بعد الخروج من المستشفى.. جلابية خليجية ..


كلمة أخيرة

بصراحة الولادة من أجمل التجارب اللى ممكن تمر فيها الوحدة فينا..يعني حكايات الرعب من الولادة أثرت فيني كثير..مع إنها غير صحيح ومبالغ فيها ..لكني كنت مرعوبة بسببها ..احب اقول صدقوني هي اجمل تجربة .. والحمدلله رب العالمين


ومشكورة اختي على موضوعك اللى خلاني استرجع اجمل لحظات حياتي

قصتج حلوة يالغالية

صراحه الموضوع .. اكثر من رائع ..

يلا يا حريم وين الهمة نبا نسمع قصص جديدة ..

ألف شكر لمشاركتن يا بنات عروس
و ننتظر باقي البنات

السلام عليكم ورحمة الله وبركاته

أنا بخبركم بتجربتي مع ولدي البكر...

لما تفاجأة بالطلق وين كنت؟
كان بيوم الأربعاء 9 أبريل 2003 وكان عند موعد في المستشفى وخبرت الدكتورة أن عندي دم من يومين وأنا احس أن الولادة قربة فضحكت الدكتورة علي وقالت شلون عندك ولادة وما تتألمين ... قلت لها ما أعرف شي عن الولادة وهي الأولى بنسبة لي ففحصتني الدكتورة ... وقالت لي ما أصدق ... تخرعت وقلت لها شنو صاير .. قالت أنت 4 سم مفتوح لازم أتصال إلى الأسعاف حتى يأخذوك إلى مستشفى الولادة ... فطمنت الدكتورة وقلت لها أنا رايح أروح مع زوجي ما لازم الأسعاف ... رحت إلى أمي البيت وعلى الساعة 2 الظهر بدء الم الطلق عندي .....

ايضا لما تأكدتي انه فعلا طلق شو سويتي بذاك الوقت؟؟
لما تأكدت أن طلق ظليت مع أمي إلى الساعة 3 العصر وبعدها رحت على مستشفى الولادة ....

و من كان معك من أهلك؟
زوجي وأمي وأخواتي وزوجات أخواني وأخواني معهم كلهم معي في المستشفى ...

و هل تألمتي من أول لحظة؟؟
لالالالالالالالالالالالالالالالالالالالا .....

و هل انتابك الخوف و لا تحمسي أكثر للولادة؟؟
بصراحة من بداية ما عرف أن هي أكيد ولادة وكان الوضع عني طبيعي ولا خفت من أي شي ... والحمد لله ... بس بعد ما زاد الألم والوجع ... طلبت من الله أني ما أطول أكثر من اللازم ...

و أيضا لما طلعتي للمستفشفى من كان معك؟ و ما هي الأغراض اللي خذتيها معك؟؟
مثل ما قلت زوجي و أمي وخواتي وزوجات أخواني وعمتي ... وشنطة الولادة كانت في سيارة ثانية ما كان معي شي لما رحت المستشفى ...

و بعد في سؤال أخير>> ايش كنتي لابسه
كنت طبعاً لابسه جلابيه .......

شكراً أخت فوانيس على الموضوع الرائع .......

انا بعد ما جربت الولاده لاني حامل لأول مرة

و واااايد خايفه اني احس بــ شي و انا في الدوام

بس ان شاء الله اولد في الاجازة او لما اكون فالبيت

الله يسهل عليج يالغالية وباذن الله ننتظر قصتج...
والباقي من قصصكم

موضووووووع جدا رائع..

حسييت اني قاعده أعيش معاكم لحظة الولادة أول بأول..

شوقتوني حق الولادة..

و استغربت من كلمة انها أحلى تجربه..

يا رب تكون كذلك :)


انا الحين بالشهر الثالث..يا رب يثبت حملي وباذن الله بعد 6 شهور اقولكم شنو بيصير معاي بغرفة الولادة..



و ألف مبروووووووووك لكل الوالدات ..يتربون بعزكم و ربي يجعلهم من الذرية الصالحه..

هلا عزيزاتى انا خلصت التاسع والرحم مفتوح بس 1 سم وفينى الام خفيفه راجعت الدكتوره اعطتنى اسبوع ومافى اعراض ولاده بس الضغط ارتفع فجآه وقالت الساعه 12 بالليل تنويم لازم تروحى تنامى وترتاحى علشان تستعدى للولاده طبعا انا بطير من الفرح ماصدقت يطلعوه مشتاقه له بالمره ماحملت الابعد 5 سنين ولا نمت طبعا اخذت دوش واستشورت شعرى زوجى واخوانى يضحكون يقولوا وين رايحه وانا فرحانه وارد اليوم بولد مادريت ويش اللى منتظرنى المهم وانا رايحه المستشفى تكلمنى صديقتىوتضحك وتقول اول مره اشوف وحده بتولد وهى مبسوطه انا خفت من كلامها امى تقولى الولاده مثل الام الدوره وانا مصدقه المهم دخلت المستشفى الساعه 4الفجر اعطونى الطلق جات الدكتوره الساعه9 وانافينى الام بس مره خفيفه قلت لها يالله ولدونى وانا فرحانه قالت وجهك يضحك لمن اشوفك تبكى حتولدى واعطتنى تحميله وطلعت طبعا زاد الام وزوجى صحى من النوم يبى يروح يفطر كبده وانا خلاص صرت ابكى منالتعب يومين مانام ومن الليل مانعنى من الاكل والساعه 12 الدكتوره فكت الماى خلاص فينى طلق على طول بس الرحم 2 سم وزوجى شاف الدكتوره داخ واتصل على امى ويقول لها الحقينى مو قادر يوقف من الخوف دخلت غرفه الملاحظه بموت من الطلق والرحم بس 2 لا الممرضه تفلسف تقولى ماعندك طلق فى الجهاز من 9 الى 20 لمن يصير 50 او 60 ولاده وانا اصرخ زياده بعدين الدكتوره قالت الجهاز خربان وبدء ينفتح الحمد لله الرحم واعطونى مخدر وعلى الساعه 4 العصر قالو اولاده والله نسيت الام وفرحت خلاص بيطلع وافتك من الام وجسمى كله مخدر مانى قادره اتحرك اقول للدكتوره مانى قادره ادف ابغى انام قالت احنا نساعدك وجات دكتوره تانيه معاها وصارت تضغط على بطنى بقوه ويعطونى اؤكسجين وانا ارميه ويقولو شمى وانا اصرخ مابى اشو ابى اولد والحمد لله طلع ويقولوا ولد وانا نمت والله لاشفته ولاادرى عنه والساعه 4.5 طلعت وصحيت امى وزوجى واخوى وخالى وصار بعد موقف طلع ولدى على الحضانه راح زوجى واخوانى جرى على الحضانى شافوا ولد اسمر مررررررررره زوجى خاف الا قالو مو هذا ولدك التانى ولدى الحمد لله ابيض وخرجت لابسه قميص رضاعه كشخه بصراحه الولاده متعبه لكنها ممتعه والحين معاى حبيب عمرى عبدالرحمن 6 شهور سامحونى طولت عليكم مره وحده قصه الولاده فوانيس الله يعافيك نزليها فى ولادات العضوات وسلامتكم :gum:

وى وى وى سورى الجهاز كان معلق معاى

تسلمون حبيباتي على الطرح الرائع للحظات الولاده:shy:

نور الايام حبيبتي لو نزلتي القصة في موضوع منفصل كان احسن:):shy:

حلوة قصصكم بنات:ok:

انا من الحين احاتي الولادة مع اني ما كملت الشهر الثالث .. الله يعيني ويسهل علي يا رب

مثل ما ذكرت سابقا في ولادتي بحسون ما جاني الطلق في البيت لان نزل علي ماي ولما رحت المستشفى خلوني شوي عندهم وبعدين سووا لي طلق صناعي ، بس هالمرة الله العالم شلون بتصير هالولادة ..

بس عن جد اتمنى ان ابتدي بالطلق وانا في البيت .. احسها احلى :shy:

والله ايام ذكرتينا يالغاليه..

انا كنت ف البيت العصر حسيت بالم خفيف بس ماكنت اتوقع انه بداية الطلق خاصه انه اول مره بعدها سرت بيت يدتي لانه عزا يدي كان ب خامس يوم,,

ولما عدى المغرب حسيت بالام الله لا يراويك تي وتسير بس الالم اول مره احس فيها..

وطبعا بديت اصيح..فعلا ماعندنا شي غير انه انصيح من الزيغه وخاصه اللي اول مره بعدها رديت بيت امايه لاني ماقدرت اتحمل ايلس بيت يدتي لانه بيتهم بعيد عن المستشفى وطبعا زايغه ع عمري احسلي اسير بيت امايه اقرب منهم..
ولين العشا وانا خلاص بموت بعدها سرت المستشفى لين الساعه 1 ونص وعقبها شفت العنود الحلوه..

الله يحفظها لي ..ويرزقني بعدها ولد حليو مثلها..

ويرزق كل محروم..وخاصه رومي

السلام عليكم خواتي .....
انا كنت امنومه في المستشفي قبل الولاده بيومين عشان البيبي كان مايتحرك وايد واهم يسولي الجهاز ويقولولي انتي فيج ويع ولاده وانا اقولهم لا لا مافيني شي المهم انا اصريت اني مافيني شي وابي اطلع قالو لاقلت لازم اطلع وطلعت وسرت السوق وتعشيت وشربت سعتر مادري زعتر المهم شربته وتمشيت نص ساعه وبعده تابعت فلم وفجائه حسيت بويع الساعه 1 كان خفيف تميت ساعتين وانا اتويع ...وانا كنت نايمه في بيت اختي عشان كان عندي موعد في اليوم الثاني في المستشفى واتصلت حق اختي في غرفتها قلتلها افزعي ويت وشافتني منهد حيلي قالت انسير المستشفى قلت لا بعد مانزل شي يلست بعد ساعه بعدين سرت انا واختي وكشفت الكتوره قالت مفتوح خمسه ومع ها كله ماكان نازل شي بس يوم كشفت نزل دم وسرت قسم الولاده واتصلت اختي في امي وزوجي عمتي ودخلوا عندي غرفت الولاده بس اللي كان عندي وقت الولاه امي ...وربيت الساعه 7 الصبح.والحمدلله ولادتي سهله وايد وطلع حمود الحلو الله يخليه انشالله...

مرحبا والله ذكرتونا بايام الولاده الى ما تنسي .....ايام حلوه

اما عن اول بيبي كان ولد وكنت بيت امايه من بداية الشهر التاسع المهم كملت 10 ايام من التاسع وياني الويع ......وسبحان الله كان ريلي بايت عندي ويوم اساعه 7 صباحا روح بيتهم .....

بعد ما راح بساعه يانى ويع بسيط مثل الحراره في ظهرى قمت واتسبحت بماي حار وسرت اتريق رايقه الحبيبه واااااايد ماخذه الاموووور بروووووووووووود المهم والا شوي وينزل الماي علي وروح ركض لامي قلتلها امايه شي ينزل منى وفينى ويع في ظهري .....وعاد محد فيه برووووود مثل امي ....سارت تتسبح وعقب تتجحل وعقب ادور علوج وهلم وجر واخويه الى بيودينى المستشفى مشطط اكثر عنى وعن امي ههههههههه
امنا بالله وترينا دلوعتنا الى هي امي
عقب ركبت السياره ما شوف الى غبار من ورا السياره الحبيب يسرع على سرعة 190
متخيلين نسيت الويع الى فينى وقعت افكر بالسرعه واقوله ترى بعدنى ما بربي لا تسرع .....معنه كان الالم فوقه فوقه تعرفون ويع الولد.....سريع .....المهم وصلنا المستشفى فحصو على لقوه 8 مفتوح وركض بدون لا افصخ عباتى ولا شى (طاش ما طاش )على طول لغرفة الولاده الحمد لله نص ساعه والى اولاد .............
لكن اضحك مش هنى
اضحك هنى وانا اولد امي تقرا عليه وتمسح على ظهري وتقولى ازفري شوي يوم تشوفنى تعبانه تقولى اخذي نفس يعنى كانت تنظملى التنفس المهم وتم تهون على تقولى خلاص ما باجي شى يوم طلع الراس ظنيت انى خلصت ...فجاه اسمع الدكتوووره تقول نو نو نو وتصارخ وتضربنى على ريولي انا اتحسب يوم طلع الراس خلصت عثره باجي الجسم يوم قالتلى امايه ازفري باقي الجسم قلتلها لالالالا خلصت انتى قلتى ما بزفر ودقت عندي الى اشوف ادكتوره معصبه منى ...عقب سوينا الى علينا وصراحه من احلى ايام عمري ........
الله لا يحرم حد من هاذي النعمه

ها حريم وين تجاربكم