وين كنتي لما تفاجأتي بالطلق؟؟ و ايش سويتي؟

:D2:D2:D2



:D2:D2:D2


:D2:D2:D2

انا عندي اربع محاولات في الولادة

اثنين منهم عادي لما رحت الحمام اعزكم الله شفت البوادر وصحيت ريلي ورحنا المستشفى ولازم طبعا ابلغ امي والحمد لله كل شي عادي

بس الولادة الثانية كنت اسمع من اختي دايما ان الياهل ما ينولد الا اذا اغراضه جاهزة فانا حسيت اني طوفت الموعد فكانت ناقصتني بعض الاغراض لما رحت الصيدلية اكمل الاغراض وفي ولما ييت ادفع حسيت انه في تغير غير طبيعي حصل بداخلي وكانت الساعة 9 المسا وحاولت اخلص بسرعة عشان اسير البيت عشان كنت بروحي وانا اللي اسوق وبعدها صار كل شي طبيعي وقمت ونومت ولدي وكان صاحي لحد الساعة 12 وبعدين لبسته وعطيته ظهري عشان يرقدوبعد ما رقد شليته في منزه عشان كان مو مكمل السنتين وبعدها احاول ارقد مب قادرة كان فيي الم في ظهري طنشت الموضوع قلت في خاطري عشان اني عطيت ولدي ظهري وهو كان لاصق في ظهري وهذا اللي سبب الالم بس لا الالم كان يزيد وعيت ريلي وقلت له قال شو يعني اوديج المستشفى قلت مادري وزقرت امه فقالت لا تصبرين على عمرج وخلنا انسير المستشفى وفي المستشفى فحصتني الدكتور وكانت الصاعقة قالت مفتوح 8 سانتي برجت وقلت يعني اشكثر باقي على الولادة قالت يعني اقل من ساعة وبسرعة ودونو غرفة الولادة وبمجرد ما انتقلت للسرير الثاني الراس طلع والحمد لله


والقصة الثانية في مغامرة اكثر بقولها مرة ثانية

الله يباركلكن في عيالكن... ذكرتني بولاداتي وانا اكثر شيء اكرهه هو الولادة.... ولدت مرتين وكل مرة عذابها غير... بس الحمد لله والشكر... الله يحفظلي عيالي وريلي ويسهل على الحوامل...

اسمحلي ما بكتب تجربتى لاني احس اني بصيح من الحين...

:smile:منتظرين المغامره:cool2:

:D2:D2:D2


انا كنت في عرس



تصوروا :D2:D2:D2

خلصت الاسبوع الثاني ودشيت الاسبوع الثالث من الشهر التاسع بس اولد انشالله اقولكم قصتي انا بكر واول ولادة لي وقلبي طااااايح في بطني من الخرعة :eek2::eek2::eek2:

الله يسهل عليك حبيبتي

وترجعين لنا وانتي حامله النونو بين ايدج

والله يرزق كل متزوجه

موضوع شيق :clap: :clap:

ولادتي لها قصه طريفه كان باقي على الموعد تقريبا 10 ايام وزوجي كان بيروح بيخيم مع ربعه لمده يومين ومجهزين للرحله كل شي ...


قبلها بيوم قلت حق زوجي عشيني في مطعم ورحنا وتعشينا وقلت لها بالمزاح شو لو ولدت بكره مابتروح

قال لي لا مستحيل بروح حتى لو ولدتي :eek2:

المهم ثاني يوم قبل ما يروح الرحله جلسنا نتريق وفجاه الا حسيت انه ماي نزل علي ونقطه دم بس بدون الم قلت لها صراحه بولد قال لي لالا ما اعتقد شويه والا الوجع بدا ....



بس كان مب وايد .... وزاد شوي شوي ولما وصلت المستشفى اتوقعت اني بكون تقريبا 4سم بس لما فحصتني قالت 8 سم
فرحت وايد وبعد ساعه ونصف ولدت والحمدلله ولاده سله وميسره ...


بس اهم شي اختربت الرحله :D2 :D2

والله احس قلبي يدق و عيوني دمعت وشعر ينبي وقف من هالموضوع اللي يحرك المشاعر ...

انا بعرس جريب ان شا الله..و على كثر ما انا خايفه من الحمل و الولاده احس اني ابا احمل بسرعه و اكون ام...

ادعولي يا بنات(a)

زين سويتي فيه:D2

مسا الخير انا رح اقول لكم عن تجربتي الاولى والوحيده لهلأ....بس الله كريم.
انا حملت بعد سنتين ونص من زواجي وكنت كتير فرحانه وزوجي اكتر.الحمل كان طبيعي الحمدلله.يوم الولاده كان قبل بيومين من الموعد المقرر.ما كان عندي طلق بالمره..........
بس بعد ما نمت بعشر دقايق تقريبا الساعه 12 بالليل نزلت علي ماي كتير وما كنت عارفه ايش اعمل؟:eek2:
حكيت مع امي وقالت لي اني لازم اروح المستشفى.
اخدني زوجي وقالوا لي اني لازم اضل في المستشفى احسن لسلامة البيبي.....ز:rolleyes:
المهم بعد تلات ساعات تقريبا بدا الطلق والله يهونها على الكل لحظات كتير صعبه:confused:
وضليت هيك للساعه 10 وربع صباحا...الى ان شرفت بنتي الغاليه ...
كان معي زوجي بغرفة الولاده .وفي الخارج امي وحماتي.
ما كان في عندي خوف لانه كتير كنت مشتاقه للبيبي.:up:
والحمد لله رب العالمين وعقبال يا رب عند كل اللي عايزين

الحمد لله على سلامتك وسلامت البيبي

:up:
:up::up:
:up::up::up:

حلوو الموضوع و الله يسهل على كل حامل :smile:

و يرزق كل بنيه الزوج الصالح و الذريه الطيبه اللهم امييييييين:cool2:

احس الليله بحلم في الحمل و الولاده :s2

السلام عليكم ورحمة الله وبركاته
ادعولي يابنات خايفه من الولاده ونالسع في الشهور الاولى
والله يسهل على لاخوات ويسعدهم

الله يسهل عليج حبيبتي وتقومين بالسلامه

موضوع حلووووووووووووووووووووووووو

انا مريت بأربع ولادات (ماشاء الله)

بس الولاده الثانيه كانت غير

كنت اتمشى انا وامي فى الفريج مثل كل يوم من دخلت التاسع وانا كل يوم امشى مع حد المهم يوم حسيت انى بربي ما خبرت امى لأن امى بروحها خوافه
اول شى سويته انى رحت الجمعيه وكانت الساعه 9:30 مساءً خذيت اغراض للبيت (متفيجه) وانا بادي عندي الطلق وكنت اسوق بروحى وانا فيني الطلق يوم خبرت ريلي قالى روحى البيت بسرعه المهم رحت على طول اتسبح واتسشور فى البيت واحط مكياج خفيف ( اجهز للولاده) راح مسكين ويسوي لى حليب مع زعفران وجهه منقلب اتقول هو اللى بيربي (مسكين) وانا رايحه راده فى البيت وطبعاً انا شنطتى وشنطة البيبي دايما ً تكون جاهزه من ادخل التاسع لما اشتد عندي الطلق قلته خلاص انا مو قادره اتحمل :pain: رحنا مستشفى الكورنيش وطبعاً هذا المستشفى فى غنى عن التعريف لحريم بوظبي ويوم وصلت قالو لى ولاده مفتوح اربعه سنتى وكانت الساعه واحده باليل دخلت غرفة الولاده هم ايشوفون شكلي ساكته يتحرون انى ما فينى طلق او خفيف وتخيلو خلونى بروحى وزوجي فى الاستقبال وراحو الممرضات وكانو عددهم ثلاث وخلونى بروحى :confused: وقالو لى بدلى اثيابك لكن الله لا يرويكم حسيت ان شى بيطلع وانا لابسه لبس الولاده ومفتوح من الخلف فتحت الباب واصرخ عليهم يا نيرس يا نيرس محد فى الممر وكانه فيلم رعب :confused:

وانا كنت واقفه واطلق حسيت ان اريولى ايبست وما قدرت اتحرك
وبعد اشوي يتنى الممرضتين وشلونى وحطونى على السرير وطلع الولد على طول كلهم اتفاجئو :pain: لأني ربيت الساعه 1:20 يعنى عشرين دقيقه بس كنت فى الولاده لكن الولد كان تعبان لأنه شرب من ماء البطن
لأنى كنت واقفه اثناء طلوع الراس .

وتم فى العنايه لمده 10 ايام يأخذ مضاد حيوي والممرضات اللى فى العنايه الله لا يبليكم بروحهم يبالهم موضوع كامل
اسفه طولت عليكم

الموضوع اكثر من رائع


الله يعينا ويسهل علينا الولاده

[CENTER]حبيباتي عضوات عروس

ألف شكر و إحترام لكن

و ربي يسهل عليكن جميعا
و يرزق الجميع بالذرية الصالحة و الولادة السهلة بإذن الله

حبيت اشارك وياكم ..................؟؟,,,,,,,,,,,,


نحب نشوف تجربة الوحده لما تفاجأة بالطلق وين كانت؟

كنت بالبيت وكان عندي عزومه مع صديقاتي ويوم طلعوا قعدت أنظف وحسيت بالالم الفظيع ....

ايضا لما تأكدتي انه فعلا طلق شو سويتي بذاك الوقت؟؟

اتصلت لأمي ....وبدأت اتمشى واسمع قرآن ......ز

و من كان معك من أهلك؟
زوجي وأمي بعدين مرينا عليها ....

و هل تألمتي من أول لحظة؟؟
من قبل من تقريبا الشهر ال7 وانا اعاني الالام تجيني مثل الالام الدورة الشهرية

و هل انتابك الخوف و لا تحمسي أكثر للولادة؟؟
في البداية جاني حماس بس بعدين يوم زاد الطلق حسيت بالخوف وقمت ارتجف

و أيضا لما طلعتي للمستفشفى من كان معك؟ و ما هي الأغراض اللي خذتيها معك؟؟
كان ويايي اخوي وامي وزوجي .الله يسلمك انا جني متخرعه من يوم كنت بالشهر الثامن وانا اجهز الشنطه ثيابي ولوازم البيبي والادوات الصحية وطبعا بعدين ابو الشباب جاب توزيعات الحلاوى والضيافة والفواكه ...........الخ ؟

و بعد في سؤال أخير>> ايش كنتي لابسه
كنت اول شئ كاشخه ولابسه تنورة وقميص شيفون ولابسه ذهب بعد لان مثل ما قلت لك كان عندي عزيمة ويوم طلعوا جاني ؟؟
بس يوم حسيت بالالم يزيد بدلت ولبست جلابية بيت مريحه ؟

موضوع حلوووووووووووووو يسلمووووووووووو أعاد لنا الذكريات .........

[CENTER]
هلا و غلا ايوت

منوره يا الغالية

حكايتج حلووه

تسلمين على المشاركة