وين كنتي لما تفاجأتي بالطلق؟؟ و ايش سويتي؟

المره الاولى كنت راقده...والمره الثانيه بعد كنت راقده ..خخخخخخخخخخخخخخخخخخخ

دهن الورد شكلج متعايزه ما فيج تكتبين صح ههههههه

انا لما جاني الطلق كنت في الجامعه وكنت بالتحديد في محاظرة الساعه 12 بالظهر بس حاولت اصبر روحي لين خلصت المحاضرة وبعدها طيران على البيت وشوي روحت المستشفى

وااااااااااااااااااو موضوع رائع وشيق بنفس الوقت ...

شكرا اختي على الموضوع...


اممممممممممم ببتدي ببنتي الكبيره كنت العب بلي ستيشن ومندمجه من الليل الين الصبح لانو في التاسع بح مافي نوم ابد :)


وبعدين لما دخلت الحمام الله يكرمكم لقيت علامة الولاده وهي خط احمر خفيف ...انا على بالي ولاده على طول بيطيح البيبي خخخخخخخخخخخخخ وركض صحيت زوجي ورحنا المستشفى ..

يومها ضحكت الدكتوره وقالت تونا خير بدري اي هذي علامة ولاده بس لسى لا تجون الين يجي الطلق انا تحطمت تدرون اول بيبي ومتحمسه...

وكانت خالتي موجوده بنفس المستشفى تعبانه الله يخليها لنا المهم زرتها وجلست عندها اطلع اتمشى بالاسياب وارجع لها الين ماحتمى الطلق من الساعه 8 الصبح الين 8 بالليل توه يبدى الطلق هههههههههههههههههههههههههههههههههههههه

والولاده تدرون ثاني يوم الصبح من جد اصعب ولاده بس ربي عوضني ببنت قمر زي العسل ...

الحلقه الثانيه بعدين ههههههههههههههههههههههههههه

>>>>تابعو ولادتها بولي العهد هههههههههههههههههه

نسيت اقولكم شغله لما زرت خالتي امي كانت هناك واختي الكبيره وناس كثير كنت ابي اقول لاحد اني بولد بس خايف هههههههههههههههه

قلت يالله بقول لاختي الكبيره عشان تواسيني وتوسع صدري وبلاش امي لانها حساسه موت ولما قعدت اودود اختي باذنها واقولها فيني الولاده تغير لون وجهها وانعفست بقوه خخخخخخخخخخخخخخخخخ

كانها هي الي بتولد وصبت عرق وامي شكت قالت على ايش تتسرسرون انتي واياها قالت اختي مااقدر اسكت وقالت يما ترى فيها الولاده والكل ارتبك الين خالتي المريضه المسكينه وبناتها ههههههههههههههههههههههههههههههههههههههههههه

تدرون وانا بغرفة الولاده جاتني خالتي من دور لدور تطمئن على والجهاز عليها وكل من خلص زيارت خالتي مر علي وكانهم بيسلمون علي ويودعوني وعيونهم كلها دموع ههههههههههههههههههههههههههههه انقلب فلم هندي :)

الحمدلله على سلامتكن جمعيا
و اشكركن جزيل الشكر لمشاركتن بالموضوع
ننتظر المزيد من المعضوات للمشاركه

خلوني اولد بعدين بخبركم شلون ولدت الله يقومني بالسلامة يا رب

للرفع يالله يااااحريم

انا فالسابع وتوني مخلصه قراية الموضوووع وطبعا هذي للمره العاشره اقراااه واحس بالطلق الله يستر اخاف السالفه تقلب صج واولد الحين

موضوع بجد مشوق ورائع تسملين فوانيس على هذى الافكار

:clap: :clap: :clap: :clap:
أنا كنت طالعه مع زوجى أجيب باقى أغراضى تبع الولادة وكان عندى دوام ليل وكنت متعايزة عن الدوام قلت حق زوجى بسير المستشفى عشان ريولى متورمة يمكن احصل اجازة وما اسير الدوام وكنت هذاك اليوم مرتاحه وما فيه شئ

وقبل ما أدخل شفت وحده من أهل زوجى بعد هى حامل ...قالتلى شو بلاج جى تعبانه ؟؟أتعجبت وقتلها صدق شكلى تعبان

عاد أنا استانست جى ضمنت الأجازه(r) (r) (r) ........ههههههههههه

ويوم دخلت وكشفت علي الدكتوره قالتلى كفو عليج أنج تمشين على ريولج أنت عندج تسمم حمل ولازم تدخلين المستشفى ....ونادت زوجى وقالتله روح جيب أغراضها وأنا مبطله:qaq: :qaq: حلجى من الدهشة وأن السالفه أنجلبت صدق:sad: :sad:


وزوجى مدوده مب عارف يخلينى ولا يقول ما برقدها ..ويابولى الكرسى ويلسونى وشحنونى على غرفة تحضير الولادة



ويالله على تحضير الولادة والله شفت العذاب لمدة 24 كأن اليوم كان دهر

وجت الدكتورة وقالتلى ولادة قيصرية الرحم مو طايع يفتح منو ييودنى:cry: :cry: :cry: وتميت

أصارخ عيل يوم قيصرية ليش عذبتونى:mad2: :mad2:


والحمد الله
:smile: :smile:
الله رزقنى بعلي فديته الله يحفظه لى ويبعد عنه كل شر بأذن الله

ويرزق كل محــــــــــــروم آآآآآآآآآآآآمين


وأنشاء الله يرزقنى ببنوته حلوة


ظبية دبى وأم علي

اولا وقبل كل شيء ان عدوك الاول في حالة الطلق والحمل هو الخوف

وانا اقول للحوامل لا تخافون

لماذا؟؟؟

تعرفون لماذا؟؟؟

لان يا اخوات لو كان الطلق يقتل صاحبته لكنا كلنا غير موجودين الآن

اما عن الآلام فهي وسام يضعه الخالق على لوحة شرف الامومة وسبحان الله يا اخواتي فان صرخة الطفل حينما يرى النور تنسيك يا ام الوليد كل الآلام

وهنا عندي نصيحة قالتها لي جارتي العراقية التي من الله عليها بستة اطفال

تقول لكم هذه الجارة آخر 15 يوم من شهور الحمل اي في منتصف التاسع على الحامل ان تشرب على ريقها وهذا اجباري

مو بكيفكم ( ابي لو ما ابي)

ملعقة طعام كبيرة زيت زيتون مع ذكر اسم الرحمن الرحيم

وقول اللهم بارك ويسر

ويستحسن ان تشرب بعدها مع اي اكلة خفيفة شاي زهورات

وهناك معلومة قالتها لي جارتي بعد الولادة بيوم كامل يجب ان تلف المراة ولمدة 30 يوم بطنها وظهرها بقماش ( قماط) او ما يتوافر بالاسواق من احزمة عرض 25 سم لف لكن تحته قماش ايضا حتى يسحب العرق والدهون

وهنا طبعا التوصية العامة والمفيدة هي يوميا من 5 الى 10 حبات تمر + كاس لبن

هذا بعد الولادة طبعا مع تكرار كلمة اللهم بارك بذريتي وعافيتي

لك الحمد لك الشكر

تحياتي يا اخواتي

القصص واااااااايد حلووووووووة :shy: قريتها كلها والله وتعلمت منها اشياء انه لما ينزل ماااي ولا

أشوف دم يعني

لحظة ولادة بولد (r) ... و عقبال ماأكتب لكم لاني بعدني توني في الشهر الثاني

أدعو لي يارب يثبت حملي وأولد بسلامة يارب :yes: ..

ترااااني والله وايد أفكر في ذاك اليوم لان هاااى أول ولادة لي والله صدق خايفــة مووت :sad: :sad:

انا قصت ولادي غير اول كان الدكتورة معطيتي موعد علشان تخطيط للجنين يوم السبت لاني تاخرت واذا كان التخطيط سليم خلتني الا الاثنين والا ولدتني غصب
جاء يوم الخميس الساعة 9 صباحا قومت زوجي للدوام والعادة اودعه عند باب الشقة المرة هذه كنت تعبانه مو قادرة امشي من التعب وكنت ناوية اصلح له الغداء بامية مع رز والوجع يروح ويجي وكل شوي اكلم زوجي اقول ما ني مصلحه لحم جب معك لحم ومرة ثانية ماني مصلحة رز جب معك رز بصلح بامية بس وجيت كلمت امي اطمئن عليهم لاني دائما اكلمهم ومن حسن حظي امي كانت مشغولة انتهت المكالمة بدري ومع زيادة الوجع اتصلت بزوجي قلت تعال ودني المستشفي لاني خفت على البيبي يصير فيه شي لان لي 5 سنين ما حملت وقلت اروح اطمئن لان عندي موعد السبت تخطيط قلب الجنين ويوم كشفت كان الرحم مفتوح 4 سم وقالو ولادة خلص زوجي اجراءت الدخول وولد على الساعة 6.45 المغرب
طبعا تفاجات امي بخبر الولادة لاني مكلمتها وما اشتكيت شي
جبت ولد ريوني الله يخليه لي بس جلست مو مصدقه انه ولد لان جميع الاشعة اللي سويتها قالوا لي انها بنت واستعديت على انها بنت يوم قالت الممرضة ممبروك ماما جبت ولد قلت لها لا لا بنت خافت الممرضة تحسب عندي اولاد كثار ونفسي ببنت سالتني ماما كم بيبي عندك قلت ولا واحد هذا اول واحد قالت طيب ماما ولد مبروك وزوجي جلس مو مستوعب انه ولد كان متهئه انها بنت والحمد لله على السلامة
طبعا كان معي زوجي فقط عند الولادة وعند الخروج كان زوجي فقط واخذت شنكة فيها اغراض البيبي واغراض لي
كنت لابسة قميص النوم ما لحقت اغير مع الخوف عليه
كان هذا يوم الخميس 6 \6 \ 1423
ادعوا لي ان الله يرزقني بطفل ثاني

موضوع يجنن
انا كنت عند امي قبل ما اولد بشهر كنت اروح له من 2 الضهر لين 12 من يجي زوجي من الشغل المهم جاني زوجي ورحنا البيت على طول نمت كنت تعبانه حيل نمت الساعه 12 الساعه 2 جاني زوجي يقول حلومه قومي سولفي معاي وانا تعباااااااااااانه قلت بعد لا كف قال خلاص انخمدي هوا قال انخمدي انا الالم جاني خخخخ حسيت بالام خفيف رحت الحمام و زوجي راح نام وانتو بكرامه طلعت من الحمام و حسيت بالام مو طبيعي صرت بس اصرخ كله منك انتا اللي قعدتني هههههههههه كان باقي على موعد الولاده 4 ايام رحت ادق على امي جاني الام فضيع سكرت التليفون صرت اصرخ يلا قوم خذني ما اقدر حرام راح يركض يشغل السياره وانا ما اقدر انزل من الدرج بس اصارخ راح جاب امي و رحنا المستشفي قالت الدكتوره مفتوحه 9 سانتي يالهوي زوجي وامي دخلو بيون يقعدون معاي قلت حق الدكتوره اطرديهم كلهم ما ابي اي حد يدخل معاي امي قالت لا هاذي خبله انا لازم ادخل دخلت امي و زوجي راح نام بالسياره و جلست من الساعه 2 .30 الصبح لين 3 الضهر قالو لازم انولدج بسرعه حابو 4 دكاتره علشان الولد اختنق والحمدالله ولدت استغربت الدكتوره تقول 9 سانتي 13 ساعه على ما ولدتي.؟ كنتت لابسه بجمات امي بس توته توته خلصت الحتوته و جبت ولد زي الئمر

بقول لكم قصة ولادة صديقتي

و بنت خالي بس مو الحين

بكره لاني بنام الحين

تصبحون على خير

ماشالله عليكم... قصصكم وتجاربكم حلوه والموضوع بعد حلو

انا في حملي الاول ولدت بطلق صناعي لاني دخلت العاشر وماكنت ربيت ولا احس بشي..
رحت المستشفى بعد ما دخلت العاشر باسبوع وقالولي لو ماولدتي بعد يومين تيين عشان تاخذين طلق صناعي
قلتلهم يصير خير..

وبعدين رديت البيت وبعد يومين ما استوى شي قلت خلاص الله كاتب اني اخذ هالطلق

المهم سويت حلاوه واتسبحت وجهزت كل اغراضي ورحت المستشفى عقب صلاة الظهر انا وريلي وامي وابوي وزوجة ابوي
عطوني اول تحمليه وماستوى بي شي... وبعدها ب 6 ساعات عطوني تحمليه ثانيه وابتدى الالم واستوت الساعه 11 في الليل قلتلهم خلاص سيرو البيت ارتاحو ولو تعبت زياده بكلمكم
راحو كلهم ويتني السيستر وعطتني حبه مهدأ عشان انام شوي.. بس ما نمت وصديقتي اللي المفروض تربي عقبي بشهر تتصل فيني كل نص ساعه وتهديني... لين الساعه 3 في الليل نزل دم قمت وناديت السيسترات، كشفو عليا وقالولي 3 سم خلاص تعالي بنوديج غرفة الولاده اتمين هناك... بس من الالم ما كنت قادره اتحرك وهما ياحليلهم يساعدوني
المهم دخلت غرفة الولاده ومابايلي في يدي واتصلت على زوجي والحبيب راقد ولا يرد... اتصلت في امي قلتلها وعي ريلي وتعالو ترا انا بربي (امي كانت نايمه في بيتي) واتصلت على ابوي وزوجته ووعيتهم

بعد نص ساعه كلهم عندي ,,, بس ريلي دخل وشافني اتألم,, قال انا ماقدر اتحمل الموق وطلع من الغرفه. واللي تولد (القابله) قالت حق ابوي اطلع لو سمحت لاني بكشف عليها
وقالتلي 5 سم

وانا قلت خلااااااص بموت بس
الصراحه امي وزوجة ابوي كل واحده تدعي واللي تعطيني عسل وانا خلاص تعبت وابي انام وبين كل طلقه والثانيه عيني تغقل شويه

المهم شويه وحس بماي ينزل.. وانا اقول للقابله (midwife) سوري سوري ماعرف شو هالماي.. تضحك وتقوللي سوري على شو لا تحاتين
وانا اقول توبه خلاص انا مابي عيال هاي اول واخر مره. وهي تقولي كلكم تقولون جي واكيد انشالله بشوفج السنه اليايه في نفس المكان

وبعدين حسيت بشي بيطلع.. امي ما قدرت تشوف بس زوجة ابوي تقوللي هذا الراس بيطلع يللا يا حبيبتي اضغطي.. يلا خليه يطلع
والحمدلله يبت بنوتي الحلوه بعد 24 ساعه من بدايه الطلق
وخلاص ما ابي انام بس ابي بنتي عندي

وبعدين دخل ابوي وريلي وريلي قال لابوي اذن في اذنها.. اول حفيده واول فرحه لابوي

بس تصدون شو اكثر شي فادني.. المستشفى اللي ربيت فيها (الكورنيش) يعطون حصص تعليم التنفس قبل الولاده عشان على وقت الولاده تعرفين متى تاخذين نفس ومتى تدفعين..

المهم انا الحين حامل ادعولي الله يسهل علي وبعدين بحكيلكم شو استوى وياي بس والله نفسي احس بالطلق من في البيت واسير بعدين المستشفى.. بس يا رب ما احس بالطلق في الدوام .... فظيحه

وكنت لابسه جلابيه

واخيرا بشارك في هالموضوع :)



و نحب نشوف تجربة الوحده لما تفاجأة بالطلق وين كانت؟

كنت في البيت..الساعه 3 في الليل تقريبا وكنت نايمه وقمت على الويع..مثل الم الدوره


ايضا لما تأكدتي انه فعلا طلق شو سويتي بذاك الوقت؟؟

تأكدت وانا عالسرير لان الالم كا يسير ويرد وكنت احسب لقيته منتظم كل نص ساعه تقيبا..بس ما سويت شي..اتريتت لاني عرفت انها البدايه بس بعدني ما بولد لانهم قالولي لازم تكون الفتره بين الطلقات 5 دقايق والالم يكون غير محتمل

و من كان معك من أهلك؟

زوجي كان نايم عدالي

و هل تألمتي من أول لحظة؟؟

كان الالم محتمل

و هل انتابك الخوف و لا تحمسي أكثر للولادة؟؟

تكمست اكثر لاني كنت خلاص طفرانه

و أيضا لما طلعتي للمستفشفى من كان معك؟ و ما هي الأغراض اللي خذتيها معك؟؟

تميت اتويع يوم كامل ورحت اليوم اللي بعده الصبح للمستشفى بعد ما صار الالم غير محتمل...بس ما خذت اغراضي معاي..قلت يمكن يردوني

و بعد في سؤال أخير>> ايش كنتي لابسه:o:cool2:

لبست بنطلون الحمل اللي كرفته كراف..كنت اموت عليه و عليه تي شيرت ابيض مال حمل ..بعد كرفه كراف :)

جلست من النوم

خخخخخخخخخخخ

لا واقول لكم بعد

بعد اشوي برجع انام نياهاهاهاها

نرجع لمحور حديثنا:angry:

طبعا القصه مو قصتي لاني ما حملت ولا ولدت

هذي القصه الله يسلمكم قصة صديقتي

******************************************************************

بسم الله :

ذاك اليوم بس مادري اي تاريخ كنا في زواج

وتدرون الزواج تعب والواحد يجي من الصاله هلكاااااان يبي ينام بس

المهم انا وصديقتي اللي مو متزوجه يعني وحده ثانيه

رحنا البيت ونمنا مع بعض وقعدنا الصبح

الا تدق علينا صديقتنا الثانيه الحامل >>>>>>>> ان شاء الله فهمتوا قصدي


واقول لها هلا والله شخبارك ؟؟

تعالي بيتنا انا وفلانه قاعدين وبنسوي فطور الحين تعالي فطري معنا

>>>>>>طبعا انا متحمسه ابي اجمع ربعي بالبيت

الا المسكينه تقول لي ساره انا تعبااااااااانه وهي تصيح ابغاك تجين الحين عندي

طبعا بيتهم قريب عن بيتنا يعني نروحه مشي

المهم انا قلت لها بتولديييين؟؟:eek2:

قالت لي .... ايه تعالي بسسسسرعه مو قادره اتحمل

قلت لها يلا بنجيك انا وفلانه قالت اوكي بس جيبوا معاكم عود وحرمل عشان يفتح الرحم بسرعه

ويتحرك البيبي وقالت لا تقولون لاحد

لانها ما تبي امها تدري لان امها خواااافه تخاف عليها يا حليلها

المهم قلت لها يالله احنا جايين ..........

وانا رحت ارررررركض المطبخ ادور اشياء اوديها معاي >>مو مصدقه كني بسوي حفله خخخخخ

وانا ادور الاشياء الا تشوفني امي متغير وجهي قالت لي شفيك؟؟

فلانه بتولد؟؟ يعني امي حست قلت لها ايه بس قالت لي لا تقولين حق احد

قالت امي لا ماني قايله لاحد>>> ومن رحنا المستشفى البلد كلها تدري خخخخخ امزح:dd:

المهمممم.....

ورحنا لها البيت وعطيناها تمر وحطينا لها العود والحرمل

وقعدنا نقرا عليها آيات وقرآن لانها ما تقدر تصصصصصصيح بعد عمري

مو متحمله الالم

وقالت لنا من الفجر وانا ادق عليكم بس ما تردون وقالت انه راحت بالليل وقالوا لها 3 سم مفتووح بس

ورحنا المستشفى وقالوا لها 3 بسسسس مفتوح يعني ما زاد اكثر عاد هي مقتهرررررره ليش

3 وهي تتألم من الفجر:angry: :sad:

وهذا الكلام صاير العصر

المهم بعدين قعدنا نتمشى برا المستشفى وفي الاسياب اللي في المستشفى

لعل وعسى ينفتح اكثر

طيب بعدين قالت لنا روحوا انتوا خلاص شكلي قريب اولد........ اذا ولدت بقول لكم

رحنا حنا المغرب تقريبا وفي الساعه 12 الليل قالي لي زوجها انها ولدت

وجابت بنت وما تدروووون شلوووووووون فرحنا انا وصديقتي

فرحنا مووووووووووووت

وبعدين درت امها واهلها

وطبعا اول من زارها احنا ربعها كلنا رحنا لها

بعدين جاوا اهلها وزوجها ووو............. والباقي

اسفه طولت عليكم

ان شاء الله استمتعتوا مع اني اتوقع ما راح تقرونها من طولها خخخخخخخخخخ

بااااااااي

(sara)

قصتك حليوه

ما شاء الله شكلك عسولة لدرجة يتصلون فيج وقت الولادة صديقاتك

الله يحفظكم لبعض يا رب

والله يرزقك بالزوج الصالح والذرية الصالحة ان شاء الله :)

ملاك حبيبتي

مشكوووووره بعد عمري

هذي اعز صديقاتي وانا متزوجه معاها في نفس الليله ونفس المكان

وليلة الزواج ثنتينا في نفس المشغل ونفس الاستوديو

لا وماخذين اخوان بعد

وسكنا في نفس المبنى بس بعدين افترقنا عن بعض

وحتى بعض الجهاز حقنا مثل بعض و طبعا اللي تحصل لها سياره فينا

تدق على الثانيه عشان نروح السوق مع بعض

يعني من حقها تاخذني وياها في يوم ولادتها خخخخخخخخ>>> واثقه البنت

يا رب تبشرينا بزواجك وحملك وولادتك قووولي آآآآآمين