وين كنتي لما تفاجأتي بالطلق؟؟ و ايش سويتي؟

حصة:shy:
تسلمين على المرور


sunflower
ربي يعوضك بكل خير يا رب
و الحمدلله علىت سلامتك:smile:


مرموم
تسلمين على الرد:smile:(u)



أنوار و خالد
شكرا حبيبتي على المرور:smile:



أم ريم الحلوة
أحيانا يكون يوم الولادة حلو و أحيانا تعيس:confused:
تسلمين على المشاركة:up:




وفيقة
الإبررة ممتازة:up:
تشجعين الواحد يجبرها:cool2:
شكرا على المشاركة


ونة ألم
شكرا على المرور:up:



أم رشووودي
شكرا على المرور:up:


XxSnow WhitexX
ذكرى حلوه بحياتج:smile:
و الحمدلله على سلامتك


مرمر:shy:
ربي يعطيك العافية و ان شاء الله تقومين بالسلامة
و تشوفين احلى بيبي بحضنك:smile:



شهـــــــــــادة(u)(a)
قصتج واايد حلوة بصراحة
بس الحمدلله ولدتي في المستشفى:cool2:
الحمدلله على السلاااامة



الجاسوسة
شكرا على المرور:up:

انا لسة بدري علي الولادة و ده حملي الاول:o:o
اتمني من الله ان ولادتي تكون سهلة لاني خوافة مووووت:D2:D2
و دايما احس اني هموت و انا بولد:pain::pain:

هلا و غلا يا علا
الله يسهل عليكي و تقومي بالسلامة يا رب
بإنتظار تجربتك:cool2:

الصراحة موضوع شيق

عجبني

وانشاء الله بس تصير عندي تجربة اقول لكم

السلام عليكم ورحمة الله وبركاته


بصراحة كنت في هذاك اليوم امشي مع اختي على الكورنيش وحسيت اني تعباة وابا ارجع البيت .وكان زوجي زعلان مني في نفس اليوم ...
رجعت بيت امي وابتديت اكمل المشي عندهم وكان الوجع يزيد الين ما سارت امي واتصلت فيه تقوله ....تعال طمطومة تعبانه بتى تسير المستشفى ......


بصراحة كان الفجر وكانت امي مب ويايه لانها في العده.....وانا بكر...كان الوقف صعب سارت ويايه حماتي وخواتي اللي ماجربوا الربى ولا طريقته
بس الحمدلله زوجي ما قصر ويايه ولا اختي الغالية :up:

هلا فيج يا أميرة العرب
بإنتظار تجربتك:smile:






ألف الحمدلله على سلامتج يا طمطومه:smile:

:pain::pain::pain::o

مرحباًً واخير جاء دوري عشان اقول قصتي انا بعد :o

اممممم خلونا ندش بالتفاصيل واعتذر من الحين على التطويل ( مجهزة الحجر قبل الفلعة !! :cool2: )


في آخر اسبوع قبل الولادة.. كان الالم على اشده في المنطقة السفلى من البطن.. وكان ينزل على شوية دم لما كنت امشي مسافة طويلة خصوصا في الجامعة.. ولما راجعت الدكتورة .. خبرتني ان الرحم مفتوح 1 سم.. وان الولادة وشيكة..

طبعاً ما كذبت خبر .. وظليت امشي وامشي وامشي لما ينقطع نفسي.. وهم عمتي ما قصرت .. جابت لي عشبة كف مريم ونقعتها وشربتها.. وطبعاً الادعية طبعتها وخليتها جاهزة.. ما كنت ادري وش اللي بيجيني..

بعد مرور 4 ايام من مراجعتي للدكتورة ,, والمشي الكثير وشرب كف مريم.. اختفت الالام مرة وحدة! قلت في قلبي : هذولا الدكاترة عمرهم ما يصدقون.. لو كنت بولد على حسب كلامها كنت ولدت من زمان.. :eek2:

ووقفت المشي.. من ليلة الجمعة
ووقفت شرب كف مريم..




وبديت اتجهز حق امتحاني يوم الاحد.. مال الجامعة..
يوم السبت وبينما كنت مندمجة في المذاكرة..








انفتح كيس الماء!!
والحمدلله اني تغيبت عن الجامعة!!
رحت زعزت زوجي ورحنا المستشفى الساعة 3 ونص الظهر.. الرحم مفتوح 1 سم ولا فيه طلق.. قالوا لي خلاص ولادة ولازم تقعدين تحت مراقبتنا ..

تميت 16 ساعة ,, لا الم ولا شيء,, والماي شلال!!

تروح الممرضة وترجع ,, ها فيه الم؟؟ لا ما فيه!! وهو كان فيه الم بس شدراني ان هذا الطلق؟؟ :pain: فكرت الله يكرمكم اني محتاجة الحمام عشان الخروج.. وفعلا رحت الحمام ومشاني بطني.. بس الالم ما راح!! :smile:

بعدين الساعة 6 الصبح.. جت الدكتورة.. ما في الم متأكدة؟؟ وانا خبر خير.. لا مافي الم. قالت عيل خلاص بنعطيج طلق صناعي لأن عطيناج فرصة كافية والتأخير اكثر راح يضّر البيبي...




على الساعة 6 ونص عطوني الابرة..

وبدا مفعولها الساعة 8 وخمس وعشرين ..
انا ما شفت شيء.. نصف ساعة فقط وانتهى الامر!!
صرخت 3 صرخات الاولى انفتح من 2 سم الى 6 والثانية من 6 الى 10 والثالثة طلع الولد!!!!!!!

حتى الممرضة لما صرخت الصرخة الثانية.. كانت تمسح على راسي وتقول انتي بكر لا تصارخين بعد قدامك وقت.. وراس ولدي قاعد يطلع!! :D2

حتى من زود السرعة تهرأت المنطقة الحساسة تماماً . وما قدرت الممرضة تلحق تسوي الشق.. حتى ما لبست المريلة حق العملية وتلعوزت فقيرة الله :D2

على العموم.. الكل هنأني على سهولة الولادة.. بس انا حزنت كثير على الخياط اللي استمر ساعة كاملة بعد الولادة.. بس احس ان الجرح إلتئم اسرع من اللي ولدوا معاي وسووا لهم شق من قبل الممرضة.. يمكن لأن البنات هني قالوا ان الشق اللي يصير بروحه اسرع في الالتئام.. عموما انا للحين ما شفت المنطقة وميتة رعب .. اطهرها بالسافلون كل يوم وان شاء الله خير :up: :up: :up:


يالله اكو حسوني نور عيوني قعد .. ان شاء الله بدخل كل ما اقدر قصدي كل ما يخليني حسون اقعد :shy: :shy:


عذراء القلب

مشاركة حلوة :
كنت بالبيت عند امي ورحت المستوصف مع اختي بس مراجعة اخبرتني الدكتورة انا فية ولادة ما صدقت لاني ما حسيت بشي بس وصف لي الخروع مع الحليب وبعد مرور ساعتين بدا نزول الدم ورحت امشي في سطوح البيت مع اخواتي وبعد ثلاث ساعات بدا الالم:confused::confused: وبسرعة زاد واشتد:confused::confused:
وولت في تمام الساعة الثالثة من منتصف الليل

ايضا لما تأكدتي انه فعلا طلق شو سويتي بذاك الوقت؟؟
بديت امشي شوي ومتد عل السرير حتى اشتد على مرة ما عاد قويت امشى....

و من كان معك من أهلك؟
كان معي امي الله يطول بعمرها واختي الكبيرة وبنتها واخواتي الباقيات
وزوجي الحبيب..

و هل تألمتي من أول لحظة؟؟
لا ماكان فية الم في البداية بعد خمس ساعات بداء الالم

و هل انتابك الخوف و لا تحمسي أكثر للولادة؟؟
والله الخوووووف كان قاتلني وهو الي خلاني اشتد واتحمس

و أيضا لما طلعتي للمستفشفى من كان معك؟ و ما هي الأغراض اللي خذتيها معك؟؟
كان معلية امي واختي الكبيرة وزوجي.
اخت معاية ملابس للطفل وكوفلات ومناشف وحفائض
وملابس لي وحفائض

و بعد في سؤال أخير>> ايش كنتي لابسه

سؤاااال غريب كنت لابسة روووووب واسع وبس
:up::up: تم :D2

انا بقولكم عن ولاتي الاخيره كان بشهر رمضان الي قبل الماضي

كنت سهرانه ومتسحره عند اختي وعجبتني القعده ونمت عندها

لاكن قبل لنام كانت سواليفناكلها عن الحمل والولاده الين السا عه10

الصبح بعد كذا نمت وانا ميته من التعب من السهر مدريت الاواحس

بمويه كثيره انكبت ونانايمه بصراحه خفت اخذت الجوال وتصلت

باختي وهي نايمه بغرفتها قلتلها تعا لي بسرعه وجت مي مصدقه

المنظر السرير انعدم بمويه الجنين قالتلي بسرعه اتصلي بزوجك

على ماجى شربتني حليب حار واكلتني تمر ومشيت يمكن ساعه

رحت المستشفى وولت على اذان المغرب بنوته اتجنن

والفكاهه اني افبنتي الي قبلها حصلي نفس الموقف عندها

فقلتلها بيتك فيه البركه كل مايجي شهري بنام عنك

مرحبا فوانيس

انا سبق وكتبت ف يالموضوع
وولدت الحمد لله وجبت بنووووووووووووتة

بس بالنسبة للموضوع احب اقول ان لما جاتني آلالام الطلق كنت بالبيت وما كنت اداوم اصلا كنت اروح اوقع واطلع او اجيب اعذار طبية


وما حسيت بالبداية بأي ألم فقط نزل لي دم خفيف كأن دم الدورة في بدايتها ولكن كنت عاااااااااااادية جدا وطلعنا انا وزوجي بالسيارة وتمشينا لكن بعد الساعة 10 بدا الأم يزيزد وساعتها اتصلت على اختي وامي علشان يجون عندي البيت
ووالساعة 4.30 الفجر رحت لامستشفى عاد هناك شافوا شغلهم وولدت الظهر الساعة 12

والحمد لله

وعقباااااااااااال جميع الحوامل يااااااااااااااارب يسهل عليهم في الولادة

:smile:

لبحمد لله على سلامه كل حامل

ويتربون بعزكم:smile:

موضوع رائع ومشيق :clap:

وفي نفس الوقت ظريف :D2 خليتوني غصبا عني اضحك

وإن شاء الله امر بالهتجربه عشان اشارك معاكم

بس الصرااحه انا من الحين ميته من الخوف اذا اسمع

سالفة الحمل والطلق والولاده احيانا افكر اني ما ابغي اتزوج :down:

سوالف حلوة >>تراها داخله عرض

متى اعرس ويصير عندي بيبي ؟! في خاطري بنوتة حلوة الصراحه

مبروووووووك لكل الحوامل واللي ربوا والحمد لله على سلامتكم وسلامة البيبي

وعقباااااااااااالنااااااا يا رب

الله يرزقنا بالذرية الصالحه الحافظه للقران ...

وانا لسه ما جربت .. وانشالله الله يرزقنا من واسع فضله (a)

موضوع حلو ومحبب للنساء لما فيه من الذكريات التي لاتنسى الله لا

يحرمنا الاجر ....... ومحدثتك لها ست تجارب في الولادة وكل ولادة

لها طعم مختلف والم مختلف والجنس واحد ..

فالي تجربتى الأولى :

و نحب نشوف تجربة الوحده لما تفاجأة بالطلق وين كانت؟

في اول ولادة كنت في بيت اهلي لانه زوجي مسافر لمدة طويلة

واول مابدا الطلق بدأ بالم خفيف وكان عند اهلي ضيوف .. وطبعاً مابينت

لهم يوم بدأ الالم يزيد علمت زوجة اخوي بالامر بعدها نزل معي دم خفيف

قالت لي هذه الولادة قربت وكنت اجلس مع الضيوف واكلت معهم ولا

يدرون بلي فيني حتى أمي ما علمتها حتى ما تشيل الهم ..

وبعد ماراحوا الضيوف ونامت أمي ..بدأ الطلق يزيد علي كل عشر دقائق

عاد ماصر ت اتحمل.........

ايضا لما تأكدتي انه فعلا طلق شو سويتي بذاك الوقت؟؟

تصبرت وتحملت الالم ورحت اجهز اغراضي اللي باخذها معاي للمستشفى

و من كان معك من أهلك؟

ماكان معاي الا زوجة الله يخلف عليها شبابها بالجنة ........

و هل تألمتي من أول لحظة؟؟

كان الالم خفيف جداً

و هل انتابك الخوف و لا تحمسي أكثر للولادة؟؟

طبعاً الخوف !!:rolleyes:

و أيضا لما طلعتي للمستفشفى من كان معك؟ و ما هي الأغراض اللي خذتيها معك؟؟

كان معاي زوجة اخوي الله يرحمها واخوي الثاني بس اثناء الولادة الفعلية

ما معاي احدوانا طلبت من زوجة اخوي انها ترجع البيت لانه يبلي اكثر من

ثلاث ساعات....... وكرهت بعدها اروح للولادة من بدري :confused::confused:.......

و بعد في سؤال أخير>> ايش كنتي لابسه

يعني ايش ممكن البس اكيد جلابية .........

هذه قصة ولادتي الاولي وان شاء الله اكتب لكم بقية ولاداتي في أيام

قادمة ان عطانا الله عمر .........

مشكور اختي على الموضوع
:up:

ننتظر البقيه:cool2:

ممكن أفهم ليش دموعي نزلت من قريت الموضوع وردودكم !!
الله يسترها معي
واتزوّج
وأحمل
وأولد على خير

انا تجربتي يمكن غير عن التجارب اللي قريتهم

انا ربيت في الثامن بداية الثامن كنت ناشة سايرة الدوام دخلت الحمام شفت دم بس قلت عادي لانه نزل علي دم وانا في بداية شهوري وقالتلي الكتورة عادي

وقلت هالمرة بعد عادي نفس كل مرة

وما قلت حق ريلي علشان ماييلس يحاتي كان في رمضان اللي طاف

وانا سايرة الدوام كنت ارمس اختي العودة وكنت يالسة اقولها عن الدم اللي نزل علي وقالتلي سيري المستشفى قلت لا بسير الدوام متفيجة كنت احب الدوام اوني.. وما كنه نعرف انه في ولادة وبعدين قالت سيري وخذي اجازة يا الغبية خل انسير السوق قلت هي والله وسرت المستشفى علشان اخذ اجازة

وماقلت حق ريلي ولا امي ويت اختي العودة المستشفى علشان تاخذني وانسير السوق ويوم يت شافتني يالسة عالكرسي التحرك وبيودوني غرفة العمليات


ويوم شفتها ضحكت :D2 :D2 وهي يالسة تضحك ومب مصدقة

اتقول الدكتورة ودوها فوق لازم انسويلها عملية قيصرية واحنا مستغربين
لانه مافية شي انا ياية اخذ ورقة

ويالسة اقول حق الدكتورة انا بعدني توني داخلة الثامن يعني بعده قالتلي المشيمة نازله وراس الياهل فوق ولازم انسويليج العملية الحين
واتصلي في ريلج خله ايي ويوقع

واتصلت اختي في ريلي وامي ومستغربين يتحرون انها تتمصخر ويوم يو شافوني لابسة لبس المستشفى بس يتريون توقيع ريلي

وقالت الدكتورة الحمدلله انها يت المستشفى لانه مب زين حقها

وسوولي العملية والكل يصيح ومستغرب لين ماطلعت من العملية ويبت ولد حلو الحمدلله

ولين الحين يوم نذكر انا واختي ننقع من الضحك

وانا اسفة طولت عليكم ........