جمعتنا ولمتنا السورية من جديد لشهر سعبان ... اتفضلوا

اهلين نينو ياعمري الف الحمد لله على سلامتك وسلامة اهلك وربي يعوضكم خير ان شالله ويهدي حالكم واحوالكم ... حسبي الله ونعم الوكيل على ولاد الحرام
الله ينتقم منهم ياااارب وربي يفرجها على هالبلد ,,,,
طيب هلأ وين رحتو وين قاعدين ... الله يحميكم

&&&&&&&&&&&

اهلين شامية احلى ام سالم شلون ننساكي نساكي الموت يارب
طيب ليش لسى قاعدة بحرستا يااختي عدي ببيت حماكي ولا ببيت اهلك ... ولا كل الاحياء مو سالمة ؟؟؟!! الله المستعان احسن شي صرنا امر والعن من بافي الدول
لا حول ولا قوة بالله واستودعناكم عند الله الذي لا تضيع ودااائعه

اهلين سوريتي شو عملتي شو ساويتي من وقت رجعتي على البيت ولا حطيتي راسك بهالاب توب وقعدتي خخخخخ

صباحكم خير كيفكم يا جماعة
نينو اذا هيك الوضع عنكم لا نحنا عايشين بالجنة الوضع عنا احسن شوي طبعا بمنطقتي بس لأنو بحرستا جوا يمكن متل ماعم تحكي عقاب جماعي ياربي دخيلك الفرج تعبنا والله

دمشقية وسوريا كيفكم تسلم ايديكم على هالسفرة الحلوة وعن الوضع نحنا مابدنا منكم الا ماتنسونا من دعائكم دمشقية بيت أهلي قريب وبعدين بتروحي لعند الناس يوم يومين وبعدين مافيكي تضلي شهور أو سنين صعب أنا في ناس من قريبينني سانين بعربين نزحو لعندي لما قصفوها الشهر الماضي وكان في قناص فوق بنايتن قتل 17 واحد بيوم هربو هريبة
وبيت حمايي ما بينقعد عندن بيت حمايي من تبعات قناة الدنيا بتقعدي معن ساعة بتجي لتنتحري مو عايشين بهالدنيا وبيحكو كلام بيهز البدن بتتمني تدبحيهم زوجي ما بيحسن يتحملن مبارح رحنا لعندن تخانقو هنن وزوجي وصلت صواتن من المزة لحرستا بسبب هاالموضوع والله يا دمشقية نحنا هون بسوريا خسرنا كتير من رفقاتنا وأهلنا بسبب هالموضوع بتتخيلي لسا في ناس بتحيد عن الحق وبتأيد الظلم بعد كل يلي عم نشوفو وشفناه

اهلين شامية الله يسلم ايديكي يارب ويسعدك

بخصوص الوضع اااااه الله يحمل معكم ويحميكم ربي والله اكبر على كل ظالم ... لا تخافي في ربك كبير ان شالله بورجينا فيهم عجائب قدرته
وان شالله ربي بفرجها على هالبلد .... والله مبارح ابكي من قلبي على حالنا بس ياحسرة والله مو طالع بايدنا شي غير الدعاء وبس

وقولتك الناس صايرة ماعم تحمل جدا لك الاخ صار يكره اخوه وهالشي عم اسمع عنه بعيلتي كمان مو بس ببيت حماكي خللي الامر لله .... الله يهد اللي كان السبب
العمى بعيونهم بعيد عنك وين كنا ووين صرنا .... وطلع من هالشعب السوري كتييييير شي ماكنا نسمع عنه لا بيهود ولا حتى بكفرة
الله يصلح الحال ياااااارب

تسلمي يارب دمشقية والله مابدنا غير الدعاء وبس والله دموعنا نشفت من البكا اي والله ستي شوفي ومنشان لمة الناس على بعضا الأزمة بينت الناس على حقيقتها يعني ناس فتحت بيوتا والله بيت خالتي بالسادات وقت قصفو الغوطة التقى ببيتن 50 شخص بأول رمضان وناس بتقلك خرجن الله لا يخليهن بيستاهلو متل بيت حمايي بس الحمد لله هدول قلة والله منبوذين والكل عم يستنى ساعة الفرج ليتشمت فيهم والله عمو لزوجي قال مارح ارقص ساعتها الا تحت بيتن

أنا كل شوي بروح وبرجع عم استنى نتائج التاسع لتنزل عالموقع

ياستي بيفرجها ربك والله يرحم حالنا بس ,,, عن جد الناس بتبين بالازمات والحمد لله على كل حال اللي عمنشوفوا اكبر من الصدمة بعينها
الله يصلح حالنا بس ... واي والله مالنا غير الدعاء ربنا بس هو اللي رحيم بعباده

شامية مين الك بصف التاسع ؟؟؟ انا ابن اختي بالتاسع ببين معك.. اسمه انس شعار هو بمدرسة بكفر بطنا ؟؟ اسمها الغوطة الشرقية
تؤبشيني شوفيلي ببين معك

والله يا دمشقية طلابي واسم ابن اختك ما بيبن الا اذا عندك رقمو

http://go.3roos.com/h00iho7ly4n

هي الرابط تبع موقع الوزارة جيبي الرقم وجربي

حبيبة قلبي تسلميلي ياااارب ... بعتلهم رسالة لنشوف ... الله ينجحه يااارب هو وطلابك ... ويسعدلي الانسات اللي متلك
كيفو سالم بيك مو ناوية تشدي الهمة وتجيبيلوا اخ او اخت بتعرفي حاكم هلأ الظرووف كتير مناااسبة خخخخخ

عم امزح الله يختارلك الخير طبعا

كيفكم يابنات وشو اخباركم
ياالله عجل نصرك ياالله
ياالله مالنا غيرك ياالله
الله يحميكم يا اهل سوريا ويبعد عنكم المكروه
ووالله يابنات صاير كل وقتي عالفيس بوك ع صفحات الاخبار
وطول اليوم بالي مشغول
اهلي من نزوح ل نزوح والقصف في كل مكان
يااالله افرجها يارب
ا

تسلميلي يارب يا دمشقية أنو حمل تقبشيني عم ناكل كل رعبة ولا أختا والله ويشهد ربي عم حاكيكي والطيارة فوق راسي شغالة رش بالرشاش وقصف والله برعبة وحدة بروح أنا والولد ليش ماكنت مفكرة بعدين عملو حظر تجول نهائي بعد الساعة سبعة المسا وأي واحد بيمر بيروح قنص قلت لحالي بلا هالشغلة مو وقتا ماعدا الغلا والظروف الاقتصادية

روح عامر الله يفرجها يارب على أهلك اذا ماخاب ظني أهلك بحلب مو ؟؟؟ والله أهل حلب والدير آكلينا مظبوط الله يفرج همن وينصرن يارب

الله يفرجها ام سنا شو بدنا نعمل هذا ابتلاء والله من عنده يعفو عنا ويفرجها على عباده ياااارب
والله يحمي اهلكم وناسكم ويحمي الجميييييع يااارب

&&&&&&&&&&

شامية ولي على امتهم يخرب بيتهم يعني الواحد مايفكر مجرد تفكير بهيك مواضيع ...
الله يحميكم ويكون بعونكم يااارب .... من وين الواحد بدو ياكلها ولا من وين على الله احسن

صحيح شامية نجحوا طلابك ؟؟ الحمد لله ابن اختي نجح وجاب 227 منيح منه ياعليي .... بيتهم بقلب المعمعة اللي صارت بكفر بطنا
الله يحمي شبابنا وولادنا يارب

&&&&

سورية لا تنسي تباركيلهم هي خبرتك ايوا هههههه

ان شالله ألف ألف مبروك نجاح ابن أختك مجموعو بالنسبة لظروف كفربطنا ممتاز والحمد لله كل طلابي نجحو تقريبا مافي غير كم واحد هنن مصيفين بالمرة

السلام عليكم
كيفكن صبايا شو اخباركن
يسلم عمركن يارب
الحمدلله الولاد بخير .
وانا طول الوقت عالنت اخبار وحاسة نفسيتي تعبت يارب تفرج عليهن بسوريا وترحمن برحمتك يارب.
يارب والله الوضع صار مأساوي الله يعينن ويصبرن ويحمين يارب,
ونشوف يوم بالظالم بشار
لاتؤاخذوني ماعم ادخل المنتدى كتير بس والله حاسة عقلي مو معي .
بتصدقو والله عم حاول مع زوجي ينزلني عالشام مو حابة أتعذب اكتر من هيك
بعرف انو جنان بس بدي كون معن ويصير عليي يلي عم يصير فين.
ياااااااااااااارب والله تعبنا فرج علينا يارب

صباح الخير للجميع وجمعة مباركة علينا وان شالله اليوم أحلى من مبارح وبكرا أحلى من اليوم يارب

يسعد اوقاتكم يارب وجمعة مباركة عليكم جميييع ...

شامية يسعدلي المتفائل انا ... الله يسمع منك وربي يحفظكم ويحميكم ويكون الكم عون ياااارب .... وبخصوص ابن اختي تصدقي المجموع الكامل مابعرف اديش والله نسيت

&&&&&&&&&

اهلين ام فيصل الله يسلمك يارب ويكون بالعون والله كلنا قاعدين على اعصابنا شي بيحرء القلب والله تعبنا وملينا من كل هالقصص
الله كبير واملنا فيه اكبر ..... والله انا متلك مو طالع بايدي شي لا جيب اهلي ولا حتى هنن قبلانين يجوا ... ياريتنا كنا عندهم على الاقل منطمن عليهم اكتر
واللي ربك كاتبه بدنا نشوفه ... مالنا غير نستودعهم عند الله وهو خير حافظ

صباح الخير يا صبايا دمشقية المجموع أختلف بما أنو ضافو مواد كان على دورنا 290 حاليا 310 بظن

بعد ماكنت مقررة ما أعمل حلو عالعيد بعدين فكرت وقلت يعني الحلو بعد رمضان ظريف قررت أعمل كيلو ونص النا أنا وجوزي بدي أعمل كيلو بس حسيتو بيضحك الكيلو بس عجنت العجينة وبعد شوي رح اخبزن عسى يكون العيد عيدين ونفرح ان شالله مبارح كان تاريخي عنا ليلة حافلة والله

الناس أهل حرستا كعادتهم فرحانين بقدوم العيد بقى طول الليل ألعاب نارية ألعاب نارية ومفرقعات لاتفكرو شي تاني