جمعتنا ولمتنا السورية من جديد لشهر سعبان ... اتفضلوا

رمضان كريم للجميع
ومباركة طاعتكم جميعا
وان شاء الله قريبا تفرج على اهالينا ب سوريا
والله صاير عندون حرب الله يحميهون جميعا يارب

كل عام وانتوا بالف خير وان شالله بينعاد عليكم بالصحه والخير

اهلين روح عامر وبنت الشام وانتو بالف خير وسعادة يارب
ربي يتقبل منا ومنكم صالح الاعمال يارب

وامين الله يفرجها على اهالينا وربي يحميهم ويحفظهم من كل اذى وشر يارب

شو ياحلوين وين غاطين (شوفي مين عم يحكي) شكلكم مشغولين بالحلويات

أهلين بنت الشام انتو اللي غاطين ماعم تبينو صايرين متل هلالات العيد طمنيني عن ابنك ان شالله منيح ؟

مرحبا صبايا
ينعاد عليكم رمضان بالخير والصحة
ويارب يفرجا علينا بهالشهر الكريم

دمشقية الله يخلينا ياك شو انك شطورة ولولاك ماكان حد حكا مع حد
لانو صايرين متنبلين وما عم نفوت ع الشات الا كل حين ومين
انا شخصيا والله ما الي نفس اعمل شي ابدا
هاد غير الملل لانو لا طلعة ولا فوتة
بس حبيت سلم ع الكل وباركلكون بهالشهر الفضيل

كيفكم ياحلويين كل رمضان والجميع بألف خير وسوريا بألف خير وان شاء الله مابيخلص شهر رمضان الا وبيكون ربي مفرجها على سوريا واهلها ياااااااااااااااااااااارب

اهلين سمووورة نورتي الشات والله
والبركة فيكم مالنا غنى عنكم عشرة عمر مو يوم او سنة ....

ينعاد عليكي وعلى ابنك واهلك بالخير والسلامة يارب وان شالله بتتحسن الاحوال والاوضاع عنكم وبيفرجها ربنا عليكم

&&&&&&&&&&&&&

اهلين سورية امين الله يسمع منك يااارب

سلام للجميع ان شاء الكل يكون بخير
دمشقية واخيرا بكرة الخميس اشتقتلك كتيييييييير قليلي شو ساويلك بكرة عالفطور آمري وتدللي خخخخخخخ

سوريتي والله وانا اشتقتلك أكتر
زوجي قللي اكيد بيت أختك زعلانين منا حتى حارمينا أنسهم خخخخخخ
أشتقلكم يابعدي
تعالي بكرا راح اعمل تبولة بدل الفتوش كرمالي وكرمالك هههههه

تسلميلي ام محمود وينعاد عليكون وع كل عيلتك امين
ومن تمك لباب السما ان شاء الله بتفرج بهالايام الفضيلة
طمنيني عنك كيفو المخبى ان شاء الله تمام يلا راح الكتير وما ضل غير القليل

سورية حبيبتي بفهم من كلامك انك عازمة دمشقية بكرا لعندك ع الافطار
انشاء الله صحتين وهنا بس ابقي خبرينا شو طبختي من شان نتذكر منك شي اكلة
شفتو الاخوة ما احلاهون الله يديمكون ع بعض

ع سيرة الاكل (سيرة الحب) الله يذكرها بالخير لمون
ماما عملتنا اليوم تقريضة وبطاطا مقلية وشوربة عدس وفتوش
التقريضة هي لحمة + برغل هههههههه للشرح

اهلين سمووورة والله طل القمر ياليتك كل يوم عنا بهالتجمع الحلو
ووالله قلوبنا مو بس بالشام وعندكم وعند كل الحبايب يااااارب يفرجها عليكم من سااابع سماه ,,,,,

وماحزرتي ههههه سورية هي اللي جاي لعندي انا مابقدر اجي عند سورية كتير بسبب حماتي لان بيت سورية طابق تالت وحماتي مابتقدر تطلع دراج

وان شالله هنا وعوافي على الاكل الحلو بس برضو ماعرفت شو هي برغل ولحمة ههههه يعني برغل مفلفل وفيه لحمة ؟؟؟

وتسلمي يارب وربي يخليلك امك و اخواتك بعرف ماعندك اخوة بنات ... بس نحنا اخواتك ان شالله
قبلاتي لابنك نسيت اسمه سامحيني ... بوسيلي ياه

الله يمسيكم بالخير يارب
اهلين سمورة والله منور الشات فيكي ومتل ماقالتلك دمشقية هنن مابيجوا لعندي كتير بس انا مابتفرق معي كل يومين والتاني منروح لعندهم :lol:
وياستي كانت ماشاء الله السفرة عامرة شوربة ماجي وشوربة فريكة باللحمة والخضار وسمبوسة باللحم وفطاير بسبانخ وعجة وصينية بطاطا بالفرن وتسئية بزيت وتبولة وسبحان الله الفطور برمضان بيحلى بالجمعة واللمة وانتي ربي يخليلك زوجك وابنك وأهلك وكل أحبابك

أهلين دمشقيتي شو طلعتوا اليوم ولا بالبيت ؟ انا زوجي راح على الشغل كالعادة بس قلي يمكن يرجع بكير ويطلعنا
وشكلي مارح اقدر احتفل بقى رح اعطيه الهدية وخلصنا :(

ام محمود يلا ما بتفرق كتير انت عندا هي عندك مو مشكل المهم هي الجمعة
بس مو حماتك هي نفس حماة سورية......................انا هيك بتذكر ولا انا غلطانة
وصحتين وهنا ع الاكلات الطيبة ويديمكون ع بعض انت وسورية
اي والله انتو متل خواتي واعز باذن الله
ولشرح التقريضة اكتر
هي لحمة هبرة مفرومة ناعمة وبتحطيلا برغل بتكوني ناقعتي بالمي لحتى ينبج وبتبلي البرغل مع اللحمة ومع البهارات يلي تحبيها ليصيرو متل العجينة وبتعمليون متل الاصابع وتشويون بالفرن او تفرديون بصينية وتشويون نحنا منحبون اصابع لان بكون اكلون اسهل . يعني تقريبا لكل كيلو لحمة شي كاسة برغل ناعم رح تقولي بتشبه الكبة بس هي غير الكبة تماما
في ناس بتقلا تقريضة وفي ناس بتقلا كبيبات


وصحتن وهنا ههههههههههههه حاسة حالي عم قدم شي برنامج طبخ

اما اليوم يلي طبخت وتعدلت هي حضرتي ام مازن ع سن ورمح
عملت شرحات جاج مطفاين بليمون وتوم وشوربة عدس وفتوش ومتبل بيتنجان
وخلصت سيرة الحب
بشوفكون بخير

كيفكون يا صبايا وكيف الحال
والله يا صبايا طول الوقت بالي مشغول على اهلي
الله يفرجها علينا وينصر الحق وان شاء الله رح تفرج ويرجع الامان لكل الشعب السوري
سلامي الكم صبايا
والله انا بحبكم كلكم و انتو متل اخواتي
تسلمولي وان شاء الله بيتحقق كل شي بتتمنوه والله يبعد عنكم كل مكروه

يسعد مساكم ياحلوات والله يفرجها على سوريتنا وترجع مثل اول واحسن ياااارب

سورية اهلين تؤبشيني كيفك اليوم ؟؟ وكيف الحلوين

اي والله طلعنا على ال 12 قضينا مشاويرنا ورحنا على المول اشترينا ملابس لمحمود وشام للعيد ورجعنا جبنا ايس كريم هههه وعلى البيت
وانتي الله يعينك ويحمل معك بتفرج

اهلين سمورة ولا قلك ام مازن هههه الله يخليلك مازن يارب وتفرحي فيه

واي والله مابتفرق المهم الجمعة ونحنا هون مالنا غير بعض انا وهي نتزاور الحمد لله ... وحبيبة قلبي تسلمي الله يعزك ويخليلك احبابك يارب
وهلا عرفت التقريضة بس عن جد هي متل الكبة ؟؟ يعني بس انها مشوية نحنا بالشام منعملها هيك منسميها مدللة هههههه

وياسلام على الشرحات المطفاية ان شالله هنا وعوااافي يارب اي والله اكلة بتشهي ومقدرة والمقبلات معها بتجنن تسلم الايادي ام مااااازن
كل سيرة حب وانتي يارب بخير وعوافي

*********

هلا روح عامر الله يحمي اهلك ويحفظهم ربي ... والله اكبر على كل ظالم وابن حرام الله يورجينا فيهم عجايب قدرته
استودعي اهلك عند ربك بكل وقت والله الحافظ ان شالله
شدة وبتزووول باذن الله

هلا بسمورة ام مازن الله يسعدك وتوضيــــــــــــــــــــــــح , حمات دمشقية بتكون سته لزوجي وحماتي الله يرحمها بتكون بنت حماها لدمشقية يعني زوجي ابن اخته لزوج دمشقية :confused: هههههههه
وماشاء الله عليكي والله اكلات طيبة يعطيكي العافية وصحة وهنا على قلبكم

اهلين دمشقيتي منيح يلي طلعتوا و غيرتوا جو ولاتهكلي همي بدي اتعود

اهلين ام سنا والله الحق معك تقلقي الله يحمي اهلك ويحمي كل الناس هنيك ويفرجها عليهم من عالي سماه
وتسلمي يارب والله نحنا منحبك وانتي ربي يفرج همك وينولك مرادك يارب