جمعتنا ولمتنا السورية مع اغلى صحبة اردنية لشهر جادى الثاني 1433هـ حياكم صبايا اتفضلوا

كيفكم ياحلويين انا اجيت :D واخيرا رجع النت كان مقطوع والله طفشت بلاكم
اهلين دمشقية منيح يلي لقيتي الخاتم مال حلال مابضيع بس مرة تانية بطلي همالة خخخخخخخ ويالله الله يقويك على جية هالضيوف ياعليي لأنه كل الدعك حيكون عندك ووجهك ابيض تؤبشيني

اهلين ام سنا ربي يسعدك ويقويكي ويبسطك مع محبينك وان شاء الله العمر كله يارب
وان شاء الله بتتيسر جية الفرن واول شي بتساوي فيه هو البسبوسة :lol:

اهلين تغريد كيفك سمو بدنك بهالروحة ياعليييهم حبيبتي انتبهي على زوجك والله لو انا بدالك لكنت نزلت سبحت معه لجوزي وماتركته في بنات كتير عيونهم قوية بس بنت حماكي عينها على اقوى ههههههههه الله يعينك
ويالله اكسبتي رياحة واكل برا ياريت كل العقابات متل هالعقاب :lol:
انا طبخت اليوم رز ببازيلا الله يديم علينا نعمه

ام فيصل ان شاء يكون ابنك بخير يارب ادخلي وطمنينا

صباح الخير ياصباياF:
شواخباركن
اسفة ماطمنتكن بس والله
الله اعلم بحالي ماعم ارفع راسي وهاد حالي من لما مرض فيصل
تاني يوم تعب اكتر وصار يراجع الله يعزكن وسخن واختو كمان سخنت وصارت تراجع
اخدتن عن دكتور استشاري غير هداك
وفحصن الحمدلله عطاه فيصل ابر التهاب وقلي رجلي من التعب ماعم يقدر يمشي واختو التهاب بالصدر
والحمدلله اخد ابرة وصار يمشي بس والله من يومها لهلا تعب وارهاق فيني وماعم نام لل2الضهر وساعتين وبس
عم ترتفع حرارتن كتير وماعم تنزل لا بحمام ولا تحاميل ولا ابر
اخدتن رجعت مبارح وعطاهن ابر والحمدلله خفو شوي
وهاد حالي الله وكيلكن ان شاء الله يارب يكونو احسن اليوم لاني والله تعبت من قلة النوم
وانتو اكبر قدر من الغسيل وفرك السجاد بسبب المراجعة
ويسلمو ايديكن شغلتكن معي
هلا حسيت بمعنى الجنة تحت اقدام الامهات
الله يخليلنا امهاتنا يارب
وتصورو كل هاد اللي صرلن بسبب عين الله يجيرنا يارب ويبعد عنا الاذى

صباح الخير على الجميع

اهلين سورية والله اشتقنالك ... واي والله حق معك الاهمال بدمي مو بايدي
لك مبارح بحاكيكي على الماسنجر بتقومي بتسكري يضرب هالنت تبعك اي طقشتيني .... وتسلمي حبيبة قلبي شهشلت كتير بالبيت وباقي اقلب القعدة
وكم شغلة وخلص هلكت والله شي بملل

&&&&&&&&

اهلين ام فيصل الف لا باس على ولادك سلامتهم وان شالله كل عين بتأذي وبتحسد الناس عن قصد يبلاها بالقلع بعيد عنكم
ياعليي اطفال شو بدهم يلقوا ليلقوا .... حصنيهم منيح وقت المغرب كل يوم اقرئي عليهم المعوذات وسورة الكرسي وقولي اعوذ بكلمات الله التامة من كل شيطان وهامة ومن كل عين لامة وحصنيهم منيح وربي يحميهم ان شالله

وبخصوص الحرارة افضل شي تحطي مع المي خل باذن الله بتخف وبتروح والتحاميل اروع شي للاطفال ومتل السحر باذن الله تحاميل فولتارين لا تخبيها عن عدو حتى
والمراجعة شربيهم لبن فيه سن توم مدقوق باذن الله بطهر المعدة والامعاء

والله يخليهم ويارب يتحسنوا ويطيبو بسرعة وانت الك الجنةالله يقويكي ياااارب

اهلين دمشقية الله يعطيكي العافية ويقويكي ووالله مبارح النت انقطع مو انا سكرت بالعكس كان نفسي احكي معك

اهلين ان فيصل ياعليي اولادك مابيلحقوا يطيبوا الا بيرجعوا بيمرضوا ربي يشفيهم ويلبسهم توب العافية ويحميهم من كل عين يارب وانتي ربي يقويكي بحسنتهم يارب

مررررحبا يابناااااااااات

اشتاتلكن كتييييييييير كتييييييييير
الي رجعة بس خلص كم شغلة
اليوم حملة النظافة كانت بغرفتي شباك وستاير وارضيات وحمام وغسيل شراشف ....الخ ماخليت شي باقي هلي الخزانة من جوا والتسريحة

راجعة بس بدي اشيك عالبيت

ســــــــــــــــــي يـــــــــــــــــــــو

هلا تغريد تشتألك العافية يااااااااااااااااارب ونحنا اكتر ياعسل وبسم الله ماشاء الله عليكي الله يقويكي ويعطيكي الف عافية

[QUOTE=الدمشقية;16073367
&&&&&&&&

اهلين ام فيصل الف لا باس على ولادك سلامتهم وان شالله كل عين بتأذي وبتحسد الناس عن قصد يبلاها بالقلع بعيد عنكم
ياعليي اطفال شو بدهم يلقوا ليلقوا .... حصنيهم منيح وقت المغرب كل يوم اقرئي عليهم المعوذات وسورة الكرسي وقولي اعوذ بكلمات الله التامة من كل شيطان وهامة ومن كل عين لامة وحصنيهم منيح وربي يحميهم ان شالله

وبخصوص الحرارة افضل شي تحطي مع المي خل باذن الله بتخف وبتروح والتحاميل اروع شي للاطفال ومتل السحر باذن الله تحاميل فولتارين لا تخبيها عن عدو حتى
والمراجعة شربيهم لبن فيه سن توم مدقوق باذن الله بطهر المعدة والامعاء

والله يخليهم ويارب يتحسنوا ويطيبو بسرعة وانت الك الجنةالله يقويكي ياااارب[/QUOTE]

صباح النور اهلين ام محمود كيفك شواخبارك
الله يسلمك يارب وماتشوفي شر بولادك
امين يارب وبقلولي الناس لاتطلعين ع مكان
مستحيل احبسن بالبيت سلمتن لا الله
الله يحمين ويحمي ولادكن يارب
قريتلن والله
الحمدلله اليوم صارو احسن
ايه والله كنت استعملن هالتحاميل بس من فترة سمعت انو فيو ضرر بقى ماعاد استخدمتو
الله اعلم اذا صح او لا
ان شاء الله
ويارب يتمملك حملك ع خير ويقويكي
الله يعينك وقت تكون الوحدة منا حامل بتكره حياتها كيف وانت جاييكي ناس
مو عرفانين انك حامل؟:mad:
لان ع حسب ماقلتي انو من فترة سقطتي فلازم ترتاحي
الله يحميكي ويقويكي
انتبهي ع حالك

صباح النور ام عبدالله
شواخبارك ان شاء الله تمام
شايفة الله يعينا ويحمين يارب
الحمدلله رب العالمين استفائدة الله رحمة
ويقويكي ويحميلك ولادك يارب
كيف اهلك بخير ان شاء الله

اهلين تغريد
صباح النور
يلا وانا حعزل اليوم
انا الصراحة مافي شي بالدنيا بخليني غار غير التعزيل ههههههههه
الله يعطيكي العافية

صبااااااااااااااح الخير يا حبوبااااااااااات

ام عبدالله تسلميلي يارب والله يعافيكي

ام فيصل الحمدلله انو ولادك تحسنو اعوذ بالله عيون الناس ما بترحم الاطفال حتى ابقي اقرئي عليهم وحصنيهم

والله صادقة الغيرة بالنظافة بتعطي داااااااااافع
والله بكرف ليل نهار لحتى ارضي ربي وارضي نفسي هاد وانا براسي وما عندي ولاد من غير شر وباعتبار عايشة بالبيت لحالي لانو زوجي يادوب بيجي وبينام بس يي عليها هالبلد شو منضفتي بيرجع يتغبر بلمحة عين والله كنت مكيفة بالاردن الغرفة يلي تنضفيها وتسكريها بتقعد اسابيع نضيفة

ام محمود كيفك ياحلوة والله يقويكي على ضيوفك
والف الحمدلله انك لقيتي الخاتم فديري بالك بقى ولا عاد ترميهم يمين وشمال حطيهن بعلبة لحالهن وارفعيهن بالخزانة

نبع الحب وينك زماااااااااااان ماطليتي اشتانالك بقة
روح عامر طمنينا عليكي وكيف الجو عندكم

كانو بلشت تحرحر بجدة؟؟

ام فيصل انتي وين ساكنة؟؟

اهلين تغريد
تسلمي يارب
وانت ماتشوفي شر يارب
ايه والله جد هون كل شوي بدك تشتغلي
الله يعينا
اليوم انا عزلت غرفة الولاد :confused:
الحمدلله خلصت من همها
والله انا بالخرج قريبة من الرياض
والله لوكنت مكانك كنت تلاقيت مع ام محمود وام عبدالله:thumbs_up:
الواحد مو دائما بلاقي صحبة طيبة ع قولة فتافيت:lol:

مسا الخير للكلF:
كيفكن شواخباركن
ان شاء الله يكونو بخير زهورة ونبع الحب وام سنا

صباح الفل والياسمين للحلوة يلي عيد ميلادها اليوم
وان شاء الله بتتحقق كل أمنياتها

يسعدلي اوقاتكم ياحلويين
هلا تغريد ربي يسعدك ويخليلكي
ام فيصل ايه والله استفئادة الله رحمة والحمدلله يلي هيك ومو اكتر بدي اسالك انتو ا عملتولن لأولادك عقيقة يعني دبحتولهم ؟ لأنه سبحان الله بيكف البلا عنهم انا بس جودي دبحنالها باقي عبودي وهدى يعني علينا تلات خواريف لأنه على الصبي 2 والبنت 1
وتسلمي يارب والله صحبتكم هيه الطيبة

اهلين ام سنا كيفك ياعسل

صبااااااااااااااااح الخير يا صبايا

وين غاطين ؟؟

ام محمود وام عبدالله وينكم ما بينتو انشالله خير طمنوني

ام فيصل حبيبتي يعطيكي العافية وعقبالك ما تخلصي كل البيت ههههههههه

بنات ادعو لاعمامي امس عملو عملية التنين واحد تبرع بالكلية للتاني
اللي تبرع فاق وامورو منيحة الحمدلله بس اللي نقلولو لهلا بالعناية المركزة
يارب تشافيهم وتعافيهم وتتلطف فيهم ياااااااااااااارب

ام محمود ياربي كل عام وانتي بألف خير وصحة وعافية :065:وعقبال مية سنة وربي يحقق احلامك وآمالك ويتمم حملك على خير ويحميكي ويحمي البيبي ويجعل ولادتك سهلة ميسرة
يااااااااااااااااااااااااااااااااااااااااااااااارب :087:

هلا تغريد والله انا وام محمود انشغلنا ببيوتنا شوي لأنه ضيوفنا اجو من سوريا ورح ننشغل فيهم شوي بس اكيد مارح نقطعكم مامنقدر
وربي يشافي عمامك ولايضرهم يارب ماشاء الله عليهم والله ونعم الاخوة

ماشاء الله اليوم عيد ميلادك يا ام محمود كل سنة وانتي سالمة وعقبال ال100 سنة والله يطول بعمرك ويحميكي ويحمي اولادك ويقومك بالسلامة


حمدالله على سلامة زواركم والله يقويكم
بس ابقو طلطلو وطمنونا عنكم


ايه والله يا ام عبدالله شي بيشقعر البدن بابا وعمامي التلاتة الباقيين ما شالله عملو فحوصات ليتبرعو لاخوهن بس طلع واحد منهم الانسجة والدم متطابق وعلى طول قدمو الطلب الحمدلله الله يتلطف فيهم ويقومهن سالمين لولادهن ياااااااااااااااارب يا حبيبي