جمعتنا ولمتنا السورية مع اغلى صحبة اردنية لشهر جادى الثاني 1433هـ حياكم صبايا اتفضلوا

روح عامر;16067975:
أم محمود
يا اختي هادا الشوندر والمجدرة اكلتنا المفضلة عند اهلي
كان بابا لما يجبلنا الشوندر فورا منقول لماما عمليلنا مجدرة
الشوندر الاحمر منسلقو وبعد ما يستوي بقشرو ومنقطعو مكعبات وعصير ليمونة وملح ومي وتومة اذا بدك وفيكي تستغني عنها بس معها اطيب
وبتصير متل الشوربة بس باردة وكتير طيبة مع المجدرة وكمان بحط الشوندر بدون شوربة بقطعو حزوز
هلأ زوجي مبارح اكتشفت انو مابيحب الشوندر لانو اكل قطع وحسو ما متقبلو
بس انا وحدة ورا وحدة جربوها بيجوز تعجبكون
اما الطبخ اليوم اليوم ما رح اطبخ انا موجوعة شوي صرلي يومين وجع ومغص وكل يلي بدكون ياه انا شكيت من وجع الدورة مشان هيك عم استنى اخلص ان بقي الوجع رح روح عند دكتورة

اهلين ام سنا
اها اول مرة بسمع بهالطريقة للشمندر ممكن نكون طيبة ليش لاء انا اصلا عمري مادقته بس بحطه بالمخلل وهنا وعوااافي يارب على قلبكم كل شي مع العافية طيب

وسلامتك يارب اكيد من وجع الدورة ولي عليها وعلى همها انا من بعد ماشلت اللولب رجع علي وجعها متل لما كنت بنت
اشربي كمون يانسون نعنع اي شي المهم يهدي هالوجع سلامتكF:

مـــــســـــــــــاء الـــســــــعـــاده لأحلى صبايا

يسلموووو دمشقية ع التجمع الجديد الله لا يحرمنا هاللمه الطيبه


اللهم اجعل لأهل سوريا فرجا و مخرجا ,اللهم و احقن دماءهم ، و احفظ أعراضهم ، و آمنهم في
وطنهم، واكشف عنهم البلاء،اللهم و قاتل الظلمة المتجبرين،يا جبار يا قهار اللهم خذهم أخذ عزيز مقتدر، وأرح البلاد و العباد منهم يا عزيز،اللهم و الطف بعبادك المسلمين في كل مكان يا رحيم يا رحمن ، اللهم انصر الإسلام و أعز المسلمين ، اللهم و أنعم علينا بالأمن و الأمان يا لطيف يا منان ، و الحمد لله رب العالمين ... آميـــن يارب العالمين

يارب بلغنا رمضان واحنا بخير وعافيه وسعاده F:

الدمشقية;16066777:
خلوني ارد على نبوعة من التجمع اللي تسكر هههه

بخصوص الفيسات اكيد بكفي :lol: بس والله انا قصدي انو مو بالقريب العاجل ابدا يعني انا دعيتلك بس قلتلك ابدا مو بالقريب العاجل

:p والله بعرف ...بس تخيلت اني حامل وطلعو معي الفيسات :lol:


ياحياتي اكيد بدررررري عليكي وبدري على مجووود كمان شو لسى جزمته المسكين هلا انحطت على الرف ههههه الله يحميه هو واخواتهF:

بس بتعرفي لو الله كتبلي واحملت حزعل شوي :( وبعدها حرضى واحمد ربي
إني دقت معنى الحرمان من الحمل وكانت أيام صعبة علي واللي صعبها أسئلة الناس :'(
حبيبتي انا عارفة ولا تفكري اني زعلت او شي لا والله بس هيك حطيت الفيسات :worn_out: للمتعه ...الله يحميلك اولادك وجوزك واهلك يارب F:
وصح البنات محترمين اكثر بس دلوعات اكثر تعالي شوفي شام باليوم بتبكي مية مرة مطفشتني من كتر حساسيتها ومن دلعها :| ومو انا والله اللي بدلعها لا لا
ماعندي دلع والله بس هما البنات بدلعوا حالهم غصب:015::062: هههه الله يحميهم ويستر عليهم ربي

ياسلام
بيطلعلهم يدلعوا :adore:كمان لا تنسي انو هي اصغر من اخوها فهاد كمان بيخليها تدلع بزيادة
الله يخليها ويفرحك فيها يارب
قلتيلي حلوة بالمنام :K:الله يجبر خاطرك ... عيونك اللي حلوة المهم اتزوجنا وخلفنا ومشي سوقنا ههههههه
ههههههههههههههههههههههههههههههه صادقة نفدنا والحمد لله...

وربي يسعدك وحبيتك العافية على طووول يارب

تسلميلي حبيبتي :L:
يؤبشني الشرير انا هههههههههه ... حرام والله زوجي مابقصر بس المشكلة انا مابتوحم على الاكل ههههه الحمد لله طبعا
;) هههههههههه ...الله يخليلك اياه
سبحان الله .!مابيجي ببالك شي ؟؟

بس مرة قلتله نزلت العوجا ؟ ( اللوز الاخضر)) وخدي بقى كل يوم يجبلي عوجا :064: واخر كيس خرب بالتلاجة وكبيته خخخخخخ هلأ عم استنى الجانرك ييي عليها شو طيبة

سال لعابي




صحة وهنا يارب ..أنا سبحان الله مابحبها ولا بتجي ببالي ابدا

انا توحمت ع الكوسا :!!: يمييييييي وع قولتك رايح جاي يجيب كوسا خخخخخ
آخر كيس جابه قبل أسبوع :lol:ولما شفته :| لإنو العيله كلها
صارت تحبه ع كتر ما أكلوه بحملي خخخخخخخخ
وتوحمت ع الحلو بشكل مو طبيعي :adore: وكنت متأكدة انو فيني بنت من الحلو بس سبحان الله
ما الو دخل ...
الله يخليلنا اياهم يارب ويطول بعمرهم F:



عن جد طبيعي انزل اول الحمل ؟؟؟ طمنتيني لاني انا من النوع اللي كتير بهكل هم وزني وخاصة اذا نزل لان بطلوع الروح لاطلعلي كيلو مابالك اخسرو
اطمني ان شاء الله مافي شي وهاد طبيعي
الحامل بتنزل بالأشهر الأولى وبتزيد بالأخيرة

لاء بس انتي لازم تهتمي باكلك منيح اللي شفتيه بالولادة مو سهل بقى انسي الوزن وكللي تماااام ياقمر


ما أنا والله مو مقصره ولإني برضع كمان فبجوع كتييير
بتعر في اني كنت اكل وما اسمن لحد ما شافتني وحده عينها يالطيف وحكتلي انتي مخلفة؟؟؟مو معقول مو مبين عليكي جايبه ولاد وبلش وزني يزيد
انا مو سمينة كتير بس مليانه وحابه اخفف بس مو هلأ شوي
والله يقويكي يالله بتتعودي وبتصيري بتتذكري من الذي مضى ومابتنسي شي واهم شي الغيارات والرضعات هههه

هههههههههههه عقبالك يارب وانتي قايمه بالسلامه ...متى موعد ولادتك ان شاء الله؟؟

بتعرفي انا لهلأ ما طلعت مشاوير فحاسه انو الموضوع صعب مع بيبي هههههههههه لإني من زمان ماحملت بيبي وطلعت :worn_out:
وامين الله يخليهم ولا يحرمهم لحدا يارب
يــــــــــــارب
انا والله كنت حاطة لولب وشلته برمضان الماضي وبعد شي 3 او 4 شهور حملت بس الله ماكتب ونزل ووبعدها بكم شهر هيني حملت الحمد لله
واملي بالله يتم حملي على خير انا وجميع الحوامل يارب
ان شاء الله بيتم ع خير دايما استودعيه وربي يقر عينك بطفل سليم معافى

هلأ انا متحيزة شوي للاولاد يعني بموت بلبسهم واناقتهم عكس الناس ماكتير بتغرني ملابس البنات هههه بقى نفسي بولد اذا ربي اراد
واذا بنوتة فالحمد لله على نعمته المهم الخلاص والخلقة بين الناس على قولتنا
هههههههههههههههههههههه مو معقول ؟؟أنا عكسك حموت ويصير عندي بنات :adore:
و لبسهم احلى لبس
اما الصبيان ما بتجذبني ملابسهم
والله يرزقك صبي زي ما بتتمني
وكلو نعمه من ربي

وعوافي على الاوزي شو الرقايق اللي بتستخدميها للاوزي ؟؟

الله يعافيكي يارب ...الأوزي عنا رز (امريكي مو مصري )مع بازيلا وجزر
وع الوش بنحط لحم مفروم وصنوبر ولوز
ما بنعملها صرر متلكم F:

اهلين تغريد ماشالله عنك الله يحميكي ويقويكي يارب
وحق معك الوحدة ببيتها بتكون غير عند اهلها ... واه على الغبرة هلكتنا هو قليل اللي شفناه هالسنة ومن غير ولا نقطة مي الله يرحم حالنا يارب

وقيمتك وواجبك محفوظة حبيبة قلبي بس العتب بيبقى على هالعالم ... ودائما زعلتي عصبتي تعالي فشي قلبك هون عنا نحنا هون كلنا اخوات ان شالله
وامك خطية بكفيها همها ببعدك وغربتك عنهم
انا هيك من اول ماتزوجت اتعودت مااشكي همي لاهلي ابدا وخاصة انو غربتي كسرت حيلهم ياعليي وكمان وصيت سورية بهالشي قلتلها فشي قلبك الي
لك للجيران للغريب بس اهلنا مانهمهم ولا نحكيلهم اي شي يدايقهم

والله يقر عيون اهلك واهلنا بشوفتنا يارب هههههه وهنن ونحنا بخير يارب والله يريح بالك على طووول ويخليلك اخواتك واهلك ان شالله
صحيح ماقلتيلنا اديش عمرك ؟
لاني رايحة قوم دقها اتلة لسورية مفكرة حالها صغيرة خخخخخخ

صحيح تغريد الشمندر اللي هو الشوندر الاحمر هون بسموه بنجر أحمر عرفتيه بحطوه للمخلل منشان يصبغ احمر اذا مابدك تحطي صبغة
عرفتيه ؟؟؟؟ هي صورته لعيونك


&&&&&&&&

هلا وغلا ام فيصل يسعدلنا اوقاتك يارب
وماشالله كيلو و700 غرام حيااااتي كتير صغار اكيد بطونك بكون صغير وقت الحمل ؟
انا شام كنت كتير اتلبك بلبسها لاني اخاف املصلها شي ايد او رجل خخخخخ فكيف ولادك حياتي الله يحميهم والارض بتربي يااختي

وشو هالشات الفاقد للذاكرة خخخخخخخخخ طلعنا كلنا هون بالهوا سوا
الله يقوينا بس ويحلينا بعيون زواجنا اهم حااااااااااااااجة ههههه

فديت عطره الله يعطيكي العافيه

ويعينك ع جوزك ( المحقق كونان )ماشاء الله ما بينضحك عليه

بتعرفي كل وحده سبحان الله بتلاقيها بتتعود ع جوزها وطريقته بالحياه

.................

وبالنسبة لبنت حماكي طنشييييي
واتحملي هالزيارة بالطول وبالعرض
واكيد جوزك مدايق بس مابدو يبينلك

انا امبارح عملت شيخ المحشي وضل عندي كملناه اليوم

بكره جاييني ضيوف وملبكه بصراحه

وماني عارفه شو اعمل حلو

بدي شي خفيف ولطيف وابن ناس هههههههههه

هلا وغلا نبوعة يسعد اوقاتك يارب وتسلمي حبيبة قلبي على دعواتك وربي يكرمك ويسمع منك

حياتي والله والله لا يجيب زعل ابدااا ... وربي يرزقك بللي تتمنيه وبالوقت المناسب خخخخ ,,, والله لا يحرمهم لمخلوق وربي يرزق الجميع
والناس مابترحم اي والله ...
عندي اخت صارلها مزوجة اربع سنين وزوجها عنده مشكلة للاسف ومافي غير رحمة ربك هو اللي قادر على كل شي
ياعليي بحزن عليها على قد هالناس مابتتزانخ ومابتتركهم بحالهم ابدا على سين وجيم مع انهم بيعرفوا بس لازم يتفلسفوا
فالله يكرمها وكل متمني يااارب

وانا لا والله مابيجي بالي ولا شي ابدا يعني حتى مابعرف وحام الاكل ابدا الحمد لله ... شفتي موفرة وشطورة هههه
وموعد ولادتي ياطويلة العمر اذا ربي اراد على 14 امممم شهر 10 على خير يارب ... وامين الله يسمع منك يارب

هلأ كلله نعمة من الله الحمد لله الله يكرمنا الخلقة التامة يااارب ...
بس بحس ملابس البنات كلها عجئة ولجئة خخخخخ بس ملابس الاولاد كتير بتعجبني وخاصة لما بمر ملابس الماركات وبكونوا ملبسينهم على المليكان وحركاااات ... ورواااء وشياكة ... وانتي طبيعي تشتاقي للبنوتات لانك ماجربتيهم وكل شي ممنوع مرغوب سبحان الله

قلتيلي مالو علاقة الحلو بالبنت سبحان الله كل وحدة بتختلف عن التانية
انتي جربتي شي الجدول الصيني ؟ هلأ بعرف انو كلام فاضي والعلم عند الله بس يعني كفضول ماجربتيه ؟

ونحنا الاوزي لما مندلله منحب نطبخه بالرز الطويل الامريكي عن جد الذ واطيب بس بما أن سميناه اوزي معناها بالشامي انو بصرر هههه
ولما منحطه عادي بجاطات من غير صرر منقول عنه رز ببازيلا خخخخ شفتي بقى

صحيح بخصوص عزيمتك بكرا الله يعينك ماحلك يعني ... الله يقويكي يارب
شوفي عملي طبق اساسي اما كبسة او منسف او فريكة او ..... وجنبها عملي جاط تبولة وجاط فتوش وشوية فطاير مشكلة وصحن متبل
والله يقويكي يارب ووجهك ابيض على طووول ان شالله
انا متلك كتير بتلبك بالعزايم وبخاف ...

صباح الخير
هلا نبوعة الله يسعد اوقاتك يارب وآمين الله يسمع منك
والف صحة وهنا على شيخ المحشي والله يعينك ويقويكي على جية ضيوفك ويبيض وجهك
اعملي الحلا بسبوسة طريقتها سهلة ومابدها كتير اغراض رح قلك الطريقة يلي انابساويها
علبة حليب بوني فضيها بقلب جاط عميق وعيري فيها كاستين سميد وكاسة سكر وتلات ارباع زيت وعلبة قشطة وملعقة صغيرة فانيليا وملعقة صغيرة بكم بورد وملعقتين حليب بودرة واذا بدك حطي بقلبها حوز الهند وخلطيهم بالمعلقة وصبيهم بصينة تكون مدهونة بالزيت وحطيهم بالفرن من تحت اول الشي وبس ليحمروا الاطراف شغلي عليهم من فوق وبس تحمر طلعيها من الفرن وقطعيهاوسقيها بالقطر وهية سخنة والله كتير طيبة اسألي ام محمود وزوجها صارت مقررة عليهم كل خميس بساويلهم ياها ههههههههههههههههه

والله يابنات مبارح كنت مكسلة عالاخر وبيتي قايم قاعد قام ابن عمي يشكل آسي ياحق هههههههههههههه
هزلي بدني ودايقني وطلع مع صاحبه وصبيت غضبي وانزعاجي على البيت وساويت المطبخ والتلاجة والحمامات واجى جوزي وطلعلي شبابيك المطبخ ونضفلي ياهم ( عم يراضيني ) خخخخخخ بقى ان شاء الله يكمل معروفه معي ويخليني خلص بقية البيت :lol:

هلا دمشقية ايه لكن لساتني صغيرة :017:هههههههههههه ماحدا بيضل صغير
وعبايتك بجبلك ياها جوزي وهو رايح عالنادي

اهلين سوريتي لك ماعاش اللي بدو يهزلك بدنك بس انتي نئوزية خخخخ ماحلك تتعودي آآآه
وبعيد الشر عن قلبك لا يشكل ولا يحط ان شالله الله يخليلنا ياكي ويطولي بعمرك وامانة برقبتك تاني مرة لا تدعي هالدعوة
فاهمة ،،،،،،نرفزتيني بدل مايراضيكي عيد ميلادك مبارح كان بقوم بيعمل هيك ولي على هالرجال ماقواهم
بس يالله خلصتي من هم المطبخ هههههههه شطورة الله يقويكي
ويسلموا على العباية غلبتك معي الله لا يحرمني منك؛؛؛لا تنسولي ياها ايوا كملوا معروفكم

واي والله مافي أطيب من بسبوستك مو بس بشهادتي بشهادة الكل والله
يخليلنا هالانامل ياحقققققق

اهلين دمشقيتي ربي يخليلي ياكي ولاتتنرفزي حبيبتي ولا على بالك من شان البيبي يؤبش قلبي بعدين هون بالسعودية مافي آس ههههههههههه خلص التوبة ماعاد عيدها
ولاتخافي مالي ناسيتها من عنوني
وتسلمي يارب انا من بعدك وخلص عشان هالكلام الحلو رح ساويلك ياها يوم الخميس :D

مسالخير ياصبايا
والله انا كتير متدايقة وحاسة حيوقف قلبي من كتر البكى مابعرف شواعمل
مبارح فاق ابني الصبح وماعم يقدر يوقف على رجليي وصار يبكي
وكل ماحاول يقوم يرجع يوقع ويبكي وصار يزحف
لما اخدتو المسا عالدكتور كان عم يمشي شوي وشافو الدكتور وقلي مافيو شي
مع انو لا طلب تحليل ولا اي شي بس شاف حلقو وخلاه يمشي وبس قلي يمكن متكسلن
رجعت عالبيت رجع لنفس القصة ماعم يقدر يمشي او يوقف عم يزحف زحف امانة شو اعمل والله قلبي عم يتقطع عليي مربطة ايدي خايفة يكون في شي
وزوجي ماعم يرضى ياخدو ع دكتور تاني
حدا بيعرف شي عن الموضوع او مارقة عليه هالحالة الله يخليلكن ولادكن ويحمين

سلامة قلبه ام فيصل
اختي لا تخافي وكليه لربك ان شالله مايكون فيه الا الخير يااااارب انا زوجي بيحكيلي وهو صغير صارت معاه نفس الحالة واخدوا على الدكتور وفعلا المشكلة كانت من حلقو
بس وقتها اعطاه ابره ورجع عم يمشي الحمد لله لانه اخدوه حمل على المستشفى من غير اليوم والالتهاب وقتها نزل على رجليه
بس وقتها قال ان الدكتورة وصفتله ابر التهاب ودوا والحمد لله اتحسن وقتها ولا كانه شي صار

بقى بنصحك تاخديه دكتور تاني اذا هالدكتور ماوصفله شي اما اذا وصفله دوا فاعتمديه وتوكلي على الله
واذا زوجك مابدو ياخده طبيب تاني اسئلي الصيدلي عن هالحالة وهو بيكتبلك الدوا المناسب
قلبي معك ول تنسي تطمنينا عليه الف لا باس عليه

السلام عليكم صبايا كيفكم اشتاتلكم صايرة احس حالي تايهة وقت ما اغيب عنكم شوي هههههههه حتى لو ما بتكونو موجودين بتونس فيكم

ام فيصل سلامة قلبو حبيبتي لا تخافي كتير شفت حالات متل هيك بالعيادة هاد من الالتهاب والسخونة اذا عندو

كم عمرو لابنك الله يعافيه؟؟

ام محمود انا عمري 26 ليش انتو اديش عماركن حيرتوني ومين الاكبر ههههههههه مع اني سالت ام عبدالله وجاوبتني بس نسيت

ام عبدالله يسلم ايديكي على وصفة البسبوسة صارلي زمان بدور على طريقة جديدة لاني بعملها بلبن زبادي انا
وين بتعرفي خياط شاطر عندي عبايتين بدهن تزبيط ومن وين بتشترو عبايات؟؟


بنات وين بتعرفو نادي رياضة منيح ورخيص وابن عالم وناس ههههههههه حابة اشارك انا وجارتي عز الله عم ننتفخ مع هالقعدة بالبيت ههههههه

صباح الخير ياسادة شربنا القهوة السادة وهبت نسمة زرقاء ورفرف شعر ميادة
يسعدلي صباح الجميع

يسعدلي صباحكم يارب وان شالله يكون الجميع بخير الغايب والموجود
وسلامي لزهورة وكاتي وشامية وكل البنات الغايبات ويارب تكونوا بالف خير وحشتونا ولله

**********

صباح الخير تغريد الله يسعدك ونحنا تعودنا عليكي كمان بس شكلك مشغولة مبارح انتي والبنات ماحدا طل كتير الله يجعله خير
العمر كلله يارب انتي اكبر من سورية بسنة سورية 25 سنة العمر الطويل الك والها
انا اكبر من سورية باربع سنين

والله بخصوص الخياط فنحنا ابدا مامنتعال معهم بس هدا خياط هندي مدري باكستاني منحتاجه لتديق بنطلون تقصير عباية مو اكتر فما جربناه باشيا كبيرة
وغالبا انا وسورية منجيب العباية من واحد من هالاسواق اما سوق البوادي تشكيلته كبيرة واسعاره حلوة ... او مجمع الشرق ... ونادرا مانجيب من سوق الشاطئ

اما بخصوص النادي فوالله مارح نقدر نفيدك ابدا لان انا وسورية بدنا نادي يسمنا شوي وخاصة سورية اسم الله كل مالها عم تختفي خخخخخخخ
وان شالله يارب تلاقي واحد ابن رخيص وكويس وابن عالم وناس ههههه

اهلين ام سنا يسعد صباحك الحلووو يارب ... والله شعرات ميادة حلوووين هههههه
وينك غاطة؟؟؟؟

كيفكم ياحلويين ربي يسعد اوقاتكم
ام فيصل ياعليي ان شاء الله سلامة قلبو الله يهديه جوزك لازم ياخدوا لدكتور تاني شكله هالدكتور مو فهمان شو متكسلن الولد شو هالحكي واذا مارضي جوزك اسألي الصيدلي والله احيانا الصيادلة بيفهموا اكتر من الدكاترة ربي يطمنك عليه ويخليلك ياهم ومايضرك فيهم مستنيين تطمنينا عليه

اهلين تغريد انتي كيفك والله كلنا اتعودنا على بعض الله يديم المحبة بينا
وشو طلعتي اكبر مني بسنة :Dهههههههههههههه انا من يومين دخلت بال25
والله يسلم قلبك يارب وانتي اكتبيلنا طريقة البسبوسة تبعك عشان نحنا نغير كمان
وياستي هاد الخياط هندي كانت حماتي الله يرحمها تتعامل معه كتير وشغله نضيف بس غلوجي شوي
وانا والله مابعرف نوادي للنساء وسوق البوادي احلا سوق للعبايات فيه تشكيلة كبيرة واسعاره معقولة

هلا ام سنا الله يسعد صباحك كيفك وكيف سنا الامورة