سورية وبفتخر;16067758:
هلا تغريد الله يبارك فيكي وربي يسمع منك ويفرجها على سوريا
وانا كمان متلك جيت على السعودية برمضان وكنت مقضية اول عشر مع اهلي واجيت لهون ولقيت اختلاف كبير بين اجوائنا واجوائهم بس يالله انتي خلي رمضان هالسنة غير شكل ;)
ومو انا يلي سألتك عن الحمل هي ام محمود ههههههههههه ماقلتلك ركزي :confused: خخخخخخ
بس والله برافو عليكي بتعملي زينة العقل عيشي حياتك شوي وانبسطي لاتعملي متلي انا دغري حملت وكريتهم التلاتة ورا بعض
وبسم الله ماشاء الله عليكي الله يقويكي ويعطيكي الف عافية والله النضافة والرتابة مافي احلا منها وضحكتيني على تركيبة الشباك انامرة كنت باليمن ونازلة على سوريا وشنطة السفر ماكانت تتسكر معي اتصلت على زوجي وصرت ابكي وهو صار يضحك عليي وبعد ماهديت اتسكرت بكل بساطة هههههههههههه
وبخصوص بنت حماكي لاتحطيها ببالك ان اجت ولا مااجت يمكن بدها تغيظك لاتخليها تأثر عليكي وخصوصي قدام زوجك كل ماكنت متسامحه مع اخواته وطيبة ومابتعتبي عليهم بشي بتحلي بعين زوجك وبصير بشوف اغلاطتهم معك وتقصيرهم
اهلين ام عبدالله كيفك انشالله باحسن حال
الله يعينك فعلا صعبة تغيير المكان والعادات خصوصا برمضان سبحان الله بتكوني شايفة لمة اهلك وعاداتهم احلى شي بالدنيا
انشء الله رمضان هالسنة غير كتير متحمستلو هههههههههه من هلأ عم شم ريحتو
ههههههههه ياربي مافي تركيز خالص لازم الاقي طريقة اميز فيها بيناتكم
وشكرا على موافقتي الراي شديتي من همتي هههههههه
الله يعافيكي ياقلبي فعلا مافي احلى من النظافة والترتيب
عنجد نحن بنغرق بشبر مي انا بعد ما سكرت الشباك ندمت اني بكيت واتصلت باحمد مو مستاهلة هههههههههه
بخصوص بنت حماي انا موفارقة تيجي والا ما تيجي بس احيانا الاسلوب بيقهر واعوذ بالله مستحيل احكي لجوزي شي مو منيح عن اهلو حتى لو شو ماكان ياما دايقوني وعملو وساوو لهلأ ماعندو خبر وما بخليه يحكي عن اهلو بالعاطل اذا في شي مدايقو مابيصير بيتعود ومتل ما قلتي الرجال بيحب مرتو تعلي من شأن اهلو الله يهديهم على فكرة هم بيكونو حماتي وحماي عمتي وخالي بس سبحان الله بس صرت كنتهم بيتغير شوي الوضع انا من جواي هيك حاسة بس بيبقو احسن من غسرهم بكتيييييير الحمدلله