جمعتنا ولمتنا السورية مع اغلى صحبة اردنية لشهر جادى الثاني 1433هـ حياكم صبايا اتفضلوا

اهلين دمشقيتي كيف جهزتي حالك للحفلة ان شاءالله بتكون حلوة وبتنبسطي القطيلنا كم صورة بالسرقة ههههههه يالله مو تتأخري وتلتهي بالحكي مع الامهات عم نستناكي على العشا مبارح لفيت يالنجي عشانك والله

اهلين سورية الله يخليلي ياكي يارب وما انحرم منك الااااهي ... والله اليالنجي بجنن واختك كسلانة بتعرفي
وبخصوص الحفلة صرعت مخي شام من الصبح يالله قومي يالله قومي هلكتني ... ياستي ان شالله تكون حلوة عشانهم ونخلص من هالقصة

الدمشقية;16070232:
يسعدلي صباحكم يارب وان شالله يكون الجميع بخير الغايب والموجود
وسلامي لزهورة وكاتي وشامية وكل البنات الغايبات ويارب تكونوا بالف خير وحشتونا ولله

**********

صباح الخير تغريد الله يسعدك ونحنا تعودنا عليكي كمان بس شكلك مشغولة مبارح انتي والبنات ماحدا طل كتير الله يجعله خير

اهلا ياقلبي تسلميلي انشالله ..انا يوم التلاتاء رحت عند بيت حماي عالساعة 5 وروحت من عندهم عال12 لمن روح جوزي مر واخدني تسليت مع عمتي وخالي وغيرت جو بدل قعدة البيت
ويوم الاربعاء جمعه العيلة كل اسبوع بنجتمع عند بيت واحد من اخوان او اخوات احمد بنتسلى وبتعشى وكل وحدة بتجيبلها شي معها وحدة بتجيب كيكة التانية تبولة وغيرها معجنات اللي بينقدر عليه بس انا ما بيجيني دور لانهم ماشالله كتار وبيتي صغنون



العمر كلله يارب انتي اكبر من سورية بسنة سورية 25 سنة العمر الطويل الك والها
انا اكبر من سورية باربع سنين

ماشالله يووووه موكبيرة كتير فكرتك بالاربعينات ههههههههههههه


والله بخصوص الخياط فنحنا ابدا مامنتعال معهم بس هدا خياط هندي مدري باكستاني منحتاجه لتديق بنطلون تقصير عباية مو اكتر فما جربناه باشيا كبيرة
وغالبا انا وسورية منجيب العباية من واحد من هالاسواق اما سوق البوادي تشكيلته كبيرة واسعاره حلوة ... او مجمع الشرق ... ونادرا مانجيب من سوق الشاطئ


انا كمان بجيب من بوادي بس حبيت اسال



اما بخصوص النادي فوالله مارح نقدر نفيدك ابدا لان انا وسورية بدنا نادي يسمنا شوي وخاصة سورية اسم الله كل مالها عم تختفي خخخخخخخ
وان شالله يارب تلاقي واحد ابن رخيص وكويس وابن عالم وناس ههههه

هههههههههههه انشالله الاقي كتير حابة بغير جو وبنحفلي شوي وبضيع وقت

سورية وبفتخر;16070458:
اهلين تغريد انتي كيفك والله كلنا اتعودنا على بعض الله يديم المحبة بينا

اهلا ياعمري انا منيحة وفي اعراض غريبة بحس فيها تقريبا بلشت ابلد وما تفرق معي الغربة ههههههههه


وشو طلعتي اكبر مني بسنة :Dهههههههههههههه انا من يومين دخلت بال25

شايفة بالله..كنت مفكرة انك اكبر من هيك برضو انا ميلادي 7-3-1987
وكل سنة وانتي سالمة وعقبال ال100 سنة

والله يسلم قلبك يارب وانتي اكتبيلنا طريقة البسبوسة تبعك عشان نحنا نغير كمان
تقريبا نفس طريقتك بس بدل القشطة زبادي وبحب اكتر فيها جوز هند


وياستي هاد الخياط هندي كانت حماتي الله يرحمها تتعامل معه كتير وشغله نضيف بس غلوجي شوي
وانا والله مابعرف نوادي للنساء وسوق البوادي احلا سوق للعبايات فيه تشكيلة كبيرة واسعاره معقولة

مزبوط انا بشتري من هناك عباياتي



هلا ام سنا الله يسعد صباحك كيفك وكيف سنا الامورة

هلا ام محمود الله يسلمك ويخليلي ياكي وان شاء الله تنبسطي

اهلين تغريد هاد خبر حلو وان شاء الله تحسي هالاحساس دائما
والله يسلمك يارب وانا مواليدي 24 4 1987 معناها قدي قدك حتى انا اكبر منك بشهر كمان هههههههههههه بس لسى ماصرنا 26 طولي بالك انا بقله لجوزي هلأ طبقت العشرين :lol:
وقولتك بيتغير طعم البسبوسة اذا بدلنا بين القشطة واللبن ؟ بدي جرب
والله يجمعك بنادي منيح والله بتعبي وقتك وبتنحفي متل مابدك

اهلين سورية حبيبتي انتي

ولك انا اللي اكبر منك ههههههههههه انا سبعة تلاتة


جربيها للبسبوسة طيبة

اذا انتي عشرين انا زوجي بيعطيني 5 سنين

وكل شي بيخص الاطفال بيجيبلي ياه ههههههههههههههه

:
:



أحلى ما في الجمعه
اختا لي في الله
تقرأ رسالتي فتبتسم
وتصلي وتسلم على رسول الله
وتردد اللهم اغفر لي و لاختي
و ادخلنا في رحمتك
و انت ارحم الراحمين


:
:

السلاااااااااام عليكم

جمعه مباركة عالجميع

انشالله بكرة بشوووووفكن

جمعة مباركة عالجميع
هلا تغريد انا عارفة انتي اكبر عم امزح بعدين كله شهر مو محرز هههههههههه

هلا اختي سيمفونية اللهم صلي وسلم وبارك على سيدنا محمد وآمين الله يغفرلنا ويرحمنا ويجمعنا بالجنة

صباح الخير على الجميع

اهلين تغريد الله يسعدك يارب وان شالله تكوني قضيتي ويك اند سعيد مع الاهل والاحباب
بس حرام عليكي ليه فكرتيني بالاربعين هههههههه من كلامي مثلا خخخخ... عاد انا افتكرتك من عمري واكبر شوي على حكيك انك اكبر اخواتك
وانك اشتغلتي سنين عند دكتورة نساء ودكتورة اطفال وجامعة ... ماشالله فقلت اكيد بحيطان التلاتين

ياستي العمر كللله يارب

&&&&&&&&&&

اهلي سورية شو عملتي مبارح خبريني لشوف واسكتي ضايع خاتمي الدهب الحابس اللي فيه الماس اسود
والله فتل راسي ومالقيتو من يوم الحفلة بدي البسه ومالقيتو ومبارح خلت خليني ادور عليه ,,,, يالله انا شو مهملة وين جاططته مااااااااااااااابعرف

مشكووورة سيمفونية على الكلام الجميل الله يسعدك ويبارك فيكي

كيفك اخواتي وشو اخباركم وان شاء الله يكون الكل بخير
يعني انا طلعت اصغر وحدة بينكون
انا مواليدي 29_2_1988
في حدا اصغر مني
مبارح اجو لعندي ضيوف من امارة تانية وكنت مشغولة طوال اليوم
ام محمود ان شاء الله تلاقي خاتمك انا مرة كنت عم دور على كنزة وماتركت محل مادورت عليه
بالاخير طلعت نسيانتا ب سوريا عجبك هالفصل
بقا اتأكدي من هالشي
ان شاء الله تكون ام فيصل بخير وابنها تحسن
ام عبودي ياعيني عالبسبوسة خلص اخدت طريقتها وبس صار عندي فرن رح اعملها فورا ونزلكم صورتها يسلمو ايديكي عالطريقة
تغريد ان شاء الله ع طول تكوني مبسوطة وحلوة اللمة انا بحب هيك لمات
نبوعة ان شاء الله تكوني بخير
زهورة بالظاهر لاقت عروس لأخوها ومشغولة فيه

الدمشقية;16072259:
صباح الخير على الجميع

اهلين تغريد الله يسعدك يارب وان شالله تكوني قضيتي ويك اند سعيد مع الاهل والاحباب
بس حرام عليكي ليه فكرتيني بالاربعين هههههههه من كلامي مثلا خخخخ... عاد انا افتكرتك من عمري واكبر شوي على حكيك انك اكبر اخواتك
وانك اشتغلتي سنين عند دكتورة نساء ودكتورة اطفال وجامعة ... ماشالله فقلت اكيد بحيطان التلاتين

ياستي العمر كللله يارب

&&&&&&&&&&

اهلي سورية شو عملتي مبارح خبريني لشوف واسكتي ضايع خاتمي الدهب الحابس اللي فيه الماس اسود
والله فتل راسي ومالقيتو من يوم الحفلة بدي البسه ومالقيتو ومبارح خلت خليني ادور عليه ,,,, يالله انا شو مهملة وين جاططته مااااااااااااااابعرف

اهلا يا ام محمود صباح الانوار
والله امس يعني كان حلو ومو حلو بنت حماي الكبيرة اخدت شاليه عالبحر في قرية النخيل مكارم وعزمتنا نقضي نهار عندها بالشاليه فزوجي كتير كان حابب يروح يسبح ويتسلى بس انا ما كنت حابة نفسي اجلس معو واشوفو والله مافي غير يوم هالجمعة ودايما بيطلعلنا شي فيو ياستي عصرت على حالي ليمونة ههههههههه وقلت يلا منشان خاطر الحلو وزبطت اموري ورحنا قبل صلاة الظهر بعد الصلاة نزلو يسبحو وانا من النعس والزهئق والصدمة اني لقيت بنت حماي اللي كان لازم تجي عند الجمعة موجودة مع انها قالت لاحمد انها مارح تقدر تيجي هاي الجمعة لانو زوجها تعبان هووووب الاقيهم هناك وعين الله عليهم مافيهم شي قلت يلا بيصير خير فما سبحت

والله لا وريكي شو صار والشباب بالبحر بنت شكلها متزوجة ضلت تحوم حولين زوجي وتتمايص وتتدلع وتعمل حالها غرقت والا بدها حد يساعد تركب الالعاب اللي في البحر "هي من جنسية تانية غير السعودية بس ما بدي احكي عشان ماحد يدايق من برة التجمع"

يي يي يي شو عملت عمايل سمت بدني وضليتني على اعصابي لخلص الباشا سباحة رجعنا عالشاليه الا هو زوج اختو بيرمي قدامي حكي وبيقول عنها وانو الا بدها زوجي يعلمها سباحة هههههههههه بيحاول يشوف شو ردة فعلي فما بينت شي بس اكلها زوجي بعد ما طلعو فتحت فيه الصوت وما خليت هههههههههه بس بعديها كتير انبسطت الجو حلو خضار ومي وتمشايات بتاخد العقل بس شو هالبنات مووووووووووو طبيعيييييييييييين ابدا ابدا والله شي مو معقول


ليش فكرتك بالاربعين من طريقة كلامك ههههههههههه وانك اكبر منها لسورية ما بعرف هيك انا حسيت بس ياستي حقك علي هههههههههههه انتي اصغرنا وانا وليت امركم هههههههه انا الكبيرة

انا كل من شافني بيفكر عمري كبير من طريقة حكيي واني اركز شوي من بنات جيلي انا الشغل اشتغلتو وانا بدست بالجامعة وبعد ماخلصت فكانت فترة كبيرة
ولاني اكبر اخواتي فحاسة نفسي عنجد كبيرة كنت متحملة مسئولية بتخوف ولهلا امي كل ما بدها تخوف اختي حنين بتخليني احكي معها
شو بدنا نعمل الدنيا بدها "ان لم تكن ذئبا اكلتك الذئاااااااااب"المثل مالو علاقة بشي ابدا ههههههه

وبالنسبة للخاتم بيبين انشالله طول ما انو بالبيت شوفي بغرفة الولاد ممكن لعبو فيه بشنطك بالمطبخ مثلا شلحتيه وقت ماجليتي ورفعتيه فشي مكان بجيبة بنطلون بالحمام الله يكرمك وقت ما غسلتي ....بحاول اساعدك هههههههههه

روح عامر;16072390:
كيفك اخواتي وشو اخباركم وان شاء الله يكون الكل بخير
يعني انا طلعت اصغر وحدة بينكون
انا مواليدي 29_2_1988
في حدا اصغر مني
مبارح اجو لعندي ضيوف من امارة تانية وكنت مشغولة طوال اليوم
ام محمود ان شاء الله تلاقي خاتمك انا مرة كنت عم دور على كنزة وماتركت محل مادورت عليه
بالاخير طلعت نسيانتا ب سوريا عجبك هالفصل
بقا اتأكدي من هالشي
ان شاء الله تكون ام فيصل بخير وابنها تحسن
ام عبودي ياعيني عالبسبوسة خلص اخدت طريقتها وبس صار عندي فرن رح اعملها فورا ونزلكم صورتها يسلمو ايديكي عالطريقة
تغريد ان شاء الله ع طول تكوني مبسوطة وحلوة اللمة انا بحب هيك لمات
نبوعة ان شاء الله تكوني بخير
زهورة بالظاهر لاقت عروس لأخوها ومشغولة فيه

اوووووووووووه انتي دلوعتنا لحد ما نلاقي اصغر منك ههههههههه
انتي من مواليد برج الحوت متلي مع اني ما بامن بهيك شغلات بس انتي من جماعتي هههههههه

الذاااااااااااااكرة عدم حتى للي بيكونو صغار هههههههههههههههههههه

جبرتي بخاطرنا الله يجبر خاطرك


ويعطيكي العافية على امس انتي قلتيلي وين ساكنة انا خربطت فيكي وفي نبع الحب ام سنا

والله اللمات مافي متلها خصوصا مع الناس يلي بنحبهم شروااااااااااااكم


وانشالله ام فيصل تمر تخبرنا خلينا نطمن على ابنها الله يشافيه

شو راح تطبخو اليوم ؟؟؟؟


انا الاسبوع الماضي وقت مارحت على بندة اكتشفت اليوم اني مو جايبة ولا طبخة هههههههههههه

مخ سلامتك مو جايبة الا سمك ودجاج وبالباقي شغل فطور وعشى

ولاجل هيك زوجي عاقبني عالذاكرة الخربانة وحلف لاسبوع كامل اعزمو كل يوم على اكل من برة وعلى حسابي
هههههههههه"طبعا هو اللي تورط لانو انا مالي مصروف محدد وقت ما احتاج شي بطلب اروح اشتري بس هلأ المحفظة تبعتو راح تكون بين ايدي بدي اعزمو هههههههههههههه"هوي اللي جابو لحالو يستاهل

اهلين ب تغريد
انا حلبية ساكنة بالامارات ب ابو ظبي
وانا متلك مشان الابراج مابحبها وما بقرب عليها ابدا
وينكون ياصبايا يا حلوات طلوا علينا وطمنونا عنكم

اهلين يا روح عامر


وين البنات اليوم مو مبينيييييييييييين

السلام عليكم ورحمة الله وبركاته

اهلين ام سنا الله يقويكي يارب المهم تكوني انبسطتي مع هالجماعة ... انا ان شالله هالاسبوع جاييني ضيوف من الشام والله يقوينا
ويبيض وجوهنا

الحمد لله لقيتو الخاتم ههههه والله كنت اكلة هم كبير لانو غالي ولاني مهملة فحسيت بالذنب ههههه
مرة نسيت طقم دهب كامل بالشام ووين بالبترينا يعني الصغير والكبير بشوفه خخخخخ عوايدي ولا حشتريها

فديت عطره;16072559:
اهلا يا ام محمود صباح الانوار
والله امس يعني كان حلو ومو حلو بنت حماي الكبيرة اخدت شاليه عالبحر في قرية النخيل مكارم وعزمتنا نقضي نهار عندها بالشاليه فزوجي كتير كان حابب يروح يسبح ويتسلى بس انا ما كنت حابة نفسي اجلس معو واشوفو والله مافي غير يوم هالجمعة ودايما بيطلعلنا شي فيو ياستي عصرت على حالي ليمونة ههههههههه وقلت يلا منشان خاطر الحلو وزبطت اموري ورحنا قبل صلاة الظهر بعد الصلاة نزلو يسبحو وانا من النعس والزهئق والصدمة اني لقيت بنت حماي اللي كان لازم تجي عند الجمعة موجودة مع انها قالت لاحمد انها مارح تقدر تيجي هاي الجمعة لانو زوجها تعبان هووووب الاقيهم هناك وعين الله عليهم مافيهم شي قلت يلا بيصير خير فما سبحت

والله لا وريكي شو صار والشباب بالبحر بنت شكلها متزوجة ضلت تحوم حولين زوجي وتتمايص وتتدلع وتعمل حالها غرقت والا بدها حد يساعد تركب الالعاب اللي في البحر "هي من جنسية تانية غير السعودية بس ما بدي احكي عشان ماحد يدايق من برة التجمع"

يي يي يي شو عملت عمايل سمت بدني وضليتني على اعصابي لخلص الباشا سباحة رجعنا عالشاليه الا هو زوج اختو بيرمي قدامي حكي وبيقول عنها وانو الا بدها زوجي يعلمها سباحة هههههههههه بيحاول يشوف شو ردة فعلي فما بينت شي بس اكلها زوجي بعد ما طلعو فتحت فيه الصوت وما خليت هههههههههه بس بعديها كتير انبسطت الجو حلو خضار ومي وتمشايات بتاخد العقل بس شو هالبنات مووووووووووو طبيعيييييييييييين ابدا ابدا والله شي مو معقول


ليش فكرتك بالاربعين من طريقة كلامك ههههههههههه وانك اكبر منها لسورية ما بعرف هيك انا حسيت بس ياستي حقك علي هههههههههههه انتي اصغرنا وانا وليت امركم هههههههه انا الكبيرة

انا كل من شافني بيفكر عمري كبير من طريقة حكيي واني اركز شوي من بنات جيلي انا الشغل اشتغلتو وانا بدست بالجامعة وبعد ماخلصت فكانت فترة كبيرة
ولاني اكبر اخواتي فحاسة نفسي عنجد كبيرة كنت متحملة مسئولية بتخوف ولهلا امي كل ما بدها تخوف اختي حنين بتخليني احكي معها
شو بدنا نعمل الدنيا بدها "ان لم تكن ذئبا اكلتك الذئاااااااااب"المثل مالو علاقة بشي ابدا ههههههه

وبالنسبة للخاتم بيبين انشالله طول ما انو بالبيت شوفي بغرفة الولاد ممكن لعبو فيه بشنطك بالمطبخ مثلا شلحتيه وقت ماجليتي ورفعتيه فشي مكان بجيبة بنطلون بالحمام الله يكرمك وقت ما غسلتي ....بحاول اساعدك هههههههههه

هلا وغلا تغريد الله يسعدك يارب وان شالله كل ايامك حلوة ومن غير الليمونة ههههه
ماشالله كباين النخيل حلووووووة بس كتير فيها مناظر بتقرف من هالبنات انا مرة رحت انصعقت
يعني ماكنت متخيلة اشوف مايو بهالبلد وشفت وجنسية عربيييييييييييييييييييية
الله يستر علينا ,,,,, ويقطع عمرها هالبنت اللي حطت عينها على زوجك ولي على الحقارة
مع اني مابغار انا بس هيك مواقف بكرهها ... ومنيح اللي الله برد على قلبك

بس انا مكانك والله مابترك زوجي وخاصة بهيك موقف ,, اما عن بنت حماكي كان فيكي تقليلها سلامات ان شالله لزوجك ... بس لاء باين مافيه شي هيو جاية على البحر :lol:
يعني لا تسكتي لحدا ,,,, ييييي على شيطانهم ماقواهم بنات الاحمى :D
والله يخليكي لاهلك واخواتك يارب هو الكبير دائما اكلها من ناحية المسئولية ...
وانا اختك الكبيرة ايوا ههههه بقى اي شي بدك ياه من عيوووني :adore:

حبيبة قلبي والله كل الاماكن اللي ذكرتيها دورت ومالقيته بس الحمد لله على قد مادعيت ربي
قمت اتذكرت اني حاططته زمان بدرج الالبومات تبع الصور بس كنت خايفة ادور عليه ومالاقيه هههه وارجع انصدم .. بس ربك حميد وجدته ;)

ويالله كسبتي الاكل برا البيت عن نفسي لو كل يوم باكل برا ما بزهئ لا انا ولا زوجي بس الهوا مو على مزاجنا منشان حماتي خخخخخ ... بس يوم الجمعة لازم برا او جاهز
الله يعوض عليهم ويخليلنا ياهم