جمعتنا ولمتنا السورية مع اغلى صحبة اردنية لشهر جادى الثاني 1433هـ حياكم صبايا اتفضلوا

صباح الخير يا صبايا
نحن عنا ابتدا الصيف والحر والرطوبة
وقت طلعنا ع خورفكان الجو كان كتير مو حلو
بس انبسطنا عالجمعة كانت حلوة لاني متفاهمة مع الصبايا يلي معي
وهو تغيير جو عن الروتين الفظيع يلي عنا
والله انا احيانا بيتي بيصير خرابة من كتر الفوضى وما بيجي على بالي قوم ضبضب من كتر الملل
الله يعينا ويصبرنا

السلااااااام عليكم ورحمة الله وبركااااااااااته

كيفكم صبايا انشالله تمااااااااام

تسلمولي يارب والله يحميلكم حبايبكم

وايه والله صادقة يا ام عبدالله نحن بلا النت ما بنعرف نقعد

وبرضو الويك اند تبعكم حلو اللمة مع الناس يلي بتحبوهم احلى من الف طلعة

ويا عيني عالاكل الهندي انا لو اكلو على الطوارئ على طووووووول معدتي ما بتتحمل البهارات الكتير والحار والقولون عندي ضارب هههههههههههه الحمدلله الايام هاي ساكت وزمان ما عمل عمايلو الله يبعدو عنكم

ام محمود اشتاتلك كيف حملك انتي ما بيسوالك الحار والبهارات انتبهي بيعملو التهابات

والله يا بنات حاليا الجمعة هو اليوم الوحيد اللي بتنفس فيه
طول الاسبوع شغل لزوجي والاربعاء لاهلو والخميس لصحابو فما بيطلعلي يوم؟؟
حتى الجمعه اللي فاتت ما طلعنا مع اهلو صارلنا زمان ما قضينا وقت لحالنا ومع بعض

ام سنا كيفك قلبي
شكلها حلوة خورفكان بس والله ما بعرف عنها شي ياريت تحكيلنا نبذة صغيرة عنها "هههههههه عجبتني نبذة حسيت بحكي اخبار"

ومعك حق والله الروتين دبحني والله مليت من جلسة البيت وعم بدور على شغل بس مو موفقة بعدني
طيب البنوتة ما بتسليكي؟؟اتوقع بتشغل وقتك كلو صح؟؟

ام فيصل يا حلوة كيييييييييفك تعي طمنينا عن اخر مستجداتك

اهلين دمشقية صباح الخيرات وايه والله الاكل بيحير الله يكون بعونك خصوصا انتي لأنه الضيوف عندك وبتهكلي همهم وطيبة المسقعة ان شاء الله الف صحة وهنا
والله لهلأ محتارة على شو اعزمهم

اهلين ام سنا والله نحنا كمان بلش الحر والرطوبة الله يعينا على هالصيفية والحمدلله يلي انبسطوا ان شاء الله دوم وفعلا الجمعة ولمة الحبايب بتحلي اي مشوار
وكلنا بالصيف بيهمد جسمنا وبصير مالنا حيل على بيوتنا كتير الحمدلله الله بيعين

والله يا ام سنا حتى بجدة الجو كتير تغير
وقلب على حر مهيك ام عبدالله وام محمود؟؟

بس الرطوبة موو كتير كتير شوي

الله يبلغنا رمضان ويعينا على الحر اللي فيه هكلانة هم الشوب وقلة المية وطول النهار

ام محمود انا من هلا بحكيلك بدي صحن من المسئعة
بمووووووووووووت عليها وعلى البيتنجان بشكل عام بس من يوم ما تزوجت ما اكلتو الا عند اهلي لانو الباشا ما بيحبو هههههههه

وااااااخ شو بيحير الاكل الله وكيلكم هاد ونحن شخصين بنام وبصحى وانا افكر شو اعمل خصوصا اني ما عندي مجال لتغيير الطبخات بس هالفترة كل ما بتديق فيا يا بنجيب اكل جاهز او بعمل ساندويتشات بالبيت وكان الله بالسر عليم

هلا تغريد وعليكم السلام ورحمة الله وبركاته
الله يسعدك ويسعد ايامك
وايه والله الجمعة واللمة مافي احلى منها اما الاكل الهندي كان جنااااااان انا كل شوي اشرب مي :D ههههههه ودخيلك بلالك ياه للاكل الهندي كلي الاكل الصيني كتير صحي :thumbs_up:
وربي يكون بعونك والله يوم الجمعة مابيجي الا ونحنا طاقة روحنا ووضعك انتي اصعب بحكم شغل زوجك بس يالله ابن عمك مابيقصر الله يخليكم لبعض

تغريد ايه والله الدنيا نار الله يجيرنا انا بروح بجيب جودي من المدرسة الساعة 12 وشوي مابقدر فتح عيوني من قوة الشمس الله يبلعنا رمضان ويعينا ويقوينا على صيامه
وبالنسبة للطيخ فبعتقد انه عقدة كل امرأة هههههههههه

ههههههههههه والله ضحكتيني يا ام عبدالله انا لما يكون الاكل بيحرق ما بنزل الماي من ايدي

اه والله حرام ما بيقصر الله يعينو ويقويه
والله ياحرام بيعمل اي شي ليرضيني وناوي باذن الله اذا الامور زبطت راح ننزل بالعيد الكبير نعيد عند اهلي
لانو شايفني نفسي اشوفهم واشوف اخوي المريض مع انو ما صارلي شهرين راجعة ومالي عين اطلب اسافر ههههههههه خصوصا اني لمن سافرت جننتو من تاني اسبوع صرت ابكي بدي ارجع على جدة او ينزل عندي هههههههه متل الولاد الصغار الله لا يحرمني منو وما يحرم كل وحدة من زوجها ويسخرنا ويسخرهم النا ياااااارب

انتي يلي بتجيبيها كيف؟؟ مدرستها بعيدة؟؟

تغريد معليش سامحيني انقطع عندي النت وبعدين طلعنا من البيت
الله يخليلك زوجك ويخليكي اله يارب وان شاء الله تتيسر نزلتك لعند اهلك وتعيدي معهم انتي وزوجك وسبحان الله الوحدة لماتتزوج بتحس حالها ببيت اهلها ضيفة وبتصير راحتها ببيتها
ونحنا هون بحكم انه عايشين بالغربة فزواجنا صاروا كل دنيتنا ومامنقدر نبعد عنن انا بعدت عن بيتي شي سنتين وزوجي شفته شي مرتين كل مرة شي 15يوم لأني رحت على سوريا وقعدت شي ست شهور وبعدين رحت عاليمن قعدت شي 8 شهور وولدت عبودي هنيك ورديت رجعت على سوريا وكمان قعدت منيح وبعدين اتيسرت رجعتي لهون بس طبعا عمرة وحرام كانوا اهلي مو منقصين عليي وعلى اولادي شي بس انا كنت مومصدقة الا ارجع لبيتي وزوجي وخصوصا انه حماتي اتوفت وانا كنت باليمن يعني ماكنت قريبة من زوجي اواسيه وهو بقي لحاله آآآآآآآآآآآآآآه على هديك الايام شو تعترت فيها

ايه وانا يلي بجيب بنتي من المدرسة قريبة من بيتي كتير وابوها بوديها الصبح وهو رايح على شغله

صباح الخير جميعا
كيفكن
مبارح اجانا خبر استشهاد ابن خال زوجي عمرو 22سنة على يد عصابات الاسد وهو كان منشق مع الجيش الحر
والامن قتلو هو وعدد من افراد الجيش الحر واختطفو جثثن الله لايوفقن
والله محروق قلبي عليهن
الله يرحمو يارب ويصبر امو
لاحول ولاقوة الا بالله

اهلين ام فيصل ان شاء العمر الكم ياعليي لسى صغير الله يصبر اهله يارب وحسبي الله ونعم الوكيل بيلي كان السبب الله اكبر على كل ظالم وربي يفرجها ويحلها من عنده

اهلين سورية
الله يسلم عمرك يارب
ايه والله الله يحمي باقي الشباب يارب
ويصبر اهل الشهداء

آمين ياااااااااااااااارب
وين الصبايا اليوم من غير شر ان شاء الله الجميع يكونوا بخير

السلام عليكم ورحمة الله وبركاته
كيفكم ياحلوات يارب الجميع بخير وعافية ...

ام فيصل العمر الكم ان شالله والله اكبر على كل ظالم مابخاف الله ,,,, والله يصبر امه واهله هالشب لاحول ولا قوة الا بالله
والله الوضع ببكي القلب ..... الله يفرجها علينا يااارب

انت كيفك وكيف ولادك ان شالله بخير ... سمعنا انو كان في عاصفة رملية بالرياض اكيد اجاكم من الحب جانب هههه
ولا انتو شوي بعاد وماجاكم شي ؟؟ الله يعينكم

***********

تغريد اهلين فيكي ياقمر الله يعطيكي العافية يارب ويهنيكم سلامة عمامك الله يخليهم ويحفظهم يارب
وان شالله تظبط سفرتك على الاردن وتشوفي اهلك وتتهني معهم يااارب

اي والله بلش شوب جدة وقرفها الله يعينا على الصيفية يارب ويعينا على صوم رمضان والله يبلغنا ياه جميع بالخير والبركة يارب

ياستي ماعملت مسئعة لهلأ ههههه سبحان الله اول مبارح رحنا زيارة لاخت زوجي فكانت للمسا واتغدينا عندها
ومبارح بما ان الاخوات ناموا عند بعض بقصد اخوات زوجي وحتى حماتي نامت معهم بالماعية ههههه فماطبخت شي مضيتها تونة ورز وسمك من اكل قبل

بس اليوم اذا ربي راد راح اعمل كشري لان اخت زوجي اللي جاي من سوريا طلبته مني فاجلنا المسئعة لبكرا اذا الله راد
اتفضلي ياحلوة ....

والله اكلت هندي لما قلت بس انا متعودة كتير على البهارات والحار شوي ... واصلا كنت مشتهيته .... بس بشكل عام عم خفف من هالاشيا لان مو ناقصني نفخة
ومغص بطن

ام سنا كيفك وكيف الصغيرة بلشت تمشي ولا لسى ؟
الله يخليلك ياها يارب .......... اما عن الجو فاجمالا تغير وبلش الحر والرطوبة الله يعينا عليهم بهالبلاد

************

اهلين سوريتي كيفك وشو اخبارك الجماعة اجو مبارح على العشرة تاخروا شوي بس ربك حميد كنت منضفة البيت كلله وخالصة من همه
اليوم مابعتت شام على المدرسة لان عندها رحلة ومابدي ابعتها مو ناقصني ترجع مريضة ماصدقت الا صارت احسن شوي

شو عاملة انتي هاتي لشوف قوليلي ... شي بملل مووو

اجا ببالي تاخدي اغراض جودي من المدرسة زي النحلة واشيائها التانية بلاش ما تروح عليكي
لان هي هي هما مابيسئلوا فانت قليلهم وخدي اغراضها ... لان خلاص الاسبوع الجاي النهاية
وكل عام وانتي بخير

صباح الخير صبايا كيفكم وكيف الصحة
انا بخير بس بنتي عم يطلعو سنانها يلي فوق وسخنانة كتير مبارح طول الليل سخونة
اليوم جبتلا تحاميل ان شاء الله يمشي الحال وتروح السخونة

ام فيصل الله يرحمو ويصبر اهلو والله اكبر على كل الظالم ورح يجي يوم ينتصر الحق ويزهق الباطل
وترجع سوريا متل قبل حلوة وامان

ام محمود وام عبودي الله يقويكون يارب كيفكم انتو و ضيوفكون انا حابة كتير يجي لعندي ضيوف بس لسا بيتي صغير
كيف حملك ام محمود ان شاء الله ما عم يعذبك البيبي كتير

انا مبارح عملت كباب بادنجان مع سلطة بالمايونيز وبالجبنىة وطلعو كتير طيبين اشتهيتكون معي

اهلين ام محمود ربي يقويكي ويعطيكي الف عافية يارب ومنيح يلي مابعتي شام بعدين ماشاء الله المدرسة لسى عم تعمل رحل هههههههه خلصت السنة
وايه والله جاية ببالي الاغراض لاتخافي رح جيبهم وانتي بخير يارب وبصحة وسلامة