جمعتنا ولمتنا السورية مع احلى رفقة أردنية لشهر جمادى الاول1432... اتفضلوا صبايا

مسا الخير جميعا
كيفكون اخواتي ام عبودي وام محمود وام فيصل ان شاء الله تكونو بخير
اهلا ب اختي فديت عطره ونورتي جمعتنا
ونحن هون لبعض وشو بدك احكي وارمي همومك علينا ونحن من هونها على بعض
انا ام سنا مغتربة بالامارات وعندي بنوتة اسمها سنا عمرها 9شهور

بالنسبة للطبخ وانا كنت عند اهلي ما اطبخ ابدا بس اجيت عالغربة وصرت مبدعة بالطبخ
لهلأ اهلي مالهم مصدقين اني بعرف اطبخ اختي فديت عطره بدك تحسبي حسابك بدنا نشوف طبخاتك
اليوم اكلنا روبيان اكلتي المضلة ياريت كل يوم عندي روبيان
وبكرا رح اعمل فاصوليا خضرة بزيت تفضلوا
الجميع معزوم

كيفكم ياصبايا يا حلويين الله يسعد اوقاتكم يارب وين رحتوا مبارح وين اجيتوا انا ودمشقية رحنا على سوق الشاطئ ورجالنا لعبوا كورة


اهلين تغريد كيفك ماشاء الله عليكي يعني معود على اكلاتك من ايام الخطبة معناها اكل امه ماعاد يعجبوا هههههههههههههه

طيب ياحلوة شو طابختيلنا اليوم نحنا منذكر بعض بتعرفي الطبخ بيحير
انا مبارح ساويت رز مضغوط بالدجاج شو طلع طيب نزلنا فيه بالخمسة :Dواليوم يمكن قضيها اي شي لأنه زوجي سافر عالمدينة وبيرجع بالليل

هلا ام سنا الله يسعدك الحمدلله كلنا بخير كيف سنا ان شاء الله هديوا عليها اسنانها
وايه والله نحنا هون كلنا اخوات الله يديم المحبة يارب
والف صحة وهنا عالروبيان انا ماقدرت حبه دوقني زوج دمشقية الروبيان الصغير كتير بردوا ماعجبني وكمان صحة وهنا عالفاصوليا كتير طيبة هي بحبها هههههههههههه

دمشقية طمنيني على الملابس جربتيهم ان شاء الله لبق الدانتيل على البلوزة

يسعد اوقاتكم يارب بالصلاة على النبي

هلا سمفونية تسلمي ياعسل وربي يحفظك ويحفظلك احبابك ان شالله

*********

فديت عطره اهلين فيكي انا عن نفسي الحمد لله باحسن حال الله يفرجها على الجميع يارب
وماشالله عليكم انتو الفلسطينيات وبدون مبالغة متل الزبدية الصيني من وين مارنيتيها بترن الصلاة على النبي بقصد شاطرات بكل شي مو بس بالطيخ
الله يوفقك يارب
شو عملتي مبارح وكيف كان يومك؟

&&&&&&&&

اهلين ام سنا يسعد اوقاتك يارب
اخدتي راينا بخصوص نزلتك عالشام بس ماعقبتي ولا قلتي شو راح تعملي؟
الله يوفقك ونحنا مبارح اكلنا سمك وجمبري بيجنن مقلي ومشوي والله يديم النعم ياااارب على الجميع

&&&&&&&&&&&

اهلين سوريتي الله يرجعلك بعلولك بالسلامة يارب
ياستي قست الكنزة على الاتنين بتصدقي طلع على العادي البني احلى واروع بكتييييييير وحتى لونه طلع انسب
اما الدانتيل مانابني الا دفعت حقه..... كتير كتير ديق حتى مو بس من فوق وكمان من تحت يعني مابيرتفع ولا شوي يعني بدي خللي من تحت الركبة
بس هو اطول وكمان ديييق

اهلا وسهلا فيكي فديت عطره
الله يعافي اخوكي يارب

كيفكن ام سنا وام محمود وام عبودي وفديت عطره
والله انا مبارح قضيتيومي بالمستوصف انا وابني
كنت تعبانة وعطوني مغذي وابرة
وابني تعبان صرلو يومين
الحمدلله ع كل حال
وانا اليوم طبخت لحمة بالصينية وشوربة وبطاطا مقلية
وصحتين وهنا ع قلبكن ع هالطبخات الحلوة
حتى انا ماقدرت حب الروبيان استغفر اللله:)
ماعرفتو زهورة وينها
ان شاء اللله تكون بخير يارب

هلا دمشقية الله يسلمك يارب
طيب حلو المهم واحد منهم طلع مناسب بس غريب الدانتيل مو مبين انه ديق :-o يالله خليه بيلزم مابينكب شو طبختي اليوم ؟

اهلين ام فيصل سلامتك انتي وابنك ماعليكم شر ان شاء الله ماقلنالك لازم تقوي حالك شوي خطية عشان اولادك ربي يشفيكم
والف صحة وهنا عاللحمة والشوربة الله يديمها نعم علينا وانتي متلي مابتحبي الروبيان هههههههه انا من الاكلات البحرية بحب السمك وبس

مسا الخير صبايا
منيح رحتو ام محمود وان عبودي عالسوق تغيير جو وواحد بيخلص من الملل شوي
سلامتك ام فيصل وسلامة ابنك وان شاء الله تكونو بخير
بس مالكم حق ماتحبو الروبيان انا ياريت اكول منو كل يوم وبحب جرب كتير المأكولات البحرية بس زوجي مالو مراق مشان هيك لسا النق شغال
اما مشان النزلة على سوريا اهلي وبيت حماي قالولي انزلي قدمي المادة
انا رح ادرس المادة وشوف ان قدرت انزل رح انزل اسبوع قدم المادة وارجع والله يقدم يلي فيه الخير
ادعولي بنات الله يسر امري
ام محمود شلون حملك طمنيني ان شاء الله ما عم تتعذبي كتير
نبوعة وزهورة ان شاء الله يكونو بخير

مسالخير

الف لا بأس عليكي ام فيصل سلامتك انتي وابنك
اكيد انتي عندك فقر دم لان انا هيك كل سنة بصير فيني وباخد بدل المغذي باخدلي ستة على اسبوع
انتبهي على نفسك وراكي عيلة وكمان اهلك مابيتمنو تصيبك شوكة ... الله يحميكي
وعوافي يارب على الاكلات الطيبة

&&&&&&&&&&

اي والله سورية المهم طلع مناسب حلو والدانتيل على قولك الا مايلزم

اهلين روح عامر الحمد لله انا بخير ومالي وحام بس شوية تعب ولعية نفس يعني شي لا بد منه
والله يكتبلنا الاجر ويتممللي على خير يارب..... وانتي الله يختارلك الخير يارب بخصوص النزلة
بسغريبة بعرف مافي طيران لسورية صح ؟؟

انا زوجي عشقه المأكولات البحرية وانا بحب اكل المقلي والمشوي من السمك والجمبري يعني ماشي حالي

مسا الخير يا بنااااااات ما شاء الله لمتكم حلوة

انا هلأ لئعدت من الصبح وانا شغالة بالمطبخ نضفت الدواليب ومن فوقهم ونظفت الحيطان اااااااااااااخ والله الغبرة قتلتني وايدي تجروحو من الفرك لسة الحملة ما خلصت هاد اسبوع التنظيف العالمي عندي ههههههه


تسلمولي يا بنات شو انكم حبابات

ام سما الله يخليلك بنتك وصحة وهنا عالروبيان انا عكسك تماما مستحيل احطو بتمي

وصحة وهنا عالفاصوليا كتير زاكية ,,سبحان الله احيانا الوحدة بعد ما تتزوج بتطلع مواهبها ههههههه ماشاء الله عليكي

هذا ياخواتي انا كل اللي بطبخو من يوم ما تزوجت "كفتة بطحينية ..مكرونة بالبشاميل..مجدرة..ملوخية..منسف..كبسة..صيادية سمك"

ليش ياترى ؟؟لانو زوجي ما بياكل غيرهم لو تنطبق السما عالارض وما بياكل البصل ولا اي نوع خضار اهئ اهئ والله شي بيملل

نفسي اعمل طبايخ ونفسي يصير اكيل

حاليا زوجي بيشتغل شغلين
صباحي مهندس مهماري
ومساءي مندوب
وما بيروح عالبيت الا الساعة 12 بالليل الله يعينو والله حزنانة عليه
ومستحيل ياكل شي تقيل بالليل عشان هيك ما بطبخ مقضياها خفايف

بالنسبة لمبارح كتير حلو لانو اليوم الوحيد اللي بشوف زوجي فيه
نحن كل جمعة بنطلع عالبحر وبنجيب اكل جاهز وبنئعد للمغرب وبتيجي احيانا حماتي معانا وابن حماي العزابي واحيانا بتتقل علينا وما بتجي وبنت حماي الكبيرة دايما كل جمعه بتجي معنا كتير منيحة معي وانا والله بحبها
وبعد ماروحت من البحر "بعد صلاة العشا رحت على عزيز مول انا وزوجي تمشينا شوي وختمناها ببندة شتريت شوية اغراض تكينا اللي فيه نصيب من المصاري هههههههههه وروحنا عال12

ام فيصل سلامت قلبك انتي وابنك الله يبعد عنك الشر وصحة وهنا عالصينية كتير بحب هيك اشياء

ام محمود وام عبدالله ماشاء الله عليكم حاسة اني بعرفكم من زمان على فكرة انا دايما محظوظة بالرفقات ما بيكونو الا سوريات رفيقة عمري حلبية من بيت النجار وجارتي اللي قبالي سورية من عيلة المليجي يالله شو بحبكم وبحب لسانكم الحلو وعاداتكم

وطبعا انتو الخير والبركة
ماقلتولي وين بتروحو اسواق بجدة؟؟

برااااامة صح :p؟؟؟ههههههههههههه:-#

ام محمود ماشاء الله انتي حامل الله يتمملك حملك على خير يارب

باي شهر؟؟

انتي اللي ماعندك اقامة والا ام عبدالله؟؟

اهلين فديت عطره الله يقويكي ويعطيكي الف عافية يارب ويبارك فيكي وعقبال عندك ياااارب انتي واختي مو سورية لا لا اختي التانية ههههه
اي والله هلأ انا حامل باول التالت والله يتمملي على خير وييسر ربي امر الجميع && انا معي اقامة الحمد لله عقبال عند سورية ام عبد الله هي اللي عم تستنى
وربي يكرمها عن قريب

والله انا نفسي تجيني الهمة شوي على هالمطبخ لاني حابة اعزله تمام قبل مايجوني الضيوف (( جاييني بنت حمايي وابنها من سوريا شي اسبوعين ))
طبعا لان حماتي ساكنة معي متل ماقلتلك فالطبيعي الضيوف تجي عنا وتبات عنا بسبب امهم

المهم نرجع لسيرة المطبخ ههههه فالله يقويكي ويقويني واهم عليه
استعملي الجف كتييير حلو ومفعوله بيجنن وخاصة للسيراميك والمطبخ بشكل عام

اما عن زوجك غريبة يعني والله اكلاته كتير معدودة يعني مابياكل محاشي ورق عنب اكلات اللبن ؟؟؟؟ !!!!! اي والله عالسيرة سال لعابي خخخخ
الله يعينك وبنفس الوقت خلص مابتحتاري بتعرفي شو تطبخيله ههههه ......

وماشالله جمعتك حافلة يخذي العين والجو مبارح كان حلو
نحنا والله رحنا مبارح على سوق الشاطئ في جنبه ملعب بيلعبو رجالنا فيه كورة ونحنا النسوان منجلس بالسوق لحتى يخلصو
يعني اتسلينا وغيرنا جو

عادة بروح على العزيز مول او الاندلس او مجمع العرب هدول اكتر مولات بنقصدها ومنروح على البحر يعني مو دائما
بتعرفي جدة مافيها الا هالبحر وهالمولات اللي انعمى على قلبنا منها ههههه.... بالاعياد منطلع الطائف او البحر او المدينة المنورة حسب الهمة

بتصدقي انا كل جاراتي فلسطينة اردنية ومابعرف ولا وحدة سورية ههههههههه يعني ابدا ماكونت صحبة سورية كلهم فلسطينيات اردنيات وبيجننوا
حبوبات متلك تماما
انتي وين ساكنة صحيح بجدة يمكن تطلعي جارتنا هههه مابتعرفي

الدمشقية;16058784:
هلا وغلا يسعدلي اوقاتك ياارب نبوعة

مسا السعادة ..واوقاتك حبيبتي F:
الله يقويكي يارب والله انتي على راسنا من فوق ونحنا مامنعتب بس منشتاق والله
واهم شي تعتني بحالك وتتغذي منيح منشان مجد بيك الله يحميه
ومنشان تقوي لولادك وزوجك:cool:
يسلملي المزوء :adore:والله وانا كتير بشتاااااق وبستنى يتعدل يومي ميشان كون معكم يوم بيوم :thumbs_up: ان شاء الله
وهيني عم ساوي كل اللي بقدر عليهميشان ان شاءالله اصح وارجع زي زمان

والله يخليلك زوجك يارب يعني زوجي اكبر هههه ياستي الله يقويهم ويخليهم النا يارب
ويخلينا الهم

يـــــارب الله لا يحرمنا منهم ...ومو مهم العمر ههههههه :o انتي كم عمرك ؟؟انا عمري 28
واكيد بتعوضيله الحفلة انتي قدها وقدووود ماشالله عنك

الله يسعدك يارب F:
بتعرفي اول مرة بعرف انو ماعندك بنوتة هههه فكرت انتي متلي ولد وبنت

:worn_out: حكيت قبل هيك بس يمكن ماانتبهتي ....بس والله نفسي نفسي ببنوته :'(

ان شاء الله المرة الجاية تجي البنوته ....
اسم الله الله يخليلك الشباب ويحفظهم ربي من كل اذى

اللهم آمين ويحميلك أولادك يارب ويتمملك حملك ع خير
ومابدي أوصيكي ;) ادلعي هلأ وزوديها شوي هههههه(شريرة )

بخصوص مجد والمراجعة والله مافي حل بس يكبر شوي بتخف المراجعة ممكن ناس تقلك بدو رفع سقف الحلق ومدري شو من هالخرابيط لا
تردي على حدا اغلب الاطفال بيراجعوا بكثرة وبس يكبرو بتخف وبتنتهي المشكلة
انتي بس دشئيه بقصد يتجشئ ههههه بالضرب الخفيف على ضهره بعد كل رضعة والله يحميه ويعينك

اه والله الله يعيني ...اخوانوا كانوا يستفرغوا بس أقل من هيك
الحمد لله ع كل حال
وتسلميلي حبيبة قلبي ربي يبارك بعمرك ويخليكي يارب
وامين الله يسمع منك وربي يرزقني السلامة والخلقة التامة يارب

وربي يفرحك باحبابك يااارب F:

:) اللهم آمين ...ودايما استودعي اللي ببطنك وحصنيه بالمعوذات....بشو نفسك عروس ولا عريس :thumbs_up:

سورية وبفتخر;16059071:
صباح الخير
مساء السعادة F:
هلا نبوعة الله يسلمك وان شاء الله بتشوفي اولادك بأعلى المراتب وبتفرحي فيهم

هـــلا حبيبتي ....اللهم آمين اولادي واولادك وكل من قرأ يارب
وربي يطعمك زيارة الحرم ومايحرمك

يــــــــــــــــــــارب لإني كتير مشتاءة لمكة :'( وان شاء الله ناويين نعتمر بس الظروف تتحسن شوي (دعواتكم صبايا )
وكنت بفكر انو ازا اعتمرت ان شاء الله راح نمر ع جدة وبجد حابة أشوفكم :cool: فيس تو فيس
ازا ماعندكو مانع :rolleyes:
وايه والله الاولاد بيبهدلوا امهم عنا متل بيقول كول مع ام الولد ولاتماشيها لأنه بالاكل الناس يلي معاها بياكلوا اكتر منها اما بالمشاوير بتتبهدل على ماما بدي حمام وياعيني لو كنتي بسوق وحملتي مجودة افندي وعباكي استفراغ من طرحتك لرجليكي هههههههههههه ياسلام انا ياما صايرة معي :( بقى عشان هيك ماحدى بيحب يمشي مع ام الولد

ههههههههههههههههه مأنا بدي احط مع غياراتو عباية اسبير :celebrate: