جمعتنا ولمتنا السورية مع احلى رفقة أردنية لشهر جمادى الاول1432... اتفضلوا صبايا

سورية وبفتخر;16049239:
هلا نبوعة الله يسعدك تسلمي يارب

تسلميلي حبيبتي :L:
وعاشت الاسامي اسم مجد كتير حلو

الله يحلي أيامك يارب هاد من زوءك

وياستي بصدق انه عيونك صاروا هيك :confused: واكتر انا كان ينقلب ليلي نهار ونهاري ليل يالله الله يكون بعونك
والله هاي الفترة صعبة وبس مصدعة وتعبانة من قلة النوم وصعب انام بالنهار وارتاح ....الله يحملنا اياهم ويكبرواويريحونا

بس خبرينا اخواتو كيف مبسوطين عليه
آآآآآآآآآآآآآآآآآآآآآآآآآه منهم الله يهديهم مفكرينو لعبة :lol: هههههههههههههه
بس الصغير بيغار بشكل ماتخيلتو

سورية حرة;16049352:
اهلين دمشقية
هههههههههههه الله يخليكن لبعض يارب
والله مافي احلى من الاخوات
الله يعينك هم والله فيقة المدارس
والله لوبتصدقي من لما صار هيك بسوريا
ماعاد نمت لوتشوفي كيف صرت :badly:
وتعبت والله ورحت عالدكتور قلي اعصابك تعبانة لازم ترتاحي وماتفكري
بس كيف بدها تجي الراحة انا بطبعي كتير باكل هم والله
الله يفرج يارب
هههههههه نوم الهنا
انا نمت الساعة 10الصبح
صحتين وهنا عالحراق باصبعو :thumbs_up: طيبة
انا ساويت منزلة باذنجان

حبيبتي هاد أكبر غلط لازم تنامي وترتاحي
(ان لنفسك عليك حقا )
قلة النوم بتأثر ع كل شي بحياتك
صحتك ...شكلك ...اولادك ...جوزك .....كل شي

ومافي متل نومة الليل

[QUOTE=سورية حرة;16049365]اهلين نبع الحب
كيفك شواخباركF:
هلا حبيبتي الله يسعدك ...انتي كيفك
وعاشت الاسامي ان شاء الله
يتربى بعزكن
يخليلي اياكي :L:
اما بالنسبة الي ولادتين قيصرية والباقي اكيد نفس الشي
يالله حبيبتي كلو بأجرو والحمد لله انو احنا بنحمل والله هاي نعمه ماحسيت فيها غير لما تأخر حملي ..الله لا يحرمهم لحدا
ههههههه ليش حسيتيني صغيرة:o
انا عمري 26سنة
:)لإنك فعلا صغيرة وان شاء الله العمر كله
انا عمري 18 :cool:







+ 10 :o
وعايشة (بالخرج) ههههه هيك اسمها قريبة من الرياض
بعرفها انا بنفس الرياض
وربة منزل وخريجة معهد فنون جميلة
عندي ولدين بنت وصبي
ليلاس عمرها 4سنين وفيصل عمرو 2سنتين
هههه قصة حياتي
وانت عرفيني عنك

انا عندي ولدين وولادي بنفس عمر ولاد الدمشقية
واحد بصف تالت وواحد بصف اول وواحد عمره 3 اسابيع
وبرضو ربة منزل

صحيح متل ماقالت ام سنا اربطي بطنك احسلك والله بكرى بتتعذبي مابروح
الله يعيننا نحنا الامهات ويحمل معنا
ان شاء الله ناوية اربطه لإنو اللي بيشوفو بيفكرني حامل بالرابع ولا بالخامس :-#
صحتين عالبامية
ع قلبك حبيبتي :L:
انا عملت منزلة باذنجان

صحة وهنا يارب
/QUOTE]

الدمشقية;16049718:
تسلمي يارب الله يعافيكيF:
الله يسلمك :L:


يالله عن جد صدفة حلوة :thumbs_up: الاتنين حمل يعني ههههه ونفس اليوم ياسلام بس مين اكبر ياحزرك هههه
زوجي مواليد 72 الله يطول عمره يااااااارب يااارب :adore: :cool:

الله يخليكم لبعض يارب
انا جوزي 78

الله يخليلنا اياهم يارب


بس والله معزورة انك تنسي ههههه يعني تعب الولادة والخلفة بعد 7 سنين اسم الله عنك اكيد مو سهلة

اه والله الله يعيني ويساعدني :'(

انتي عمليلو بارتي متل ماقالوا ولادك وجيبيله الهدية او وصي حدا عليها وساويلوا الحفلة
وحاولي تلاقيلك كم عذر هههههه ... هو اكيد بقدر

هو عارف :o لإني عمري مانسيت بس الظاهر كبرت مع آخر حبل هههههههه
وناوية اعوضه اياها ان شاء الله

وان شالله مجد يتربى بعزكم يارب

يخليلي اياكي يارب ويحميلك اولادك

يالله والله تعبتي بهالولادة ان شالله اجر وعافية يااارب والحمد لله على سلامتك

الله يسلمك يارب وما يحرمنا الأجر
بس ماقلتيلنا شو شعور ولادك بالضيف الجديد :rolleyes: وعم يساعدوكي ولا عم يغاروامنه
الله يحميه ويحميهمF:
ويحميلك ولادك يارب
والله عاملينو لعبة ههههههههههه:lol: بس الصغير بيغااااااار كتير منو
ولازم الغيرة مهما كان العمر

وهنا وعوافي على البامية اليوم عملت فيليه دجاج وبطاطا وسلطة

صحتين وهنا يارب

سورية وبفتخر;16050910:
تعالوا شوفوا مبارح من طفشي شو سويت شي الساعة 11 بالليل
طلعت طريقة الكرواسان من النت وبلشت واكلناه الساعة وحدة هههههههههه







وحشيتهم شي زعتر وشي جبنة بيضة مع نعنع وشي جبنة شيدر
وهي صورة من قريب

امممممممممممممممم

يمي يمي
يسلمووووو هالإيدين يارب

:L:

صحة وهنا يارب

سورية حرة;16051235:
مسالخير
لوتشوفو شوعملت بنتي مبارح
رحت عالسوق واخيرا مبارح
وجبتلو هدية لزوجي بجاما مشان عيد ميلادو
وصلت عالبيت وخبيتها وهي ماشافتني
ماشالله عليها بعد شي ساعة جابت الكيس لابوها وقالتلو شوف ماما شوجابتلك:rolleyes:
نزعتلي المفاجئة:lol:

مسا الورد :L:

هههههههههههههههههههههههههه يسلملي ألبها يارب :adore:

الله يحميها يارب

روح عامر;16051598:
والله اليوم اكلتها رعبة
رحت عالمطبخ عم حضر اكل لسنا ونسيت انها عالتخت لحالها ووقعت من عالتخت الحمدلله
رب العالمين حمالي ياها وماصابها شي بس ياقلبي اكلتها رعبة قوية هي تبكي وانا ابكي كان بدنا صورة
بس بعدين اجا زوجي وطالعنا من البيت وحطني بالمول وراح على شغلو انا بتسوق لحالي لبين مايجي صحيح لحالي بس بغير جو
الحمد لله على كل حال

:I: الحمد لله ع سلامتها

ديري بالك واستودعيها دايما

الله يحميها

.............
ويالله ولا البلاش طلعة لحالك احسن من القعدة بالبيت

الدمشقية;16051794:
:o:o:o








ادعولي صبايا ربي يتمملي على خير ويرزق ربي كل محروم عاجل غير آجل

ألــــــــــــــــــف مــــــــبــــــــــروك حبيبة البي :)

مــــــــــــــــــــــــبــــــــــــــــــــــارك

والله يقر عينك بولادة ميسرة وطفل معافى كامل يــــــــــــارب

والله فرحتلك من كل قلبي :L:

سورية وبفتخر;16054226:
كيفكم صبايا اشتقتلكم كتير الحمدلله مبارح ساوينا عمرة وكانت متعبة لأنه ماشاء الله الحرم ملياااااااااااان ولأنه معنا تيتة على الكرسي خلونا نطوف فوق بس والله انبسطت فيها ووهبتها على نية الله يفرجها على سوريا ويصلح الاحوال فيها
دمشقيتي ربي يتمملك على خير ويجعل ولادتك ميسرة يااااااااارب
ام سنا الف سلامة عليها لسنا ربي يحميها وفعلا متل ماقلتي الشغلات يلي بتساويها على فجأة بتزبط وبرافوا عليكي ماقصرتي رحتي وغيرتي جو انا مابقدر روح على سوق اذا ماكان جوزي معي لأنه اولادي بيجننوني

كيفك ام فيصل هيني اجيت ههههههه والله شوفت الكعبة مابتتفوت ربي يطعمها لكل مشتهي وماشاء الله عم تنزل المطر عندكم الله يبعت الخير يارب والله نحنا هالسنة ماشفناها

هــــــــــــــلا يــــــــــا حبيبتي

مـــــــــبــــــــــارك العمرة والله يطعمني اياها انا وكل مشتهي يارب

وربي يتقبل منكم F:

مرحبا كيفكم ياحلوين شو عاملين؟؟
حبيت اسأل عنكم وادعي للأهل بسوريا الله يفرجها عليكم وتهدى الاوضاع عندكم

صبــــــــــاح **** مـــــــســـــــاء الورد

سامحوني بغيب عنكم

بس والله الولد مابنيمني

وبضل يستفرغ كل اللي ببطنو

تقريبا كل ليلة

مابعرف شو ساوي ؟؟؟

الدكتور حكالي لا تعطي اعشاب ابدا ولا أدوية

انتو شو كنتوا تسوو مع أولادكم ؟؟

والله تعبت تنظيف وقلة نوم .....

اهلين فيصل سلامة قلبك والله لازم تريحي حالك وحتى لو ماعم يجيكي نوم اغصبي على حالك واشربي قبل النوم كاسة لبن ولا تنامي بالنهار يالله ربي يقويكي ويشفيكي

هلا نبوعة لاتخافي مو عتبانين عليكي الله يكون بعونك ويعينك على الغيرة هههههههه يالله مجودة هلأ موداري عن شي اهتمي بالتانيين وصحة وهنا على قلبك هاد من بعض ماعندكم
والله يبارك فيكي عقبال ماتحجي ان شاء الله انتي وكل مشتهي وابنك متل هدى والله كانت تعبيني استفراغ الله يكرمك وكل فرض اصليه كنت اغير ملابسي بس والله ماساويتلها شي لحاله وقف لما كبرت شوي

اهلين نبع الحبF:
كيفك شواخبارك
الله يخليلك ياهن يارب
وانت عمرك صغير كمان مافي فرق بيناتنا
الله يحمي ابنك والله انا ماعندي فكرة
بس بنتي لما كانت تاكل عين من حدا تضل هيك يومين استفراغ حتى لو شربت مي
الله يعينك يارب

وبالنسبة للنوم خليها ل الله
والله كل مابتغمض عيني بشوف احلام عن اهلي ومابرجع بنام

بقى مامنرتاح حتى الله يخلصنا من هالظالم
الله يفرج يارب
تشرفت بمعرفتك F:

اهلين فيكي سوريةF:
والله عم حاول بس نام بحلم باهلي بفيق وبضل خايفة
لهيك ماعم نام
الله يسلمك
الله يفرج يارب

هلا ام فيصل يعني لماتحكي مع اهلك عم يقولولك انه فيهم شي او قدامهم شي لا تخافي سلميهم لله واستودعيهم عنده واحمدي الله انه اهلنا ساكنين بنص الشام وماعليهم خوف بإذن الله والله اهلي دايما بيتصلوا علينا وبيطمنونا وبيقولوا لاتخافوا علينا والله موصاير علينا شي وبيروحوا وبيجوا بقى حاولي تريحي حالك وخلي املك بالله كبير

سورية وبفتخر;16058042:
هلا نبوعة لاتخافي مو عتبانين عليكي الله يكون بعونك ويعينك على الغيرة هههههههه يالله مجودة هلأ موداري عن شي اهتمي بالتانيين وصحة وهنا على قلبك هاد من بعض ماعندكم
والله يبارك فيكي عقبال ماتحجي ان شاء الله انتي وكل مشتهي وابنك متل هدى والله كانت تعبيني استفراغ الله يكرمك وكل فرض اصليه كنت اغير ملابسي بس والله ماساويتلها شي لحاله وقف لما كبرت شوي

F: الله يسعدلي اياكي يارب

وانا هيني عم حاول اعطي الكل حقه وادلع الكل :)

ان شاء الله الله يكتبلي عمرة قريبا

الله يحميلنا هالولاد مابيكبروا الا وحنا معفنين:worn_out:

سورية حرة;16058259:
اهلين نبع الحبF:
كيفك شواخبارك
الله يخليلك ياهن يارب
وانت عمرك صغير كمان مافي فرق بيناتنا
الله يحمي ابنك والله انا ماعندي فكرة
بس بنتي لما كانت تاكل عين من حدا تضل هيك يومين استفراغ حتى لو شربت مي
الله يعينك يارب

وبالنسبة للنوم خليها ل الله
والله كل مابتغمض عيني بشوف احلام عن اهلي ومابرجع بنام

بقى مامنرتاح حتى الله يخلصنا من هالظالم
الله يفرج يارب
تشرفت بمعرفتك F:

أهلين حبيبتي

الله يزيدك شرف يارب

والله يحميلك ولادك F:

انتي اهلك وين بسوريا؟؟؟

وان شاء الله الفرج قريب

الله يجمعك بأهلك ع خير وأمان وانتوا جميعا بخير يارب

سورية حرة;16057435:
صباح الخير جميعاF:
كيفكن شو اخباركن

والله اشتقتلكن كلكن
اسفة غبت عنكن بس كنت تعبانة شوي :sick:

.................
اهلين دمشقية كيفك اليوم وكيف ولادك وكيف الحمل الله يتمملك ع خير يارب



F:F:F:F:F:F:

هلا هلا الف لا باس عليكي وسلامة قلبك يارب ماتشوفي الشر
الله يكون بعونك يارب وربي يطمنك على اهلك وان شالله بتنامي قريرة العين مرتاحة يارب

والحمد لله انا بخير شوي تعبانة بس مابعرف يمكن لاني نسيت الحمل ونسيت همه
هههه الله يتمم على جميع الحوامل على خير ويطعم ربي كل محروم يالله

سورية وبفتخر;16057470:
يسعد صباحكم
هلا دمشقية شايفة نحنا مو مخليين دور لحدا :D
ايه والله قربت الصيفية اللهم آمين
وقولتك منكون مصحصحين ومنه بحط الاولاد عند ابوهم وصحة وهنا عالفاصوليا وفعلا الله يعينك بدك تفكري كل يوم شو تساوي الكم وشو تساوي اله اما زوجك روح قلبه هالاكلات ستي بعين الله

هلا سورية يسعد اوقاتك
ترى زوجي قللو لزوجك انو احتمال اوديهم على السوق بقى زوجك عنده علم بالروحة

ويالله ابقي خبرينا شو بصير معك بالاجتماع المهم ههههه
وهي زوجك انضم للنادي لنشوف شو راح يخسسو :cool:

نبع الحب;16057821:
صبــــــــــاح **** مـــــــســـــــاء الورد

سامحوني بغيب عنكم

بس والله الولد مابنيمني

وبضل يستفرغ كل اللي ببطنو

تقريبا كل ليلة

مابعرف شو ساوي ؟؟؟

الدكتور حكالي لا تعطي اعشاب ابدا ولا أدوية

انتو شو كنتوا تسوو مع أولادكم ؟؟

والله تعبت تنظيف وقلة نوم .....

هلا وغلا يسعدلي اوقاتك ياارب نبوعة
الله يقويكي يارب والله انتي على راسنا من فوق ونحنا مامنعتب بس منشتاق والله
واهم شي تعتني بحالك وتتغذي منيح منشان مجد بيك الله يحميه
ومنشان تقوي لولادك وزوجك:cool:

والله يخليلك زوجك يارب يعني زوجي اكبر هههه ياستي الله يقويهم ويخليهم النا يارب
ويخلينا الهم
واكيد بتعوضيله الحفلة انتي قدها وقدووود ماشالله عنك

بتعرفي اول مرة بعرف انو ماعندك بنوتة هههه فكرت انتي متلي ولد وبنت
اسم الله الله يخليلك الشباب ويحفظهم ربي من كل اذى

بخصوص مجد والمراجعة والله مافي حل بس يكبر شوي بتخف المراجعة ممكن ناس تقلك بدو رفع سقف الحلق ومدري شو من هالخرابيط لا
تردي على حدا اغلب الاطفال بيراجعوا بكثرة وبس يكبرو بتخف وبتنتهي المشكلة
انتي بس دشئيه بقصد يتجشئ ههههه بالضرب الخفيف على ضهره بعد كل رضعة والله يحميه ويعينك

وتسلميلي حبيبة قلبي ربي يبارك بعمرك ويخليكي يارب
وامين الله يسمع منك وربي يرزقني السلامة والخلقة التامة يارب
وربي يفرحك باحبابك يااارب F: