جمعتنا ولمتنا السورية مع احلى رفقة أردنية لشهر جمادى الاول1432... اتفضلوا صبايا

صباح الخير
هلا نبوعة الله يسلمك وان شاء الله بتشوفي اولادك بأعلى المراتب وبتفرحي فيهم
وربي يطعمك زيارة الحرم ومايحرمك
وايه والله الاولاد بيبهدلوا امهم عنا متل بيقول كول مع ام الولد ولاتماشيها لأنه بالاكل الناس يلي معاها بياكلوا اكتر منها اما بالمشاوير بتتبهدل على ماما بدي حمام وياعيني لو كنتي بسوق وحملتي مجودة افندي وعباكي استفراغ من طرحتك لرجليكي هههههههههههه ياسلام انا ياما صايرة معي :( بقى عشان هيك ماحدى بيحب يمشي مع ام الولد

هلا دمشقية واوقاتك ياربي ايه كتير منيح يعني زوجك وفر عليي كتييييييييييير :lol:
وايه اكيد رح خبركم لنشوف شو مجهزيلنا خخخخخخ
ووالله جوزي مبارح ملابسه مي بينعصروا والمقعد يلي كان قاعد عليه جوزك كله مي ماقدرت اسند ظهري وانا قاعدة ههههههههه ان شاء الله يطلعوا بنتيجة

اهلين سورية
لاوالله الحمدلله هنن مو صاير عليهن شي
بس انا خايفة مابعرف ليش
موبس عليهن يعني محروق قلبي ع كل الناس
والصراحة ماعم اقدر غمض عيوني عن اللي عم يصير بكل هالناس
الله يفرج عنن يارب

اهلين فيكي نبع الحب
شواخبارك
ويخليلك ولادك يارب
انا اهلي بدمشق وتحديدا بالمهاجرين
الحمدلله مافين شي
الله يحمين ويحمي كل اهل سوريا يارب

اهلين دمشقية
الله يسلمك يارب وانت ماتشوفي شر ان شاء الله
ويتمم حملك ع خير
امين الله يطمنا عنن يارب

اهلين ام فيصل الحمدلله يلي اهلك مافيهم شي ووالله كلنا قلبنا عندهم يعني صحيح منضحك ومنروج ومنجي بس في غصة كبيرة ومو طالع بإيدنا غير ندعيلهم ولاتخافي الهم رب مابينساهم وهو احن مني ومنك على عباده
شو طابختيلنا اليوم ؟
انا رح قضيلهم ياها شوربة عدس وبطاطا مقلية وبواقي

اهلين فيكي
ايه والله صح كلامك قد ماضحكنا بس الحزن بقلبنا
ان شاء الله صحتين وهنا
انا عملت مقالي تفضلي:)

سورية وبفتخر;16059081:
هلا دمشقية واوقاتك ياربي ايه كتير منيح يعني زوجك وفر عليي كتييييييييييير :lol:
وايه اكيد رح خبركم لنشوف شو مجهزيلنا خخخخخخ
ووالله جوزي مبارح ملابسه مي بينعصروا والمقعد يلي كان قاعد عليه جوزك كله مي ماقدرت اسند ظهري وانا قاعدة ههههههههه ان شاء الله يطلعوا بنتيجة

هلا يسعدك اوقاتك سورية
اي وفر عليكي الشحاتة من زوجك ههههه لنشوف بس منروح ولا كلام :D
اي مساكين هالكهم المدري ركض وتمارين يالله ان شالله يفيدهم يارب ... يعني فتي على السيارة وعملتي افووو خخخخخ

وصحتين على الشوربة
صحيح الكنزة تبعك مو حلوة ابدا تحتها جنز ماعجبتني شكلي راح اجبلها بنتكور نحاسي من لون الشك اللي فيها بتطلع احلى بكثير ... شورايك؟
وطقمي ابدا ماعجبني شكلي راح خليه للاشهر الاخيرة ههههه

سورية حرة;16059473:
اهلين دمشقية
الله يسلمك يارب وانت ماتشوفي شر ان شاء الله
ويتمم حملك ع خير
امين الله يطمنا عنن يارب

الله يسعدك يارب ام فيصل وربي يفرج همك وهم الجميييع يارب
وتسلميلي الله يسعدك يارب
وانا متلك اليوم عاملة مقالي ههههه
متبل وبيتنجان وزهرة وبطاطا وهوت دوغ ولزوجي عملتله فيليه دجاج مشوي بما انه عم يعمل ريجيم :cool:

باقي الصبايا وحشتونا والله
ان شالله يارب تكونوا بالف خير

السلام عليكم ومساء الخير لكل اللي موجودين بالشات

اتمنى تقبلوني معكم

انا تغريد فلسطينية مولودة بالاردن وحاليا متزوجة وعايشة بالسعودية تحديدا بجدة

حابة كتير اتعرف عليكم واتسلى معكم

هلا وعليكم السلام ورحمة الله وبركاته
اهلين باختنا ** فديت عطره ** يسعد اوقاتك يارب
اكيد منقبلك اخت وعزيزة ومية اهلا وسهلا فيكي ...

انا ام محمود ومقيمة كمان بجدة ومتزوجة وعندي محمود وشام وزوجي فلسطيني هههه
انتي متزوجة ولا لساكي بنوتة ؟؟

صباح الخير والفل والياسمين للصبايا الحلوين
اشتقتلكون كتير ان شاء الله تكونو كلكون بخير
انا صرلي يومين نفسيتي كتير تعبانة
قربت وقت الامتحانات وصار لازم قرر انزل على سوريا او لأ
بس بالجامعة وبالأخص كليتي فيها مشاكل كتير يعني ماحدا عم ينزل يداوم
ااهلي وزوجي تاركين القرار الي
وانا كتير عاصصني قلبي ومابعرف ليش
مع اني كنت كتير متحمسة بس مابعرف ليش هالديقة بصدري
وانا كمان اكلة هم النزلة لحالي وبنتي ماعاد احسن احملها
حاسة انو رب العالمين غضبان علي بدراستي وماعم يسرلي هالمادة
استغفر الله العظيم وأتوب إليه
الحمدلله رب العالمين ع كل حال والله يسر الخير
قولولي شو اعمل؟؟؟

صباح الخيرات والليرات
هلا ام فيصل ربي يشرح صدرك ويبرد قلبك على اهلك يارب وانتي صحة وهنا عالمقالي شو متفقة انتي ودمشقية :lol:

اهلين دمشقية خانم هلأ كنت بسيرتك خخخخخخ بعدين يالله تعي اركبي على ضهري لأنه جوزك قلو لجوزي :D عم امزح وايه والله ان شاء الله يستفيدوا ويروحوا الكرش على الاقل
وبالنسبة للكنزة حلوة فكرتك ليش لأ وطقمك خليه للاشهر الاخيرة وان شاء الله يدخل فيكي ساعتها ههههههههههههههه
ياستي رحت على الاجتماع وكان حلو مابه شي عملولنا محاضرة عن التحرش الجنسي للاطفال كتير حلو ومفيد وبعدين صاروا يحكوا بحفلة التخرج وسألت الابلة عن جودي كيفها معها وكتير مبسوطة منها قالتلي شاطرة وذكية وخطها حلو يعني الحمدلله ورجعت على ال9ونص وطبعا كل اولادي مع ابوهم

اهلا وسهلا بالاخت بالتغريد اتشرفنا بمعرفتك نورتينا واكيد منقبلك اخت النا انا ام عبدالله وبكون اختها للدمشقية ام محمود وكمان عايشين بجدة وعندي جودي تمهيدي عمرها ست سنين الا كم شهر وعبودي تلات سنين وهدى سنة وعشر شهور وزوجي يمني وشو كمان ههههههه

اهلين ام سنا الله يسعد اوقاتك يارب والف سلامة عليكي والله يكون بعونك على هالشغلة والله صعبة بس اذا عم تقولي انه كليتك فيها مشاكل وماحدا عم يداوم وانتي مو مرتاحة انا برأيي بلا نزلتك ولاتنسي انه بنتك صغيرة واذا حابة صلي صلاة استخارة وشوفي اذا بترتاحي ولا لأ ربي يسرلك الخير

صباح الخير يا حلوات

ام محمود وام عبدالله ماشء الله عليكم منيح انكم مع بعض بالغربة بتونسو بعض ياريت خواتي عندي

حبيبتي انا متزوجة ابن خالي وابن عمتي صارلي 9 اشهر تقريبا ماعندي ولاد لسة

روح عامر الله ييسر امورك

انا بقول استخيري وربي يختارلك الافضل

تغريد الله يسلمك يارب ويخليلك احبابك ايه والله مونسين بعض وحتى زوج ام محمود بيكون خاله لزوجي
ربي يخليكم لبعض انتي وزوجك يعني انتي لسى جديدة عالغربة الله يكون بعونك ويصبرك مافي اي حدى من اهلك بجدة ؟ وان شاء الله ربي يطعمك الخلف الصالح عن قريب

حبيبتي انشالله بتسلميلي

اهل زوجي موجودين وهم بيقربولي بس بتعرفي بيضل الاهل غير

مهما كانو اهل الزوج مناح ما بتقدري تاخدي راحتك عالاخر

شو بدي قول خليها لربك

والله يخليكم انتي واختك لبعض

ربي يسعدك وايه والله الحق معك بس شو نساوي هاد نصيبنا الحمدلله انتي بتنزلي بالاجازة لعند اهلك او هنن بيجو لعندك ؟ وانتي ساكنة مع بيت حماكي وان شاء الله مافي مشاكل بيناتكم
وتسلمي يارب ويخليلك اهلك واخواتك